دموع الفرحه بقلم / لولو محمد ( كامله )

الحلقه ١٦

#lolo #لولو_محمد
(((((((دموع الفرحه )))))))))))
الحلقه السادسه عشر
بلال يفتح الباب و يدخل / مين ده اللى بيعمل كدا
فرح / انت ايه الى دخلك هنا اطلع بره
جلال/ تعال يابنى متزودش الموضوع
بلال / لا مش خارج انا عاوز اعرف من امتى اصلا حد فينا قلل من فرح و لا من اهلها و لا من امتى اصلا فكرنا ان ليها اب و ام غير بابا و ماما
شيرين / اصلا يا فرح اهلك مكنوش حاجه وحشه عشان تدايقى
....................
فرح / انا مبستعرش من اهلى لا امى كانت رقاصه و لا ابويا كان حرامى
بلال/ و دا مفروغ منه
فرح / بس لما ادخل الحمام و الاقى جيهان بتقول عنى بنت الخدامه ادايق لما تقولى ابوكى الغفير سابلك ايه ادايق لما تقولى اخرك خدامه عندنا يبقى اولع فيكوا انتوا الاتنين
جلال/ جيهان قالت كدا
فرح / مين قالها غيرك يا بلال مين
بلال/ انا محكيتش غير ليها كنت قولتلها انى زعلان انك اتحجبتى و عرفت انك مش اختى شقيقه فسالت عالتفاصيل فحكيت
فرح / شكرا
بلال/ انا مقولتش حاجه غلط و لو كنتى قولتى امبارح انها قالتلك كدا كنت جبتلك حقك طب و العصير يا فرح
فرح / دموعى مكنتش قادره احوشها حسيت انى هتكسر قدامها
بلال/ كبيتى العصير على نفسك فعلا
فرح / كنت بدارى دموعى كنت بدارى ضعفى قدامها
جلال/ اهدى يا فرح
شيرين / قومى اغسلى وشك و جيهان هتعتزرلك
فرح / انا مش مستنيه اعتزار من حد
بلال / انا اسف يا فرح انا عمرى مكنت اتخيل ان الامور توصل لكدا
جلال/ هى هتيجى تعتزرلك قدامنا كلنا
بلال/ لا يا جلال خلاص مفيش لزوم انا و جيهان معدش فى بنا حاجه بعد اللى حصل
شيرين / انتوا سبتوا بعض دانتوا مخطوبين مبقالكوش كام يوم
بلال/ اللى يغلط ففرح ملوش مكان فى حياتى انا هروح اغسل ايدى انشغلت و مغسلتهاش
بلال يمشى
...،
فى الحمام
بلال يغسل ايده ووشه و يدير يلاقى فرح مسكاله الفوطه
بلال/ خضيتينى
فرح / انت عنيك حمره ليه
بلال/ تلاقى الصابون دخل فيها
فرح / لو بتحبها هقبل اعتزارها
بلال/ ميفرقش ان كنت بحبها و لا لا انتى خط احمر و الكل عارف ده
فرح تترمى فحضنه / مش هقدر اكون السبب فزعلك
بلال/ انا مكنتش بتباهى و لا بقلل منك لانى عمرى محسيت بفرق بنا
فرح / انا بجد اسفه
بلال/ جلال و شيرين بره
بره
شيرين / ها اتصالحتو
بلال/ و مين يقدر على زعل فرحة
جلال / احنا هنمشى بقى
فرح / ليه عشان اللى عملته
شيرين / لا يا حبيبتى بس عشان منتاخرش
فرح / انا ضيعت فسحتكوا و غمتكوا
شيرين / اكبرى و بطلى هبل بصى انا هبقى ارتب معاكى خروجه بنات بس
جلال/ مع السلامه يا بلال خد بالك من فرح
بلال يهز راسه بابتسامه جلال و شيرين يمشو و بلال يدخل اوضته و ينام عالسرير فرح تدخل عليه
فرح / اعملك شاى
بلال/ لا شكرا
فرح/ انت زعلان منى
بلال/ لا طبعا انا بس عاوز انام
فرح/ انا هروح اروق لو عوزت حاجه نادينى
بلال يلف / شكرا
..............
