دموع الفرحه بقلم / لولو محمد ( كامله )

الحلقه ١٩

#lolo #لولو_محمد
(((((((((دموع الفرحه ))))))))))
الحلقه التاسعه عشر
بلال/ يا ستى فرح عرضت عليا اخد دهبها كلو و احطه فى الارض
جيهان / اه قول بقى كدا على كل يا سيدى انا لو عاوز الخاتم انا معنديش مانع
بلال/ انا مش عاوز حاجه و مقولتش بيعى حاجه انا مش عاوز حاجه من حد انا قولت انى مش هقدر اشترى الارض لانى معيش فلوس مش اكتر فبلاش تعملى مشكله
جيهان / و كمان بقيت انا اللى بعمل المشاكل
بلال/ ياربى بقى خلاص قفلى عالسيره
جيهان / و على ايه سيباهالك خالص
..........................
فى البيت بلال على باب الشقه وصوت اغانى عالى
بلال بيبتسم و يضرب الجرس محدش يرد يضرب تانى يفتح الباب بالمفتاح
فرح ببدله رقص احمر / يلهوى بلال
فرح تجرى عالاوضه و تقفل الباب
ايمان / هههههههههه بتجرى من ايه يا خايبه دا جوزك
بلال / شوفتك يام احمر شوفتك
فرح تفتح الباب و لابسه عبايه سودا
بلال/ سوديها ليه ولا هو انا مليش نصيب يعنى
فرح / خلاص بقى
فريده/ ههههههههه احنا هنمشى احنا بقى
بلال/ تمشوا ازاى دانا مشوفتش الحاجات الحلوه دى غير بسببكوا
ايمان / هههههههههه طب نسيبكوا بقى
فرح / شكرا على طريقه البيتزا يا فريده
فريده / دى وصفه مالنت سلام بقى
الكل يمشى و تفضل فرح و بلال
فرح / ايه اللى عملته ده
بلال/ عملت ايه
فرح / ميصحش تحرجنى كدا
بلال/ انا على فكره ضربت الجرس مرتين بس شكلك كنتى مندمجه
فرح / انا هسويلك البيتزا عشان تتغدى
بلال/ هتسويها بالعبايه السودا
فرح / ان كان عاجب
بلال/ على كدا بقى بتعرفى ترقصى
فرح / ملكش دعوه و بطل رخامه
بلال/ ماشى هبطل رخامه بس بجد بقى بتعرفى ترقصى
فرح / هيفرق معاك
بلال/ من باب العلم بالشئ
فرح / بيقولوا بعرف
بلال/ بيقولوا ازاى يعنى انتى مش. واثقه فنفسك ولا ايه
فرح / انا داخله اغير
بلال/ استنى بس بصوت الشخلله ده
فرح تقفل الباب
بلال/ طب مانا ممكن احكم بنفسى على فكره
فرح من ورا الباب / احترم نفسك
بلال / ليه يعنى دا حقى على فكره
فرح / ملكش حقوق عندى
فرح تفتح الباب و تروح المطبخ و بلال وراها
بلال/ هتفرج بادب
فرح / طب عندى اقتراح
بلال/ اتفضلى
فرح / ارقصلى انت مش كنت بتاخد دروس رقص مع جيهان
بلال/ و ماله بس الرقص اللى اتعلمته محتاج شريكه ايه رايك ترقصى معايا
فرح / مبعرفش
بلال يحضنها و ياخد وضعيه الرقص/ هعلمك
فرح / سيب ايدى الفرن قايد
بلال/ انتى الخسرانه
فرح / غير هدومك يلا عشان تتغدى فريده علمتنى اعمل بيتزا وطلعت وهم
بلال/ بركاتك يا فريده
...........
