دموع الفرحه بقلم / لولو محمد ( كامله )

الحلقه ٣

#lolo #لولو_محمد
((((((((((دموع الفرحه )))))))))))))))
الحلقه الثالثه
جلال / يابنى الواد يادوب راح الدرس يطمن ان مفيش حد بيعاكسها تانى
بلال / بس الواد ده انا مش مرتاحله على فكره
جلال / ياراجل حرام عليك مهو قام بالواجب وزياده فى القسم
بلال / بصته لفرح مش مريحانى
جلال / بما ان بصه اى راجل لفرح مش بتريحنى محطيتش فدماغى
بلال / على رايك الله يعينه جوزها مننا انا داخل انام
.................................
جلال / شكلك اتعشيت بره مع جيجى
بلال / اتلم
جلال / انا مبحبش البت دى
بلال / مش المطلوب منك تحبها انا بحبها
جلال / تحسها متانزحه كدا
بلال / هو احنا مش هنخلص مالفيلم ده
جلال / ياعم ربنا يهنى سعيد بسعيده انا اللى داخل انام
...............
فى بيت الحاج سعيد
فرحه / ماما ... ماما النتيجه بانت انا نجحت ... انا نجحت انتى فين يا ماما
الحاج / مبروك يا بت يا فرحه عملتى ايه
فرحة / جبت ٨٥ ٪
سماح / الف مبروك يا بنتى
الحاج / لا انا زعلان ايه المجموع ده دا الواد بلال كان جايب فوق ال ٩٥
سماح / و جلال كان جايب 67 و لا نسيت
الحاج / يا ست انتى دا بدل متشبيهيها بالاحسن
سماح / متنكدش عالبت بقى اولا انت عارف ان فرح كانت ايدى ورجلى و اى واحده تانيه كانت بتتفرغ للمزاكره ثانيا هى يعنى هتفرق فايه يعنى مهو فى الاول و الاخر بنت ملهاش غير جوزها و عيالها
الحاج / ساكته ليه يا فرح انا غلت عليكى بصحيح
فرح / لا يا بابا ابدا
سماح / طب قومى كلمى اخواتك و طمنيهم
فرح / اكلم مين دا بلال اللى جبهالى
سماح / بجد
فرح / ايوه و قالى انه هيجى هو و جلال
الحاج / طب قومى يا فرح اعمليلى كوبايه شاى من ايدك الحلوه على مكلم امك كلمتين
فرح / اتوزعنا
سماح / شوف البت .... خير يا حج
الحاج / انا سبتك يجى شهر تصلى استخاره
سماح / انا خايفه اوى يا حج
الحاج / الولاد جاين و حجه الثانويه خلصت انا شايف اضرب عالحديد و هو سخن
سماح / طب نمهدلهم الاول طيب
الحاج / انتى عليكى فرح و انا عليا الباقى
سماح / اللى تشوفه يا حاج
الحاج / على بركه الله .... الشاى يا فرح
.........
بلال و جلال يوصلوا و الزينه و النور قدام البيت
بلال / اللحق يا جلال
جلال / فى ايه يا وله
بلال / ابوك هيعملها و يتجوز تانى
جلال / تصدق هقولهاله انجر
سماح / هتقول لابوك ايه يا حبيبى واحشنى
جلال / ايه النور ده كلو لا الصرف باين دا ولا كانو فرح
سماح / يا سلام طب مهو فرح
بلال / طب فين العروسه
سماح / فى المطبخ بتوضب الاكل مع الستات
جلال / هى فقر من يومها
فرح / مين دى اللى فقر يا سى جلال
جلال / ايه يا بت الحلاوه دى انتى خسيتى و لا ايه
فرح / بجد باين عليا
جلال / ولا باين اى حاجه
بلال/ ههههههه ثبتك بكلمه .... البنات دول يا جدع اهبل من بعض
جلال / امال بابا فين
سماح / فى المكتب مستنيك روحله عاوزك
جلال / خير
سماح / خير ان شاء الله روحله و انت تعرف .... جلال ابوك عيان
بلال / قلقتينى يا ماما بابا ماله
جلال/ هروح اشوفه
سماح / روحى يا فرحه خلصى اللى وراكى عاوزه بلال فكلمتين
فرح / ماشى اتوزعت
.......
