أكون او لا أكون

الـبـارت الـتـاسـع

              

                #أكــون_او_لا_أكــون

              #بـقـلـم_بـتـول_حـسـيـن

         للتواصل حساب الانستا 7bt_5y

   يوزر وحساب الواتباد Batol99Hussein

#الــبــارت_الـتـاسـع

اضغطو النجمة قبل قراءة البارت + تعليق ومتابعة الحساب

*****************************

لم أتمنى الانتصار على أحد ، تعلمت منذ زمن طويل أن الانتصار الحقيقي ألا نؤذي مشاعر من نحب

*****************************

نرجس :: بعد كلام امي امير تخبل اليوم اول يوم ألنا سوه

امير :: عمه اصبري والله ما اضل اسبوع واطلع بس عيب گدام الناس شنو يگولون على نرجس ليش اول يوم عرسها رجعت لبيت اهلها لازم بيها شي

ابو امير :: خلي تروح ويا امها وطلگها ما نريد هيج جنه بيتنا من اول يوم شعلت البيت شعل اذا تضل هنا اكثر شنو راح تسوي

امير :: هاي انت ابوي والجبير هنا وهيج تحچي صدگ گذب گول يا الله شنو طلاگ

ابو امير :: اذا تحچي شي اتبرى منك ولك وحتى البيت والسيارة اشتكي عليك وارجعهن أليه

ام امير :: هي تعرف من البداية وين راح تعيش بعد شنو هذا التنعوص لو تعيش ويانا وبشروطنا وبأحترام لو تولي لبيت اهلها و ورقة طلاگها توصلها

ام وليد :: روحي ماما لمي غراضج كلهن هسه اتصل على ابو اديان يجي يرجعنا لان الطريق طويل اخوج يتأخر يله يجي لهنا

نرجس :: انصدمت امير اليصيح قبل شوية ويهدد سكت وما حچه بعد من موقف البارحة عرفته ما عندة شخصية او كلمة بلبيت

امير شو ساگت انت ؟

امير :: خلي نكبر عقلنا يمعودين ميصير هيج گدام الناس واحنا عرسان تعالي نرجس للغرفة

ام وليد :: الضاهر بنتي اختارت غلط روحي بسرعة لمي كل شي عندج يله لا توگفين هيج الرجال ينعرف من افعالة وزوجج يعرف اهله شنو وما طلع بيت وحدة من البداية حتى متصير مشاكل وتضل علاقتكم بأهله حلوة وبدون مشاكل

نرجس :: دخلت لغرفتي لان احنا طلعنا للصالة من اجه امير وابوه ضليت ابچي مصدومة معقولة ليلة زواجي خربت بسببهم وهسه بصباحية عرسي هيج يتصرفون شنو من بشر

واني اجمع بأغراضي وملابسي اسمع امير يحچي وياهم وابو و امه يگولولة من هسه لو تحترمن نفسها وتحترمنا لو خلي تولي لبيت اهلها وطلگها وهو يتوسل بيهم حتى يكبرون عقلهم

اخر شي صار عصبي ويغلط ويصيح و دخل للغرفة
گعد على الجرباية ومخلي راسه بين ايدة

امير :: نرجس بأول يوم تعوفيني هو هذا حبج أليه
ما تگدرين تتحملين كم يوم اقنعهم واطلع من البيت