دموع الفرحه بقلم / لولو محمد ( كامله )

الحلقه ٢٩

#lolo #لولو_محمد
(((((((((((((دموع الفرحه )))))))))))
الحلقه التاسعه و العشرون
.....
فى الشقه
بلال/ معلش هى مكركبه بس انا هروقها
فرح / متشغلش بالك انا هبقى اروقها
ايمان/ دا واجب عليا دا الدنيا نورت
.......................
فرح/ بطلى افوره بقى
بلال/ مكنتيش متخيله الدنيا مضلمه منغيرك ازاى
ايمان/ عليا النعمه لولا انها جت معاك مكنت اهنيك عالقاعده يوم واحد
بلال/ لا مهو اكياس الزباله قايمه بالوجب
فرح/ اكياس ايه
ايمان/ حقك عليا بس انت كنت قاهرنى
فرح/ هو ايه اللى حصل
بلال/ خلاص انا نسيت اللى فات من النهرده صفحه جديده
فرح/ بس انا مش عاوزه انسى الى فات كان مليان زكريات حلوه
ايمان/ انا هروح اعملك لقمه تاكليها ... اه صحيح البت دى اللى اسمها جيهان جت و خبطت كتير و مشيت
فرح/ طب مكلمتكش عالموبايل ليه
بلال / كنت سايبه هنا
فرح/ طب كلمها شوف خير فى ايه
ايمان/ ياختى بطلوادا و اسمعودا
فرح/ ههههههه يا ايمان بطلى اسلوبك ده
ايمان/ انتى هتنقطينى يا بت انا ماشيه
.......
فى الاوضه
فرح/ خير فى ايه
بلال/ مامتها تعبانه اوى و هى منهاره مالعياط
فرح/ طب روحلها
بلال/ ازاى يا فرح
فرح/ روح
بلال/ و انتى
فرح/ انا زى الفل وصدقنى انا مش لوحدى روح
بلال/ ماشى
.......
بعد شويه
فريده/ انتى اتجننتى جه يصالحك و انتى تبعتيهولها
فرح/ مقدرش اخيره بنا يوم مهيختار يبقى يختار بمزاجه
ايمان/ انا قولت هتنقطينى
فرح/ انا بحبه يا ايمان و عوزاه مبسوط
فريده/ انتى مجنونه مهو اختارك انتى
فرح/ اختارنى عشان سابته لكن فوجودنا احنا الاتنين
فريده / بالظبط فرصه من ربنا هى انكشحت و جالك خلاص بقى
فرح/ عمرك مهتفهمى انا كنت فنار بعيد عنه مكنتش بنام منغير منوم مكنتش ببطل عياط
فريده/ و هو جنبه و هو فى حضن البت دى جنه
فرح/ اه جنه يا بنتى دا لو بصلى بس و ابتسم هبقى فجنه
ايمان/ لا الجنان ده ميتسكتش عليه
فرح/ هههههههه انا بحبه يا ايمان
فريده/ حبك برص و عشره خرس وهو مبيحبكيش ليه
فرح/ بيحبنى و بيموت فيا كمان
ايمان / لا يا شيخه طب قولى كلام غير ده يمكن نصدق
فرح / قولتلك مش هتفهمى
فريده/ يعنى لما يتجوز البت دى هتبقى مبسوطه
فرح/ اه هبقى مبسوطه طول مهو مبسوط
ايمان / قومى يا فريده عشان انا بدات احس بالجلطه
فرح/ ههههههه سلامتك يا ايمان
فريده/ انتى هتخليه يحط الاتنين قدامه و يختار
فرح/ اه هو اللى يختار منغير مجبره
فريده/ طب لو هى اجبرته او هو مختارش
فرح/ لو هى اجبرته خلاص هستنى اشوف هيختار مين و لو مختارش برده هصبر
ايمان/ و ليه يا بت تيجى على نفسك كدا دانتى حلوه و صغيره و سيد سيده يتمنى تراب رجليكى
فرح/ لسببين الاول انى انا بتمنى تراب رجليه
فريده /طب والتانى
فرح/ ان بلال ملوش سيد سيد اصلا
فريده/ بصى يا بت انتى دى كل المحاضرات والسكاشن و الكورسات اللى فاتتك و لو وقف قدامك حاجه هشرحهالك انا همشى عشان الحب اللى ولع فى الدره ده هينقطنى
ايمان / انا جايه معاكى
فرح/ شكرا انكوا ساعدتونى اروق الشقه
....
