دموع الفرحه بقلم / لولو محمد ( كامله )

الحلقه التانيه

#lolo #لولو_محمد
((((((((((دموع الفرحه )))))))))))
الحلقه الثانيه
سماح / انا خفت عليكى يا فرح
فرح / من مين يا ماما
سماح / بخاف عليكى مالدنيا كلها يا ضنايا
جلال /الله يخربيت الهندى اللى خرب دماغكوا متخلصونا بقى خلونا ناكل
فرح / يلا يا سم
فرح و جلال يطلعوا
بلال / متخفيش على فرح يا ماما وراها رجاله
.............
تانى يوم
سماح / الفطار جاهز يا حاج
الحاج / هما العيال لسه نايمين اطلعى يا فرح صحى اخواتك
سماح / لا لا ... خليكى يا فرح ليكونوا واخدين راحتهم و لا حاجه هطلعلهم انا
الحاج / العيال دول حاجه تكسف سهر للصبح و نوم طول النهار
فرح / اجازتهم بقى يا بابا
الحاج / ههههههه اقعدى يا فرح جنبى نفطر سوا
الباب يخبط
فرح / انا هفتح
فرح تفتح تلاقى بنت عالباب
الحاج / مين يا فرح
فرح / دى نهى صاحبتى يا بابا
الحاج / تعالى يا نهى يا بنتى افطرى معانا
نهى / شكرا يابا الحاج انا كنت جايه اسال فرح حاجه و ماشيه
فرح / خير
نهى / انتى مش هتيجى الدرس الانجليزى تانى و لا ايه
فرح / كان ممكن تسالينى عالتليفون
نهى / كتر خيرك بس تليفونك مقفول من امبارح
الحاج / هو ايه حكايه درس الانجليزى ده
فرح / مفيش يا بابا
نهى / فرح بقالها حصيتين مجتش الدرس و المستر سالنى عليها امبارح و احنا فى ايام المراجعه
الحاج / ايه الكلام ده
فرح / كتر خيرك يا ست نهى
الحاج / انا بكلمك انت مبتروحيش درس الانجليزى ليه
بلال و جلال و سماح ينزوا
جلال / فى ايه يا بابا بتزعق ليه
الحاج / الست هانم مبتروحش دروسها
نهى / طب استاذن انا بقى عشان اللحق الدرس
الحاج / هو الدرس ده امتى يا بنتى
نهى / كمان نص ساعه يا ابا الحاج
الحاج / طب شكرا يا بنتى
نهى تغادر
فرح / يابا انا مش عاوزه اروح الدرس ده تانى
بلال / ليه يا فرح
فرحه / كدا
سماح / متسيبوها براحتها
جلال / براحتها دا ايه دى ثانويه عامه و دى ايام مراجعه
بلال / فى ايه يا فرح
فرح / قولت مفيش مش محتاجه دروس فى الانجليزى
الحاج / و اكتشفتى انك فلحوسه ايام المراجعه
بلال / اطلعى اللبسى انا هوصلك و نتكلم فى السكه
فرحه / لا مش هروح
الحاج / يعنى ايه يا بت مش هروح
جلال / اهدى يا بابا ... فرح فى حاجه حصلت فى الدرس
فرحه / لا
جلال / بصيلى و قوليلى فى حاجه.....
فرحه / فى واد زباله مستقصدنى
سماح / يلااااااااااااهوى انا قولت محدش سمع كلامى
بلال / طب اطلعى اللبسى انا هوصلك
سماح / تلبس تروح فين دى ملهاش طالعه مالبيت اللطف بينا يارب
جلال / هو فى ايه يا ماما هى موراهاش رجاله و لا ايه
الحاج / بس هى ليه مقالتش
بلال / اكيد خايفه تقول عشان ماما متحبسهاش فى البيت زى محضرتك شايف
جلال / انا هطلع اللبس
بلال / انا جاى معاك
سماح / روح معاهم يا حاج والنبى اللطف بينا يا رب
الحاج / عيالك مش صغيرين و انا هنزل اروح المزرعه و هبقى اشوف عملوا ايه
سماح / يلاهوى يا حاج انت ازاى ماسك نفسك كدا
الحاج / عشان انا مخلف رجاله يا سماح و اهدى بقى انا ماشى سلام
...........