جرس الباب يضرب
فرح / ثوانى .... مين .... جيهان
جيهان / بلال موجود
فرح/ اتفضلى .... ثوانى اصحيه
فرح تدخل و تطلع مع بلال
بلال/ اهلا نورتى خير
جيهان / ايه المقابله دى انا حاولت اتصل بيك لاقيتك غير متاح فجيت
بلال/ مفيش داعى خلاص بيتهيالى كفايه اوى لحد كدا
جيهان / بجد بالبساطه دى
بلال/ انهى بساطه انتى غلطتى فاختى
جيهان / اختك باماره الدبله الى كانت لبساها امبارح فى الفرح
بلال/ مكنتش لبساها دبلتها معايا اصلا كانت لابسه خاتم عادى
جيهان / لا دبله. اسال ايمان هى كمان شافتها و استغربت
فرح تدخل الاوضه و تجيب خاتم / ده اللى كنت لبساه
بلال/ اللبسيه كدا
بلال يلف الخاتم / كان ده شكل الدبله
جيهان / شوفت هى لفته عشان تغيظنى
فرح / اقسم بالله ابدا
بلال/ خلاص اللى حصل حصل
جيهان / انا جايه اعتزرلها و انت عارف انى عمرى معملتها بس هعملها عشانك
بلال/ لو كنتى خايفه على خاطرى مكنتيش عملتى كدا مالاول
جيهان / غلطت هتعدمنى يعنى
بلال / انتوا الاتنين الميه و الهوا بالنسبالى وصلتونى لمرحله انى اختار بينكوا محدش فيكوا فكر انى فالحالتين ميت
فرح / انا اسفه يا جيهان
جيهان / انتى بتحاولى تثبتى انك احسن منى يعنى بتحبيه اكتر منى
بلال/ جيهان لو سمحتى
جيهان / انا فضلت جنبك مهما كانت ظروفك خمس سنين كل يوم اقول بكره تتعدل اتخانقت مع امى كتير بسبب انى مش عاوزه اتجوز غيرك
فرح / جيهان
جيهان / نعم عاوزه ايه مانتى السبب فكل ده انتى متخيله انه سهل عليا اشوفك او اسمع صوتك المفروض انا اللى ابقى هنا انا اللى افتحلك الباب مش انتى
بلال / اهدى يا جيهان لو سمحتى
جيهان / كل حاجه فحياتى ادمرت بسببك انتى
فرح / انا اسفه
جيهان / عن اذنكوا
بلال يمسك ايدها / استنى
جيهان / انت ظلمتنى و انا كنت جايه اعتزر عشان بحبك و فالاخر تقولى كل حاجه انتهت
بلال/ انا تعبان
جيهان / انت تعبان انا ماما بتموت و انت اتجوزت و انا بتحرق كل يوم من جوايا و فى الاخر انت اللى تعبان
فرح تدخل الاوضه و تقفل الباب
بلال/ فرح دى اختى و انتى حبيبتى مينفعش تجبرونى اختار مينفعش تتخانقوا
جيهان / انا لازم امشى عشان ..... عشان انا عاوزه امشى
فرح تطلع مالاوضه
جيهان / انا اسفه يا فرح
فرح / انا اسفه يا جيهان
جيهان تمشى فرح تبص لبلال
فرح/ روح وراها
بلال يجرى وراها جيهان تطلع مالاسانسير تلاقى بلال بيجرى عالسلم يحصلها
بلال/ جيهان...... جيهان استنى
جيهان بتعيط / هى كان معاها حق قالتلى ان زى ملبستنى دبلتك تقدر تقلعهانى
جيهان بتقلع الدبله و بلال يمسك ايدها
بلال/ ممكن نتكلم بعيد عن هنا
جيهان / انت بلبس البيت
بلال/ ههههههه عادى دى شيك و بعدين هبقى فى العربيه كانى نزلت اشترى حاجه بسرعه
جيهان / مش فمود اتكلم معاك
بلال/ يعنى و انتى زعلانه بدل متجيلى بتهربى منى
جيهان / انا زعلانه منك انا مش قادره اثق فيك انت ممكن تبيعنى فاى وقت
بلال/ محصلش انتى اللى بتحطينى فموقف لازم اختار
جيهان / تقوم تختارها هى دى حتى مش من دمك و لا تقربلك
بلال/ انتى اللى بتقولى كدا
جيهان / كنت فاكره انى اهم واحده فحياتك طلعت ولا حاجه
بلال/ تعالى معايا ثوانى
بلال ركبها العربيه و راح جبلها حاجه ساقعه مالكشك تحت البيت
بلال/ مستعريه تتمشى معايا بالعربيه بهدوم البيت اللبسى دى عبال مشرب هدومى
جيهان / ههههههههه ايه
بلال/ ايه
جيهان / اللبس دى لحد مشرب هدومى
بلال/ انا قولت كدا
جيهان / امشى يا مسطول و متتاخرش
بلال/ ثوانى
.........