فرح تطلع البلكونه تلاقى حسام واقف بيشاورلها
فرح تشاورله و تبتسم
حسام يمسك الموبايل و يكتب و فرح تليفونها بيرن برساله
فرح تمسك الموبايل / انا خت رقمك سرقه من فريده
فرح تكتب و تبعت لحسام
حسام / كان ممكن تطلبه منى
حسام يكتب
فرح/ كنتى هتديهونى يعنى
فرح تكتب
حسام/ اكيد مش اخويا
حسام يكتب
فرح/ الشارع منغيرك كان ضلمه حتى الكليه و الكورسات مكنتش فاهم اى حاجه و لا عارف اركز
فرح تكتب
حسام/ ياسلام على كل الكهربا رجعت ورينى حجتك
حسام يكتب
فرح/ منغيرك مش لاقى حد انكشه
فرح تدحك تجيلها رساله تانيه / يا دين النبى
فرح تشاورله يا مجنون و تدخل
.....
حازم / رجعتله
حسام/ بتحبه ابن المحظوظه
حازم / طلع كل اللى فات كدب كنت خايف عليك تحلى فعينك بعد معرفت الحقيقه
حسام/ طول مهى بتحبه انا هفضل اخوها
حازم / انتوا الاتنين نسخه يابنى الحب الافلاطونى ده انقرض
حسام / خليك فحالك
حازم/ ماشى
........
عند جيهان فى المستشفى
جيهان/ انا تعبانه يا بلال ماما بتموت و انا لوحدى لا انت و لا احمد جنبى و معدتش بروح الشغل
بلال/ انا والدى اتوفى
جيهان/ لا اله الا الله امتى ازاى
بلال/ كان تعبان الفتره اللى فاتت و مات و قعدنا ايام العزا و لما رجعنا مفيش يومين و فرح عرفت الحقيقه و حاولت تنتحر
جيهان/ يا ساتر يا رب طب مكلمتنيش ليه
بلال /يا بنتى انا كنت مدمر بس الحمد لله فرح بقت كويسه و سامحتنى او على الاقل اتمنى تكون سامحتنى زى متمنى انك انتى كمان تسامحينى
جيهان / انا مش هكدب عليك على قد الوجع اللى فقلبى نحيتك بس الفتره اللى فاتت كنت محتاجاك اوى اول مره احس بالضعف ده انت كنت دايما جنبى
بلال/ جيهان انا عارف انى جيت عليكى كتير و عارف انى مهما عملت مش هقدر اعوضك بس انا مش هقدر اطلق فرحة
جيهان/ بتحبها
بلال/ مش اكتر مبحبك بس اللى حصل و اللى شوفته الفتره اللى فاتت و حالتها الصحيه مينفعش ابعد عنها
جيهان/ اكيد فظروف تانيه كان ممكن ارفض و اقولك ازاى بس فى ظروفى دى و بعد اللى حسيته فبعدك مش هقدر ارفض و هحاول اتقبل وجودها مع انى عارفه انه صعب اوى
بلال/ انا بحبك يا جيهان
جيهان/ الباشمهندس مصطفى كلمنى و سالنى ليه احنا التلاته سبنا الشغل فوقت واحد و منغير منبلغه و بيقول انه مستعد يسامحنا
بلال/ مش هشتغل فى مكان واحد مع احمد ده
جيهان/ و لا انا و على كل هو مشى كلم بشمهندس مصطفى نرجع الشغل انا و انت
بلال/ ربنا يسهل
.......
فى البيت عند شيرين
شيرين / انت بتتكلم جد فرح روحت
جلال / ايوه ماما كلمتنى و حكتلى اللى حصل و قالتلى اخد بالى منها
شيرين/ غريبه اوى فرح
جلال/ قصدك مسكينه
شيرين/ و بلال كمان مسكين
جلال/ فعلا المهم هنتجوز امتى
شيرين / انت بتهزر صح ازاى نتجوز فى الظروف دى
جلال/ دى وصيه بابا الله يرحمه و لازم انفذها
شيرين/ ايوه بس الناس
جلال/ ابويا اهم من الناس هو قال مفيش حاجه تقف او تتغير و ماما كمان بتزن على نفوخى
شيرين/ بس الشقه مش جاهزه ناقصها حاجات كتير اوى
جلال/ خلاص يا شيرين شوفى ايه اللى ناقص و هاتيه
شيرين/ دا هياخد وقت و فلوس
جلال/ اشغلى فرح معاكى حليها تتلهى بالتجهيزات حطيها فكل حاجه و الفلوس موجوده متشيليش هم عاوز الشهر الجاى بالكتير تكون كل حاجه خلصانه
شيرين/ انت بتهزر
جلال/ متخلينيش اروح احجز القاعه و ازنقك
شيرين/ و بابا هتقنعه ازاى
جلال/ ماما قالتلى هتكلمه دى وصيه بابا و لازم تتنفذ
........
