أكون او لا أكون

الـبـارت الـثـامن

                

ضغطو النجمة قبل قراءة البارت ،،، ولا تنسون تشوفون ستوري الانستا  7bt_5y لان دائماً انزل ستوريات تخص الرواية

                  #أكــون_او_لا_أكــون

                #بـقـلـم_بـتـول_حـسـيـن

           للتواصل حساب الانستا 7bt_5y

     يوزر وحساب الواتباد Batol99Hussein

#الــبــارت_الـثـامن

هذا البارت اغلب احداثة عن نرجس راح تبدي هي تحچي عن حياتها بعد زواجها

________>>><<<_______>>><<<_______

الحياة لا تبدأ بالولادة بل بالوَعي ، ولا تنتهي بالموت بل بانطفاء الروح.

جبران خليل جبران🤍

________>>><<<_______>>><<<_______

رافد :: شنو ضايجة لان صديقتج ازوجت لا تضوجين اقل السنه وتجين يمها وتشبعين منها

اديان :: اخذت نفس گتله ،،، شلون راح اداوم وهي مموجودة تعودت عليها وهي خطيه راح تضل وحدها هنا اداوم

رافد :: ما عليها شي اكيد راح تكون صداقات هنا وبعدين منو يگول تكمل دراسة صديقي گال يمكن ميخليها تكمل دراسة

اديان :: فتحت عيوني مصدومة من كلام رافد يعني شنو صديقك ضحك عليها من گال ألها تكمل ليش ما جان صريح وياها من البداية مو من حقه هيج يتصرف

رافد :: يمكن هي متفقة ويا واذا ممتفقه اكيد ماكو شي يصير بلغصب راح يتفقون بينهم شعلينه بيهم حياتهم وبراحتهم

اديان :: انقهرت كلش على نرجس من البداية اني ما مرتاحة لخطيبها وان شاء الله اكون غلطانة ويسعدها
ضجت كلش وحچيت ويا بعصبيه بس اريد شي يبرد گلبي على صديقتي ماكو وخفت رافد يسوي هيج بعد الزواج

اريد اروح گوم يله ضجت كلش

رافد :: اعصابج

اديان :: گام وهو ضايج وامي تخزر بيه ،،، رحت سلمت على نرجس وثنينه صرنا نبچي بعد سلام طويل وحزين ابتعدت وتقرب رافد لصديقة امير يحچي ويا رغم مبين ضايج كلش

رافد :: اكسر راسك اذا اتأذيها بيوم لو تضوجها فهمت لان اديان تعتبرها اختها اذا تأذيها اطيح حضك

اديان :: ضلو يشاقون وبعدها طلعنا من القاعة

____________  »»»«««___________

نرجس :: بعد مطلعت اديان من القاعة رغم وجود امي وخالاتي يعني اهلي موجودين وامير الاختاريته يكون شريك حياتي بس حسيت بفراغ وكل هاي الناس الموجودة ما تترس هذا الفرغ

فزيت من صفنتي من امير اخذ ايدي بين ايدة

امير :: لا تضوجين وتخربين الليله علينا