دموع الفرحه بقلم / لولو محمد ( كامله )

الحلقه الاولى

#LOLO #لولو_محمد
((((((((((دموع الفرحه ))))))))))))
الحلقه الاولى
فى بيت من دورين بسلم داخلى
الباب بيخبط
ماما سماح (ست كبيره )/ فرح بت يا فرحه روحى افتحى الباب .... يوه راحت فين البت دى هفتح انا
من ورا الباب /افتحى ياماما انا بلال
سماح / جايه اهو (تفتح الباب ) اهلا حبيب امك واحشنى يا وله امال فين اخوك الواطى
بلال / مجاش قعدت اتحايل عليه يجى قالى مش جاى
سماح / المعفن انا هكلمه فى التليفون و اشبشبله الواد ده ابوك الحاج ماكد انكوا تيجو كلكوا النهرده
سماح راحت تجيب التليفون و فى شاب تانى يتسحب من وراها ويخضها
سماح / استغفر الله العظيم اخص عليك ياجلال بقى دى عمايل راجل برده ده شغل عيال
جلال / سيبك مالكلام ده هو مين الواطى ياحجه
سماح /انتوا يا معفنين بتشتغلونى والله لقول لبوكوا الحج
بلال / الا صحيح انا مش شايفه لا هو و لا البت السفروته فرح
سماح /سفروته ال سفروته ال دى بقت ست العرايس دا حتى ابوك قاعد فى اوضته الضيوف مع اهل عريسها
جلال / انتى هترديلنا الاشتغاله و لا ايه يا لقيمه
سماح / ابدا والله خشوا شوفوا و خليكوا مؤدبين لحد مستعجل البت فرحه تنزلهم انا عارفه بتعمل ايه فوق البت دى
بلال / لا انا هطلع استعجلها
جلال /انا داخل اشوف المصيبه دى
بلال يطلع السلم و جلال يدخل الاوضه و سماح تروح المطبخ
..............
فى اوضه فرحه
من ورا الباب / ممكن ادخل
فرح /ثوانى هلبس الطرحه ....تعالى
بلال / ازيك يا بت
فرح / بت اما تبتك و زى العجين تلتك و فى الصوانى تحطك
بلال / سد سد ايه البكابورت اللى طفح فوشى ده يخربيتك
فرح / سيبك انت فين جلال و مقولتليش ايه رايك فيا بالحجاب
بلال / زفت ايه القرف ده
فرح / اخص عليك بجد وحشه
بلال/ مين الحمار اللى قال وحشه دا على راى المثل الحلو حلو لو لسه صاحى مالنوم و انتى ست الحلوين
فرح / خضيتنى مقولتليش فين رئيس العصابه
بلال / مع ابوكى الحج و اهل العريس الا ايه حكايته ده كمان محكيتليش....
...........
فى غرفه الضيوف
من ورا الباب / ممكن ادخل
الحاج سعيد / اتفضل .... دا حضره الظابط جلال ابنى الكبير
راجل كبير اخر / انت هتعرفنا يا حاج دا زينه شباب البلد كلها انا عارف بس عينوه فى مصر ليه مش كان خدمنا هنا احسن
جلال / اهلا وسهلا منورين
الحاج سعيد / الاستاذ انور محاسب فى مزرعه الحاج محمد ابو خضره و كان جاى طالب ايد اختك فرحه ده والده الباشمهندس محمد مانت عارفهم يا جلال
جلال / اهلا وسهلا طبعا احسن ناس
انور / اهلا بيك يا جلال باشا انت واقف ليه اتفضل اتفضل
الحاج سعيد / بص يا باشمهندس نرجع لكلامنا ... انا والله معرف الكلام ده ايه اصله
محمد / اوعى يا حج تكون فاكر اننا جينا عالكلام و لا انا بتاكد منك دا والله الكلام جاب بعضه
الحاج سعيد / منغير متقول انا بس وضحتلك الصوره و الكلام و الراى يرجعلكوا
انور / ايه الكلام ده بس يا حج داحنا حتى ....
من ورا الباب / الاكل جاهز يا حج
الحاج سعيد / طب يلا بينا يا رجاله ناكل عيش و ملح و بعدها نبقى نكمل كلامنا
محمد / يدوم العز يا حج بس انا ورايا معاد و يادوب اللحقه
الحاج سعيد /عليا الطلاق ميحصل انت هتخرب بيتى و لا ايه
انور / ليه بس الكلام ده يا حاج
جلال / معلش يا باشمهندس اقعد كل لقمه فى السريع و بعدين امشى براحتك
محمد / والله يا حاج مكان له لزوم ابدا دا بيتى يا راجل
الحاج / طبعا طبعا اتفضلو اتفضلو
..........
