دموع الفرحه بقلم / لولو محمد ( كامله )

الحلقه ١٤

#lolo #لولو_محمد
((((((((دموع الفرحه )))))))))))
الحلقه الرابعه عشر
فرح / اه هجيب العيش بس يلا عالسفره
سعيد / يلا لحسن انا هموت و انام عاوزين نسافر بدرى ورانا اشغال
بلال / معقول يا بابا هتمشوا على طول كدا
سعيد / كان المفروض نمشى النهرده بس عشان اخوك و شقته و انت و شركتك هنمشى بكره
فرح / والله يا بابا مبشبع منك
سماح / يلا نتعشى بقى لا كلام على طعام سموا و كلوا
.........
فى اوضه بلال
فرح / ها خلصتوا كلام
بلال / اه بتسالنى اقنعت اهلك ازاى
فرح / انا كنت مرعوبه
بلال/ امال انا اعمل ايه انا لحد اللحظه دى مش فاهم اصلا
فرح / انا يا سيدى قولت لماما انك هتشارك جيهان و هى راحت اتفقت مع حماتك على كدا
بلال/ اه يعنى كدب مالنحيتين
فرح / ازاى
بلال / اصل جيهان كمان مقالتش لمامتها انى متجوز و انتى طبعا اختى
فرح / مكدبتش
بلال/ بس الوضع ده هيستمر لحد امتى يا ست فرح
فرح / هو كل حاجه انا
بلال/ هو فى حد فينا عنده دماغك دى دانتى فظيعه
فرح / الحق عليا
بلال/ بجد هنفضل يعنى على قرايه الفاتحه دى اد ايه يعنى
فرح / والله انا شايفه ان كبيركم سنه
بلال/ و بعد السنه
فرح / كل واحد يروح لحاله
بلال/ بالبساطه دى
فرح / ايوه بالبساطه دى اتجوزنا سنه و اتطلقنا و ابقى ثبت رجلى فالكليه و انت تتجوز جيهان و جلال يتجوز شيرين
بلال/ و انتى
فرح / انا ايه
بلال/ استفدتى ايه
فرح / انكوا تكونوا مبسوطين دى عندى بالدنيا
بلال/ انتى حسبتيها كويس يا فرح
فرح / سيبها على الله
بلال/ يا فرح هترجعى البلد مطلقه و سنه متجوزه و مفيش عيال انتى كدا بتحكمى على نفسك بالعنوسه
فرح / هههههههههههه مش احسن متجوز واحد و يعرف انى لسه بت بنوت
بلال/ ايه
فرح / هههههههههههههههههههه
بلال/ انتى بتدحكى
فرح / امال عاوزنى اعيط
بلال/ انتى جايبه القوه دى منين
فرح / منك طول مانت جنبى مفيش حاجه ممكن تكسرنى
بلال/ يا شيخه بقى
فرح / انت المفروض تكون طاير مالفرحة
بلال/ مش عارف قلقى عليكى مخلينى مش فرحان مش عارف اليوم اللى هطلقك فيه دى هيعدى ازاى
فرح / هههههههههه يا عم من هنا ليومها ياترى مين يعيش
بلال/بعد الشر
فرح / انا عاوزه اطلب منك طلب
بلال/ اؤمرى
فرح / لما تيجى تطلقنى بلاش تقولها فوشى انا هروح البلد و انت ابقى ابعتلى ورقتى
بلال/ ليه
فرح / معلش انا عاوزه كدا مش عاوزه اسمعها بتجيبلى ارتيكاريا هههههههههههههههه
بلال/ دا على اساس انى هعرف اقولها اصلا
فرح / لا هتعرف جيهان هتخليك تعرف
بلال/ جيهان
تنهيده كبيره
فرح / ياااااااه
بلال/ نفسى جيهان كانت زيك
فرح / بس انت حبيتها زى مهى
بلال/ منكرش انى حبيت اختلافها فى الاول بس مع الوقت
فرح / انت هتعمل زى العيل الصغير اللى شبطان فلعبه و لما مسكها معدش مقتنع بيها و لا ايه
بلال/ ابدا انا بس خايف انى اظلمها زى مهظلمك
فرح / خلاص يبقى تعملوا المستحيل عشان جوازتكم تنجح
بلال/ تفتكرى
