أكون او لا أكون

الـبـارت الـسـادس عـشـر

   

     #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـسـادس_عـشـر

تصويت قبل قراءة البارت ⭐⭐

بارت البارحة 4000 كلمة وكل بارت انزلة اني 3000 كلمة ورغم بارت البارحة طويل وكله احداث هواية اعترضتو وگلتو البارت قصير ونريد بارتين اني اتفقت وياكم بارت البارحة وبارت السبت اليوم ،،،  لهذا بارت البارحة اخذ مني 10 ساعات وهذا البارت 3000 كلمة استغرفت وقت بكتابته 7 ساعات شلون تريدوني انزل بارتين بنفس اليوم اني مو رجل ألي والله هههههه هسه شوفو الفرق بين بارت البارحة وبارت اليوم

________________★★★_______________

#نرجس

‏- لكنّني فقدت دهشتي بك، انطفأت رغبتي بك تمامًا، تمنيت أن تدوم طويلًا، حاولت دائمًا، حاولت طوال أيامي ألا تصبح عابرًا في حياتي.

#اديان

- إنني عاجز عن إنقاذي، أشعر أنني غريق بداخلي، أرى طريقًا مظلمًا وأنا الذي يخشى الظلام، ويعيش أيامه بقلق وبقلبٍ واثق من انكساره.

________________★★★_______________

اديان :: بعد متصلت بنرجس وفهمت كل شي گالت راح تطلع من المستشفى اليوم وقررت باجر اروح اشوفها بس بنفس الوقت اترددت ما اريد اشوف وليد او يشوفني المشاكل العندي تكفيني

بس ميصير اترك صديقتي وحدها وهي بهيج حالة لازم اضل وياها واسندها حتى تتخلص من هذا الحب الدمرها وسمم حياتنا كلنا حتى مسرة ما خلصت من مشاكلنا وهم اخذت نصيبها

اتصلت على مسرة حتى نروح سوه واخذني عباس اني ومسرة وما قبل نتأخر گال للعصر اجي ممنوع تگولن نبات يمها وافقنا اني ومسرة

جانت كلش متغيرة لان سقطت الطفل وبسبب النزف وجها جان اصفر احسها مو نرجس شخص ثاني لان بس ساكته وهادئة بشكل مو طبيعي صديقتي التافها سوالفها وضحكها اختفن

غير صفناتها كل شوية تصفن احسها عايشه بغير عالم مو ويانا بس عذرتها الصار وياها مو سهل نرجس نكسرت ونخذلت وصعب ترجع مثل قبل

حاولنا اني ومسرة نضحك وياها ونسولف بس هي متندمج ويانا ولا تسولف قبل منروح اني ومسرة ضلت تعتذر منا كلامها لحد الان اتذكرة لان صدگ جانت متندمة كلش لان عرفت امير وتزوجته وخربت حياة الكل بس مثل منگول قدر ومكتوب عليها تعيشه قسمة ومكتوبة ألها

نرجس :: بنات اعتذر والله ماجنت اعرف هيج راح يصير لو اعرف جان حضرته وما حچيت ويا ولا انطيته فرصة والله متندمة كلش اني خربت حياتي وحياتجن وحياة اخوية هم والله من اشوف وليد هيج واگفلي وناسي نفسة وگلبه المكسور بسببي كله بسببي