#lolo #لولو_محمد
(((((((((دموع الفرحه ))))))))))
الحلقه الخامسه
سماح / جلال يا حج و فرح جلال
الحاج / مالهم يا سماح قلقتينى
سماح / كانوا قاعدين يتمرجحوا تحت و طلع وصلها لاوضتها و سمعته بيقولها انه بيحبها
الحاج / شوفتى يا سماح انا برده مبقولش اى كلام
سماح / طبعا يا حج انا كدا اطمنت هنام بقى و اشبع نوم
الحاج / تصبحى على خير
.......................
فى صباح اليوم التالى غرفه بلال
فرح / اصحى يابنى كل ده نوم
بلال/ هى الساعه كام
فرح / الساعة ٧ الصبح
بلال/ و انا اصحى ٧ليه هبيع لبن
فرح / يابنى كلنا صاحين مالفجر و البيت على رجل
بلال/ ليه فى ايه
فرح / يوووووه النهرده فرحى يا بلال قوم بقى
صوت من بعيد / صحباتك وصلو يا فرح
فرح / اخيرا يلا قوم بقى
.........
تحت فى الريسيبشن
الحاج / كويس انك صحيت يا بلال طلع اوضه النوم دى فوق مع الرجاله و افرشها مع النجار
بلال/ اوضه نوم ايه
الحاج / بتاعه العرسان ياوله
سماح تنزل من فوق / احنا خلاص نضفنا الاوضه و خليناها على سنجه عشره الهمه بقى يا بلال
بلال / استعنا عالشقا بالله الهمه يا رجاله
..........
فوق فى الاوضه
بلال / اخيرا خلصنا الله ينور يا رجاله
فرحه / الله دى حلوه اوى
سماح / الهمه يا بنات تفرشوها بقى و تزوقوها
بنت مالبنات / داحنا هنولعها
سماح / تعالى يا بلال عشان تشيل الشنط
بلال / اشيل ايه تانى الرحمه حلوه
فرح / ههههههه متحرمش منك
بلال/ شكلك هتتحرمى قريب ياختى دانا. مفطرتش حتى
سماح / متخلص يابنى ورانا مليون حاجه
بلال/ يلا
..........................
بعد شويه فى الاوضه
بلال/ و ادى اخر شنطه
فرح / يلا يا بنات نفرش الهدوم
بلال/ هدوم مين دى
بنت / هدوم العرسان الله
بلال/ فرح مشوفتيش جلال من امبارح مشوفتوش
عيل صغير يدخل الاوضه / سى بلال ابا الحاج عاوزك تحت
بلال/ انت مين يابنى
الطفل / انا ابن الجزار ابا الحاج بيقولك تيجى تقف معانا لحد منخلص دبح عشان هو بيحلق
بلال/ لا بقى كدا كتير هتدبحوا مين
الطفل/ هندبح العجل عشان اكل الفرح
بلال/ يارب يطلع كل ده كابوس و افوق بقى
فرح / اخص عليك طب قول حلم
بلال/ نقطينى بسكاتك يلا يابنى ورينى ابوك فين
..........
عند الجزار
بلال/ ياربى اخيرا الله ينور يا رجاله
الحاج / يلا يا بلال روح احلق على مالستات يخلصوا شغلهم هنا
بلال/ اخيرا حاجه فيها قعاد
............
فى المكتب بلال بيحلق
سماح / لو خلصت حلاقه يا بلال قوم اقف مع الرجاله بتوع الفراشه
بلال / مخلصتش العصر هيدن و انا مفطرتش
الحلاق / لا خلصنا نعيما يا سى بلال
بلال/ لا مخلصناش اش فهمك انت ... خلى جلال يقف معاهم
سماح / جلال نزل يحلق فى وسط البلد
الحلاق / كان نفسى انول شرف حلاقته
بلال/ خليك فحالك انت ... طب كويس خليه يجيب البدله معاه بقى
سماح / لا هو قالى اقولك تروح تجيبها بس اتلخمت اقولك بعد متخلص الفراشه روح هاتها
بلال/ يارب خدنى و ريحنى
سماح / بعد الشر يا حبيبى
...........
فى الجنينه
الحاج / الله ينور يا رجاله
بلال/ انا رايح اجيب بدلتى يا حاج فى اى حاجه قبل ممشى
الحاج / لا يابنى متتاخرش بس
بلال/ لو مرجعتش اعرفوا انى مت مالجوع داحنا لو كفار كان زمانكوا اكلتونا
الحاج / ههههههههههه طب عدى عالمطبخ كلك لقمه
بلال/ مفيش وقت المغرب فضله ساعه و ياذن
الحاج / هى الكوافيره جت و لا لسه
بلال/ فوق من اذان العصر معرفش بتعمل ايه كل ده
الحاج / ههههههههه روح يابنى هات البدله عشان تلحق تلبس
.........