فرح / انت رغاى اوى انا عاوزه انام
بلال/ متنامى
فرح / طب غير وشك اغير هدومى
بلال/ ولو مغيرتش روحى غيرى فالحمام
فرح / يا سلام
بلال/ ههههههههه اشمعنى انا غيرت هنا
فرح / انا ديرت وشى
بلال/ وانا مالى هو انا قولتلك اديرى
فرح / كدا طب هنام بهدومى اوعى يا رخم
بلال/ ههههههههههههه خلاص خلاص هغمض عينى
فرح / لو فتحت هزعل
بلال/ هههههههههه انجزى مش هقدر اقفلهم كتير
فرح / خلصت
بلال/ بالسرعه دى ازاى
فرح / ههههههههه. اول مغمضت قلعت البلوزه و لبست الجلبيه
بلال/ و البنطلون
فرح / هقلعه اهو
بلال/ لا لعيبه لعيبه مش سهله يا بت
فرح / انا تربيه امك
بلال/ و نعم التربيه
..............
فى الشغل تانى يوم
احمد / الف مبروك يا معلم بجد فرحتلك
بلال/ عقبالك يا برنس
احمد / اقنعت امك ازاى صحيح
بلال/ فرح
احمد / فظيعه البت دى
بلال/ مش عارف منغيرها حياتى كانت هتبقى ازاى
احمد / كان زمانك مخلف من جيهان يمكن
بلال / انت بقى سابتنى اغرق و روحت قعدت جنب جيهان فى المستشفى
احمد / انا مكنتش اقدر اسيبها فى الظروف دى
بلال/ صح بس لو كنت استوطيت معاك كان زمانك مرفود
احمد / فداهيه الشغل على قفا من يشيل هو الخسران
بلال/ مالك
احمد / مليش يا عم مالى زى الفل اهو
بلال/ حاسك زعلان
احمد / انت هتطلق فرح امتى
بلال/ ليه
احمد / بسال بس
بلال/ مش عارف
احمد / البت دى متستاهلش كدا
بلال/ عارف بس هى راضيه
احمد / بت زى دى كان يتمناها الف واحد
بلال/ قصدك ايه
احمد / مقصديش يلا خدت نصيبها
بلال/ على رايك نصيبها
احمد / المهم بس جيهان متشوفش نفس المصير
بلال/ مالك يابنى النهرده
احمد / مفيش يا عم انا خلصت شغلى هنزل ابص عالموقع و اروح
بلال/ انت اتخانقت مع ابوك تانى
احمد / بابا لا متخنقناش هو زهق منى
بلال/ خلاص بطل يدورلك على عروسه
احمد / امى اللى بتزن يا عم
بلال/ صحيح انت مش ناوى و لا ايه
احمد / و اعمل زيك و اظلم بنات الناس معايا
بلال/ زيى !!!!
احمد / هو انت مظلمتش فرح
بلال / مالك يا زفت انت جاى مصطبح و لا ايه
احمد / ياعم انا اسف خليك ففرحتك مبروك عليك يلا عن اذنك
جيهان تدخل و احمد خارج
جيهان / ازيك يا احمد.... ماله ده
بلال/ مش عارف سيبيه هيفك لوحده
جيهان / انا مش مصدقه نفسى
بلال/ ها هتنزلى تجيبى الدبل و لا ايه
جيهان / انت ازاى اقنعت مامتك
بلال/ ماقنعتهاش
جيهان / امال
بلال/ انتى ليه مقولتيش لمامتك ان فرح مراتى
جيهان / متقولش الكلمه دى تانى
بلال/ ماشى مقولتلهاش ليه
جيهان / ظروفها الصحيه مينفعش اجادلها كانت هتزعل انى استنيتك كل ده و فى الاخر اتجوزت و كمان جاى تتقدملى اكيد هترفض
بلال/ خلاص زى مانتى عملتى انا عملت
جيهان / مش فاهمه
بلال/ مش مهم المهم اننا اخيرا اتخطبنا
جيهان / بس انا كان نفسى اعمل حفله كبيره
بلال/ اجليها للفرح عشان مامتك و ظروفها
جيهان / ماشى هننزل نجيب الشبكه امتى
بلال/ حالا لو عاوزه
جيهان /ماشى اهو بالمره احضر بيها خطوبه سلمى بعد بكره
بلال/ ماشى يلا بينا
..........
