أكون او لا أكون

الـبـارت الـخـامـس عـشـر

   

     #أكــون_او_لا_أكــون

          #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـخـامـس_عـشـر

                بااااااااررررررت طويل لعيونكم

تصويت قبل قراءة البارت ⭐⭐

________________★★★_______________

#نرجس

الصمت هو الصرخة الأقوى

________________★★★_______________

نرجس :: قويت نفسي ومشيت للغرفة بسرعة فتحت الباب هو جان واگف ويلبس وهي حاضنته وتبوس بي بس ثنينهم فزو من فتحت الباب واحد ابتعد عن الثاني

سديت الباب بسرعة ورحت للغرفة الثانية دخلت وقفلتها گعدت بلگاع دمعة وحدة ما نزلت مني ضليت صافنه بلفراغ وما نطقت ولا حرف الباب صارت تندگ بقوة وصوته يوصلني

امير :: نرجس فتحي الباب نرجس بس افهمج والله ساعة شيطان وهيج صار بلحضة ضعف مني تدرين بيه احبج وما اگدر اعيش بدونج

حبيبتي فتحي الباب بس نحچي والله بس نتفاهم وحقج زعلي شنو تريدين تسوين حقج والله ما ألومج بس اريد تعرفين الله يحبني واجيتي ما صار شي صدگيني

اول مدخلنا للغرفة انتي اجيتي للبيت گتلج لحضة ضعف اني اعرفها من زمان البنية واتصلت عليه حتى تجي للبيت واكثر من مرة رفضت بس بلحضة ضعفت كلش وگتلها تعالي وهيج صار بس صدگي مو الشي التفكرين بي

نرجس :: هو يحچي واني اضحك حسيت نفسي تخبلت بس اتوقعت اني بحلم وضليت على نفس الگعدة منتظرة يخلص هذا الحلم المزعج واگعد واحمد ربي حلم واكيد امير يحبني وتغير لخاطري مستحيل يكسرني ويخذلني لهاي الدرجة مستحيل يفكر يجيب وحدة لبيتي واني عروس جديدة صار سبع ايام ألنا سوه

لا لا هذا حلم اي اكيد حلم هسه راح اگعد ،،، جنت گاعدة واردد هذني الكلمات وكل فترة امير يدگ الباب ويحچي وياي حتى افتح الباب ومن ييأس يروح

انتظرت وانتظرت وانتظرت بس الحلم ما خلص وما گعدت ما اعرف شگد صارلي بلغرفة حسيت نفسي تكسرت من گعدتي هيج نزعت حجابي وبعدني بملابس الطلعة لان جنت بلدوام ومن رجعت هيج صار وما حسيت بأي شي بس كأنو الدنيا وكل شي بحياتي توقف

گمت من مكاني واني متكسرة سمعت صوت الأذان تمشيت شوية بلغرفة وبعدين فتحت الباب بهدوء طلعت للصالة انتبهت للساعة واستغربت الوقت طلعت للگراج من شفت الجو عرفت هذا أذان الفجر رفعت راسي للسماء وسحبت نفس بقوة وزفرته وغمضت عيوني ونزلن دموعي ودعيت لربي يطلع حلم كل الصار