أكون او لا أكون

الـبـارت الـسـابـع عـشـر

   

    #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـسـابـع_عـشـر

تصويت قبل قراءة البارت ⭐⭐

بنات تابعو ستوريات حساباتي الفيس والانستا اكو مقاطع ما اگدر انزلهن بلواتباد انزلهن ستوريات هم اوضح الاحداث وهم غش

________________★★★_______________

#نرررررررجس 💔💔💔

- لم أعد الشخص ذاتهُ، بدأت افقد شغفي في كل شيء، بدأت اشعر بالتعب في روحي، وكأنني شخصٌ آخر، افقد احلامي وأفقد نفسي.

________________★★★_______________

اديان :: وهم ما طولو الكل گعد يتعشة واني تركت المستحى واهم شي الاكل لازم يصير عندي طاقة للضيم المنتظرني عرفت شنو يقصد النذل وما راح اسكتله هاي المرة حتى ميگول ضعيفة

بعد متعشو تقدم الكيك والعصاير وبعدها رجعت لبست الكوت ورحنا لقسم الرجال يمكن نص ساعة الهوسة مستمرة والكل يرگص واني صافنه بغير عالم ولازمتني الرجفة بسبب التوتر والخوف من كلام رافد

بعدها كالو راح يزفونا للفندق ما ابالغ اذا اگول لو ياخذوني يدفنوني ولا يزفوني ويا المشخبط الله لا يوفقة ،،، وهم لزم ايدي بقوة وطلعنا سوه للسيارات ضلو يرمون باب القاعة خفت كلش من صوت الاسلحة وگلت لأمي تساعدني حتى اصعد بلسيارة

وضليت گاعدة بلسيارة ورافد ضل برا يرگص ويا اصدقائة وولد عمه وفرحان ان شاء الله متشوف الفرح بعمرك كله

بعدها صعدو بلسيارات وزفونا للفندق عبالي بس اني ويا نضل بلفندق بس طلعو اهله وعمامة وعوائلهم حاجزين خمس غرف بلفندق ويانا وبنفس الطابق

استعديت للمشاكل لان عرفت راح يصير بيه مثل نرجس بس اني مو نرجس الشخصيتها ضعيفة وخوافه اني اختلف ما اهتميت ودخلنا للفندق ودخلونا لغرفتها وامي بوستني وانطتني جنطة بيها ملابسي وراحت

ما انكر الخوف البداخلي بلعكس اعترف كلش خايفة ومتوترة بس هذا صار واقعي ولازم اكون قوية حتى اتخلص منه ،،، رافد طبك الباب بقوة وقفلها وألتفت عليه يغني ويضحك

رافد ::  فتحي يا وردة سدي ياورة فتحي يا وردة ،، هههه يا هلا بعروستي ومرتي ههههه شلونج بس لا خايفة

اديان :: شگد ما يستحي عبالة اخاف من يحچي هيج گتله ،، لا ليش اكو شي حتى اخاف ردت الزواج يتم وهذا الزواج تم وما رفضتك بس انسى اخليك تلمسني