أكون او لا أكون

الـبـارت الـثـالـث عـشـر

#أكــون_او_لا_أكــون

#بـقـلـم_بـتـول_حـسـيـن

            للتواصل حساب الانستا 7bt_5y

        يوزر وحساب الواتباد Batol99Hussein

#الــبــارت_الـثـالـث_عـشـر

________________★★★_______________

جيت من درب العشگ مكسور خاطر
سحگو ، إسنين الموده
ومشو گليبي الوفي بسچة خناجر ...
سحگو اسنين الموده
وفرو إعليه الحزن داير مداير
كون اشگ گلبي واشوفك
چا گلت عفيه عليك شلون صابر

________________★★★_______________

اديان ::  قررت باجر من يطلعون ابوية واخواني اگولة عن هذا الموضوع واگولة دزيت سكرينات وصور لمسرة وحذفت المحادثة واخلي يفصخ الخطوبة بدون ميصير مشاكل بين ابوية وعمامي

وهيج ما افضحة گدام اهلي لان هو حلف بلقران وگال ما شارب واصدقائة مسوين مقلب بي ولان ما اعرف تفكير وحقارة رافد توقعت اني فزت عليه وكل شي خلص ،،، واي شخص بمكاني مستحيل يفكر هو راح يتصرف هيج

راسلته على الواتساب وگتله لا تروح باجر من الصبح انتضرني نتريگ سوه وبعدين روح بعدها نمت واني مرتاحة لان هذا انسب حل لا اكسر گلبه ولا يكسر گلبي ما افضحة گدام الكل ما اصير مثله هو گذب عليه وخدعني

گعدت الصبح غسلت وجهي وطلعت من غرفتي بسرعة حتى اشوفه راح لو بعدة بس امي گالت بعده نايم ،،،، سويت ريوگ واخذت الصينيه للاستقبال

اول مدخلت شفته متمدد على الفراش وبيدة جهازة ابتسم من شافني وگعد ،،، صباح الخير

رافد :: صباح العسل يارب تكون كل صباحاتي بوجهج هههه

اديان :: سكتت ما جاوبته راح يغسل واني خليت الصينية على الطلبه وسحبت الطبله بلنص ورحت صفطت الفراش واخذتهن طلعتهن من الاستقبال انطيتهن لأمي

من رجعت هو گاعد على التخم ومنتظرني

رافد :: تعالي خلي نتريگ حتى ارجع من وقت لان راح يصير الجو كلش حار

اديان گعدت بصفة وبدينا ناكل وثنينة ساكتين ،،، من خلصنا اكل اخذت الصينيه للمطبخ وغسلت ورجعت للاستقبال بلباب وگتلة عندي موضوع وياك مهم

رافد :: اي تعالي گعدي ليش شاردة

اديان :: گعدت قريبه عليه ،،، رافد انت كذبت عليه انت تشرب واني البارحة اتأكدت من هذا الشي فتحت جهازك وشفت كل محادثاتك وصورك والفيديوات

ما اعتقد تگدر تنكر بعد وانت حلفت گدامي وگدام ابوية متشرب حلفت بلقرآن كذب مستحيل اگدر استمر وياك ونزوج

جان هادئ وساكت بس يباوعلي بعدين گال

رافد :: ما اگدر اگلج ليش صرت اشرب بس اگدر اگلج اتركة اذا ازوجت ورتاحيت واني رايدج تدرين بيه شي اكيد اتركة شلون