عند الدرس
بلال / انزلى روحى الدرس يا فرح
فرح / اطلع بالعربيه قدام شويه
جلال/انتى خايفه يا بت و احنا معاكى
فرح / مانتوا هتبقوا فى العربيه
جلال / طب شاوريلى عليه انهى واحد
فرح / تيشرت احمر
جلال/ طب انزلى متخافيش لو كلمك بس هتشوفى
بلال / انزلى يا بت احنا هنرميكى
فرح / طيب طيب
...................................
فرح تمشى
الولد / اخيرا جيتى دا الشارع مضلم من غيرك ...... لازم يعنى تجرينى وراكى ..... متستنى يا بت بكلمك
جلال / متكلمنى انا يا حلو انت
بلال / تصدق يا جلال انا كنت جاى اتخانق فاكره راجل دا طلع عيل اوى
جلال / ادخلى الدرس يا فرحه
الولد / اسمها فرحه
بلال بوكس يجيب الوله ارض / اسمها ستك فرحه يا له متنساش مقامك
جلال بيطلع مسدس / بص ياحيلتها البت دى وراها رجاله لو هوبت منها تانى هخليك متعرفش تعاكس تانى اصلا
الوله / انت هتخاوفنى بالبتاع ده طب لو راجل اضرب
جلال رصاصتين فى الهوا / تحب التالته فين ياروح امك
فرح / جلال
بلال / اهدى يا جلال ميستاهلش
وسط سويط الستات فى الشارع المدرس يطلع مالدرس
الاستاذ / اهدى يا جلال يابنى هو عرف غلطه
جلال / اسكت انت دورك جاى
بلال / ادخلى جوه يا فرح
فرح / لا مش هدخل انا قولت مجيش
ست مالشارع / انا اتصلت بالبوليس و زمانه جاى
جلال / حلو اوى اهلا وسهلا
بلال / خلاص يا جلال نزل المسدس هو كدا اتربى
جلال / مش لما يقول انا مره الاول
الوله / المره دى تبقى ........
بلال بوكس تانى يوقعه فى الارض / انت مبلبع حاجه ياهبل انت هيموتك انت عبيط
الاستاذ / يابنى اهدى بس فهمنى ايه اللى حصل
جلال / انا عاوز اعرف انت لزمتك ايه عيل هفا زى ده يعاكس اختى انا امال لازمتك ايه
الاستاذ / يابنى انا معرفش ايه اللى بيحصل فى الشارع و هى محكتش
الولد / طب نزل كدا المسدس اللى فايدك ده و تعالى و انا اوريك مين اللى هفا
بلال بيضربوا بالرجل و هو عالارض / انت عبيط و لا ايه نظامه ده .. اديله طلقه تخلصنا منه دا غبى
جلال / و انا مش هكسرلك كلمه
بوكس بيوصل و ينزل منه ظابط و اتنين عساكر
الظابط / ايه اللى بيحصل هنا
جلال / الكلب ده بيتحرش باختى
الظابط / جلال باشا ينهار ابيض عاش من شافك يا وحش
جلال / حسن باشا انت اتعينت هنا و لا ايه
حسن / بقى الكلب ده بيعاكس فرح هنام
الولد / انتوا هتظبطوها فبعضيكوا بقى
بلال / حد يسكت الشئ ده
حسن / خدوه عالبوكس ..... بتعيطى ليه بس يا ست الكل
جلال / خشى الدرس يا فرح قولنا مليون مره
حسن / للاسف يا جلال باشا انت عارف الاجراءات لازم تيجى القسم نقفل المحضر
جلال / و ماله نروح
حسن / معاكوا عربيه؟؟
جلال / اطلع انت و انا هاجى وراك
........