فى البيت بالليل
فرح/ اخيرا جيت قلقتنى عليك
بلال/ بابا كان معاه حق لما قال انك تميمه حظ
فرح/ الله يرحمه
بلال/ جيهان رجعت و شغلى رجع بمجرد رجوعك ليا
فرح/ طب الحمد لله مامه جيهان عامله ايه
بلال/ تعبانه اوى شكلها بتخلص
فرح/ لا اله الا الله طب و هى عامله ايه
بلال/ منهاره طبعا
فرح/ عرفت انى رجعت
بلال/ هى مكنتش تعرف انك مشيتى اصلا و بعدين انا قولتلها على كل اللى حصل و هى فهمت الوضع
فرح / دا خبر حلو جدا كدا بقى نستعجل فى جوازكم قبل مامها تموت و اهو نفرح الست فى اخر ايامها
بلال/ انتى بتتعاطى مخدرات دماغك دى ايه
فرح / بلال كفايه الوقت اللى عدى
بلال/ انتى ازاى بتحبينى و عاوزه تجمعينى بجيهان
فرح / صدقنى مش سهله بس ده الصح
بلال/ مش عاوز اجى عليكى و اظلمك اكتر من كدا
فرح/ متخفش احسن بكتير من انك تظلم جيهان هى كمان بتحبك اوى و بتغير عليك
بلال/ كدا كدا ظالمها
فرح/ خلاص صلح غلطتك و اطلب السماح
بلال/ و انتى سامحتينى
فرح/ انا داخله انام معاد دوايا عدى من ساعه
بلال/ متاخديش الدوا تانى انا هفضل جنبك لحد متنامى زى زمان
فرح/ لا كدا احسن انا كمان هشوف دكتور هنا يتابع حالتى عشان لو الدوا يغير فيه حاجه
بلال/ طب ممكن افضل جنبك
فرح / طبعا
.....
تانى يوم
فرح / قوم يا كسلان وراك شغل انا نازله الكليه عاوز حاجه
بلال/ استنى هوصلك
فرح/ ملوش لزوم حسام و فريده و حازم تحت
بلال/ ماشى
....
فى الكليه
حسام / اخبارك ايه
فرح / الحمد لله احسن كتير بس طول اليوم بزاكر اللى فاتنى و فى حاجات كتير واقعه
حسام / بسيطه اقعد معاكى بعد المحاضره اشرحهالك لحد معاد السيكشن
فرح /ماشى
تليفون فرح يضرب / دى ماما .... الو ازيك يا ماما .... بجد و قالك ايه .... ليه .... اجرب ... حاضر ... لا اله الا الله ..... سلام
حسام / خير فى ايه
فرح/ ماما كلمت الدكتور و حكتله اللى حصل و قال اوقف الدوا و اشوف هقدر اعيش طبيعيه و لا لا
حسام /طب و زعلانه ليه
فرح/ خايفه
حسام/ من ايه
فرح/ خايفه اضعف و مقدرش اكمل خايفه
حسام / يعنى هتعيشى عالدوا طول عمرك وقفيه و هتبقى كويسه ان شاء الله احنا جنبك مش هنسيبك
فرح/ انتوا مين
حسام/ انا و فريده و حازم و مدام ايمان و حتى بلال جنبك
فرح/ و جاى على نفسك ليه و حاطه اخر القايمه
حسام/ ان كنتى سامحتيه فانا مش مسامحه
فرح / مكنتش غلطته صدقنى
حسام/ انا بحقد عليه على فكره انا لو عملت قرد مش هلاقى واحده تحبنى زى مبتحبيه كدا حتى هو مش هيقدر يلاقى حد يحبه زى مبتحبيه كدا
فرح/ و لا انا هقدر احب حد زى مبحبه و لا هلاقى حد بيحبنى زى مبيحبنى
حسام/ و مالك واثقه اوى كدا ليه
فرح/ انا اعرفه اكتر منك
حسام / غيرى السيره
فرح/ هههههههه
........