فى البلد
سماح / الف الف حمدالله عالسلامه
فرح / وحشتينى يا ماما
سعيد / و انا موحشتكيش
فرح / ازاى بس
سعيد / اهلا اهلا استاذ محمود
سماح / اهلا بعروستنا الحلوه اتفضلو
جلال/ وحشتينى يا ماما
سماح / يا بكاش
بلال/ ازيك يا حج
سعيد / اهلا يا باشمهندس
سماح / انا جهزت اوضه المسافرين لحماك يا جلال عشان لو حب يريح مالسفر
محمود/ تعبتى نفسك يا حجه والله ملوش لزوم
سعيد / اتفضلوا عالصالون لحد مالستات يحطولنا الغدى
شيرين / ممكن اساعد يا ماما
سماح / تعالى انتى هتعدى وسط الرجاله ليه
فى المطبخ
شيرين / حلو البيت اوى يا ماما
فرح / انتى لسه شوفتى حاجه نتغدى و اخدك افرجك عالبيت كلو
شيرين / وماله
سماح / اصلا ابوكى الحاج عامل حسابه ياخدك انتى و ابوكى يفرجكوا عالمزرعه كلها النهرده بعد الغدى
فرح / ممتاز فى فرسه عند بابا مسميها على اسمى
شيرين / ههههههههه هتوريهانى
فرح /طبعا
.........
فى الصالون
سعيد / منور يا استاذ محمود
محمود / المكان منور باهله يا حج
سعيد / ها وصلتوا لفين فى الجهاز عاوزين نفرح بقى بالاولاد
جلال/ العمال شغالين فى الشقه بيركبوا السيراميك و اتفقت مع نقاش شاطر هيدخل بعدهم
سعيد / طب والله كويس شد حيلك و لو احتجت اى حاجه قولى
جلال/ حاضر يا بابا
سعيد / انا ناوى باذن الله بعد الغدى اخدك افرجك عالمزرعه كلها يا استاذ محمود دا لو مش تعبان طبعا
محمود / الكتاب بيبان من عنوانه يا حج
سعيد / اهو تغير جو و تشم هوا نضيف عن مصر و دخان مصر
محمود / والله يا حج مفيش احسن من قعده الزرع و الهوا
فرح تفتح الباب / الغدى يا بابا
........
بالليل
سماح / كويس يا بلال انك هتبات
سعيد/ بدل ميسافر بالليل زى الواد التانى ده
سماح / الله مش بيوصل الضيوف
سعيد / راجل تقيل
سماح / لا يا حج متقولش كدا
سعيد / يا شيخه و انا بفرجه عالمزرعه كانه عايش فيها من سنين
بلال/ و انت كنت مستنى ايه حضرتك يا بابا يفتح بقه مالاندهاش
سعيد / هو كان عمره يطولها
سماح / خلاص غيروا الموضوع
سعيد / عندك حق بص يا بلال يابنى انت عارف انى حقانى و طول عمرى زى مبجيب لخوك بجيبلك دا غير انى بعمل لفرح نصيب فكل حاجه
بلال/ ايه لزمته الكلام ده يا بابا
سعيد / انا يابنى صليت استخاره و قررت اكتب الشقه اللى انت فيها دى باسمكوا
بلال/ هتفرق فايه يعنى
سعيد / انت عارف انى شارى شقه لاخوك و انتوا مجبتلكوش حاجه فانا فرق السعر و فلوس العفش و التشطيب اللى اديتها لخوك اشتريت بيها دهب لفرح هديه جوازكم
سماح / خدى يا فرح
فرح / دا كتير اوى يا ماما
سعيد / كدا حق ربنا بالعدل بس انت طبعا مش هتزعل انى كتبت الشقه باسم فرح
بلال/ و ايه اللى يزعلنى فحاجه زى دى
سعيد / انا قولت انى بكدا يعنى بضمن مستقبل فرح
فرح / يا بابا ملوش لزوم مبلال موجود
سعيد / انا عارف يا بنتى انه هيصونك بس محدش ضامن عمره
بلال/ متقولش كدا يا بابا طوله العمر ليك
سعيد / انا بتكلم عنك يا سيدى
سماح / اخص عليك يا حج بعد الشر عنكم
سعيد / انا خلصت الكلمتين اللى عندى يلا تصبحوا على خير
سماح / خدنى معاك يا حج
سعيد و سماح يطلعوا فرح تلزق فى بلال
فرح / شوفت يا بلال اهى فرجت اهى
بلال/ يا بنتى انتى بتقولى ايه
فرح / شويه الدهب دول على دهبى اللى فمصر عالفلوس اللى معاك تشترى الارض مش كدا
بلال/ يا بنتى
فرح / يا سيدى شوف يعملوا كام و الباقى نستلفه من بابا ولا من ماما مش هيتاخر عليك
بلال/ انا مش هبنى نفسى بفلوسك
فرح / لا يا بلال دى فلوسك انت انا مليش فيها حاجه
بلال/ بلاش سخافه
فرح / طب بص اعتبرهم سلف لما ربنا يكرمك و تقف على رجليك ابقى ردهوملى
بلال/ و ان موقفتش
فرح / كانى خسرتهم فالبرصه
بلال/ سيبيها لله
فرح / هى خلصت نرجع مصر بكره تاخدهم بفواتيرهم و تبيعهم و تشوف هيعملوا كام و تروح تشترى الارض
بلال/ ربنا يسهل
فرح / يلا نقوم ننام احنا كمان بقى
.........
