أكون او لا أكون

الـبـارت الـرابـع

                  #أكــون_او_لا_أكــون

                 #بـقـلـم_بـتـول_حـسـيـن

            للتواصل حساب الانستا 7bt_5y

               يوزر وحساب الواتباد
               Batol99Hussei

#الــبــارت_الــرابــع

لا تنسون التصويت والتعليق ومتابعة الحساب

________>>><<<_______>>><<<_______

‏أتمنى أن يكُونَ حظي فِى الحياة جميلًا
وحنوناً مثلَ قلبي ، ألا أتعثر بالخيبات مُجدداً ، ألا أفقد عزيزاً
وأن تغمُرني بلُطفك دائمًا يا الله 💙

________>>><<<_______>>><<<_______

اديان :: ما نزوج بسرعة اريد فترة خطوبة يعني من اتخرج من السادس نزوج و حسب كلام بابا عن اهله انتم شوية طبعكم صعب يعني الاهل يدخلون بكل شي يخصنا اذا نتزوج لهذا اني ما اريد تصير مشاكل اذا ازوجنا اريد بيت وحدنا

رافد :: مثل متعرفين اني اكبر واحد ما اگدر اطلع بيت وحدي وماكو واحد يدخل بحياتنا وانطيج معلومة اهلي مموافقين على اختياري ألج بس ما وگفو بطريقي

اديان :: دقيقة دقيقة ابوية قبل لا تراقبني وقبل هاي المشاكل گال خطبوني عمامي

رافد :: اي عمي قاسم خطبج من ابوج رغم صالحناهم واعتذرت منه اني بس بعدة شوية زعلان وما قبل يجي ويانا

اديان :: وانت ليش خطبتني اذا ابن عمك رايدني

رافد :: وعمج هم مو بس  عمي اني گتلهم شفتها صدفة وراقبتها وبعدين عرفتها بنت عمي انعجبت بيها واريدها

اديان :: نرجع لموضوع البيت اذا مو بيت وحدي ما اوافق اعذرني

رافد :: لا تصعبيها ما اگدر اترك اهلي وبعدني ممكون نفسي ومتوظف مو مال اطلع بيت وحدي بس اذا صارت مشاكل او انزعجتي نطلع بيت وحدنا لان اني ما احب المشاكل والدوخة

اديان :: دراستي ما اتركها حتى اذا صار عدنا اطفال

رافد :: ما ادخل بدراستج سوي اليريحج

اديان :: الخطوبة بلعطلة والزواج بعد ما اتخرج من السادس

رافد :: هواي هيج

اديان :: لا مو هواي حتى اتعرف عليك اكثر يمكن منتفق ومنكمل

رافد :: لا تخافين نتفق ونكمل هم

اديان :: واثق كلش بنفسك اگلك هسه هاي الشخابيط ما ناوي تمسحها ،،، صفن بوجهي وضل ساكت فترة وبعدين گام وغمزلي وگال

رافد :: من نزوج امسحيهن انتي

اديان :: بعدنا حتى ممخطوبين لا تسولف وياي هيج

رافد :: اني ما اقصد شي منحرف بس ههههههه اذا انتي تفكيرج منحرف شسويلج

اديان :: صوتك يمعود هسه يگولون ليش هيج يضحك