أكون او لا أكون

الـبـارت الـسـادس

                   

                 #أكــون_او_لا_أكــون

               #بـقـلـم_بـتـول_حـسـيـن

           للتواصل حساب الانستا 7bt_5y

      يوزر وحساب الواتباBatol99Hussein

#الــبــارت_الـسـادس

هذا بارت وباجر ان شاء الله هم انزل بارت بس تفاعلو لا تقصرون خلي الرواية تصعد

لا تنسووووون التصووووويت + التعليق + متابعة الحساب

________>>><<<_______>>><<<_______

اديان :: تمام ،،،، شفته ابتسم وعيونه لمعت نزلت من السيارة دخلت للبيت وبسرعة سبحت ورتاحيت ورتبت ملابسي وطلعت اريد اتغدة جان ابوية جاي من الدوام واگف باب المطبخ ويگول لأمي لا نروح لبيت اخوي ابو رافد

عرفت يريدنا نروح متقصد حتى اتعرف عليهم اكثر ويخليني امام الامر الواقع گتله الله يساعدك بابا ودخلت للمطبخ عرفوني سمعتهم بس ما اهتميت

سحبت كرسي وگعدت منتظرة امي تصب الغدة بابا راح يسبح ويبدل ملابسه وامي بدت ترتب المواعين على ميز الطعام واني صافنة افكر شنو اسوي حتى افلش هاي الخطوبة وبعدين افكر بشكل رافد واگول حرام عليه اضلمة خلي انطي فرصة واراقب تصرفاته

دخل ابوية للمطبخ وبدينا نتغدة وبعدها دخل عباس غسل وگعد يتغدة ويانا

عباس :: يابه اني اريد اخطب

اديان :: گلنا انصدمنا من كلامة

بنين :: اي واخيراً راح تفرحنا بيك

احمد :: منو البنية

عباس :: مسرة صديقة اديان خوش بنية ونعرفها

اديان :: كلش فرحت ضحكت وگتله والله عرفتك تريدها ههههه مراقبه نضراتك ألها

عباس :: هسه شنو رئيكم

بنين :: البنية ذهب مابيها عيب

احمد :: اذا انت مقتنع وجاهز نخطبها ألك ليش لا

عباس :: اكيد مقتنع وجاهر لعد ليش فتحت الموضوع وياكم

اديان :: لعد نخطبها بعد عرس نرجس صديقتي لان يمكن تجي ويانا هي وامها

بنين :: اي وهم عطلة حتى نعقد ألهم ونسوي حفلة خطوبة

عباس :: واني ما اريد الزواج يطول

احمد :: البنية متعرفك بس شايفتك اكيد متقبل اذا مو فترة خطوبة وتتعرفون بعد هذا الجيل وسوالفكم

اديان :: نحچي وياها ونشوف شنو رئيها بلموضوع وبعدين الله كريم ،،، گمت غسلت واخذت ببسي ورحت لغرفتي فرحانه كلش اليشوفني يگول عرسي