أكون او لا أكون

الـبـارت الـسـابـع والـعـشـرون ( هدية )

بارت هدية

    #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـسـابـع_والـعـشـرون

تصويت قبل قراءة البارت ⭐⭐

نزلت البارت ب 7 وربع بلواتباد ومن نزلته لحد الان اني اكتب بلبارت 27 وهسه الساعة ب 12 احسبو كم ساعة والله ما گدرت اتركم بدون بارت بعد القفلة التجلط ارد على رسائلكم وتعليقاتكم واسئلتكم وارجع اكتب

يله اتفاعلو ولا تروحون تعبي هيج والله تفاعلكم كلش قليل ههه والله اشك بنفسي اصير كاتبة بيها ستين حظ الكاتبات يخلن القفلة تجلط حتى تصعد القصة وتصير حماس واني اخلي القفلة تجلط وگلبي ما ينطيني اتركم بدون غش او بارت

________________★★★_______________

رافد يگول 💔💔

شكثر وصيتك
وكتلك مالي غَيرك
يا مَلاذي
وغيرتي
ولذة شَبابي
هنه بس انتَ وعيونك
چا بعد ياهم أحبابي ؟

________________★★★_______________

اديان :: جنت گاعدة على الجرباية وبأيدي جهازي متابعة فلم رعب ومندمجة وكاتمة انفاسي وفزيت من صوت الهلاهل بلبيت بسرعة گمت من مكاني وتركت الجهاز على الجرباية ولبست حجابي وفتحت باب الغرفة اريد اطلع للصالة

صار بوجهي بنية كلش حلوة عبايتها بأيدها ولابسة فستان مغربي ابيض وعمتي تضحك وتصلي على محمد انتبهت شابكة ايد بأيد ويا رافد وهو يضحك ويباوعلي بنظرة انتصار

ام رافد :: تعالي تعالي بنيتي سلمي على ضرتج الجديدة

اديان :: ابتسمت بأستهزاء ،، شنو صاير هنا

رافد :: تعالي حبي هاي زوجتي عقدنا وسوينا حفلة  وجبتها تتعرف عليكم وعليج انتي بلذات حتى تتفاهمن لان راح تعيشن بيت واحد

اديان :: اختفت ابتسامتي واني انتظر شوگت يگول گذب اشاقة بس ماكو واحد گال اي شي ورجعت عمتي تهلهل حسيت الارض تفتر ومو ثابته

غمضت عيوني بقوة ورجعت فتحتهن واني اشوف الشماتة بعيون عمي وعمتي ونظرة الانتصار بعيون رافد گلبي ماعرف شصار بي احس هوسة داخل گلبي وعقلي واحس نار مشتعلة بكل جسمي

رافد :: شبيج بس لا زعلتي مني ههههه مو قصدي ما اگلج گلت اسويها مفأجاة ألج

اديان :: سيطرت على نفسي وباوعت ألهم بثقة وابتسمت ،، لا على شنو ازعل منك ،،  شايف كل الخير وألف مبروك ألكم تمشيت ووصلت للبنية صار گدامي عبالة اسويلها شي