Wolves, hybrid, and incubus.
***
Hindi akalain ni Jackie Jane na makukuha nito ang atensiyon ng isang nilalang na sa libro lang nito nababasa. Hindi naniwala ang dalaga no'ng una dahil wala rin na...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Wrath
MAHIGPIT na tinakpan niya ang dalawang tainga. Puro palahaw ang kaniyang nasa paligid. Lumuluha siya sa takot habang pinagmamasdan ang nasusunog na isang hindi kalakihan na barko sa hindi kalayuan.
Nasa dulo siya ng pangpang. Nakayapak at nilalamig dahil basang-basa siya. Mas lalo lumakas ang mga iyak na kaniyang naririnig sa paligid.
Sa tabi ng barko ay ang ilang maliliit na bangka. Kitang-kita niya ang nangyayari. Natakpan niya ang bibig sa gulat. Napaatras siya lalo sa takot.
"M-mga sirena? S-ilas?!"
Ano ang nangyayari?
Lumingon-lingon siya. Hinanap ang binata. Natagpuan niya itong nakagapos habang hinihila mula sa maliit na bangka.
Hindi lang ang binata ang kaniyang naabutan dahil may ilan pang mga sirena at sireno siyang nakita. Napabagsak siya sa buhanginan.
What is this?
Itong nakikita niya. Kitang-kita niya. Masasabing ito ang araw na hinuli sila Silas ng mga tao nasa carnival. Binalik niya ang tingin sa nasusunog na barko pati na rin sa maliliit na bangka.
"S-silas!" nagawa niyang isigaw ang pangalan nito ngunit hindi ito lumingon sa kaniya. Maski ang mga tao at ilang naroon ay wari bang hindi man lang siya narinig.
Nanginginig man ay sinubukan niya tumayo. Unang subok niya ay natumba lamang siya. Sa pangalawa niyang tayo ay ganoon ulit. Mas lalo nanginginig ang kamay niya at binti niya sa pangamba at pag-aalala.
Pinusan niya ang luha at sinubukan ulit. Sa pangatlo niyang subok ay nakatayo na siya. Nahihirapan pa rin pero kinaya niyang tumakbo patungo kung nasaan si Silas.
Umiiyak siya nang makalapit dito. Sinubukan niya hawakan ito pero tumagos lang ang kaniyang kamay. Ilang ulit niya ulit sinubukan ngunit katulad nang pagbagsak niya kanina ang pagtagos ng kaniyang kamay kay Silas.
Tuluyan na siya napaupo sa buhangin nang naubusan na siya ng lakas. Lalo pa nang tuluyan na itong nakuha at inilagay sa isang malaking aquarium.
Kung saan niya una itong nakita.
Tulala siyang pinagmasdan ito. Nagtataka kung bakit hindi niya ito mahawakan man lang. Ilang minuto siya naroon sa kawalan. Nakaupo at lumuluha habang dinadaanan lang siya ng mga tao na may bitbit sa lahi ni Silas.
Ang bilis nangyayari sa paligid niya habang siya ay para bang naka stuck sa sarili niyang time zone. Walang magawa sa kaniyang mga nasasaksihan.
