دموع الفرحه بقلم / لولو محمد ( كامله )

الحلقه ٧

#lolo #لولو_محمد
(((((((دموع الفرحه )))))))))
الحلقه السابعه
جلال/ بس احنا عمرنا مهنسيبك
فرح / انت اخر واحد يتكلم انا عشت عمرى كلو بتحامى فيكوا بتسند عليكوا و النهرده ايه اللى حصل
بلال/ مفيش حاجه اتغيرت
فرح/ انت بتكرش اخوك من بيتك و تقول مفيش حاجه اتغيرت
بلال/ عشانك
فرح / مين قالك انى فرحانه انى السبب انكوا تتفرقوا
جلال / انا اصلا كنت جاى اعتزر و امشى
......................
فرح / خلاص اعتزرت امشى
جلال/ عن اذنكوا
بلال/ مع السلامه
فرح / انا داخله انام
جلال / عاوز اقولك انك يوم مهتحتاجينى هتلاقينى
فرح / مكنتش موجود فاكتر وقت احتجتلك فيه مع السلامه يا جلال
فرح تدخل الاوضه و تقفل الباب
جلال/ بلال انت عارف ان مكنش قدامى حل تانى
بلال / كان على الاقل قولتلى
جلال/ خفت تهرب معايا كان لازم حد فينا يكون موجود
بلال/ مخفتش على ابوك من كلام الناس عليه
جلال/ خفت على فرح اكتر
بلال/ طب على العموم اى كلام مش هيصلح اللى فات
جلال/ عاوز تشيلنى الغلط لوحدى ماشى انا هشيله بس مهما حصل هتفضلوا اخواتى
بلال/ الاهم اننا نفضل نشوفك اخونا الكبير
جلال/ شكرا يا بلال عن اذنك
فرح تطلع مالاوضه
فرح / استنى يا جلال متمشيش
بلال/ انتى بتقولى ايه يا فرح
فرح / انت قاعد فين يا جلال
جلال/ عند واحد صحبى على ملاقى شقه
فرح / بس ده بيتك
جلال/ وجودى فيه مش مستحب
فرح / بس احنا محتاجينك
جلال/ هكون موجود وقت متعوزونى
بلال/ انتى كويسه يا فرح
فرح / مهما كنت زعلانه منه مقدرش ابعده عنى دا اخويا و مقدرش اعيش من غيره
بلال/ سامحتيه بعد كل اللى عمله
فرح / مانا سامحتك الغلط كان غلطى انا
جلال/ متقوليش كدا يا فرح
فرح / لا انا اللى غلط انا اللى نسيت كل حاجه فلحظه انا اللى من كتر فرجتى عالافلام كنت هموت و اعيشها
جلال/ ماما هى اللى كدبت
فرح / ماما الله يعينها كانت خايفه عليا
بلال/ متيجو نغير الموضوع المقرف ده
جلال/ انا اسف يا فرح
فرح / و انا كمان اسفه اوى يا جلال
جلال/ انا كنت جايبلك الهديه اللى عالترابيزه دى
فرح / وجودك جنبنا اغلى عندى من الدنيا
بلال/ من امتى
فرح / انتوا مجوعتوش انا هروح احضر عشا
جلال/ انا لازم امشى
فرح / لا مش هيحصل فى فيلم جامد عالتليفزيون و هتتفرج عليه معانا
بلال/ خلاص خليك
......
فرح تدخل المطبخ و جلال و بلال يعدوا يتفرجوا عالتليفزيون
بلال/ انت عارف انا مكنتش عاوز اطردك بس كنت خايف على فرح
جلال/ ابوك عامل ايه
بلال/ انت مكلمتوش من ساعتها
جلال/ حاولت اتصل بس محدش بيرد عليا
بلال/ له حق
جلال/ انت ازاى اتجوزت فرح صحيح و جيهان
بلال/ مكنش قدامى حل تانى
جلال/ انا اسف يا بلال
بلال/ فكك انا مش عاوز اتكلم فى الموضوع ده
جلال/ طب الحياه بينكوا عامله ايه
بلال/ احنا اخوات يا جلال مش اكتر
جلال/ طب هتفضلو كدا لحد امتى
بلال/ انا بكره هروح اخلصلها ورق التنسيق عشان تدخل الجامعه
جلال/ انا بتكلم عالطلاق
بلال/ معرفش حبه كدا و هنفاتح بابا فى الموضوع
جلال/ و ترجع فرح البلد مطلقه
بلال/ احسن من اللى هى فيه
جلال/ محدش عارف الخير فين اقلب القناه دى و شوفلنا حاجه عدله
بلال/ على رايك
فرح تجيب العشا و يتفرجوا على فيلم
جلال/ بلال اللحق فرح نامت
بلال/ عارف
جلال/ و هتسيبها كدا
بلال/ لا هشيلها ادخلها جوه
......
فى غرفه فرح بلال يحطها عالسرير و يغطيها
فرح / متخليهوش يمشى
بلال /حاضر
.........