فوق بلال بيفتح الباب و يدخل
فرح قاعده عالكنبه بتعيط
بلال/ فرح فى ايه ...... انتى زعلتى .... انتى اللى قولتى روح وراها
فرح تبتسم / ولا يهمك متشغلش بالك
بلال/ ازاى يا فرح بس
فرح/ جيهان مشيت خلاص صالحتها
بلال/ جيهان ينهار دانا نسيت دى مستنيانى تحت
فرح تهز راسها بابتسامه بلال يدخل يلبس بسرعه و فرح تدخل اوضتها بلال يفتح باب اوضه فرح
بلال / انا هخرج شويه يا فرحه عمرى
فرح تعمل نفسها نايمه
بلال يعد جنبها عالسرير / فرح انا بحبك و زعلك غالى عليا
فرح تقوم و تعد
بلال / انتى احلى حاجه حصلتلى فحياتى يا فرح لو حطوا الدنيا كلها فكافه و معاهم جلال و ابويا و امى و انتى فى الكافه التانيه هختارك انتى مش عاوزك زعلانه جيهان مش هتعمل كدا تانى مش هتقرب منك تانى لان ملهاش عندى فرصه تانيه حتى لو اعتزرت و سامحتيها
فرح / انزل متخليهاش فى الشارع كتير
بلال/ مش هتاخر
فرح / تيجى بالسلامه
.............
بلال ينزل
جيهان / مبدرى
بلال/ ايه لحقتى خلصتى الازازه
جيهان / تحب تروح فين
بلال/ انتى اللى بتصالحينى يلا شوفى هتفسحينى فين
جيهان / نعم
بلال/ ايوه صالحينى انا واخد على خاطرى منك جدا
جيهان / واخد و معبى لدرجه انك ببساطه سبتنى منغير متسمعنى و لا حتى تبلغنى بقرارك
بلال/ كان لازم اعمل كدا
جيهان / ازاى يعنى لازم
بلال / طب اطلعى بس بالعربيه و انا افهمك ...... انتى غلطتى جامد فحق فرح و فرح اشتكت قدام جلال
جيهان / اه طبعا
بلال/ انا كنت عارف ان فرح مش هترضى تفرقنا عن بعض دا حتى هى اللى قالتلى انزل وراكى
جيهان / كمان يعنى لو مكنتش فرح اذنتلك تجرى ورايا مكنتش هتعبرنى
بلال/ دى اختى يا جيهان مينفعش تجرحيها بالشكل ده و تعدى عادى
جيهان / انا مش قادره افهم البت دى بتلعب بينا كلنا زى العرايس لا و الكل مبسوط
بلال/ لو سمحتى يا جيهان ارجوكى متضغطيش عليا اكتر من كدا متتكلميش عنها وحش
جيهان / فى الاول اتجوزتك و هى عارفه انك بتحبنى و بعدين لما خليلها الجو جت و صالحتنا و فى الفندق انت عارف اللى حصل وبعدين جابتك تخطبنى و خلتك تسبنى و رجعتك تانى كلو فرح فرح فرح
بلال/ شوفتى
جيهان / شوفت ايه انت هتجننى
بلال/ فرح بتحاول تعمل المستحيل عشان تجمع بينا
جيهان / دى بتلعب بعلاقتنا ماريونيت
بلال/ اى موقف وحش من فرح كان رد على موقف غير مبرر منك انتى
جيهان / ماشى خلاص هعاملها على راسى مانا اتعلمت الدرس كلو الا فرحه بيقولوا اقرب طريق لقلب جوزك معدته لكن انا بقى اقرب طريق هو رضا مراته الاولانيه
بلال/ مش هرد عليكى
