خيوط القدر ٢

68

البارت ذا هدية لكل السناقل في الفلانتاين .. المرتبطين اسفة بس انقلعوا برة احتفلوا مع احبابكم وحسسوهم انهم مميزين وانكم تحبوهم بعدين تعالوا اقرو ذا البارت

⚜️⚜️⚜️⚜️⚜️⚜️⚜️

ما كان بدر يبغى هادي يروح من يده .. قلبه كان يدق طوال الطريق وهما راجعين .. محد يعرف انو بدر ساكن حاليا عند معتز .. في حجز بفندق باسم بدر فلو حاول ريان يدور بيحسبه ساكن هناك .. فطبيعي كان لازم يخرج من بيت معتز معاهم اخر الليلة

عيونه ما نزلت عن السيارة الا قدامه .. رعد وهادي كانوا بسيارة وحدة .. هادي قال لبدر انو بيجلس ببيت ريان ذي الفترة ..

لما وقفت السيارات كانت سيارة ريان وسحر اول من وقفوا ونزلوا لجوة البيت بينما رعد وقف وظل يطقطق بجواله .. يدري انو سيارة بدر وراه ويدري انو بدر يبغى هادي .. فظل رعد بالسيارة عشان لو صار اي شد بالكلام بين هادي وبدر يقدر يتدخل

بدر اخذ نفس عميق .. لازم يدعوا انو كل الكلام الا صار بينهم في الغرفة ذيك ما صار .. لازم يمثلوا انهم تقابلوا صدفة ..

خرج هادي من السيارة وتحرك ناحيت البيت فخرج بدر يلحقه
- هادي .. بكلمك

هادي التفت لبدر
- ما ابغى اسمع منك شي .. مو قلتلي اروح ! .. مو قلتلي ما تبغاني ؟! .. بتكسرني ثاني ؟!

بدر مسك يد هادي
- اسمعني للاخير هادي ..

هادي دف بدر
- بعد عنيييي .. ما ابغى اشوفك .. ما ابغاك بحياتي .. ما يكفي لحقتني الين بيت اهلي .. حتى هنا بتظل وراي ؟! .. يعني فين اسافر عشان انفك منك !

رعد الا كان يسمع الكلام فتح الباب وخرج وهو يتكلم
- بدر سيب الولد في حاله !

بدر التفت لرعد
- انت اطلع برة الموضوع !

رعد عقد حواجبه
- تراك ببيتي

بدر التفت لهادي ومسك يده
- امشي نرجع الشقة .. بنتكلم هناك

هادي سحب يده
- قلتلك لا تلمسني !

رعد مسك يد بدر
- ما تفهم ! .. قلتلك سيب الولد !

بدر دف يد رعد ومسك في هادي وسحبه معاه بس صوت ريان وقفه
- بدر سيب هادي بالطيب

بدر وقف للحظة .. ما يبغى يترك يد هادي .. يدري انو لازم يسوا كل ذا بس .. قلبه يدق بقوة .. التفت وطالع بريان
- هادي بيجي معاي

ريان طالع بهادي بعدها في بدر
- هادي تحت رعايتي ذي الفترة .. ما بسمحلك تخرجه من هنا

بدر طالع بهادي الا سحب يده وتحرك ناحيت ريان
- شكرا

ريان طبطب على ظهر هادي وهو يدخل والتفت لرعد
- انت كمان قدامي على جوة

رعد تحرك وهو يطالع بدر قبل ما يدخل ويبقى بدر مع ريان