فى المكتب
جلال / ازيك يا بابا وحشتنى عامل ايه
الحاج / انت جيت يا جلال تعال يا حبيبى عاوزك
جلال / خير يا بابا قلقتنى
الحاج / بص يا جلال يابنى انا كبرت و انت كمان كبرت
جلال / انا مش ابنك و لا ايه
الحاج / يا كلب لما اتكلم جد تركز متخلينيش اديك على خلقتك
جلال / تحت امرك يا حج حبيت اغير المود بس
الحاج / بص يا زفت
جلال / خدامينك يا حج
الحاج / انا كبرت و انت كبرت و نفسى افرح بيك قبل مموت
جلال / وانا والله يا حج
الحاج / انت كمان ايه يا وله
جلال / نفسى اتجوز قبل مموت
الحاج / تصدق انك واد متربتش
جلال / ليه بس يا حج فى الحلال والله
الحاج / دا بدل متقولى بعد الشر يابا ربنا يطول فعمرك يا حج
جلال/ يا حج دا كلام مفروغ منه
الحاج / ما علينا و مدام انت عاوز تتجوز يبقى نقرا الفتحه
جلال / لا ثوانى هزرنا كتير جد بقى نقرا الفتحه على مين
الحاج / على فرح هو فى غيرها
جلال / اح***
الحاج / جلال احترم نفسك
جلال / اسف بجد انت بتهزر صح
الحاج / ليه شايفنى تافه زيك كلامى كله هزار
جلال / لا مهو الكلام ده مينفعش دى اختى
الحاج / اسمك ايه
جلال / نعم
الحاج /بقولك اسمك ايه
جلال / جلال سعيد الاسيوطى
الحاج / و اختك اسمها ايه
جلال / يا حج انا و هى متربين سوا من يومنا اخوات و لا انا و لا هى .....
الحاج / خلاص روح قولها انك مش موافق تتجوزها عشان مبتحبهاش
جلال / بسيطه عن اذنك
الحاج / افتكر ان فرح اللى انت رايح تكسر خاطرها دى
جلال / انا اللى هكسر بخاطرها ... انا همنعها تتجوز واحد بيحب واحده تانيه
الحاج / و دى تطلع مين دى ان شاء الله
جلال / انا كنت جاى اقولك انى عاوز اخطب واحده بحبها
الحاج / مين هى يعنى ابوها بيشتغل ايه عرفتها ازاى احكيلى مانا بقيت طرطور هنا اخر من يعلم
جلال / اسمها شيرين رفعت باباها موظف فى التربيه و التعليم اتعرفت عليها فلجنه
الحاج / من امتى الكلام ده
جلال / تلت سنين
الحاج / تصدق ياد انك ابهرتنى لا بجد انا منبهر بيك .... تلت سنين و انت رايح جاى جاى رايح لا و نعم التربيه و ابوها بقى عارف ان بنته ماشيه معاك
جلال / من فضلك يا بابا انا كنت متردد احكيلك عشان عارف انك هتفهمها غلط شيرين بنت محترمه جدا
الحاج / والله ادينا بنتعلم و مدام شباب اليومين دول بيحبوا كدا نخلى فرح تخلع الحجاب و تترمى عالرجاله يمكن تعرف توقعلها واحد و لا حاجه
جلال / بابا ارجوك كفايه
الحاج / قال وانا اللى مدايق من صاحبك اللى كان رايح جاى على فرح قال ايه بيطمن عليها
جلال / صاحبى مين
الحاج / اسمع يا جلال كتب كتابك على فرح الخميس الجاى و البت دى انساها اديك عشتلك يومين و انبسطت و يا كدا يتشتريها و تبعنا احنا عن اذنك
..........
فى المطبخ
بلال/ فرح انا عاوزك
فرح / بقالك ساعه بتتودد انت و ماما خير
بلال / سيبك ايه حكايه الفرح دى مقولتليش يعنى
فرح / ماما قالتلى ان جلال عاوز يعملهالك مفاجئه
بلال / بس جلال قايلى انك مكلمتيهوش بقالك فتره و حتى لما كان بيكلمك مكنتيش بتردى عليه
فرح / بصراحه يا بلال من ساعه ما ماما قالتلى و انا بنكسف اكلمه
جلال / ازيك يا فرح ... عاوزك يا بلال
بلال / خير
جلال / بقولك عاوزك يلا
بلال / عن اذنك
.....
