دموع الفرحه بقلم / لولو محمد ( كامله )

الحلقه ٢٢

#lolo #لولو_محمد
((((((((دموع الفرحه )))))))))))
الحلقه الثانيه و العشرون
بعد المطش
بلال/ انا جعان
فرح/ فى ساعتين جوله حره للغدى
بلال/ خلاص انا عازمكم يا شباب
حسام/ كتر خيرك بس احنا الحمد لله معانا فلوس
……………………………
فرح/ تصدق انا كنت فكراك بتعمل كدا معايا انا بس طلعت كدا معانا كلنا
حازم / هو ميقصدش هو يقصد ان دا واجب علينا انت ضيفنا
بلال/ و لا يهمك يا حازم كل واحد يشيل نفسه احسن
بلال ياخد فرح و يمشو
حازم / انت اوفر اوى ايه مشكلتك
حسام/ مش عارف بقى اوعى كدا
...................
فى المطعم
فرح / متزعلش من حسام هو كدا طربش
بلال/ عادى انا بعرف انبسط
فرح / على فكره هو كدا معايا فى الكليه مفيش حوار الا لما يقلب خناقه
بلال/ و ايه يجبرك ان مكنش يحترمك بناقصه
فرح / هو مبيبقاش قاصد بس مبيعرفش يعبر
بلال/ كلى كلى سيبك منو
.........
يوم الفلانتين
فرح/ الله ايه الهديه الحلوه دى
بلال/ عجبتك
فرح/ جدا ممكن اصورها
بلال/ طبعا
فرح بدلع / يا ترى بقى جايب الدبدوب الكيوت ده لمين
بلال/ لجيهان عشان الفلانتين
تختفى ابتسامه فرح
فرح/ و جبتها هنا ليه
بلال/ نسيت و طلعتها مع الشنط اللى كانت فى العربيه
فرح / ماشى انا نازله رايحه الكليه بقى
بلال / انا لبست اهو عشان اوصلك
فرح / ملوش لزوم انا هروح مع فريده
بلال/ طب مهو انا هوصلك انتى و فريده
فرح/ لا حسام هيوصلنى
بلال/ مين
فرح / عن اذنك
فرح تنزل و ترزع الباب وراها
......
فى الشارع
فرح/ انا هاجى معاكم
حسام/ اتفضلى
فريده/ و ايه سر التغير الفظيع ده
فرح/ مزاجى كدا بلاش انزل
حازم/ ازاى بس دانتى نورتى العربيه
حسام/ انتوا اتخانقتوا و لا ايه
فرح/ مين دول اللى اتخانقوا
حسام/ شكلك زعلانه
فرح/ و لا زعلانه و لا حاجه دانا حتى مبسوطه خالص
فريده/ و ايه يا سيدى اللى بسطك
فرح/ النهرده الفلانتين بصى بلال جابلى ايه استنى هوريكى الصوره
فريده/ الله ده حلو اوى هبقى اجى اللعب معاكى بيه
فرح/ تلعبى بايه
فريده/ الدبدوب
فرح/ اه طبعا ان شاء الله اكيد
حازم / طبعا انا لو مطلعتش الهديه حالا ممكن اموت
فريده/ اساسى
حازم/ اتفضلى
حازم يدى لفريده شنطه هدايا جواها بوكس فيه ساعه بناتى رقيقه
فريده / حلو اوى الساعه دى ايه رايك يا فرح
فرح/ حلوه اوى محفور فى ضهرها اسميكم حلو اوى
فريده/ تسلم يا حبيبى
فرح/ ربنا يتمملكوا بخير
حسام / و هتسهروا فين بقى النهرده يا فرح
فرح/ معرفش اما اشوف شغله ربنا يسهل
حسام/ كويس
فرح/ كويس
حسام/ اصل فى واحد صحبى هيفتح مطعم جديد و كنت بفكر اخدكم و اعزمكم عالغدى هناك
فريده/ انا موافقه
فرح/ مش هينفع انا اعزرونى
فريده/ يا ستى كلمى بلال يجى معانا
حازم/ يا بنتى ممكن يكون حاجز فمكان تانى سيبيها براحتها
فرح/ ايوه سيبونى براحتى
.......
فى الشركه
جيهان/ الله حلو اوى الدبدوب ده ها هتفسحنى فين النهرده
بلال/ تحبى تروحى فين
جيهان/ يوووووه موال كل سنه على كل فى مطعم فاتح جديد ايه رايك نجربه
بلال/ انا دايس معاكى فاى حاجه
.............