فى القسم
حسن / اتفضلى يا فرحه هانم ..... هات اربعه لمون هنا يابنى ..... اتفضلوا يا بهوات
جلال / الف شكر يا حسن بيه
حسن / بس انا واخد على خاطرى منك بقى انا لولا المشكله التافهه دى مكنتش اشوفك داحنا حتى دفعه
جلال / معلش انت عارف انى اتعينت فمصر
حسن / و لا يهمك يا باشا المهم الواد ده اتجرا و عاكس الانسه .... و ماله تحب تمشيها قانونى و لا نربيهواك بمعرفتنا
بلال / قانونى يا باشا
الولد / انتوا عارفين انا ابن مين اصلا دانا هوديكوا كلكوا فداهيه
حسن / و ماله الداهيه دى اصلا مسقط راسى اه والله شوفت ..... عاوزك يابنى تظبطه محضر تحرش يظبطه على مشرب العصير مع البهوات
يدخل حاج كبير و يليه الحاج سعيد
الولد / اهو ابويا جه اهو
الحاج سعيد / ايه اللى حصل يا جلال
الحاج الاخر / انتوا ازاى تقبضوا على ابنى كدا انتوا مش عارفين انا مين انا ابراهيم المغازى عضو مجلس شعب
حسن / ابنك اتحرش بانسه قدام الدرس بتاعها
ابراهيم / انا ابنى عمره ميعمل كدا انا ابنى متربى
الولد / دا ضرب عليا نار يا بابا و كان عاوز يموتنى و اكمن الظابط صاحبه هيلبسونى تهمه
ابراهيم / صحيح الكلام ده يا حضره الظابط
حسن / لا طبعا مش بالظبط كدا.....
ابراهيم / من فضلك انا عاوز اعمل محضر ضد الراجل اللى ضرب نار على ابنى احنا مش فغابه
حسن / و ماله يا باشا بس احب اطمن حضرتك ان فى محضر تانى تحرش معمول ضد ابنك و كل الشهود بياكدوا اللى حصل و كمان بيقولوا انه تطاول باللفظ على حضره الظابط جلال السعيد اثناء عتابه يعنى حضره الظابط جلال من حقه يعمل محضر تانى سب و قذف ضد ابنك المحترم و ده مش تعدى عادى دا تعدى على ظابط و حضرتك ادرى طبعا
ابراهيم / انا هتصل بوزير الداخليه شخصيا انتوا فاكرينها سايبه و لا ايه
الحاج سعيد / احنا هنخاف و لا ايه اتصل باللى تتصل بيه
جلال / حضرتك هتعمل محضر فى اللى ضرب ابنك بالرصاص و لا ايه عشان نختصر الوقت على متعمل اتصالاتك
حسن / انا بقول تتراضو احسن الواد يعتزر
جلال / و يمضى على اقرار عدم تعرض
ابراهيم / انت عاكست البت و شتمت الظابط
الولد / هو اللى اتعرضلى الاول
حسن / ها يا ابراهيم بيه هتعمل ايه و احب افكر حضرتك اننا داخلين على انتخابات و الشاوشره مش فى صالحك
ابراهيم / هيعتزر احنا ميخلصناش اللى حصل و هو هيعتزر
الولد / بس هو ضرب عليا نار يا بابا
ابراهيم / اعتزر يا احمد و الا اقسم بالله اسيبك و امشى
حسن / قطع المحاضر يابنى
جلال / لما يعتزر الاول يا حسن بيه
الولد / انا اسف
جلال / وواحده كمان لستك
الولد / شايف يا بابا
ابراهيم / طبعا ست البنات كلهم
الولد / انا اسف يا فرحه
حسن / قطع يابنى المحاضر
.............
فى البيت
الحاج / انت ازاى توصل المرحله لكدا
جلال / دا واد قليل الادب و كان عاوز يتربى
الحاج / تدخل اختك القسم
جلال / هو مش حقها و لايه
تليفون يضرب
الحاج / اللو ... اهلا باشمهندس محمد ..... لا دا حوار بسيط ..... طبعا اتفضل ....... بجد ...... لا طبعا ازعل ليه .......... يا حاج الحاجات دى قسمه و نصيب ...... طبعا طبعا
جلال / ايه لغوا الجوازه
الحاج / مهو من عمايلك السودا
بلال / احسن جت من عند ربنا تركز فى مزاكرتها
سماح / بلا مزاكره بلا كلام فارغ احنا نقصين بلاوى
جلال / محدش هيجرؤ يتعرضلها تانى يا ماما
فرح / انا طالعه اوضتى
سماح / طب استنى اتغدى الاول انتى مفطرتيش
الحاج/ يلا جهزوا الاكل انا كمان مفطرتش
سماح /جاهز ياخويا على متغسل ايدك يكون اتغرف
.......
