أكون او لا أكون

الـبـارت الـسـادس والـعـشـرون

    #أكــون_او_لا_أكــون

       #بـقـلـم_بـتـول_حـسـيـن

          للتواصل حساب الانستا 7bt_5y

         يوزر وحساب الواتباد Batol99Hussein

#الــبــارت_الـسـادس_والـعـشـرون

تصويت قبل قراءة البارت ⭐⭐

________________★★★_______________

ماكو داعي لجيتك والمن اجيت..
الفات مات وشوكنه وحبنه انتهه..
تشتهي تروح وتجيني بمشتهاك..
هذا ياهو مفهمك الحب مشتهه..
يالعفت ملحك عله جروحي ومشيت..
ﻻ برد جرحي ولا ملحك فهه..

________________★★★_______________

اديان :: بعدها فكرت بمسرة وردت اعرف شنو صار بعد معرف عباس هي تعرف كل شي من البداية اتصلت بيها اكثر من مرة ما ردت ،،، بعدها بربع ساعة اتصلت بسرعة رديت ،، الوو

مسرة :: اديان راح ننفصل اني واخوج اني بيت اهلي قبل ساعتين جابني عباس وحچه كل شي لأهلي وگال يريد يطلگني

اديان :: خطية جانت منهارة بس تبچي گوة فهمت كلامها ،،، اهدي حبيبتي هو زعل مني وتركني هنا هو وابوية وراحو تعرفين عباس شگد يحبج هسه يرتاح وتروح عصبيته ويفكر ويعرف هو غلط بحقج ويجي يرجعج

مسرة :: وهيج اني ما عندي احترام لنفسي وارجع لشخص بأول مشكلة تخلى عني وطردني من بيته وحياته وكأني شخص رخيص كلش عنده واول مشكلة اختار الطلاگ شنو اني لهاي الدرجة رخيصة عند اخوج

عباس صدمني ماعرف يمكن المفروض احمد الله لان بسبب الصار اني عرفت حقيقة عباس

اديان :: مسرة لا تحچين هيج والله مو لان اخوية بس هو يحبج كلش بس حقة خلي نفسج بمكانه بعد كلام رافد حس احنا استغليناه وخصوصاً انتي لان نعرف هو يحبج ضليتي يمه حتى تشغلي واني ونرجس رحنا حتى تشوف امير من ساعة السودة العرفنا بيها هو ورافد

كل وحدة تعاقبت على هاي الكذبة حتى لو هي بسيطة بس خنا ثقة اهلنا واتفقنا گلنا ويا نرجس المفروض نرفض وننصح نرجس بس گلنا غلطنا وگلنا دفعنا ثمن هذا الغلط

مسرة :: صحيح كلامج والله هذا درس ألنا الحمدلله على كل حال بس اخوج مو گد العشرة للاسف هاي المشكلة طلعت وجها الثاني

اديان :: اوووف يمعودة كبري عقلج لج زين منه ما مد ايدة عليه وعليج لو غير واحد والله يمكن هسه يرشون علينا مي ورد

مسرة :: هههههه خرب يومج ضحكتيني واني الدموع تارسة عيوني

اديان :: والله يا مسرة مشكلتج بسيطة ومن يهدء راح تتصالحون بس اني عباس وابوية كسروني گدام الكل ودارو ظهرهم وراحو