تانى يوم
فرح / هو جلال فين
بلال/ كان عنده شغل مشى الصبح
فرح / هيجى عالغدى
بلال/ معرفش انا هنزل انا كمان و اروح الشغل هتعوزى منى حاجه
فرح / سلامتك
بلال/ بكره بالليل صحيح فرح اخت واحد صحبى
فرح / مبروك
بلال/ بقولك لو كنتى عاوزه تيجى تجهزى نفسك
فرح / مفتكرش هينفع
بلال/ لا عادى غيرى جو هتنبسطى
فرح / سيبها لله
بلال/ ماشى سلام انا بقى
فرح / مع السلامه
.......
فى شغل بلال
بلال/ صباح الخير
احمد / صباح النور يا عريس
بلال يبص لجيهان
جيهان / ايه بتبصلى كدا ليه احمد صاحبنا التالت و كنت باخد رايه
بلال/ لا براحتكم عادى عيشوا
احمد / انت ادايقت و لا ايه ياعم دانا كنت فاكرك هتحكيلى
بلال/ بص انا مش ناقص
احمد / معلش يا سيدى حقك عليا انا اعتبرنى معرفتش
بلال/ انا مش مدايق منك
جيهان / امال منى انا
بلال/ مش مدايق خالص
احمد / هتروحوا الحنه النهرده
جيهان / لا هروح الفرح علاطول
بلال/ انا عزمت فرحة عالفرح
احمد / والله فكره حلوه
جيهان / حلوه فعينك... ازاى تعمل كدا يا بلال
بلال / قولت تغير جو
جيهان / و لما الناس تسال مين دى هتقول ايه
بلال/ انتى اخر واحده تتكلمى اصلا
جيهان / دى حاجه و دى حاجه
احمد / انتوا تاعبين نفسكوا ليه مكل الدفعه عارفه ان بلال له اخت اسمها فرح
جيهان / مش اكتر من كدا
بلال/ ربنا يسهل
جيهان / على كل انا ممكن اتصل بيها اعزم عليها يعنى لو حبت اساعدها فحاجه فستان كوافير
احمد / طول عمرك اصيله يا جيهان
بلال/ انا مليش نفس اشتغل خالص
احمد / براحتك مانت عريس بقى
بلال/ احمد احترم نفسك
احمد / اسف اسف كنت بحاول اغير المود
جيهان / ايه رايك نخرج بالليل انا وانت فى فيلم فى السينما تحفه
بلال/ مش عارف
جيهان / عشان خاطرى
بلال/ سيبيها لله
احمد / ايه هتستنى تاخد اذن
بلال/ انا مروح
احمد / لا خلاص اسف اخر مره انا على العموم هنزل الموقع خليك انت
احمد يغادر
جيهان / انت عصبى اوى النهرده
بلال/ كنت فاكرك هتبقى حاسه بيا
جيهان / تصدق كنت هقولك نفس الجمله
بلال/ انا اسف يا جيهان
جيهان / لا خدنى السينما بالليل و انا اسامحك
بلال/ ربنا يسهل
.......
فى البيت
بلال/ فرح انتى فين انا جيت
فرح / حمد الله على السلامه على متغير هكون غرفت
......................
عالسفره
فرح / انا اتصلت بجلال
بلال/ خير
فرح / بيقول هيروح لاهل عروسته النهرده
بلال/ ربنا يوفقه
فرح / كان خايف جدا انهم يرفضوه
بلال/ لا ازاى و هو جلال يترفض
فرح / مالك انت فى حاجه
بلال/ انا هروح انا و جيهان السينما بالليل فى عندك مشكله
فرح / لا عادى براحتك هتصل انا بجلال و اخليه ميجيش بقى بعد ميخلص عند شيرين
بلال/ وهو كان ناوى يجى
فرح / انا قولتله تعالى على فكره جيهان كلمتنى
بلال/ بجد خير
فرح / عزمت عليا تنزل معايا تشتريلى فستان و اروح معاها الكوافير
بلال/ كويس و اتفقتوا علي ايه
فرح / قولتلها انى مكنتش ناويه اروح بس هى صممت
بلال/ و بعدين
فرح / قولتلها انى عندى فستان و مش هروح لكوافير
بلال/ ليه مش هتروحى
فرح /انا هزوق نفسى
بلال/ براحتك ... حلو الاكل تسلم ايدك
فرح / الف هنا
.......
تانى يوم بالليل
بلال من خارج غرفه فرح
بلال/ انا لبست خلاص
فرح من جوه / لسه شويه
بلال/ طب جيهان كلمتنى من عند الكوافير و قالت خلصت
فرح من جوه/ خمس دقايق بس
بلال/ خلاص هروح اجيبها و لما ارنلك تنزلى
فرح من جوه / ماشى
.........
عند الكوافير
جيهان / ها ايه رايك
بلال/ قمر
جيهان / فستان طويل اهو عشان متتقمصش زى المره اللى فاتت
بلال/ عقبال الحجاب
جيهان / بعد الجواز يا حبيبى بقى زى متفقنا
بلال/ يا قلبى انا بغير عليكى مش بحب حد يشاركنى فيكى
جيهان / احنا اتكلمنا فى الحوار ده كتير قولى بقى فين فرح
بلال/ اركبى هنروح نجيبها اهو
جيهان / الله مهى قالت مش هتروح كوافير
بلال/ لا ياروحى هنجيبها مالبيت
.......