عالاكل
الحاج / انتوا هتسافروا امتى بقى ان شاء الله
بلال / بكره الصبح
فرح / بالسرعه دى
جلال / معلش احنا مش فوقت اجازات
سماح / ربنا يحميكوا يارب
الحاج / هو صاحبك اكدلك ان الواد ده مش هيتعرض لختك تانى
جلال / لو اتعرضلها تانى هيتفتح المحضر القديم و الجديد هو اتفق مع ابوه على كدا
الحاج / اهم حاجه تقول هى مش تسكت تانى
بلال / حصل خير
...........
بعد عده ايام امام درس الانجليزى
حسن / انسه فرحه ... فرحه
فرحة / حضره الظابط حسن
حسن / انا جيت اطمن عليكى
فرحة / انا كويسه الحمد لله
حسن / طب تمام اى حد يدايقك ياريت تبلغينى علاطول
فرحة / ان شاء الله مفيش حاجه هتحصل
حسن / هو ....
فرحة / انا اسفة بس انا هتاخر عالدرس
حسن / انا اسف اتفضلى
فرحة / عن اذنك
........
فى البيت
سماح / اخيرا جيتى يا فرح تعالى يلا عشان تتغدى
فرحة / شوفتى قابلت مين النهرده
الحاج / مين يا فرح
فرح / حسن الظابط
سماح / خير كان عاوز ايه
فرح / جه مكان الدرس عشان يطمن ان محدش بيدايقنى
الحاج / و الله فيه الخير
سماح / و قالك ايه بقى ان شاء الله
فرح / مقالش هو ده كل اللى حصل
سماح / حكيتى لجلال
فرح / انا لسه داخله لما ابقى اكلمه هبقى احكيله
الحاج / و عاوزه تحكيله ليه يا سماح متسيبيه فى شغله
سماح / اهو يبقى عارف
......
فى شغل بلال
بلال / بس يا ستى انا كدا خلصت كل شغل المشروع ده خديه راجعيه عشان نسلمه
جيهان / و هو انت يتراجع وراك برضه ادينا خلصنا الشغل المتاخر احكيلى بقى عملت ايه فالبلد كلمت باباك
بلال تنهيده تعب / انا يادوب بدخل من باب البيت و المصايب بتهف
جيهان /خير
بلال / يا ستى انا دخلت لقيت عريس لفرح
جيهان / اللى فثانوى
بلال / تخيلى اكبر منها يجى ب ١٠ سنين المهم الجوازه باظت و كان فى عيل سيس بيعاكسها و روحنا اتخانقنا و محاضر و طلع ابوه عضو مجلس شعب
جيهان / ايه ده كلو
بلال / الحمد لله انها جت على قد كدا اصلا بين الاتنين دول كان فى خناقه بين بابا و جلال و بينى و بين ماما و بين ماما و فرح يلاهوى مقولكيش يومين عسل
جيهان / عشان متبقاش تبعد عنى
بلال / وانا اقدر ابعد عنك
جيهان / و فرحه عجبتها الهدوم
بلال / جدا و قالتلى انها عاوزه تشكرك بس مكنش فى وقت اديكى شوفتى الاحداث
جيهان / طب هتكلم بابا امتى
بلال / انا هنزل لما النتيجه تبان هدى الفرح الهديه و اكلم بابا علاطول
جيهان / انا بخاف من باباك اوى
بلال / و مين مبيخافش منه بس هو طيب
جيهان / على فكره ماما ابتدت تزهق و كل يومين تكلمنى
بلال / انا كلمتها مرتين و هى اللى مصممه بابا يجى اعمل ايه
جيهان / و انا كمان اعمل ايه طيب
بلال / اقولك تعالى نخرج نتغدى فاى حته
جيهان / يلا امرى لله
.........
فى البيت فى مصر
جلال / اخيرا البيه شرف
بلال / ايه الاستقبال ده مالك فى ايه
جلال /امك اتصلت بيا
بلال / خير حصل حاجه
جلال / تحقيق عن حسن
بلال / الظابط
جلال / بيقبض كام و اخلاقه و اهله
بلال / ليه هو اتقدم لاختك امتى
جلال / يابنى الواد يادوب راح الدرس يطمن ان مفيش حد بيعاكسها تانى
بلال / بس الواد ده انا مش مرتاحله على فكره
جلال / ياراجل حرام عليك مهو قام بالواجب وزياده فى القسم
بلال / بصته لفرح مش مريحانى
جلال / بما ان بصه اى راجل لفرح مش بتريحنى محطيتش فدماغى
بلال / على رايك الله يعينه جوزها مننا انا داخل انام
.................................