#أكــون_او_لا_أكــون
#بـقـلـم_بـتـول_حـسـيـن
للتواصل حساب الانستا 7bt_5y
يوزر وحساب الواتباد Batol99Hussein
#الــبــارت_الـتـاسـع_والـعـشـرون_والاخـيـر
تصويت قبل قراءة البارت ⭐⭐
مساء الخير بنات البارحة نزلت ستوري و نشرت بحساب الواتباد بس لان اكو بعضكم ممتابع الحساب ما طلع يمكم واكو ردن على المنشور ،،، گلت راح اختم القصة بارت واحد ليش انزل بارت وتضلون تنتظرون اختصرتها ألكم النهاية بارت واحد
________________★★★_______________
الحب الـي يجـي بالتعـب مايروح بسهوله ♥️🔥
________________★★★_______________
اديان :: بعد مگلت موافقة امي اعتذرت من نرجس وام وليد وگالت ألها الموضوع صار يم عمامها لان ابن عمها رايدها بس يحچي وياهم ابوها ونرجع ألكم الجواب
كلش انقهرت من تصرف امي رحت لغرفتي وما حچيت ويا اي واحد بعد بس ثاني يوم الصبح اخواني وابوية ضلو يلحون عليه حتى اطلع واحچي وياهم
ومن طلعت ابوية جان رافض تصرفي وموافقتي على وليد وضحتله لو همام يضل اخر واحد بالعالم ما اخذة ما اريدة ولا اريد عمامي
ماعرف على شنو ابوية خايف منهم بيومها ماكو واحد راح للدوام و انتظرو بيت عمي حاتم يجون للظهر وصلو تغدو يمنا طبعاً ما طلعت وحتى ما سلمت على اي واحد
بعد الغدة بنص ساعة علت الاصوات بالصالة وصار كلام عني وميزت الصوت لهمام وعباس لبست حجابي وطلعت من الغرفة گلت السلام عليكم ورحت سلمت بس على عمي حاتم وعمي قاسم لان وياهم
همام :: اديان على اي اساس ترفضين ابن عمج وتوافقين على الغريب
اديان :: اعتقد الزواج مو بالغصب اني ما اريدگ تزوج رافد غصب عني وشفتو شنو صار بعدها اني موافقة على وليد
همام :: واني مموافق وراح ارجع انطيج فرصة ترتاحين وتفكرين بدون عناد
اديان :: تقربت لعمي حاتم وگتله عمي اترجاك ما اريد مشاكل اني تعبت كلش والله ولا تزعل مني طابت نفسي منكم ،،، عمي حاتم جان متفهم وگال ماكو واحد يغصبج وبراحتج
بس انصدمت من عمي قاسم صار يصيح عليه وگام يريد يضربني عباس وعامر ما قبلو على تصرفة همام يحچي شي و هو يحچي شي ويصيحون ويگولون لأبوية ما عرفت تربي بنتك اول شي رفضت جميل ابن قاسم وبعدين اطلگت من رافد وهسه رافضة همام على شنو شايفة نفسها
أنت تقرأ
أكون او لا أكون
Misterio / Suspensoحاصله على المركز الاول في 2023/3/11 تربى على انه ملك وكل اوامره تنفذ والشيء الذي يعجبه يأخذه مهما كان الثمن شاب متهور متسلط صعب الطباع في قاموسه هو وجميع افراد عائلتة لا يوجد احترام للمرأة ،،، لقد ذكرت الشيء الذي يعجبه ياخذه لكنها ليست شيئاً هي انثى...