فى المستشفى
جيهان/ انت بتقول ايه نتجوز ايه فى الظروف دى
بلال/ جلال اخويا هيتجوز الشهر الجاى نتجوز معاهم
جيهان/ ازاى و باباك لسه متوفى
بلال/ دى كانت وصيته اننا منزعلش و لا نوقف حياتنا و بعدين اكيد مامتك هتفرح و تطمن عليكى
جيهان / انا مش زيك مقدرش اتجوز و افرح و اسيب ماما فى الظروف دى
بلال/ انا رايح الشركه فكرى و كلمى مامتك و قوليلى قرارك
.......
فى البيت عند فرح
جلال / انتى بتقولى ايه يا فرح بقى انا جاى اخدك تساعدينى فى جهازى تكلمينى عن فرح بلال
فرح / لو شيرين معندهاش مانع نعمل فرحكوا فيوم واحد و نكبر الليله
شيرين / اللى تشوفوه
جلال/ دى هتبقى ليله سودا و منيله بستين نيله انتى واعيه للى بتقوليه
فرح/ انا بعمل الصح
جلال/ كلمتى امك فى الموضوع ده
فرح/ باخد رايك الاول
جلال / انتى عارفه يعنى ايه بلال يتجوز
فرح/ ايوه هو انا صغيره
جلال/ لا دانتى لسعتى خالص
فرح تعد عالكنبه و تعيط
جلال/ مالك يا فرح
فرح/ انا تعبت من انى عقبه فى طريق بلال هو بيحب جيهان و انا مش هستحمل فى يوم مالايام احس انه سابها عشانى او ندمان انه اختارنى انا
جلال / دا قراراه هو
فرح بعد تنهيده / انا بعمل الصح
شيرين / انتى بتدبحى نفسك منين بتحبيه و منين بتجوزيه
فرح/ انا تعبت من انى اشرح و محدش بيفهم انا عاوزه ده عوزاه يوم ميختار بينى و بينها يتختار لانه عارف ان ده الصح و الى هو عاوزه مش عشان مجبر او عشان الناس
شيرين / فكرى تانى فقرارك ده
فرح/ لا مش هفكر انا اصلا مبفكرش انا بعمل اللى حساه صح لو فكرت مش هعمل لو فكرت هتعب
شيرين/ جيهان مش بتطيقك و هتعذبك
فرح/ بلال مش هيسمحلها
جلال/ بلال اتحط فى المطحنه و مهواش شايف و هى هتعرف تاكل عقله
فرح / لو هتبسطه انا هرضى
جلال/ احنا ماشين
شيرين/ اعملى اللى انتى شيفاه صح يا فرح بس على الاقل فكرى
......
فى الفرح
سماح/ ياريتنى مت و معشتش اليوم ده
فرح/ حرام عليكى يا ماما ليه كدا
سماح/ ابن الجزمه ضيع فرحتى باخوه دى كانت شوره مهببه
فرح / بصى كدا شوفى اد ايه هو مبسوط
سماح/ و اضرب بعينى بعيد ليه مانا شيفاكى جنبى اهو
فرح/ طب مانا مبسوطه و هقوم ارقص كمان
سماح/ ترقصى
فرح/ اه هقوم و هرقص و هغنى دا فرح بلال يا ماما
سماح/ انتى اتجننتى خلاص انتى ختى الدوا
فرح/ ايه يا ماما دوا دوا دوا انا كويسه
فريده تدخل / ازيك يا طنط ازيك يا فرح
فرح/ انا فرحانه انك جيتى
فريده/ بالعافيه محدش رضى يجى معايا
فرح/ كويس انك جيتى اقعدى مع ماما بقى و اهروا و انكتوا فنفسكوا و انا هقوم اروش
فرح قامت و رقصت مع بلال و جلال و جيهان و شيرين
سماح/ قلبى عليكى يا بنتى
فريده/ هى هتروح معاكى صحيح يا ماما
سماح / اه هتقعد تلت ايام عندى لحد مالعرسان يسافروا هتروح تعد لوحدها عشان الكليه و لما يرجعوا هتقعد معاهم هما اتفقوا على كدا
فريده/ انتى ازاى ممنعتيهمش
سماح/ فرح صممت و دا اللى هى كانت عوزاه
......
فى البلد بعد الفرح
فرح/ تصبحى على خير يا ماما انا طالعه انام
سماح / تيجى جنبى
فرح/ لا انا هاخد الدوا و انام متخافيش
سماح/ طب يا بنتى تصبحى على خير