سفره مليانه اكل و بلال نازل من عالسلم
الحاج سعيد / اعرفكم الباشمهندس بلال ابنى الصغير شغال فى شركه مقاولات كبيره فى مصر
محمد / اهلا يابنى
بلال / اهلا بحضرتك اتفضلوا لا سلام على طعام .... اكيد حضرتك العريس
جلال / الاستاذ انور محاسب كبير اوى جاى طالب ايد اختك
بلال / اهى داحنا لينا الشرف اتفضل اتفضل واقف ليه
جلال / اقعد يا بلال اقعد انت كمان خلينا ناكل معاهم لقمه يبقى عيش و ملح .... بس انت مقولتليش يا عريس
انور / ايوه يا جلال بيه
بلال / بيه ايه دانتوا هتبقوا نسايب قوله يا جيلجل
الحاج سعيد / ههههههه جرا ايه يا بلال
جلال / انت عندك شقه و لا ناوى على ايه
محمد / والله احنا كنا استاذنا مالحاج انه يتجوز معانا يعنى انت عارف انور وحيدى و انا و امه ملناش غيره
بلال / لا طبعا بعد كلمه الحاج محدش يفتح بقه
جلال / و ياترى بتقبض كام يا انور اسمحلى اشيل الالقاب
الحاج / هههههههه جلال ابنى مش قادر ينسى انه ظابط و لو ثانيه واحده
بلال / دا ناقص يعمله فيش و تشبيه
جلال / امال دا جاى للغاليه يا بلال هو متقدم لاى حد دى الست فرحه هانم زينه بنات مصر كلها
انور / محدش يقدر يقول حاجه طبعا و الكلام ده كلو اتكلمتوا مع الحاج
جلال / و نتكلمه تانى مفيهاش حاجه يعنى
الحاج / خلاص يا جلال سيب الناس تاكل لقمه مش كلو رغى كدا
محمد / والله يا حاج مكان له لزوم و انت عارف انا ورايا معاد و لازم اقوم و اوعى تحلف عليا
انور / معلش يا حاج ملحوقه تتعوض فى فرصه تانيه
جلال/ نورتوا و انستوا والله
بلال / طب استنوا اشربوا الشاى
محمد / فرصه تانيه
...............
الضيوف يمشوا و تنزل فرح و سماح
سماح / ايه اللى حصل مشيو بدرى ليه
الحاج / اسالى ابنك الظابط .... الجاوزه دى لو باظت انت المسؤل
جلال / فى داهيه دا حتى شبه خله السنان
سماح / الله حد يقولى ايه اللى حصل
بلال / مفيش جلال رخم عالعريس بكام سؤال
جلال / تعال انت ايه حكايه جيلجل دى هو هيصاحبنى و لا ايه
فرحه / انتوا هتتخانقوا و لا ايه مش كفايه مسلمتش عليا
جلال / و انتى فاضيه لحد خلاص كبرتى و جالك عرسان
فرحه / و انا مالى
بلال / متهدى ياعم مالك
جلال / انا تعبان مالسفر هطلع اغسل وشى و اغير و بعدين نتكلم
سماح / تعال بس كلك لقمه
جلال / عن اذنك يابا انا فعلا تعبان
الحاج / اطلع يابنى
جلال بيطلع و فرح تدخل المطبخ و الباقى ياكلو
بلال / هى البت دى مش هتيجى تاكل و لا ايه
سماح / معرفش بتعمل ايه فى المطبخ ..... بت يا فرح مش هتاكلى
فرح فايدها صينيه اكل / هطلع دى لجلال و هنزل اكل
الحاج / الله و تطلعيلو اكل فى اوضته باماره ايه فاكر نفسه فلاكنضه
سماح / اصيله مرضيتش اخوها ينام منغير اكل يا حاج تربيتك
بلال / دلعيه ياختى متنسيش تاكليه فبقه كمان
الحاج / متحترم نفسك ياد انت
بلال / اسف يا حاج
،،،،،،،، ،
فى اوضه جلال
من ورا الباب / ممكن ادخل
جلال / قلت عاوز ارتاح
فرح / انا دخله و خلاص و جبتلك لقمه انا تعبت فى الاكل ده
جلال / انتى موافقه عالنطع ده
فرح / نطع ...
