أكون او لا أكون

الـبـارت واحـد وعـشـرون 21

   

#أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_واحـد_وعـشـرون

بارت هدية صعدت القصة  45 ألف بس كثرولنا تصويت

تصويت قبل قراءة البارت ⭐⭐

________________★★★_______________

ميهمني كبر الجرح
المهم من نفترك
ماتنكر احساني
واتغرب شما ردت
من ترد وكت الصلح
تلكاني وحداني
ماضي بحياتك صرت
وانت على كيفك بعد
تذكرني تنساني..

________________★★★_______________

اديان :: بعد زواج سحر البيت صار كله عليه هذا الشي مو مشكلة بس المشكلة تعاملهم وياي ومشاكلهم اتأثر عليه بلنهار بيت عمي وبليل يبدي التعذيب النفسي واني انظر رافد وادعي ميرجع سكران

وكل يوم يرجع سكران واضل گاعدة ما اگدر انام اضل اراقبه واتأكد نام بعدها ارتاح وانام بس 3 ساعات لان عمتي تگعدني من الصبح

اني ما ردت اسوي مشاكل اتحملت وسكتت گلت من يبدي دوامي اخفف الشغل عني وغصب عنهم يقبلون
وخلص اخر شهر من العطلة واني ما فاهمة شي من حياتي لا طلعت ولا تونست بلعطلة ولا عرفت الراحة شنو

طبعاً رافد جان يداوم يطلع من الصبح يرجع بليل جنت فرحانه واگول هسه يرجع تعبان وميطلع ويا اصدقائة بس ابد ميگعد بلبيت دائماً يطلع ومن يتواجد بلبيت يضل وراية دائماً وعيونه تراقبني

احسه يتهرب مني من يطلع من البيت مو بس من اهله قبل الدوام بيومين جنت بلمطبخ اسوي ريوگ وافكر اريد اروح للسوگ اليوم اشتري ملابس للدوام

دخل هو للمطبخ

رافد :: صباح الخير

اديان :: صباح النور ،،،، تتريگ

رافد ::  اي

اديان :: رتبت الريوگ على ميز الطعام وگعدنا نتريگ گتله ،،، اليوم اريد اروح للسوگ اشتري ملابس للدوام

رافد :: من ارجع اني اخذج

اديان :: ليش خلي اروح ويا امك

رافد :: گلت اني اخذج لا تخافين ما اتعارگ وياج اذا اتأخرتي اخذج وبراحتج اشتري ملابس

اديان :: تمام ،،، كمل ريوگ وطلع واني طلعت للحديقة ضليت ألعب بلمي شوية وبعدها غسلت الكراج ودخلت للبيت نظفت البيت وعمتي بعد متريگت خبزت هي بس الخبز عليها لان اني ما اخبز

وكل يومية مسوية مشكلة بس على الخبز واني اسمع واغلس بعد مخلصت كل شغلي سويت الغدة وگتلها لعمتي اليوم بس يرجع رافد من الشغل ياخذني للسوگ اشتري ملابس للدوام وطبخت فد مرة للغدة والعشه