نبتدي الرواية واول بارت بلصلاة على محمد وال محمد
#أكــون_او_لا_أكــون
#بـقـلـم_بـتـول_حـسـيـن
للتواصل حساب الانستا 7bt_5y
يوزر وحساب الواتباد Batol99Hussein
#الــبــارت_الاول
مساء الورد حبايبي لا تنسون تابعو الحساب + لايك وتصويت +تعليق حتى تصعد القصة والنشر يكون يوم نشر ويوم استراحة وتعرفون من عندي وقت ما اقصر وانزل يومي
________>>><<<_______>>><<<_______
2018 / بغداد
اديان : گعدت متحمسه كلش اليوم اول يوم من عيد الفطر حايرة شلون اطلع اسلم على اهلي اخذت جهازي واتصلت على صديقتي نرجس بس ماردت
كتبت رسالة ودزيتها لنرجس وبنفس الوقت اجتني رسالة من مسرة صديقتي الثانية اتصلت عليها ،،، الو صباح الخير عمري عيد سعيد كل عام وانتي بخير
مسرة : صباح النور وانتي بخير ياروحي ان شاء الله كل عيد واحنا سوه ربي يديم صداقتنا
اديان : امين يارب ،،، نرجس ما ترد
مسرة : قبل شوية جنت احچي وياها وراحت تسبح وتبدل حتى تجي يمي وانتي ما تجين
اديان : ما ادري والله اشوف اذا اهلي وافقو اجي ،،، ترخصت منها ونهيت المكالمة ورحت سبحت وبدلت طلعت سلمت على امي ،، عيد سعيد ماما كل عام وانتي بخير يوم عرس بابا هههه
بنين : ها لج هههه وانتي بخير وان شاء الله عروس
اديان : دگولي ان شاء الله التخرج وتفرحين بيه شسوي بلعرس
بنين : هههه لعد بس تريدين تزوجين ابوج ،،، روحي گعدي اخوانج خلي نتريك
اديان : لعد بابا وين
بنين : راح للعمارة
اديان : لا تگولين راح لعمامي
بنين : اي يمه تعرفين تفكير ابوج هو محتاج اخوانه يمه همه اهله لازم يرجع علاقتة وياهم وانتم كبرتو الماعندة عمام مايسوة
اديان : نغزني گلبي من هذا الموضوع خفت ماعرف ليش ابوية مسولفلي هواية عن عمامي واطباعهم الصعبة نقطعت علاقتهم ويا ابوية من تزوج امي بدون موافقتهم
امي من بغداد وابوية من العمارة جان يجي يشتغل بغداد وتعرف على امي وحبها وتوسل بيهم حتى يخطبوها أله بس ماقبلو لان مو من ثوبهم مثل ميگولون
ابوية ضل على قرارة واجر بيت بغداد وضل يلح على اهل امي اخر شي وافقو بعد اصرار طويل وازوج امي بغداد وانقطعت علاقتة بعمامي واكثر من مره يحاول يصالحهم وميقبلون ولحد الان محاولاته مستمرة
أنت تقرأ
أكون او لا أكون
Mystery / Thrillerحاصله على المركز الاول في 2023/3/11 تربى على انه ملك وكل اوامره تنفذ والشيء الذي يعجبه يأخذه مهما كان الثمن شاب متهور متسلط صعب الطباع في قاموسه هو وجميع افراد عائلتة لا يوجد احترام للمرأة ،،، لقد ذكرت الشيء الذي يعجبه ياخذه لكنها ليست شيئاً هي انثى...