جلال / ايه مش عاجبك
فرح / انت بتتخانق معايا ليه دا بدل متقولى رايك فيا بالحجاب
جلال / متغيريش الموضوع
فرح / انت بتكلمنى كدا ليه هو انا اللى قولتله تعال
جلال/ انت عبيطه انتى ثانويه عامه يعنى عيله
فرح / انت بتزعقلى ليه انا مالى
جلال/ انا هتجنن و بابا مرحب بيه و ماما عملاله اكل اكتر من اللى كان قدام ابو جهل دا معفن
فرح / هههههههههه هو شكله ايه
جلال / انتى كمان مشوفتيهوش
فرح / انت مجنون دا بابا كان يولع فيا
جلال / انتى اتحجبتى امتى يا جزمه انتى
فرح / مانا قيلالك عالواتس
جلال / اه بس مقولتيش انك هتلبسيه قدامى
فرح / ماما قالتلى كدا
جلال / بس مش منى يا فرحه
فرح / هههههههههه بس ماما قالت ...
جلال / ماما قالت ماما قالت انتى معدومه الشخصيه اوى كدا
فرح / يعنى اخش النار عشانك و بعدين فين التابليت اللى انت قولت انك جبتهولى
جلال / خدى خساره فجتتك مرتب شهر بحاله
فرح / الله دا حلو اوى اما اروح اوريه لبلال
جلال / غورى انا ادفع و بلال يتفرج عيال معفنه
فرح / متعرفش بلال جابلى ايه
جلال / عارف طبعا
فرح / ايه قول بقى
بلال يقتحم الغرفه / افشتكوا بابا لو كان شافكوا قافلين الباب كدا كان علقكوا بدل خروف العيد
جلال / ياخى حاجه غم
فرح / مش عارفه انت ليه مكبر الموضوع
جلال / بت حلى عنى روحى اتفرجى على شويه الهلاهيل اللى بلال جايبهم
بلال / يا معفن تصدق انت الواحد ميامنلكش على نمله
جلال / خليهالك يا حبيبى
فرح / فين الهدوم
بلال / تعالى جبتلك بقى شنطه مليانه هدوم على طرح
جلال / على الله تخش فيكى يا مفشوله
بلال/ سيبك منه دا حمار
فرح /انا مفشوله يا بلال
بلال / يا ماما انتى فاضلك اتنين كيلو و تختفى دانا من يوم موعيت عالدنيا و انتى بتعملى دايت تعالى تعالى
ّ..........
تحت عالسفره
سماح / بتقول ايه يا حاج الواد ده كان فاكر انك كاتب المزرعه باسم فرح
الحاج / حد فى البلد طلع اشاعه انى بامن مستقبلها بالمزرعه عشان ملهاش فى الورث
سماح / يعنى الجوازه باظت
الحاج / تبقى جت من عند ربنا
سماح / انت فرحان يا حاج
الحاج / يا سماح افهمى لما هموت انا و انتى فرح هتبقى فى الشارع
سماح / و اخواتها راحو فين يا حاج
الحاج / كل واحد فيهم هيتلهى فمراته و عياله و مش بعيد مراتاتهم تاسيهم عليها و هى بت يتيمه ملهاش حد
سماح / مش عيالك اللى يعملو كدا يا حاج
الحاج / ابن المركوب جه يتقدملها عشان المزرعه لو مكناش عرفنا و جه بعد كدا عرف كان هيعمل فيها ايه
سماح / مش يمكن يا حاج ميغيرش رايه و يطلع ابن حلال
الحاج / على العموم انا مش هعمل اى حاجه و لا هتكلم الا لما نشوف
سماح / عين العقل ياخويا
ّ.............
فى اوضه بلال
فرح / الله الهدوم حلوه اوى و كلها مقاسى
بلال / مبروك عليكى
فرح / ابقى اشكرلى جيهان اوى
بلال / هشششششش هتفضحينى ابوكى لو سمع اسم جيهان هتطير رقاب
فرح / يعنى ايه انت بتحبها و هى بتحبك
بلال / الكلام ده مش عند بابا انتى عارفه رايه فى الكلام ده
فرح / سيبك انت انا نفسى اوى اعيش قصه حب زى بتاعتكوا دى و دباديب وورد الله احكيلى عملتوا ايه فى الفلانتاين اللى فات
بلال / مانا حكيلك يا بت
فرح / بس مفرجتنيش عالصور
بلال / تعالى افرجكك
.............
فى اوضه جلال
من ورا الباب / ادخل يا حبيبى
جلال / اتفضلى يا ماما
سماح / الله مكلتش ليه يابنى
جلال / مليش نفس
سماح / انت زعلت ان اختك جالها عريس
جلال / البت صغيره يا ماما
سماح / قال صغيره قال دا هى اللى شايله البيت كله
جلال / يا ماما دراستها
سماح / البت ملهاش غير جوزها و عيالها تفرق ايه بقى الدكتوره عن الاستاذه
جلال / تفرق طبعا
سماح / كلهم اخرتهم واحده
جلال / الكلام معاكى ممنوش فايده
سماح / البت كبرت و العين عليها
جلال / نقوم نرميها
سماح / مين قال ان مكنش ابن حلال مش هنديهاله
جلال / طب ل.....