فى الطريق
بلال/ تليفونه مقفول راح فين ده معقوله هيتجوزها بجد .... انا معتش فاهم حاجه...دا حتى مشتراش لنفسه بدله .،،،، هيحلق و يلبس البجامه و لا ايه ...... يلا ادينى جبت البدله اروح انا بقى يمكن يكون روح و افهم منه
...........
فى البيت
سماح / اخيرا جيت كنت فين كل ده
بلال/ كنت فالسيما جلال فين
سماح / معرفش مجاش لحد دلواتى و ابوك سال عليه مليون مره
بلال/ حاولت اتصل بيه تليفونه مقفول .... يا فرج الله دا بيتصل
سماح / طب رد عليه
بلال / اللو ... انت فين يا زفت .... يعنى ايه .... انت جاى تقول حالا .... طب اعمل ايه انا ،.،.. الو الو
سماح / فى ايه يابنى قلقتنى
بلال/ اللى كنت خايف منه حصل جلال نزل مصر و بيقول مش هيقدر يتجوز غصب عنه
سماح / يخرب بيتك يا سماح يمصيبتك السوده يا سماح ابوك لو عرف هيموت فيها
بلال/ و فرح هتعمل ايه هنقولها ايه
سماح / خسرت جوزى و ابنى و بنتى فيوم واحد اعمل ايه بس ياربى
بلال/ ادى اخره كدبك
سماح / ابوك اللى قالى اعمل كدا يارب اعمل ايه
بلال/ انا هطلع اقول لفرح
سماح / دا المعازيم ملين البيت هعمل ايه بس هقول لابوك ايه
بلال/ عن اذنك
...،.،،،،........
فى غرفه فرح
فرح / بلال اخيرا جيت معقوله لسه ملبستش
بلال/ فرح انا كنت عاوز اقولك
فرح / شوفتنى بالفستان ايه رايك حلوه صح بزمتك شوفت عروسه احلى منى
بلال/ يا فرح
فرح/ انا مبسوطه اوى بجد انا حاسه انى هطير استنى اما اللف لفه .،، شوفته تحفه بجد انا هتجنن مالفرحه ...، ايه ده انت هتعيط و لا ايه ..... لا انا لو عيطت مكياجى هيبوظ
بلال/ انتى احلى عروسه فى الدنيا انا هروح اللبس بقى عشان متاخرش
.....................
فى الفرح تحت
الستات / لولولولولولولولولى الماذون وصل لولولولولولولولى
الحاج / اهلا وسهلا اتفضل يا مولانا
الماذون بالرفاء و البنين فين بطاقه العريس و العروسه و الشهود
الحاج / دى بطاقه العروسه و الشهود ثوانى اجيبلك بطاقه العريس
سماح / بصراحه يا حاج
بلال يدخل / دى بطاقه العريس
الماذون / اسم العريس بلال سعيد الاسيوطى
الحاج / ايه !!!
بلال يهز راسه
الماذون / امضتك يا عريس
بلال بيمضى
الماذون / مين هيمضى العروسه و لا هى هتيجى هنا
سماح / لا انا همضيها
تلتفت خلفها لتجد فرح واقفه
سماح / فرح يا حبيبتى ايه اللى نزلك
فرح تبص لبلال و تبص لسماح فى سكوت
سماح / امضى يا بنتى امضى ربنا يباركلك
فرح تبص لبلال و تبص لسماح و تمضى و تطلع اوضتها
سماح / معلش مكسوفه
الماذون / مين وكيل العروسه
الحاج / انا
الماذون / طب قول ورايا ......
..........
الستات فى غرفه فرح /لولولولولولولى الف مبروك يا عروسه الف مبروك يا عريس
سماح / عقبال عندكوا يلا نسيب العرسان لوحدهم
واحده / خد بالك منها يا عريس هههههه
بلال يقفل الباب وراهم و فرحه قاعده عالسرير
فرحه / مشيو
بلال / غاروا
فرحه تبدا تفك دبابيس الطرحه
بلال / اساعدك ....، تعرفى انا طول عمرى بحلم ازفك لعريسك عمره مخطر فبالى انه يكون انا
فرحه تبدا تعيط
بلال/ ايه انا وحش اوى كدا
فرحه / فين جلال
بلال تنهيده صعبه
فرحه / هرب مش كدا يعنى لما كان فى الجراج بالليل كان بيهرب
بلال/ متظلميهوش
فرحه / قولى بقى انك بتحبنى قولى انه مقدرش يتزف لحبيبه اخوه
بلال / بس انا فعلا بحبك يا فرح
فرحه تزيد فى البكاء / كداب كلكوا كدابين انا مفيش حد بيحبنى و مفيش حد هيحبنى
بلال/ كلنا بنحبك يا فرح اللى حصل ان....