فى المطعم
حسام / فعلا مكان جميل
فريده / ياريت فرح كانت جت معانا
حازم / زمانهم بيتغدوا فمكان تانى و انكسفت تقول
حسام/ و الاكل كمان كان جامد بقولكوا انا عارف انى عازول فانا هخلص اكل و اخلع
حازم بيبص ورا حسام يشوف بلال و جيهان
حازم/ ينهار كاروهات اسود فازرق
فريده/ مين دى
حسام يبص وراه يلاقى بلال و جيهان داخلين و جيهان شايل الدبدوب وورد
حسام/ كنت متاكد انه عيل زباله
حازم/ ملناش دعوه
فريده تمسك الموبايل و تصورهم
حازم/ بتعملى ايه
فريده/ فرح لازم تعرف
حسام / دا معداش على جوازهم كام شهر ازاى الهبل ده
حازم/ انت مش كنت ماشى اتفضل يلا انا بقول نروح كلنا احسن
فريده/ اللحق دا بيبوس ايدها ادى اللى تفتكره موسى يطلع فرعون
حازم / بطلى تصوير و امسحى الصور دى
حسام/ و تمسحها ليه
حسام يقوم
حازم/ انت يا زفت رايح فين
فريده/ دا رايحلهم
......
بلال/ فعلا شكله مطعم كويس
من وراه/ اهلا يا بشمهندس
بلال/ حسام .... ازيك
حسام / هابى فلانتين
جيهان/ شكرا
حسام/ انا اسف بس حبيت اسلم بس
بلال/ الله يسلمك
......
حازم دفع الحساب و راح شده و مشيو و فريده معاهم
جيهان/ مين دول
بلال/ زمايل فرح فى الكليه
جيهان/ و مالك مدايق كدا ليه
بلال/ هما مش عارفين ان انا و فرح اخوات
جيهان/ و هتعمل ايه بقى
بلال/ هكلم فرح اقولها
جيهان/ و على ايه متروحلها احسن
بلال/ انا مش ناقص
جيهان/ انا اسفه اتفضل
بلال/ جيهان قدرى ظروفى انا عايش حياتين واحده معاكى و والتانيه قدام الناس فشارعنا
جيهان/ و دا ذنبى غلطتى يعنى
بلال/ لا مش ذنبك و لا غلطتك بس استحملينى
جيهان/ خلاص روح كلمها
........
فى البيت
فرح عالواتس يرن تروح تفتح رساله من فريده فيها صور بلال و جيهان فرح متردش و تحط الموبايل فمكانه و تجرى على اوضتها و تعيط الموبايل يرن و هى مبتردش مره و اتنين و تلاته
........
فى المطعم
جيهان/ كلمتها
بلال/ مبتردش
جيهان/ و هتعمل ايه هتتغدى و لا هنمشى
بلال/ لا هنتغدى و ربنا يستر بقى
جيهان/ ماشى يلا شوف هتطلب ايه فى الفلانتين الهباب ده
بلال/ ماشى حقك برده مش هاجى عليكى يعنى
جيهان/ فعلا
......
فى البيت
جرس الباب يضرب و فرح مبتردش
فريده/ افتحى يا فرح انا عارفه انك جوه سالت البواب
ايمان تطلع/ فى ايه يا فريده
فريده/ مفيش اصل انا اتخانقت مع فرح و مبتردش عليا فقولت اصالحاها
ايمان/ طب اضربى الجرس
فريده/ يمكن تكون نايمه هبقى اكلمها بعدين
........
فى الشارع
حسام/ ها كلمتيها
فريده/ مفتحتش
حازم/ انتوا اصلا غلطانين ازاى تبعتولها الصور يا عالم هى عامله ايه فى الظروف دى لوحدها
حسام / تفتكر تكون عملت حاجه فنفسها
فريده/ مفتكرش فرح عاقله
حسام / انا هطلع اخبط عليها
حازم/ استنى يا مجنون انت رايح فيه
البواب / هو فى حاجه يا اساتذه
حازم/ بقولك يا حج انت معاك رقم الباشمهندس بلال
البواب / ايوه خير
حازم/ معلش اصل مراته تعبانه شويه و كنا عاوزينه يجى يطمن عليها
البواب / حاضر هكلمه
......
.فى المطعم
جيهان/ فعلا الاكل ممتاز
بلال/ اهم حاجه تكونى مبسوطه
جيهان/ يا حبيبى انا ببقى مبسوطه طول مانا جنبك
بلال/ تسلميلى يا قلبى
تليفون بلال يضرب
بلال / دا البواب .... الو ايوه ..... انت بتقول ايه .... انا جاى حالا
جيهان/ فى ايه
بلال/ البواب بيقول ان فرح مبتردش و الناس متجمعين قدام الشقه
جيهان/ ميمكن نايمه
بلال/ معرفش بس لازم نمشى
جيهان/ انا هاجى معاك
بلال/ بيتهيالى بلاش
بلال يدفع الحساب
جيهان/ بس انا مصره اجى معاك من حقى اطمن عليها
بلال/ اصلا مفيش وقت اوصلك تعالى
.......
