أكون او لا أكون

الـبـارت الـرابـع عـشـر

   

    #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـرابـع_عـشـر

تصويت قبل قراءة البارت ⭐⭐⭐

________________★★★_______________

‏"أؤمن بأن الأشياء التي تحدث رغم كل شيء، رغم رفضنا لها وخوفنا منها ومحاولاتنا وحذرنا هي الأفضل، لأن الله قدّر، وقدر الله دائمًا خير."

________________★★★_______________

اديان :: الله ياخذك ،،، تقرب مني ولزم ايدي بقوة

رافد :: احترميني مو زعطوط گدامج

اديان :: كل شخص يفرض احترامة بتصرفاته وانت خليني ساكته افضل

رافد :: لا لا احچي ما اريد يضل شي بگلبج

اديان :: باوعت بعيونه بحقد ودفعته حيل ماعرف شلون هيج سويت بس رفعت ايدي وضربته بكل قوة امتلكها حسيت نار بگلبي وما تطفى لو مهما سويت

حسبي الله ونعم الوكيل بيك انت دمرتني انت ضيعتني ليش هيج سويت بيه ليش صرت اصرخ بصوت عالي الله ياخذك الله ينتقم منك الله يكسرك مثل كسرتي واكثر تقربت أله وهو واگف مصدوم ما مستوعب اني ضربته رجعت اضرب على صدرة

الله يجعل بگلبك اضعاف النار البگلبي هاي دعوة راح ادعيها بكل صلاة واهم شي بصلاة الليل لان الدعاء يكون مستجاب ادعي الله يحرگ گلبك باكثر شي تحبه وتخاف تفقدة

تقرب أليه ولزم ايدي وضغط عليها بقوة حسيتها راح تنخلع من مكانها بس  وباوعت بعيونه وما اهتميت ابد

رافد :: اني رايدج وما اريد اسوي شي اتندم عليه لا تستفزيني وتستغلين حاجتي ألج وتنغرين اكثر امشي نطلع منا لا اكمل البديت بي تعوذي من الشيطان واحترمي نفسج

اديان :: سحبني من ايدي وطلعنا من الشقة وما ترك ايدي أله دخلني للسيارة ،،، وبعدها صعد للسيارة وشغلها ومشه

ما طايقة وجودي ويا بنفس المكان احس اريد اتقيء مجرد احس بنفسه قريب مني اكره حتى الهوى الاتنفسه ما اگدر اوصف شعوري الاحسه تجاه رافد بكلمات الله اعلم بلنار البگلبي

رافد :: رتبي نفسج ما اريد امج تحس على شي ومثل مگتلج صيري حبابه ولا تفكرين هواي ولا تحاولين تلعبين وياي

واني توظفت بلبصرة ويمكن اذا تزوجنا اخذلج بيت هناك يعني منگعد ويا اهلي

اديان :: احلم احلم براحتك بس خلي احلامك بعيد عني يا حقير