خيوط القدر ٢

34

صحيت متأخر فتأخرت بالكتابة 🌚

⚜️⚜️⚜️⚜️⚜️

كان واقف وهو ضامم نفسه وبيفرك يدينه ببعض وواضح انو كان جالس ينتظره من فترة والثلج بدأ ينزل

قرب رعد واول ما شافه الثاني ابتسم وفتح يدينه يحضنه

لف رعد يدينه حولين كادي وباس راسه .. يعشقه وذي اقل كلمة ممكن تنقال عنهم

تحرك رعد ومسك كفين كادي الا كانو باردين وعقد حواجبه
- ليش ما لبست شي يدفيهم ؟

كادي حك راسه وهو يضحك
- شفت رسالتك وجيت بسرعة .. ما كنت ابغى اتأخر عليك

رعد رفع يدينه كادي وباسهم وبدأ هو يفركهم عشان يصيروا ادفى
- حبيبي .. عمرك لا تجي على صحتك .. انا اقدر انتظرك الحياة كلها بس لو صرلك شي ..

كادي قرب من رعد وحط جبينه على جبين رعد
- ما اخاف يصيرلي شي .. انا بين يدك .. انا في اكثر مكان أمن بالدنيا فكيف اخاف ؟ .. كمان انا ابغى امرض عشان تاخذ اجازة من دوامك وتدلعني شوي

عقد رعد حواجبه
- كل ذا وانا مو مدلعك ؟ ..

كادي هز راسه وسحب يدينه .. وحدة دخلها في جيبه عشان البرد والثانية شبكها في يد رعد
- يلا اخاف نتأخر على حجزنا في المطعم

رعد سحب يدين كادي وفصخ القفازات الا كان لابسهم ولبسهم ليدين كادي وبعدها بدأ يمشي
- لازم تتدفى طيب

ابتسم كادي ومسك يد رعد وبدو يمشوا

طالع كادي بالسما
- يقولو .. اول تساقط ثلج تشوفه بحياتك بيظل في ذاكرتك طول العمر

رعد ضحك
- هذا عندنا احنا .. هما متعودين على الثلج من الطفولة

كادي ضم يد رعد اكثر
- ايوة .. بس يعني .. الخلاصة انا مرة مبسوط انو اول تساقط ثلج شفته بحياتي كان معاك .. سعيد انك جزء من أهم وأحلى لحظات حياتي

رعد وقف مشي وضم وجه كادي بيدينه قبل ما يبوس شفايفه
- يمكن ما تكون جزء من ذكريات اول تساقط ثلج شفته بحياتي .. ويمكن ما تكون جزء من حفلت تخرجي من الثانوي ولا الجامعة .. بس كادي .. انا ما اشوف اي لحظة بحياتي مهمة الا لو كنت انت فيها .. عادي اصير اعظم رجل بالتاريخ بس بدونك .. بدون ما تكون انت معاي .. بظل اشوفني مجرد انسان تافهه

كادي عض شفايفه
- أحبك رعدي .. حقيقي أحبك ..

رعد حرك اصابعه على شفايف كادي
- وانا اعشقك

كادي ترك يدين رعد وسحب جواله وصورهم وهما سوا .. في الصورة كان كادي بحضن رعد .. وجيههم قريبة .. وابتسامة كادي كانت شاقة وجهه من السعادة .. بينما عيون رعد كانت على كادي وابتسامته كانت ابتسامة حب مو سعادة

قطع كل ذي الذكرة الا الأوراق الا انحطت قدامه على المكتب

هز رعد راسه وكأنه دوبو صحي من حلم