فى الكليه
فريده / ايه الكليه الزباله دى من اولها ابحاث و قرف
فرح / امال انتى فاكره ايه لعب و كافيتريا و بس
حازم /دا كريم عبد العزيز ماكدلى
فرح / هههههههههه ماشى يا سيدى
حسام / عندنا تلت ساعات فاضين هنعمل ايه
حازم / عالكافيتريا طبعا
فرح / انا بقول نطلع المكتبه نشوف هنعمل ايه فى البحث
حسام / يا بت بطلى دح
فرح / بت
حازم / بتزعلى و لا ايه
حسام / لا هى الكلمه منى انا مبتتبلعش
فرح / قصدك ايه
حسام / اهو بتتخانقى معايا اهو
فرح / مجنونه انا يعنى بتخانق من غير سبب
فريده / مخلاص بقى يا فرح بيهزر معاكى
حازم / انا جعان هتيجوا الكافيتريا و لا لا
فريده / هنيجى يلا يا فرح يلا يا حسام وحدوا الله
......
حسام / تيجوا نلعب
فريده / يا سلام طبعا هتلعب ايه
حسام / الصراحه بالازازه دى
فرح /بتتلعب ازاى دى
حسام/ بسيطه بنلف الازازه و اللى تشاور عليه قعرها يسال اللى شاور عليه بوزها
فرح / ماشى
حازم / انا هبدا
يلف الزجاجه
فريده/ فرح اسالى حسام
فرح / اساله ايه
فريده / اى حاجه
فرح / اممممم ايه اكتر اكله بتحبها
حسام/ بعشق البشاميل ..... دورى
حسام يلفها
فريده / يووووه اتفضل يا حسام اسال فرح مهو مفيش غيركوا
حازم / هههههههه اتقلى بكره يجى دورنا
حسام / ايه رايك فيا بصراحه
فرح / رايى فيك ازاى يعنى
حسام / سؤالى واضح
فرح / عادى يعنى
حازم / قوليله معفن دى اجابه مقنعه
حسام / هتنضرب
حازم / متقدرش
فرح / شاب كويس
حسام / بس
فرح / دورى
تلف الزجاجه
فرح / ابسطى يا ستى اسالى حسام
فريده / انت ليه بتتخانق مع فرح
حسام /مظلوم والله معرفش هى ليه بتتعصب منى كدا والله نيتى خير
فرح / طب لف يلا
حسام / حاضر
حسام يلف
تليفون فرح يضرب
فرح / عن اذنكوا ...... الو .... ايوه يا جلال ..... لا انا لسه مخلصتش ..... كنت معدى فقولت توصلنى ...... كتر خيرك يا سيدى ....... حاضر هاخد بالى من نفسى ..... مع السلامه
حازم / انا بقول كفايه لعب بقى يادوب تروحوا القاعه عشان تحجزوا قدام
فريده / ماشى انتوا مش خلصتوا متروحوا
حسام / خلينا يمكن تحتاجونا نوصلكوا و لا حاجه
فرح / متتعبش نفسك التاكسيات كتير
حسام / براحتك انا برده هفضل قاعد
فريده /يلا يا فرح
فرح / سلام
........
