خيوط القدر ٢

4

كان يجري بكل قوته وهو يشوفهم يجروا وراه

عارف انو النهاية قدامه .. عارف انو بيموت سواء مسكوه او لا
هو خاين بنظرهم فطبيعي لازم يموت

حس بيد تمتد وتمسكه من رقبته وذاك الصوت يهمسله
- انتهى وقتك بذي الدنيا

سحبت اليد جسمه ودفته من فوق الدرج

فتح عيونه وهو يسمع صفارات حوله وناس بتتجمع
ما كان قادر يميز شي من الا حوله .. اصوات عالية واشخاص كثير حوله ماسكينه

حس بكهربا بيتمشي بكل جسمه قبل ما يغمض عيونه ثاني

⚜️⚜️⚜️⚜️⚜️⚜️

دخل البيت وهو لافف يده بشاش
ما بيقدر يخبي جروحه لانو بعضها جاية بوجهه
سمع صوت جاي من غرفة النوم فابتسم وهو يقرب

طالع من الباب وشاف هتان الا كان مشغل مقطع باليوتيوب وجالس ياكل اندومي

قرب من هتان بشويش ودفن وجهه في رقبة هتان الا فز قبل ما يستوعب انها يدين ماجد

حط هتان يده على يد ماجد وانتبه للشاش الا عليها

حاول يلف جسمه يبغى يشوف ماجد بس ماجد ثبته فبدأ هتان يقلق .. ليش ما يبغاه يشوف وجهه

تنفس ماجد رقبة هتان بصوت مسموع قبل ما يبوسها
- احبك

هتان قلبه دق بقوة
- ايش صار

ماجد شد على جسم هتان اكثر
- خليني كذا شوي

هتان ضد يدين ماجد بيدينه
- احبك .. لاخر العمر بحبك ماجد

ابتسم ماجد وجلسوا كذا دقايق

بعدها خفف ماجد مسكته لهتان فقدر هتان يلف جسمه وشاف الخدوش الا بوجه ماجد فدق قلبه وبدأ يمرر يدينه علبها وهو يتفحص وجه حبيبه
- ا .. ايش صار ؟

ماجد كان مبتسم وبيطالع في عيون هتان القلقانة بكل هدوء

قرب ماجد وجهه من وجه هتان وباس شفايفه

هتان بعد ماجد بس ماجد تمسك فيه اكثر وعمق البوسة

هتان استسلم وهدأ بين يدين ماجد الين حس ماجد بدموع هتان

فتح عيونه بالقوة وشاف هتان الا عيونه بتبكي وهو ضايع وبيطالع في ماجد
هتان عض على شفايفه
- لا تسكتني ببوساتك .. لا تخلي عقلي يتخيل الف سيناريو لحاله ..

ماجد حرك يدينه ومسح وجه هتان بيدينه
- انا اسف

هتان سحب ماجد وباس شفايفه وعض شفايف ماجد قبل ما يبعد
- ايش صار ؟

ماجد جلس على الكنبة وهتان في حضنه
- تعرف ليش اخترت قطاعي ؟ .. معدلي بالكلية الامنية كان معطيني خيار اروح اي قطاع ابغاه .. بس انا اخترت قطاعي