فرحه / مين يقبل بيا بص فى المرايه اجى ايه انا جنب بنات مصر رد و قولى
فرح تحدف المرايه بانتيكه تكسرها و هى بتصرخ
بلال / اهدى يا فرح انا هفهمك
فرح / ليه ... انا عملت ايه بس
بلال/ ماما هى اللى كدبت عليكى
فرح / كلكوا كدابين كلكوا كدابين
بلال/ مقدرتش اكسر فرحتك حاولنا نقولك الحقيقه
فرح / مقدرتوش تكسروا فرحتى فكسرتونى انا
فرح تنام عالسرير من كتر العياط
بلال / فرح اهدى شويه حرام عليكى نفسك
فرح / و مكنش حرام عليك كنت عارف الحقيقه و يوم ورا التانى تكدب عليا
بلال/ حاولت صدقينى حاولت
فرح/ كداب كلكوا كدابين انا مش عاوزه اعرفكوا تانى يا ريتكوا ودتونى ملجا ياريتنى معرفتكوا
الباب يخبط
بلال / فرح ادخلى الحمام ثوانى هشوف مين
بلال يفتح الباب
سماح / ابوك بيسال عال...
بلال/ دا وقته يعنى شايفه ان ممكن حاجه تحصل
سماح / الرجاله تحت
بلال/ يولعوا
سماح / هى عامله ايه
بلال / زفت
سماح / طب هنزل اقول لابوك ايه
بلال / استنى هاتى المنديل
ياخد قطعه مالمرايه و يعور ايده و يمسحها فى المنديل و يديه لمامته
سماح / ايه ده
بلال/ اديه لبابا قوليله كل اللى انت عاوزه حصل
سماح تبص للمنديل
بلال/ كدبه صغيره كمان مش هتخسر مكل اللى احنا فيه بسبب كدبك
سماح / دى اخرتها
بلال / لا يا ماما القصه لسه بتبتدى عن اذنك بقى عشان عاوز انام
سماح تمشى و بلال يقفل الباب تانى
بلال/ اطلعى يا فرح
فرح تطلع منغير الطرحه و تشد قميص النوم من عالسرير و ترميه فى الارض و تفتح الدولاب و تشد الهدوم فى الارض لحد متطلع جلبيه تاخدها و تدخل الحمام
بلال/ حقك اكتر من كدا
بلال يغير هدومه
بلال / اطلعى يا فرح العياط فى الحمام وحش
فرح / انا هنام عالكنبه
بلال / ليه نامى عالسرير
فرح / ماشى تصبح على خير
بعد شويه
فرح / بلال نمت
بلال/ لا صاحى
فرح / تعالى جنبى
بلال/ ايه
فرح / محتاجه حد يطبطب عليا اوى
بلال يروح ينام فوق الغطا و ياخد فرح فى حضنه و يطبطب عليها
بلال/ احكيلك حدوته زى زمان
فرح / زمان ...
