أكون او لا أكون

الـبـارت الـثـالـث والـعـشـرون

  #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

   
     يوزر وحساب الواتباد Batol99Hussein

#الــبــارت_الـثـالـث_والـعـشـرون

تصويت قبل قراءة البارت ⭐⭐

________________★★★_______________

تريد ترجع.. وين.. هم ماتدري وين
حافي گلبك والبداية مكسرة

الحيرة.. اذا بعيون اليحبك تموت
وين تدفن روحك بيا مكبرة ؟

________________★★★_______________

اديان : كل شي اتوقع منه مستحيل انسه اي شي سواه بيه وارجع اثق بي بسهولة گعدت تريگت بسرعة وبدلت ملابس الدوام واتصل عليه رقم ممسجل بجهازي رديت گال رافد منطي رقمي عرفته السايق ومنتظرني برا بسرعة لبست حجابي وطلعت من البيت

السيارة جانت گدام الباب وجان رجال بالاربعين او اكبر و وياي ثنين بنات صعدت بلسيارة وصبحت عليهم ماحچيت اي شي غير السلام طول الطريق يسولفن ويضحكن

تذكرت صديقاتي وتذكرت قبل كم شهر جنه نداوم سوه ومتونسات مجرد فترة قصيرة دمرت كل شي ،،، وصلت للمدرسة نزلنا اني والبنات وياي نفس المدرسة

دخلت واني استكشف المكان الجديد الراح اقضي بي اخر سنه ان شاء الله وبعدها اروح للجامعة المدرسة جانت كلش مرتبه وبنائها جديد

بس طول اليوم ضليت وحدي واني اباوع على البنات هنه وصديقاتهن ما حبيت اكو اي صداقة گلت اضل وحدي افضل واني ما راح اضل ويا رافد راح ارجع لأهلي ومحافظتي وصديقاتي اتحمل فترة ويخلص هذا الكابوس

مر اسبوع واني نفس الروتين اگعد الصبح ويا رافد نتريگ سوه هو يروح لدوامة واني لدوامي من ارجع اغسل ملابسي وملابسه وانظف الغرفة ولان بعد محد ادخل بيه وبس نظرات الحقد موجودة تجاهلتهم وعادي انظف وقت فراغي واغسل المواعين ودائماً عليه العشه

اما رافد صار يهتم بيه اكثر وجابلي ثلاجة بغرفتي ويرجع من الدوام وايدة متروسة علاليك حلويات او فواكه وصار يسألني عن يومي واني احچيله بلتفصيل شنو درست او اكلت وين گعدت ويا منو حچيت عن كل شي يسألني

وطول هذا الاسبوع ما طلع ويا اصدقائة ابد وهذا الشي كلش خفف عني التوتر وكثرة التفكير وقلت النوم وصرت ما ازعجة وعادي احچي ويا من يسألني عن اي شي ما ردت يصير عصبي ويرجع يسهر ويا اصدقائة ويرجع للبيت سكران

بس ما جنت متوقعة راح اتعلق بي واحبه صرت انتظر اشوفة واحچي ويا وجان يشاركني من ادرس ويشرحلي اذا شي صعب عليه وما عرفت