فى شقه جلال
شيرين / حلوه اوى الشقه
جلال/ الحمد لله انها عجبتك
شيرين / انا برده مش فاهمه فرح عملت كل ده ليه
جلال/ عشان بتحبنا و عاوزه تسعدنا
شيرين / البت دى فظيعه تخطب للانسان اللى هرب من فرحها و كمان لجوزها
جلال/ هى شيفانا اخواتها
شيرين / ربنا يرزقها
جلال/ ها فى اى اراء فى الشقه
شيرين / لا زى الفل
جلال/ خلاص انا معايا المقاسات ننزل بقى نشترى السيراميك
شيرين / جلال بابا كان عاوز يعرف الجهاز ....
جلال/ بصى هاتوا اللى تقدروا عليه و الباقى ربنا يقدرنى و اجيبه
شيرين / انت مش زعلان
جلال/ انا كل اللى يهمنى انى اكون معاكى
..........
فى البيت
فرح / ايه انا هموت مالجوع كنت هبيعك و اكل
بلال/ بيعينى طبعا انتى هتجوعى نفسك عشان واحد زيى
فرح / يا سلام و انا لو مجعتش عشان اجوع لمين
بلال/ اشتريت لجيهان الشبكه النهرده
فرح / مبروك
بلال/ بس منستكيش بصى جبتلك ايه
بلال يطلع كوليه شيك اوى
فرح / الله حلوه اوى لبسهانى
بلال / عجبك
فرح / اوى لما جبتلى ده جبت لجيهان ايه
بلال/ هتشوفيها فى الفرح
فرح / وهو انا هستنى سنه
بلال/ بكلم عن خطوبه سلمى بعد بكرى
فرح / اه بلاش يابنى
بلال/ ازاى يابنتى كلهم هيسالوا عليكى
فرح / كنت عاوزه اعين الفستان التانى لمناسبه عليها القيمه
بلال/ لا اللبسيه و اعملى غيره
فرح / سيبها لله
.............
فى الفرح جيهان لابسه خاتم سوليتير غالى جدا
ايمان / اهلا اهلا بالعروسه
جيهان / تسلمى يا قلبى
ايمان / كدا يا زباله تعملوها فالخباثه كدا و متعزوموناش
جيهان / انتى عارفه ظروف ماما
ايمان / سلامتها الف سلامه هى عامله ايه
جيهان / بدات جلسات الكيماوى و ربنا يسهل بقى
ايمان / امال بلال فين
جيهان / هناك عالترابيزه مع احمد و فرح
ايمان / ابراهيم بيركن العربيه اول ميجى هنجيلكم
جيهان / خلاص هستناه معاكى شوفتى شبكتى
ايمان / تحفه الخاتم دا اكيد بالشئ الفلانى
جيهان / طبعا يا بنتى انا اخترته من بين يجى عشرين واحد و اكتر
ايمان / و بلال عمل ايه لما شاف سعره
جيهان / هو قالى نقى اللى انتى عوزاه مش كفايه انى مش هعمل خطوبه و كمان هستنى سنه على الاقل عالفرح
ايمان / و تستنوا ليه يا بنتى
جيهان / معلش ظروف
ايمان / ربنا يتمملكم على خير
جيهان / يارب و انتى كمان
ايمان / دانا مطحونه فتجهيز الشقه كل يوم ننزل نشترى حاجه
جيهان / و دى حاجه وحشه شوبينج يومى
ايمان / ههههههههه ايوه يا بنتى بس تحسى اننا معدناش بنعد مع بعض انا و هو مشغولين طول الوقت
جيهان /بكره تزهقوا من بعض
ايمان / يارب بقى .... اهو ابراهيم جه اهو يلا نعد بقى
جيهان و ابراهيم و ايمان يروحوا يقعدوا على الترابيزه و فرح لابسه فستان احمر