فى غرفه جلال
جلال/ شوفت المصيبه دى
بلال / شفت ماما حاكتلى
جلال / انت كلمت فرح فالموضوع ده
بلال / ملحقتش كل اللى فهمته ان امك اللى مكلماها معرفش بقى قالتلها ايه بالظبط
جلال / انا هتجن دانا حكيتله عن شيرين
بلال / ينهار و قالك ايه
جلال / المتوقع غلط فيها و قالى انساها قال ايه عشتلك يومين و انبسطت
بلال / دانا كنت جاى احكيله عن جيهان لا يعم انا هاجل الموضوع
جلال / اولع انت .. انا هعمل ايه
بلال / اهدى بس انا هتكلم مع فرح اكيد هترفض و بابا ان قدر يغصبك مش هيقدر عليها
جلال / انت عبيط من امتى فرح بتقول لا دى خاتم فايد ابوك و امك مبتقدرش تزعلهم
بلال/ بس دا مش اى حاجه دى حياتها
جلال/ انا نفوخى هينفجر
بلال/ اهدى بس اما افهم من فرح
جلال/ طب انزل كلمها حالا
بلال/ ماشى
.......
فى المطبخ
فرح / خير ايه اللى جابك هنا تانى
بلال / عاوزك سيبى اللى فايدك و تعالى
فرح / و الاكل
بلال/ يولع مالمطبخ مليان حريم اهو تعالى
.......
فى غرفه فرح
فرح / بقولك ايه انا مش هنضرب بسببك تانى
بلال/ انتى موافقه عالجوازه دى
فرح / الله .. ايه السؤال ده
بلال / جاوبينى انتى بتحبى جلال صحيح
فرح / اقولك بصراحه
بلال / طبعا
فرح / انا عمرى مبصيت لجلال على انه اكتر من اخ
بلال/ و بعدين
فرح / بس لما ماما قالتلى اد ايه هو بيحبنى
بلال/ ماما قالتلك ايه
فرح / ماما قالتلى انه بوظ الجوازه بتاعه المحاسب عشان كان غيران و انه مستحملش يشوف حد بيعاكسنى و قالتلى انه بيكلمها ليل نهار يزن على موضوع الجواز
بلال/ انتى بتتكلمى عن مين
فرح / جلال
بلال/ ماما قالتلك كدا
فرح / ايوه هو مكنش عاوز يقولى عشان اركز فى المزاكره و لما لقى العرسان بتتقدملى خاف لضيع منه
بلال/ مين اللى فهمك كدا
فرح / يووووه بقى متركز ماما
بلال / انا هتجنن ماللى بسمعه
فرح / حلوه المفاجئه
بلال/ يعنى انتى بتحبى جلال
فرح / انا طول عمرى كان نفسى فحد يحبنى كدا و من يوم ما ماما قالتلى و انا بحلم ليل نهار انى اقوله و اسمعها منه
بلال/ ايوه يا فرح بس
فرح / انا عمرى مفكرت ان فى حد ممكن يحبنى
بلال/ ليه يعنى
فرح / انا لا عنيا ملونه و لا شعرى اصفر زى جيهان و لا بتاعه دلع زى بنات مصر انا
بلال/ بس الحب مش بالحاجات دى يا فرح
فرح / كنت بسمع قصص حبك انت و جيهان و اقول الله يا بختهم كنت بحسدها عليك
بلال/ ميمكن نصيبك احسن
فرح / اه جلال انا مبنمش مالفرحه و كل يوم اروح لماما تحكيلى قالها ايه فى التليفون و ساعات كنت بتصل بيه و اقفل علاطول و لو اتصل مكنتش برد كنت بتكسف و لما شفته تحت فى المطبخ حسيت ان جسمى كله تلج
بلال/ خلاص يا فرح
فرح / بلال اوعى تقول لحد على اللى قولته و لا حتى ماما
بلال/ حاضر
فرح / انت اقرب واحد ليا فالبيت ده انت اخويا و صاحبى عشان كدا قولتلك
بلال/ والله يا فرح انا مش عارف اقولك ايه بس الاكيد انى لازم اتكلم مع ماما تانى
........
خارج الغرفه
جلال/ ايه بترغوا فايه كل ده وترتنى
بلال / قابل يا عم امك مفهماها انك بتموت فيها مسكت دماغها لحد محببتها فيك
جلال / لا دى مؤامره بقى انا هدخل و اقولها الحقيقه كلها
بلال / اى كلام مع فرح هيكسر قلبها انت مشوفتهاش كانت عامله ازاى
جلال / قطمه احسن من نحته اوعى
بلال / استنى بس يا جلال
......