فى البيت
بلال يفتح باب اوضه فرح يلاقيها قاعده عالارض و حاطه اللاب على رجلها
بلال / مشوفتيش اللاب بتاعى ...... انتى بتستخدميه خلاص
فرح / عندى بحث الاسبوع الجاى انا اسفه
بلال/ و قاعده عالارض ليه مكنتى اشتغلتى عالمكتب
فرح / و النبى تسيبنى فحالى بقالى ساعتين مالمكتب للسرير للارض
بلال/ من ايه ده كلو
فرح / انت بتستخدم البتاع ده ازاى
بلال/ طب تعالى عالمكتب اساعدك
فرح / الدكتور طالب ترجمه الفصل ده من الكتاب
بلال/ و ده يبقى اسمه بحث برده
فرحة/ طب ورينى شطارتك
بلال/ ده برنامج ترجمه كويس تعالى اساعدك
بعد ساعه
فرح / يااااه بقالنا ساعه بتترجم انا تعبت اوى
بلال/ خلاص اخر كام جمله هانت
فرح / بجد مش عارفه منغيرك كنت عملت ايه
بلال/ يا ستى ادى البحث بتاعك خلص هتنقليه بقى و لا انسقه و اطبعه
فرح / لا خليه عالكمبيوتر اشيك
بلال/ ماشى يا ستى ثوانى اخلص تنسيق و اطبعهولك عندى فى الاوضه جوه
فرح / بامانه انت زعلت لما لقيتنى بشتغل عليه
بلال/ انتى هبله يا بت ايه اللى يزعلنى
فرح / كويس انا بطمن بس
بلال/ خلصت تعالى بقى هناك نطبعه
فى الاوضه التانيه
بلال/ تمام عشره على عشره و ادى فايل كمان من عندى
فرح / لا انا عاوزه دوسيه
بلال/ انتى واقفه فى مكتبه ابقى اشتريلك اللى انتى عوزاه و انتى رايحه الكليه
فرح / الاسبوع الجاى بقى
بلال/ لا بداها جد البحث يتسلم الاسبوع الجاى تعمليه النهرده كويس اهم حاجه تستمرى عالحماس
فرح / انت بقى عملت ايه فى الارض
بلال/ لسه مش عارف
فرح/ متضيعش الفرصه من ايدك يابنى الايام بتفوت و انت مبتتحركش
بلال/ خايف
فرح/ تخاف و انا معاك
بلال/ ههههههه ماشى يا وحش
فرح / بجد بقى بكره تخلص الموضوع ده
بلال/ طب حتى لو اشتريت الارض مالمبانى هتحتاج مصاريف
فرح/ يحلها حلال انجز انت بس فى الارض قبل متطير منك
بلال/ سيبيها لله
.......
تانى يوم
فرح/ اتفضلوا الترجمه انقلوها بقى عشان ميقولوش غشينها من بعض
فريده / يا بنت الايه عملتيها ازاى لوحدك
فرح/ بلال اللى عملهالى بجد منغيره كنا عملنا ايه
حسام/ كنا فتحنا القاموس بتاع المدرسه و ظبطنا عادى يعنى
فرح/ بجد طب هات بقى و عيش مع نفسك
حسام / خدى انا اصلا مطلبتوش منك
فريده / ياربى عليكوا هو انتوا مفيش حوار بينكوا الا لما تتخانقوا
حسام / مهى بتزلنا بالبحث
فرح/ محصلش
حسام / خلاص خليصنا
فرح/ ايه خليصنا دى
حسام / يوووووه انا ماشى
حسام يمشى
حازم / ماله المجنون ده هروح اشوفه ..... استنى يابنى
حازم يروح ورا حسام
حازم / فى ايه ياعم السخن مالك
حسام / مشوفتش يعنى
حازم / لا الحقيقه مشوفتش جوزها و فرحانه بيه حرقك ليه بقى
حسام/ حارقنى
حازم / البت كتر خيرها صورتلك تعب الراجل امبارح بدل متشكرها تقولها نعمله عادى يعنى
حسام/ ايه يعنى مكناش هنعرف نعمله