خيوط القدر ٢

39

وقف رعد سيارته بعشوائية ونزل بدون ما ينته حتى لو قفل سيارته او لا

ظل يجري بالمكان .. كادي قاله انو ذا مكانه المفضل .. مخبئه السري الا محد يعرف غيرهم هما الاثنين

تحرك لناحية البحر ونزل قريب من الموجه عشان التجويف الخفيف الا كان تحت الا كان فيه شي اشبه بالكهف الصغير .. كادي جابه هنا مرتين .. المكان دايما غرقان بس يوم واحد من كل شهر يكون المكان ناشف ..

نزل للموية وجزمته وطرف بنطلونه تبلبل .. يكره ذا الاحساس برجوله .. بس دحين عنده اولولية وحدة .. يلقى كادي ..

فتش المكان .. بس حتى هنا .. باخر مكان توقع كادي بيلجئ له ما كان موجود ..

جلس على الارض وبلل نفسه بالموية .. رفع يدينه وغطى وجهه بيهم .. ما يعرف كيف نفسية كادي لما خرج .. لو لساته منهار .. لو لساته تعبان .. ذاك اليوم نظرة الانكسار الا كانت بعيون كادي .. لما كان متعلق برقبة سراج وهو بيخرجه .. لما تقابلت عيونهم للمرة الاخيرة

تنهد ورفع جواله .. ما يعرف يدق على مين .. بس بالنهاية استقر على رايد الا ما اخذ ثواني ورد عليه
- رعد ؟

رعد كتم شهقته ..
- ر .. رايد .. ك كادي مفقود

رايد سكت .. يعرف نبرة رعد .. يعرف انو خايف وانو متوتر وانو ما حيبين كل ذا بصوته قد ما يقدر

رعد لف راسه ناحية مدخل الكهف
- ماني عارف فينه .. دورت كل مكان ممكن يروحه .. جاني هتان يضاربني يحسبه عندي .. هتان ما بيجيني لو كادي كان يرد على جواله او زعلان بس .. هتان جاني لانو ما يعرف حقيقي كادي فين

رايد تنهد
- مو كنت ما تبغى تشوفه ؟ .. ليش بتبحث عنه رعد ؟ .. اخوانه بيدوروه واكيد بيلقوه

رعد حط يده على قلبه
- لاني خايف عليه .. رايد ادري اني حيوان .. بس .. مقدر .. مقدر اتخيل يكون صرله شي .. نبعد عن بعض عادي .. كل واحد يحب شخص ثاني عادي .. بس .. لا يختفي .. لا يتأذى .. لا يحاول يقتل نفسه ..

رايد
- ليش تعتقد انو كادي ممكن يقتل نفسه رعد ؟ .. عشانك ما رديت عليه ؟ ..

رعد هز راسه
- ما اعرف .. ما اعرف .. انا بتخيل اسوء سيناريو ممكن .. جيت لمكاننا السري وانا ارجف .. كنت خايف القاه هنا جالس وهو جارح يده ..

رايد
- وما لقيته صح ؟ .. لان كادي اقوى من انو ينهي حياته بسبب علاقة عاطفية .. كادي عكسك بيحاول يصلح العلاقة مو يريمها ويقول خلاص ربي ما كتبلنا نصيب

رعد غمض عيونه
- انا ما رميتها ..

رايد
- ايوة بس البريك اول مرة .. وبعدها دحين ؟ .. كل مرة كادي بيجري وراك وانت حضرتك جالس تنتظر معجزة تجيبه لعندك .. قلنا انك فاقد الشغف وتعبان .. بس الا ينفهم من تصرفاتك انك ما تبغاه .. انو مشاعرك له مهي حقيقية .. مجرد شخص كان قدامك وخفت يروح عليك عشان كذا تمسكت بيه