جيهان / انت اصلا اتغيرت كتير من يوم متجوزتها
بلال/ ازاى بقى
جيهان / معدتش بتروح الجيم و لا دروس الرقص معايا زى زمان
بلال / وقفى العربيه
جيهان / خلاص مش مستحملنى و عاوز ترجعلها
بلال/ لا عاوز ارمى نفسى فى النيل و اخلص من عيشتى
جيهان / طبعا مانا مسوده عيشتك
بلال/ جيهان فوقى انا فى مطحنه وانتى زى متكونى من عالم تانى مش حاسه و لا عارفه ظروفى
جيهان / بجد كمان معتش بحس بيك
بلال/ انا بلاقى وقت انام بالعافيه مطحون ليل نهار موقع و مكتب و مستشفى و اهلى و انتى دروس رقص و جيم ايه اللى بتتكلمى عنها
جيهان / امال استنى اما يطلعلك كرش
بلال / بصى زمان لما اقترحتى عليا اجى معاكى كنت باجى عشان معاكى عشان بنقضى وقت سوا فى الجيم و بنرقص سوا فى التمرين عشان بتحلمى برقصه مثاليه فى فرحنا مش عشان احترف الرقص او عشان انتى رافضه كرشى
جيهان / انت بتتكلم كانى واحده تافهه او بطلب حاجه تافهه انا بعمل المستحيل عشان افضل حلوه و رشيقه فعنيك عشان متبصش لاى بنت تانيه من حقى تعمل كدا عشانى
بلال/ طب لما نتجوز و تحملى و تطخنى و قطر الجواز يهرسك و لا لما تعجزى و تكرمشى ساعتها المفروض متعجبينيش انا لا حبيتك عشان جسمك و لا عشان شكلك حبيت روحك الحلوه المرحه اللى بتدحك طول الوقت البنت اللى عندها طموح
جيهان / و الحاجات التانيه اكيد ليها دور هيفيد بايه طموحى لو كنت وحشه
بلال/ طب كويس اننا اتكلمنا فى الموضوع ده قوليلى يا جيهان الا لو انا بعد الجواز اتصلعت و لا طخنت و ضربت الفانيله الحمالات و قعدت فى الليفنج اشفط فمانجه و بطيخ هتخلعينى
جيهان / يع بجد انا ممكن استحمل انك تتصلع و تطخن بس عمرى عمرى مستحمل المانجه و البطيخ
بلال/ هههههههههههههه خلاص انا هعمل معاكى اتفاق انا و انتى هنستحمل بعض مهما اتغير فى شكلنا و مهما الحياه مرمطت اللى جابونا و انا اوعدك انى عمرى مهضرب الفانيله و ادوس فى المانجه و البطيخ ماشى
جيهان / انا مستعده اتنازل و اقبل بس بشرط
بلال/ موافق
جيهان / منغير متسمعه
بلال/ انى اهتم بنفسى على قد مقدر على الاقل ااخر الكحرته دى لحد متدبسى
جيهان / هههههههههه يعنى مش بالظبط بس تقريبا اه
بلال/ و انا كمان ليا طلب
جيهان / خير
بلال/ فرح
جيهان / مالها
بلال/ اوعى تحطى نفسك فى مقارنه معاها هى اختى و انتى خطيبتى لازم تعرفى انكوا اغلى حاجه فحياتى و مينفعش تخيرونى بينكوا مينفعش اتخلى عن واحده فيكوا مهما كان السبب
جيهان / وجودها على زمتك