احمد / اهلا بشله الفساد
ابراهيم / انت لسه فاكر هههههههههههه
ايمان / ازيك يا عريس اهلا فروحه
احمد / انا شفاف و لا ايه
ايمان / و دى تيجى ازيك يا احمد
فرح / ازيك يا ياايمان
ايمان / حلو اوى الفستان احلى من بتاع المره اللى فاتت انا اصلا بحب الاحمر
فرح / شكرا
جيهان / شوفت يا بلال ايمان عجبها الخاتم بتاعى اوى
ابراهيم / تحفه فعلا شكلك كعيت يا معلم
بلال/ مش خساره فيها يابنى
احمد / بلال طول عمره فيس يابنى مش شايف الكوليه اللى فرح لبساه
ايمان / تحفه فعلا بكام ده يا فرح
فرح / بلال جابهولى هديه
جيهان / حلو فعلا
فرح / انتى اول مره تشوفيه و لا ايه دا شريه مع شبكتك
جيهان / لا الحقيقه مشوفتوش
بلال/ انا شاريه قدامك
احمد / تلاقيها مخدتش بالها و هى مشغوله بخاتمها
جيهان / انا هروح الحمام اظبط مكياجى
ايمان / انا جايه معاكى
احمد / انا هقوم اشوف حاجه اشربها
فرح / هووووف
ابراهيم / يااااه
فرح / انا اسفه
ابراهيم / على فكره احمد مش وحش اوى كدا
فرح / والله دى حاجه متخصنيش
ابراهيم / لا بتكلم عموما
بلال/احمد يابنتى ده قصه كفاح
ابراهيم / لما دخل ثانوى بيتهم كان قايل للسقوط فسابوه و راحو يعيشو فبيت ايجار و ده قطم ضهر ابوه فاحمد بقى يشتغل مع دراسته
بلال/ انا فاكر الايام دى كان تقريبا بيصرف على نفسه و مع كدا كان موس ابن الايه
ابراهيم / احنا جت علينا ايام مكناش بنشوفه اصلا فى الاجازات
بلال/ فاكر فى الكليه اما كان بينام فى المسجد
ابراهيم / الله يعينه يا عم مكان طول الليل عالتاكس
بلال / هو مش كان استاف فقاعه افراح تقريبا
احمد يرجع / كنت بشتغل الاتنين بتقطعوا ففروتى ليه
ابراهيم / بصراحه كنا بنحكى لفرح عن ايام الكليه
احمد / انا كنت اشطر واحد فى العيال السيس دول
بلال/ فاكر لما الواد ابراهيم اتقفش و هو بيغش فى الامتحان
ابراهيم / متفكرنيش يا عم دا انا كنت هبوس ايد المراقب لحد مسابنى
احمد / هههههههههههه كان استاذ فى الغش
ابراهيم /والله كانت ايام حلوه
احمد / ربنا ميعدها يا عم
بلال/ صحيح سمعت اشاعات مغرضه انك هتشترى شقه كلاكيت تانى مره
احمد / والله مانا يا عم دى امى ،... بس انت عرفت منين
بلال/ بشمهندس مصطفى قالى
احمد / امى يا عم كسرتلها قرشين فقالت تحطهم فمقدم شقه لجوازى قال يعنى هخرجهم من دى لو هتجوز
ابراهيم / صحيح احنا مش هنفرح بيك بقى
احمد / انا مش هتجوز مخصوص عشان انت متفرحش
فرح / عن اذنكم
.........
فى الحمام
ايمان / انا مش فاهمه انتى مدايقه نفسك ليه
جيهان / مشوفتيهاش و هى بتقولى انتى مشوفتيهوش و لا ايه نسيت نفسها بنت الخدامه