فى البيت تحت
البواب / انا طلعت ضربت الجرس بنفسى و برده مفتحتش
بلال/ خلاص انا جيت اهو
بلال يركب فى الاسانسير مع جيهان و البواب و يطلعوا يلاقوا ايمان و اسماعيل و فريده و حازم و حسام قدام الباب
ايمان / اللحقنا يا بلال البت مبتردش
بلال يفتح الباب
بلال/ فرح ... فرح
و يجى على اوضتها يلاقيها قاعده عالسرير بتعيط
جيهان/طب مهى كويسه اهى
فريده/ انتى ليكى عين تتكلمى او تيجى لهنا اصلا
بلال/ لو سمحتوا يا جماعه ياريت كل واحد يخليه فحاله
ايمان / مالك يا فرح قلقتينى بخبط مالصبح مبتفتحيش ليه
بلال / انا مقدر قلقكوا يا جماعه بس ارجوكوا تسيبونا دلوقت
حسام/ انت اصلا بجح اوى
بلال/ انت زوتها اوى مين اصلا سمحلك تدخل بيتى
حسام/ انت هتعمل نفسك برئ و لا ايه دانت بايع دمك و لا ايه
فرح بعياط / انت اش حشرك اصلا
حسام/ فرح
فرح/ يعنى فاكرين يعنى لما تعملوا كدا هتفرق فى حاجه ملكوش دعوه
فريده/ فرح اهدى احنا خايفين عليكى
فرح/ من ايه خايفين من ايه هه ردى
فريده/ انا قولت لازم تعرفى
فرح/ و انتى فكرانى مش عارفه
حسام/ انتى عارفه
ايمان / عارفه ايه
فرح/ انتوا مالكوا مكل واحد يخليه فحاله
بلال/ ياريت كل واحد يروح بيته
حسام/ انتى عارفه مين البت دى
جيهان/ بت
فرح/ دى تبقى خطيبه بلال
ايمان / خطيبته
فرح/ مالكم مش من حقه مثنى و و ثلاث و رباع مالكم انتوا انا راضيه
بلال/ خلاص يا فرح مش محتاجه تبررى ليهم حاجه
فرح/ لا لازم .... عارفين ليه هيتجوز واحده تانيه
بلال/ خلاص يا فرح
فرح/ عشان انا مبخلفش ارتاحتوا
ايمان / يا كبدى يا بنتى
حسام/ ايه الكلام الفارغ ده
بلال/ مكل واحد يروح فحاله بقى من فضلكوا لاخر مره اطلعوا بره
فرح/ دا اللى عندى و ياريت تمشوا من هنا بقى
ايمان / يا جماعه يلا من هنا
فرح تعد عالكنبه منهاره
بلال/ مقولت بره انتوا ايه مبتحسوش
حازم و فريده يشدوا حسام بره بلال يروح يرزع الباب وراهم
فرح / عن اذنكوا
بلال/ استنى هنا ايه اللى قولتيه ده
فرح/ مش قادره اتكلم
جيهان/ انتى ايه اللى عملتيه فنفسك ده
فرح تبصلها بغضب / فارق معاكى اوى
جيهان/ اكيد
فرح/ عندك حل تانى
جيهان/ حل لايه يا بنتى انتى مش مضطره تبررى حاجه لحد
فرح/ بيتهيالى كدا احسن حل اهو علاقتك ببلال تبقى قدام الكل
بلال/ مش على حسابك
فرح/ تفرق فايه رد قولى تفرق فايه
بلال/ تفرق فانك كدا بتحكمى على نفسك بالعنوسه
فرح/ انهى عنوسه لواحده مطلقه فى بلد ارياف انا قولت اللى الناس هتقوله عنى
بلال/ ميولع الناس
فرح/ انت كدا ممكن تقف قدام بابا و تقوله ان من حقك تتجوز
بلال/ انتى اكيد مجنونه
فرح/ انا تعبت هو حد حاسس بيا
بلال/ انا
فرح/ انت ازاى تجيبها هنا النهرده
جيهان / جيت اطمن عليكى يا فرح
فرح/ انا داخله انام مش قادره افتح عينى
بلال يحضن فرح و فرح تبعده عنها و تدخل اوضتها و تقفل الباب بلال يترمى عالكنبه
جيهان/ انا همشى
بلال يهز راسه
جيهان / هبقى اكلمك اطمن عليكوا
بلال يهز راسه و جيهان تمشى
..........................
تحت البيت
فريده/ خرابه بيوت
حازم/فريده خليكى فحالك
جيهان تبصلهم و توقف تاكس و تمشى
حسام/ احنا عملنا ايه
فريده/ كسرنا فرح هو ده اللى عملناه
حازم / انا قولت ملناش دعوه
حسام/ مسكينه فرح
.......
فى البيت
بلال يدخل ينام جنب فرح و يحضنها
فرح/ انا تعبت يا بلال
بلال/ حقك عليا انا السبب فكل ده
فرح/ انت اصلك مش فاهم انا غلطت و كان لازم اتعاقب
بلال/ لا يا فرح مكنتش غلطتك
فرح/ انا كدبت و الاكتر انى صدقتها