#lolo #لولو_محمد
(((((((دموع الفرحه ))))))
الحلقه السادسة
بلال/ لو ليا نصيب فيها مش هتسيبنى لو بتحبنى هتقف جنبى
فرح / انت ازاى هادى كدا
بلال/ معرفش انا كل اللى بفكر فيه انى عاوز النهرده يخلص باى شكل يمكن بكره يكون احسن
فرح / تفتكر هيجيلى نوم
بلال/ انا هفضل جنبك لحد متنامى
............
ثانى يوم
الباب بيخبط بلال نايم جنب فرح يفتح عنيه و يقوم يفتح الباب
سماح / صباح الخير يا بلال
بلال/ صباح النور يا ماما
سماح / طمنى عليها
بلال/ نايمه سيبيها نايمه مصدقت نامت طول الليل عياط
سماح / ابوك هينزل يصلى الجمعه كان تعبان طول الليل هو كمان مقهور من جلال
بلال/ انا هلبس و انزل اصلى معاه
سماح / الناس مش هتسيبك فحالك يابنى
بلال/ يبقى الاحسن اكون جنب بابا نسد بعض قدامهم
سماح / ربنا يبعد عنكوا و لاد الحرام
...........
فى المسجد بعد الصلاه
راجل / حرما يا حج سعيد حرما يا عريس
سعيد/ حرما يا حج
الراجل / امال فين الباشا جلال مشوفناهوش فى الفرح امبارح
بلال/ جتله ماموريه كان لازم ينزل اديك شايف البلد و اللى بيحصل فيها
الراجل / الله يعينه ولاد الحرام مسابوش لولاد الحلال حاجه دا الواد صبحى منه لله ماسك اهل البلد و عمال يقول كلام زى السم
سعيد / بيقول ايه
الراجل / بيقول انك يا حج عزمت الناس على فرح جلال و لقوا بلال بيتجوز و كدا يعنى
بلال/ و هو ماله مين اللى بيتجوز مش جه و طفح فى الفرح و لا لحق يهضم صحيح عيل خسيس ياكل فبيتنا و يحكى فسيرتنا
سعيد / اهدى يا بلال يابنى
بلال / روح يا حج و اسال فى محل البدل اللى فى اول البلد اسالهم كدا مين اللى اشترى بدله انا و لا جلال و اسال عم لطفى الحلق حلق لمين انا و لا جلال مكل واحد فى البلد دى يخليه فحاله
سعيد / اهدى يابنى الراجل ملوش ذنب
بلال/ دا بدل ميجوا يصبحوا عليا و يباركولى يابا بيجيبوا فى سيرتى انا و اخويا لو كان جلال هنا مكنش عتقه العيل الواطى ده
الراجل / حقك عليا يابنى والله مكنش قصدى انا بس
بلال/ مبسش يلا يا بابا نروح
........
فى البيت
سماح / الحمد لله انها جت على اد كدا و بلال لم الموضوع يا حج
بلال / انا هطلع اطمن على فرح
الحاج / هى عامله ايه صحيح يابنى
بلال/ لا تسر عدو و لا حبيب انا هاخدها و انزل مصر بكره الصبح
الحاج / خدها مصر يابنى بس خد بالك منها
بلال/ ماشى عن اذنكم
.........
فى غرفه فرح الجديده
بلال/ ايه ده انتى عملتى ايه
فرح / لميت الهدوم و جهزت الشنط عشان نسافر مصر انا مش عاوزه اقعد هنا
بلال/ طب ينفع بكره الصبح
فرح / ماشى ادينى رتبت الشنط
بلال / انتى مش هتفطرى
فرح / مليش نفس
بلال/ خلاص انا كمان مش هاكل و لما اموت مالجوع ذنبى فرقبتك انا اخر حاجه كلتها كانت فى الحنه
فرح / و مبتاكلش ليه
بلال/ مش لاقى حد يفتح نفسى
فرح / كلمت جلال مردش عليا
بلال/ هو فتح موبايله امتى
فرحة/ هو مبيردش عليا ليه
بلال / هيرد يقولك ايه اسف و لا معلش
فرحه / يقول اى حاجه بس يرد
بلال / لما ننزل مصر يبقى يقولك فوشك المهم ناكل بقى
فرحه / ماشى يلا ناكل
.......
فى اليوم التالى امام العربيه
سماح / طب مش عاوزه تسلمى عليا قبل متمشى
الحاج / للدرجادى زعلانه مننا
سماح / ليكى حق يابنتى متكلميناش
بلال / انا ماشى هتعوزوا منى حاجه
الحاج / سلامتك يابنى
سماح / لا اله الا الله
بلال/ محمد رسول الله
..........
امام الشقه فى مصر
بلال/ بما ان جلال قفل موبايله فمعرفتش اقوله اننا جايين فعاوزك تمسكى نفسك لو حصل و شوفتيه
فرح بتعيط
بلال / ادخلى برجلك اليمين شكله مش جوه
........
فى الشقه المجاوره
الست / اللحق يا اسماعيل بيت العزاب اللى جنبنا جايبين عيله صغيره و البت عماله تعيط على اخرها
اسماعيل / يا وليه اتهدى دول رجاله زى الورد سنين جنبنا مشوفناش منهم حاجه وحشه
الست / يا اسماعيل عندنا بنات اللحق البت بدل ميدحكوا عليها
اسماعيل / ياربى على زنك هروح اشوف مين دى على الله ترتاحى كتك القرف
.......،،
اسماعيل يضرب الجرس و بلال يفتحله
بلال/ اهلا يا استاذ اسماعيل اتفضل
اسماعيل / معلش يا بشمهندس بلال انا حرمى كانت شافت واحده معاك و كنا عاوزين....