بلال / لما كان بيجيلك كابوس فاكره
فرح / احكى
بلال /كان يا مكان مش من بعيد اوى زمان كان فى عيل صغير صحى بالليل عطشان نزل يشرب سمع واحده بتصرخ جرى لقى امه بتقوله اجرى صحى ابوك من رعبه معرفش يتصرف و فضل واقف متنح امه صرخت فيه فضل متخشب خايف مرعوب ابوه نزل عالصريخ فجاه صوت نونو صغير بيصرخ امه لفته فقماشه و ناولته لاخوه و قالتله خليها معاك اوعى تقع منك كانت بت معفنه بايشه و فى رغاوى فكل حته فاخوه خاف يشيلها لكن صاحبنا الصغير شالها و هو مبسوط اول مره يشيل نونو و اخدها و قعد جنب الحيط يبصلها
فرح بدات تبتسم
بلال / كانت حلوه اوى اليوم ده كان عيد ميلاده كان فرحان بيها اوى و اعتبرها هديته فى عيد ميلاده ابوه و امه انشغلو ان الست ماتت و فجاه البنت جاعت و بدات تصرخ و الولد محتار يعمل ايه يعمل ايه يهزها مبتسكتش يطبطب مبتسكتش امه لحقته ببرونه فيها ينسون و قالتله رضعهالها بالراحه شربت حبه صغيرين و نامت و فضل هو شايلها يبصلها بعد شويه
فرح / الناس ملو البيت و ابوه قال نوديها ملجا
بلال / قام صرخ و قال فرحه محدش هياخدها من هنا دى بتاعتى
فرحه/ و من يوميها و اسمى فرحه
بلال/ من يوميها و انا حالف انى عمرى مهسمح لحد ياذيكى يا فرح
فرحه / انا تعبانه اوى يا بلال قلبى واجعنى
بلال/ سلامه قلبك يا قلبى
فرحه / حاسه انى خسرت كل حاجه حاسه انى لوحدى
بلال / دموعك بتوجعنى اوى يا فرح سكاكين فقلبى
فرحه تبصله و عينها كلها دموع
بلال / بس لو بتريحك نزليها خليها تغسل همومك
فرحه تترمى فحضنه و تعيط بحرقه
بلال/ انتى عارفه احسن حاجه فى كل اللى حصل ايه
فرحه ترفع راسها / ايه
بلال / انى عرفت اخدك فحضنى و اللعب فى شعرك زى زمان
فرحه / انت بتقول ايه
بلال / اخر مره ماما زعقتلى حسيت انها بتاخدك منى زعلت اوى
فرحه / لما عرفت انكوا هتسافروا مصر و تسيبونى ساعتها بس حسيت انى يتيمه
بلال / خلاص ادينا مش هنسيبك تانى
فرحه / متقولش كلام مش هتقدر عليه
بلال/ ليه بتقولى كدا
فرحه / عشان هتسيبنى انت بتحب جيهان
بلال تنهيده / عارفه يا فرح المشكله فين
فرح / فيا انا
بلال/ انتى هبله يا بت
فرح / لا دى الحقيقه انا اللى مش عارفه افهمه ليه جلال طفش العريس
بلال/ ماما كدبت عليكى فى كل اللى قالته عن جلال العريس هو الى واطى خلع لما عرف ان بابا مش كاتبلك المزرعه
فرح / كان طمعان
بلال/ من ساعتها و بابا قرر انك تتجوزى جلال و طلب منه يسيب حبيبته و حاولنا نكدب و نقوله شغل جلال بابا قاله يستقيل و انا مقدرتش اقولك حاجه لانى جبان
فرح / جلال بيحب
بلال / اسمها شيرين
فرح / انت جيهان و هو شيرين و انا مش عارفه الاقيها منين و لا منين تصدق تنفع اغنيه
بلال/ اول منروح مصر هقدملك فى الجامعه عشان تكملى تعليمك
فرح / كويس اهو ابقى طلعت بحاجه
بلال/ انا بجد اسف على كل اللى حصل
فرح / متعتزرش .... انا اصلا مش عارفه انت ليه اتجوزتنى.
بلال/ و انتى ليه وافقتى
فرح / انا كنت فصدمه الناس كانت كتير مكنتش فاهمه حاجه و مكنتش عارفه اتصرف كنت خايفه على بابا كنت خايفه مالناس
بلال/ انا بقى كنت خايف برده بس كنت خايف عليكى انتى كنت خايف لما تعيطى مكنش جنبك اطبطب عليكى و امسح دموعك كنت خايف اخسرك
فرح / هتقول ايه لجيهان
بلال/ كدبه كسرت قلبك و الحقيقه مهما كانت بتوجع بتبقى ارحم مالكدب
فرح / هتقولها اننا اتجوزنا
بلال/ هقولها الحقيقه كلها هقولها اللى حصل من ساعه مجيت هنا لحد موصلت مصر مش هكدب فحرف
فرح / و لو سابتك
بلال/ بيقولك اذا اردت شيئا بشده فاطلق سراحه
فرح / و انت
بلال/ لو ليا نصيب فيها مش هتسيبنى لو بتحبنى هتقف جنبى
فرح / انت ازاى هادى كدا
بلال/ معرفش انا كل اللى بفكر فيه انى عاوز النهرده يخلص باى شكل يمكن بكره يكون احسن
فرح / تفتكر هيجيلى نوم
بلال/ انا هفضل جنبك لحد متنامى
............
أنت تقرأ
دموع الفرحه بقلم / لولو محمد ( كامله )
Storie d'amoreفتاه يتيمه يهرب عريسها يوم الفرح و تضطرها الظروف للزواج من اخيه لتلافى الفضيحه رومانسي دراما