فى غرفه فرح
جلال/ بقولك اوعى
بلال/ يابنى اصبر
فرح / جلال
بلال/ يارب اهدى بس
جلال/ بصى يا فرح
فرح / ايوه
جلال / بصى ... بصى ... احنا قولنا مليون مره متقفليش الباب عليكى انتى و بلال
فرح / انا اسفه اخر مره والله
جلال / عن اذنك
.........
خارج الغرفه
بلال/ مقولتلهاش ليه
جلال/ انا مش هقدر اشوف دموعها مش هقدر اكون السبب فيها مش هقدر
بلال / اهدى بس انا هنزل اتكلم مع ماما و افهم منها
جلال / هقولها ايه هقولهالها ازاى
بلال / خش انت الاوضه ريح و انا عشر دقايق و جاى
...........
فى غرفه الحاج
بلال/ ماما كويس انى لقيتك هنا
الحاج / تعال يا بلال مسلمتش عليا
بلال/ اسف يا بابا من ساعه مجيت و انا متلخبط
سماح / خير يابنى
بلال/ ممكن اكلمك على انفراد
الحاج / متتكلم قدامى يابنى و لا انت زعلان منى
بلال / ابدا يا بابا بس الموضوع
الحاج / فرح صح
بلال / يا بابا اللى بيحصل ده ميرضيش ربنا
سماح / بلال
الحاج / سيبيه يكمل
بلال/ يا بابا انت هتجوز اتنين مبيحبوش بعض ليه
الحاج / عشان مصلحتهم يابنى
بلال/ مصلحه فرح ان ماما تكدب عليها و تفهمها ان جلال بيحبها و بعد متتجوزه تتصدم انه بيحب واحده تانيه
الحاج / معاك حق روح نادى فرح اقولها الحقيقه
سماح / حج
بلال/ بجد يا بابا
الحاج / طبعا هقولها ان جلال مطفش العريس هو اللى طفش لوحده لما عرف انى مش كاتبلها قشايه من التركه
بلال/ انت بتقول ايه يا بابا
الحاج / زى مبقولك كدا و هقولها كمان ان جلال مبيحبهاش لانه بيحب بنت من مصر مش فلاحه من بلده
بلال/ و دا ايه علاقته بفرح
الحاج / روح ناديها قولها انها اقل من بنات مصر لا ابن بلدها راضى بيها و لا ابن مصر قابلها
بلال/ انت بجد عاوزنى اقول كدا لفرح
الحاج / روح اللحقها قبل متقيس الفستان بتاع كتب الكتاب و تحلم روح اكسر قلبها
بلال / فرح عمرها مبصت لجلال على انه اكتر من مجرد اخ
سماح / لا فرح بتحبه
بلال/ حبته لما كدبتى عليها و رسمتيلها حبه ليها و هى فسن مراهقه
سماح / عاوز ايه يا بلال
بلال/ عاوزكوا تحلوها زى مكلكعتوعا
الحاج / ربنا ادانى الحق اوهب تلت ثروتى لحد و فكرت كتير انى ائمن مستقبل فرح و اكتبلها نصيبها اللى مش هتورثه عشان مش من دمى بيع و شرا و ارجع اقول و انا ادى فلوسى لراجل غريب ليه يبعزقها و بعدين يبهدل البت
بلال/ يا بابا
الحاج / متقاطعنيش ... قولت مش هكتب بعد مكنت فعلا هكتبلها المزرعه و لما الناس عرفت انى هكتب العرسان بقوا طوابير و كلهم اختفوا لما عرفوا انى مكتبتش
بلال / و دا ايه علاقته بجلال
الحاج / قولت متقاطعنيش ...... فرح بختها قليل ابوها مات قبل متشوف الدنيا و امها ماتت و هى بتولدها و الرجاله طمعانه فى فلوس هوهبهالها و عيالى بكره يتجوزوا و يتلهوا كل واحد فى مراته اللى مش بعيد تاسيه عليها و انا و امك مش هنعيشلها العمر كلو و فرح هتبقى فى الشارع
بلال/ للدرجادى شايفنا عيال و مش رجاله
الحاج / ايوه عيال لما تكسروا كلام ابوكوا تبقوا عيال
سماح / اهدى يا حج صحتك
الحاج / خلينى اموت يا سماح عشان تشوفى .... عشان تشوفى هيجرا ايه لفرح
بلال/ يا بابا
الحاج / انا مش عاوز كلام فى الموضوع ده و لعلمك انا كنت ناوى كتب كتاب بس . بس بعد اللى حصل هتبقى دخله و بكره تنزلى يا سماح مع فرح تجيبوا الفستان
...................