أكون او لا أكون

مشهد

#أكــون_او_لا_أكــون

#بقلم_بتول_حسين
حساب الانستا 7bt_5

#مشهد

--------------------------***---------------------------

المشهد الاول

گعدت الصبح راسي كلش يأذيني لان البارحة بچيت هواية ولو ماعندي امتحان اليوم ما اداوم گمت بدون اي نفس غسلت وجهي وبدلت ملابسي وطلعت من غرفتي اهلي گاعدين بلمطبخ يتريگون ماباوعت بوجه اي واحد صبحت عليهم ومشيت

:: تعالي تريگي البارحة نمتي بدون عشه وهسه راح تطلعين بدون ريوگ ميصير هيج يا ماما تعالي اگلي لا تسوين هيج

:: اتأخرت عندي امتحان باي ،،، طلعت من البيت والدموع بطرف عيوني سمعت صوت اخوية يصيح

:: شنو تروحين وحدج تعالي يمعودة

:: اي اريد اروح وحدي عوفوني بحالي عاد ،،، مشيت واني امسح بدموعي الطريق طويل ماعرف شلون خلص بسرعة بسبب تفكيري

ردت ادخل للمدرسة سمعت صوته يصيح بأسمي كلش اشمئز من صوته شلون راح اعيش ويا ياربي صبرني ،،، غلست وكملت طريقي اباب المدرسة ونسحبت من ايدي

:: ولج شنو طرشة مو صحت عليج ليش غلستي من هسه ماعندج احترام ترا اني مو ابوج واعاملج مثل ميعامل امج اني ادفنج وحق الخلقج فهمتي اصبريلي غرورج هذا ادمره ألج واخليج خدامة جوه رجلي ورجل اهلي

:: انصدمت من كلامة واسلوبة ماگدرت انطق اي كلمة تبسمرت بمكاني اباوعله بصدمة گلبي جان حاس بهذا الشي گلبي جان رافضة احساسي مستحيل يخيب وهذا الحسيت بي طلع صح

--------------------------***---------------------------

المشهد الثاني

:: شفت اشكال واصناف هيج حيه مثلج ماشفت

:: من عاشر القوم اربعين يوماً صار منهم مدري مثلهم ،،، والله واني هم مشفت مثلكم صنف نادر انتم ومنقرض

:: هاي على أمي لج

:: لا عليكم كلكم والمزعوج مني يتفضل يطلع خلي اكمل الفلم

:: يجي زوجج واخلي يربيج اصبري وبعدين زعطوطة انتي تباوعين افلام كارتون

:: خفت والله هو انتي ربي ابنج بلبداية وبعدين خلي يربيني براحتة مخليته دايح ويا بنات الناس ومايحترمج ولا يحترم اي واحد بيكم حيل والله تستاهلون ماعرفتو تربون تخلفون وتشمرون على بنات الناس

حتى سديتو نفسي من الفلم اروح انام ومن تتعشون صيحيلي

--------------------------***---------------------------
المشهد الثالث

:: دخلت للمطبخ واني امسح بدموعي وهيه واگفة على الطباخ تضحك غسلت وجهي باوعت كومة مواعين ياكلون سم ان شاء الله بس اني اعرف شلون اخليها تبطل من هاي سوالفها

جان عندي ام بي ثري زغير بس كلش عالي رجعت للغرفة اخذته ورجعت للمطبخ سرفنت رداناتي وضليت اغير الاغاني طلعت اغنية نانسي عجرم الدنيا حلوة واحلى سنين وصرت اغني وياها واغسل مواعين

كل شوية واحد داخل للمطبخ يدردم ويطلع واني ولا بحالهم وهيه كلش داخت ضلت تصيح تعال رد مرتك لو بس گادر علينا واني مطنشة ماحسيت غير صوت تكسير قوي واختفى صوت الاغنية

:: انعل عشيرة مرتي لا عشيرتكم اريد ارتاح وتالي وياكم وانتي شنو هذا الاستهتار

:: اني متعودة هيج اغسل المواعين وكل شغلي اخلصة هيج شعليكم بيه مو تريدون انظف وصخكم ،،، تقرب مني رفع ايدة لزمتها بسرعة دفعني رجعت على الكاونتر ووگعن مواعين كومة امه مصفطتهن على الكاونتر

ماهتميت گتله سويتها مرة وسكتت اذا تنعاد مرة ثانية راح اوصلها لأهلي وتعرفني كلش زين لا طايقتك ولا طايقة اهلك و لا هاي العيشه لخاطر ابوية اني هنا

:: الله اكبر هجمتو المطبخ لج كلج بگد الفصمة وهيج تحچين ويا رجلج

:: باوعتلها وتقربت للسنگ كسرت كل المواعين الغسلتهن والبعدهن خليتهن طشار بلمطبخ هو واگف بمكانه بس يباوع وامه ضلت ادعي وتغلط عليه ،،، بكل مره تحاولين تجبريني على شي اني ما اريدة راح يصير نفس هذا الشي اتذكري كلامي باوعتله وگتلها وما خايفة لا منج ولا من ابنج

ضيفو القصة للمكتبة

لا تنسون التصويت ومتابعة الحساب

اشوفكم بخير