بلال/ اه ثوانى يا استاذ اسماعيل
بلال يطلع ورقه من جيبه
بلال/ اتفضل دى قسيمه جوازى و اللى معايا دى تبقى مراتى
اسماعيل / لا مؤاخذه متزعلش منى انت عارف ال....
بلال/ و لا يهمك انا مقدر
اسماعيل / عن اذنك
بلال / اتفضل
........
فى الداخل
فرح / مين
بلال / جارتنا شافتك و حبوا يطمنوا
فرح / مش فاهمه
بلال/ دى ست فضوليه و فظيعه كل يوم تيجى تطلب حاجه او تسال عن حاجه تحسسك انها فرد مالعيله
فرح / ماشى
بلال/ دى اوضتى و دى اوضه جلال بس من الواضح انها حاليا فاضيه
فرح / معلش هنام انا فاوضتك و اهو بالمره تبقى اوضتك اللى جنب الباب
بلال/ و ماله معلش بقى هى مكركبه مهى شقه عزاب بس فى واحده بتيجى تظبطها كل اسبوع المفروض كانت تيجى امبارح
فرح / و لا يهمك انا هرتبها
بلال/ طب انا هنزل نصايه اجيب حاجه ناكلها من اى محل جنبنا مش هتاخر
بلال ينزل و فرح تبدا تنقل هدومه لاوضه جلال و تفرش هدومها فى اوضته و الباب يضرب
فرح / مين حضرتك
الست / انا ايمان مرات الاستاذ اسماعيل جاركم
فرح / اهلا و سهلا اتفضلى
الست / انا كنت جايه اعتزرلك ياختى اللى ميعرفك يجهلك
فرح / على ايه و لا يهمك انا فرحة
الست / اهلا يا عروستنا يا قمر انا جبتلك طبقين رز بلبن يحلو بقك
فرح / مكنلوش لزوم تعبتى نفسك
الست / تعبك راحه يا حبيبتى عن اذنك بقى لحسن زمان العيال قلبو البيت
فرح / اتفضلى
فرح تقفل الباب و تروق اوضه جلال سابقا بلال حاليا و تتنقل لاوضتها
بلال/ انا جيت جبتلك اتنين كيلو كباب يستاهلو بقك
فرح / مش كتير يا بلال
بلال/ دا يا دوبك انا جعان على اخرى
فرح / على العموم ودع اكل الشارع اخر مره تاكل منه البيت بقى فى ست
بلال/ تمام يا فندم
فرح / انا نقلت هدومك و فرشتلك الاوضه و نقلتلك كل حاجتك ورصيتلك الاوضه و كلو تمام
بلال / فرح انا كنت عاوز استاذنك انزل بعد الاكل اروح لجيهان
فرح / بتستاذنى انت مجنون و لا ايه براحتك طبعا
بلال/ لا قصدى يعنى انى هسيبك هنا لوحدك
فرح / لا متخفش انا ورايا فى البيت هنا شغل لبكره الصبح دا غير جارتنا الست ايمان
بلال/ هى لحقت اتعرفت عليكى
فرح / هههههه مبتضيعش وقتها و جابتلنا رز بلبن مستنتش عليه يبرد
بلال/ بتتكلمى جد
فرح / والله كان سخن
بلال/ ملناش دعوه بحد فينا اللى مكفينا
فرح / حاضر كل انت بقى و ربنا يقويك
بعد الاكل بلال ينزل و فرح تكمل شغل فى البيت
..................
فى كافيه
بلال/ بس يا ستى هى دى الحقيقه بادق تفاصيلها
جيهان / انت حلفتنى اسمعك للاخر و سمعتك دلوقت دورى انا
بلال/ اتفضلى
جيهان / اقسم بالله لولا انى فمكان عام و مليان ناس كان زمانى كابيت العصير ده فوشك بس انا مش هبوظ برستيجى عشان واحد شرقى رجعى متخلف زيك
بلال/ حقك اكتر من كدا بس اقسم بالله كان غصب عنى
جيهان / انتوا كلكوا زباله و انا مشفقه على فرح انها تعيش مع واحد زيك طبعا الراجل المصرى يحب و ينبسط و يوم ميتجوز يروح ياخد اللى مامته اخترتهاله
بلال/ بس ماما مخترتهاليش
جيهان / انت ملكش اعزار و كدا كل اللى بينا انتهى عن اذنك
بلال/ يا جيهان
جيهان / تمنياتى ليك بحياه زوجيه سعيده مع البنت الى كنت بنزل انقيلك الهدايا بتاعتها بنفسى اد ايه كنت مغفله بس معلش ملحوقه
جيهان تمشى و بلال يروح
فرح / مالك فى ايه
بلال/ عادى مكنتش متوقع احسن من كدا
فرح / معزوره
بلال/ انا هدخل انام
فرح / بدرى كدا
بلال/ معلش مخنوق و عاوز اقعد لوحدى
.........
بعد شويه فرح تدخل تلاقيه نايم تاخد موبايله و تطلع الصاله تنقل رقن لموبايلها و تتصل بيه
فرح / الو .... جيهان .... انا فرح بكلمك من موبايلى ارجوكى متقفليش السكه ...... انا اترددت كتير قبل مكلمك ..... عاوزه اقابلك ..... ادينى فرصه اخيره ..... اى مكان تختاريه بس قوليلى اقول للتاكس ايه انا اول مره انزل مصر ..... حاضر تمام انا لابسه هنزل حالا ....، مع السلامه
...........
فى كافيه
أنت تقرأ
دموع الفرحه بقلم / لولو محمد ( كامله )
Romanceفتاه يتيمه يهرب عريسها يوم الفرح و تضطرها الظروف للزواج من اخيه لتلافى الفضيحه رومانسي دراما