سماح / بطل رغى و قوم كلك لقمه على مشوف الموكوس التانى فين
جلال / فى اوضه فرح بيفرجها الهدوم الجديده
سماح / و انت سايبهم لوحدهم كل ده يا نطع انت
جلال / يا مثبت العقل مش اخوها
سماح / لا مش اخوها و لا انت اخوها امال لبست الحجاب منكم ليه
جلال / طب تعالى نطب عليهم و نلفهم بالملايات هههههه
سماح / اخرس يا عديم الربايه اختك اشرف مالشرف
جلال / ههههههههه هتجنينيى وربنا تعالى بس تعالى
.........،..
فى اوضه فرح
فرحه / الله حلوه الصور اوى يا بختها بيك تفتكر يا بلال ممكن الاقى حد يحبنى كدا
الباب ينفتح
سماح / نهار ابوكم منيل قوم ياد من على سرير البت
جلال/ شوفتى ياماما قولتلك انا هطلب البوليس هههههههه
فرح / فى ايه يا ماما بتزعقى ليه بس
بلال/ محصلش حاجه لعصبيتك
سماح / انت بتعمل ايه هنا يا وله
بلال / فرح كانت بتقيس الهدوم الجديده اللى جبتهالها
سماح تضير بسرعه و تضرب فرح قلم على وشها
بلال و جلال / ماما
فرح تطلع تجرى مالاوضه بتعيط و جلال وراها
بلال / ايه اللى عملتيه ده يا ماما
سماح / انت خلاص معدش عندك دم عاوز الناس تاكل وشنا
بلال / هو ايه اللى حصل لكل ده و هى عملت ايه عشان تضربيها يعنى
سماح / ابوك لو عرف ان فرح غيرت هدومها قدامك هيدبحها
بلال / فرح غيرت فالحمام
سماح / و انت فى الاوضه بتهبب ايه
بلال / انا تعبت محصلش حاجه لكل ده ايه اليوم ده من ساعه مجيت
سماح / متغيرش الموضوع جبتلها هدوم خلاص سيب الاوضه و اطلع و لما تقيس ادخل
بلال / امال الحمام اخترعوه ليه مهو له باب
سماح / تعبتونى البت كبرت يا ناس حسو بيا
بلال / عشان كدا عاوزه تجوزيها
سماح / ايوه بجرى على جوازها بايدى و سنانى عاوزه اسلم الامانه لحد تانى
بلال / للدرجادى
سماح / من يوم مامها ماتت و انا عاهدت ربنا انى هربيها و اجوزها ياما الناس لامونى قالولى وديها ملجئ عندك صبيان و انا مرديتش
بلال / هى ذنبها ايه يعنى لو حد غلط يبقى انا
سماح / الناس مبترحمش يابنى انا بعتكوا تدرسوا فى مصر و سبتكوا تشتغلوا هناك عشان الناس ميتكلموش عن البت دى بنص كلمه
بلال / قطع لسان اللى يجيب سيره فرحه بنص كلمه
سماح / انت فاهم يعنى ايه يا بلال ان ام تبعد عن عيالها عشان تربى بت مش من دمها
بلال/ من امتى بتتكلمى عن فرح كدا
سماح / فاكر لما فرح راحت المدرسه فاكر لما عرفت حقيقه انها مش بنتى
بلال / ليه بتفكرينى بالحاجات دى النهرده
سماح / انا تعبت يا بلال تعبت و محدش حاسس بيا
بلال / اهدى بس يا ماما بتعيطى ليه
فرح تدخل الاوضه مع جلال / انا اسفه يا ماما مش هعمل كدا تانى
سماح تاخدها فحضنها / سمحينى يا بنتى كانت تتقطع ايدى قبل متتمد عليكى
فرح/ بعد الشر عنك يا ماما
جلال / هو الكلب ده السبب
بلال / على فكره فرح لسه مكلتش
جلال / مانا مستنيها تصالح ماما و هناكل سوا
سماح / انا خفت عليكى يا فرح
فرح / من مين يا ماما
سماح / بخاف عليكى مالدنيا كلها يا ضنايا
جلال /الله يخربيت الهندى اللى خرب دماغكوا متخلصونا بقى خلونا ناكل
فرح / يلا يا سم
فرح و جلال يطلعوا
بلال / متخفيش على فرح يا ماما وراها رجاله
.............