امام البيت فرح تنزل لابسه فستان فيروزى رقيق مقفول سمبل و ميكب رقيق و طرحه ساتان و تاج بسيط على راسها
جيهان / اهى نزلت اهى
فرح تركب
فرح / السلام عليكم
بلال/ انتى مين
فرح/ ههههه اطلع اطلع
جيهان / انا مكنتش اعرف انك بتحطى ميك اب حلو كدا
فرح / ماما كانت جيبالى كوافيره تعلمنى قبل الفرح
بلال/ بس ايه الفستان الجامد ده
جيهان / حلو فعلا
فرح / ده تفصيل
جيهان / لا بجد حلو بلال بيحب الموديلات الاسلامى دى اوى
بلال/ فعلا تحفه انا متاكد انك هتكونى احلى مالعروسه نفسها
جيهان تبصله بغضب و تسكت
......
فى الفرح
بلال/ ازيك يا احمد ازيكوا يا شباب
بنت / ازيك يا بلال مين القمر اللى معاك دى
جيهان / ايه يا سلمى معقول معرفتينيش
سلمى / و هل يخفى القمر انا كنت بسال عالمزه التانيه
جيهان / اه طبعا ... دى فرحه اخت بلال
احمد / مستحيل
بلال/ و ليه بقى
احمد يهمس لبلال / يابن اللعيبه يا بلبل
بلال/ متخلينيش اخسرك
جيهان / احنا هنفضل واقفين تعالو نقعد بقى
يقعدوا على ترابيزه
بلال/ امال ابراهيم فين عاوز اباركله
سلمى/ فى الزفه زمانهم جايين
جيهان / و يمنى و ايمان مش شيفاهم يعنى
سلمى / يمنى مش هتعرف تيجى فى المصيف و ايمان اكيد مع العروسه فى الكوافير فهتيجى معاهم
احمد / مالك يا انسه فرح ساكته ليه
بلال/ معلش لسه مش واخده عالجو
احمد / انا على فكره اعز اصحاب بلبل معاه من ثانوى
فرح / تشرفنا
سلمى / حلو اوى فستانك يا فرح الفيروزى لونى المفضل دا اكيد براند
فرحة / شكرا
جيهان / على فكره ده تفصيل
احمد / لا بس حلو بيتهيالى احلى فستان فى الفرح كلو
جيهان تبص لاحمد و تسكت
فرح / شكرا
سلمى / بجد ده تفصيل و لا جيهان بتقول كدا نفسنه و كدا
جيهان / فى ايه يا سلمى ايه نفسنه دى
سلمى / بهزر
فرحه / ماما جابتلى خياطه تفصلى فى البيت و هى اللى جابت القماش كمان
سلمى / على كل قدامك شهر تلحقى تفصلى واحد تانى لخطوبتى
جيهان / انتوا خلاص حددتوا المعاد
سلمى / ايوه يا بنتى و هننزل كمان كام يوم نجيب الشبكه عقبالك يا فرح
جيهان / و ايه مفيش عقبالك ليا
احمد / العرسان وصلو بصوا عالشاشه
العريس و العروسه يدخلوا و تبدا الفيرست دانس و الدى جاى يطلب مالكبلز يتفضلو
جيهان / يلا يا بلال
بلال/ الاغنيه التانيه هرقص معاكى يا فرح عن اذنك
فرح / لا لا مش مشكله انبسط انت
احمد / تسمحيلى بالرقصه دى
فرح باستغراب / ايه
احمد / لو تحبى ممكن ترقصى معايا
فرح / اسفه مش بعرف ارقص
احمد / دى سهله اوى هعلمك
فرح / لا شكرا مش عاوزه اتعبك
احمد بصوت واطى / و انا فديك الساعه لما اتعب عشان خاطر مرات بلال
فرح / انت بتقول ايه
احمد / ايه مش قولتلك اعز اصحابه
فرح / على كل شكرا انا مبرقصش
احمد يمسك كاس العصير من قدامه و يشرب بق / محظوظ بلال من يومه احلى بنت فى الجامعه تحبه و يتجوز ملكه جمال مصر
فرح باحتقار / انت متاكد ....
بلال/ بتتكلموا فايه
سلمى / بصراحه مختش بالى كنت سرحانه فيكوا
فرح بخنقه / الباشمهندس احمد صاحبك الوحيد هنا كان بيحكيلى اد ايه انت شاب محظوظ
احمد / اكيد مش بيرقص مع جيهان
جيهان / متحرجنيش بقى يا احمد
بلال/ تحبى ترقصى يا فرح
احمد / قومى يا فرح متتكسفيش
بلال بيبص لاحمد / حلو العصير ده مش تجيبلى و لا ايه
جيهان / و انا كمان بليز يا احمد
احمد / و الانسه فرح مش عاوزه اى حاجه
فرح تبصله باستغراب / لا شكرا
احمد / متستغربيش انا اصلى مشوفتش اى دبله فايدك فافترضت انك مش مرتبطه