بلال/ انا و فرح اخوات تكرارك لكلمه مراتك و زمتك و جوازكوا كتير مش فصالحك على فكره كانك بتعملى المستحيل عشان تخلينا نتقبل الموضوع ده
جيهان / خلاص حاضر
بلال/ انا زمان كنت فاكر انك هتاخدى فرح معاكى الجيم و دروس الرقص و الشوبينج و تشغلى وقتها و تقربوا من بعض لكن مالواضح انى كنت غلطان زمان كنت فاكر انكوا هتتفقوا عليا و تعملوا عصابه ضدى بس كلها اوهام
جيهان / خلاص بقى اللى اتكسر يتصلح
بلال/ تفتكرى بالبساطه دى بقولك ايه روحينى بقى اما اروح اصالح فرح عشان نازل و سايبها بتعيط جيتلك انتى الاول عشان تعرفى غلاوتك
جيهان / طب خليك معايا شويه
بلال / لا خليها بكره كلو بتاعك
جيهان / ماشى
............
فى البيت بلال يدخل يلاقى فرح نايمه فى سريرها ينام جنبها و يحضنها
فرح / انت رجعت بدرى ليه كدا
بلال/ مقدرتش اسيبك زعلانه جتلك جرى
فرح / صالحت جيهان
بلال/ لا هى اللى المفروض تصالحنى انا بصالحك انتى
فرح / ممكن اطلب منك طلب
بلال/ انتى تؤمرى بس
فرح / انا عاوزه تعاملى مع جيهان يقل على قد ميمكن
بلال/ حقك و انا مقدرش اجبرك بس فى مواقف و مناسبات لازم هتجتمعوا فيها
فرح / على الاقل فتره كدا لحد مالجو يهدى شويه
بلال/ مؤقتا بس هوافق بس انا عارف انك انتى و جيهان هتحبوا بعض عشان خاطرى
فرح / انا عاوزه اتفسح بكره ممكن مخنوقه و بجد لازم اخرج
بلال/ لا بكره مينفعش مهو مينفعش تفضلى مخنوقه لحد بكره
فرح / انت شايف كدا
بلال/ اكيد يلا قومى اللبسى
فرح / بلال انت بجد كنت هتسيب جيهان
بلال/ عاوزه الحق و لا الاحق منه
فرح / ههههههه الاتنين
بلال/ الحق اه كنت هسيبها
فرح / و الاحق منه
بلال/ كنت عارف انها هتحس بغلطها و تيجى تصالحك و كنت عارف انك مش هتقدرى تشوفينى زعلان و هتصالحيها
فرح / و كنت عارف منين بقى
بلال/ كنت واثق فيكوا انكوا بتحبونى و انكوا اكيد هتتفقوا
فرح / اطلع بره بقى عشان اللبس
بلال/ هغمض عينى
فرح / بلال اطلع بره
بلال/ اوعدك مش هبص
فرح / هتطلع بالزوق و لا
بلال يقف / والا ايه
فرح / مفيش محشى تانى ابدا
بلال/ لا كلو الا المحشى طالع طالع
فرح / هههههههههه
بلال/ ايوه بقى
..........
تانى يوم فى كافيه
فرح / انا جيت اهو فمعادى
شيرين / انا قولت لازم اطمن عليكى بعد اللى حصل
فرح / بجد انا اسفه اوى على امبارح نكدت عليكوا
شيرين / و لا يهمك بصى يا فرح انا عاوزه اديكى نصيحه
فرح / ايه
شيرين / مينفعش تكونى حساسه كدا الناس مش هترحمك و لا الدنيا
فرح / مش فاهمه
شيرين / بصى انا هكون صريحه معاكى انا حاسه بجيهان و متعاطفه معاها جدا
فرح / و انا كمان على فكره