دموع الفرحه بقلم / لولو محمد ( كامله )

الحلقه ١٢

#lolo #لولو_محمد
((((((((دموع الفرحه )))))))
الحلقه الثانيه عشر
احمد / هو بلال مجاش و لا ايه
جيهان / جه الصبح بدرى شاف طلباتنا و راح الشغل
احمد / اه مبيفوتوش حاجه بلال ده
جيهان / انا متشكره اوى يا احمد انك جنبى اليومين دول
احمد / يا بنتى بتقولى ايه هو انا عندى اغلى منك
............................
جيهان / ميرسى اوى
احمد / انتى بتشكرينى على ايه يا بنتى
جيهان / انت بجد مش متخيل اد ايه انى اقعد لوحدى فى الظروف دى صعب
احمد / و انا روحت فين مانا متنيل بقاللى سنين مرزوع جنبك
جيهان / فعلا انت ليك الفضل فحاجات كتير اوى فحياتى من يوم مدخلت الكليه
احمد / افتكرى الجمايل بس
جيهان / يابنى و انا اقدر انسى انك انت اللى معرفنى على بلال
احمد / اه بس هو ابن المحظوظه اللى لفت انتباهك
جيهان / ههههه دحكتنى و انامليش نفس
احمد / لا بتكلم جد رغم انى كنت اقربلك منه روحتيله و قولتيله بحبك يا بلال
جيهان / كان فى الفلانتين عمرى مهنسى النظره اللى على وشه لما سمع الكلمه
احمد / هو طيب و يستاهل كل خير
جيهان / بس صحيح يوميها كنت جايبله هديه انت كمان
احمد / ايه
جيهان /جيت انت يوميها متاخر و كنت جايب دبدوب احمر فشنطه هدايا مكتوب عليها بحبك و لما شوفتك جريت عليك و حكيتلك اللى حصل قولتلى انك كنت جاى تغيظ بلال انه سنجل و شاريله هديه
احمد / اه اه افتكرت
جيهان / يوميها انا كنت طايره مالفرح
احمد / و انا كنت هموت مالقهره
جيهان / قهره ليه
احمد/ ههههه اكيد عشان فاتنى منظر بلال و انتى بتقوليله انك بتحبيه
جيهان / اعمل ايه قلبى يوم منقى نقى واحد جبله
احمد / ههههههههه
جيهان / فضلت اللمحله و احاول اخليه ينطق و هو و لا هو هنا لما كنت هفقد الامل انه يكون حاسس بيا اصلا
احمد / قولتى تقطعى عرق و تقوليله انتى
جيهان / كنت هتجنن يا احمد
احمد / مقولتلك قبل كدا هو مرزق
جيهان / بس جوازه و ابوه و الظروف
احمد / بكره تتحل
جيهان / تفتكر
احمد / لو وافقتى تكونى زوجه تانيه تبقى اتحلت
جيهان / دى هتبقى السنه الخامسه لينا مع بعض و فى الاخر هبقى زوجه تانيه
احمد / اللى بيحب حد بيستناه
جيهان / انت صحيح عمرك محبيت ليه
احمد / مين قالك كدا
جيهان / انت حبيت ؟؟؟
احمد / واحده بس تقريبا كان من طرف سابع
جيهان / و ليه مقولتلهاش
احمد / والله ناويت و خططت و كنت هقول بس فاخر ثانيه اكتشفت انها مش بتاعتى
جيهان / كان المفروض تحارب عشانها
احمد / مكنش ينفع كانت حرب خسرانه مفيش كلام
جيهان / ربنا يوفقك مع اللى احسن منها
احمد / ربنا قادر على كل شئ انا هقوم اجيب حاجه مالكافيتريا اجيبلك معايا
جيهان / لا شكرا مليش نفس
...............
فى البيت
فرح / اتاخرت كدا ليه
بلال/ بين الشركه و الموقع و المستشفى
فرح / طب مبتردش عالموبايل تطمنى ليه
بلال/ معلش نسيته صامت
فرح / طب اغرفلك تتغدى
بلال/ ملوش لزوم يادوب انام
فرح / انت زعلان منى فحاجه
بلال/ لا ابدا ليه بتقولى كدا
فرح / اصلك مطنشنى
بلال/ والله يا فرح تعبان
فرح بدحكه خبيثه / طب هتيجى تنام جنبى النهرده
بلال يبتسم / لا ... بس لو عاوزه انا هسيب مكان صغير جنبى فاضى ... يمكن يجيلك كابوس و لا حاجه
فرح بابتسامه عريضه/ مش عارفه اصلى اتفرجت على فلم رعب و احتمال كبير يجيلى كابوس
بلال/ انتى معندكيش هدوم نص كوم او كت
فرح / عندى بس غير لائقه
بلال/ غير ايه ياختى
فرح / الله يا بلال
بلال/ الله واحد ياختى انتى مكسوفه منى و لا ايه
فرح / مش الفكره يعنى بس
بلال/ يا بنتى مشغله التكيف على ١٨ و لابسه خريفى مهو ده اسمه هبل بصى غيرى هدومك و يلا ننام عشان انا هسقط لو منمتش
...........
فى غرفه بلال
بلال/ الله مهو فى هدوم حلوه اهو
فرح / اتلم
بلال/ و هو انا مبعتر
فرح تنام و تتكلفت بالغطا
بلال/ فى حته هنا باينه
فرح / بطل غلاسه
بلال/ فرح انت بجد عندك استعداد تفضلى على زمتى
فرح / عادى
بلال/ يعنى ايه عادى
فرح / يعنى اى قرار هتاخده انا هوافق عليه
بلال/ حتى لو كان يضرك
فرح / انت عمرك مهتضرنى
بلال/ ياريتنى كنت واثق فنفسى زى مانتى واثقه فيا كدا
فرح / خلاص ثق فيا انا
بلال/ بابا جاى خلاص هو و ماما
فرح / اه بعد بكره .... صحيح اخبار جيهان ايه
بلال/ والله نفسيتها زى الزفت و احمد مانتخ فى المستشفى على حسها و انا شايل شغل التلاته لوحدى
فرح / احمد ده فظيع
بلال/ هو له دماغه بس له مواقف حلوه برده
فرح / بس لانا و لا جلال بنرتاحله على فكره
بلال/ هو دايقك فى حاجه
فرح / انا لا خالص
بلال/ قولى الحق
فرح / هو غلس بس و حشرى
بلال/ هههههههه اه هو كدا فعلا بس عمره مطلع سرى بره
فرح / ماشى ابقى سلملى على جيهان و تصبح على خير بقى
بلال/ و انتى من اهله ......فرح .... فرح انتى نمتى .... مش عارف انتى ازاى بتنامى بالسرعه دى
...........
فرح / حمدالله عالسلامه يا ماما امال بابا فين
سماح / طالع مع اخواتك بيجيبو الاكل
فرح / اكل ليه انتوا فاكرين اننا فمجاعه و لا ايه
سماح / و هو اللى عندكوا دا اكل دانا جيبالكوا اكل فلاحى ماللى يرم العضم
فرح / تسلم ايدك
سماح / اهم طلعوا اهو
فرح / هحطلكوا هدومكوا فى الاوضه اللى جوه
سماح / انا هاجى اساعدك
سعيد / السلام عليكم ... يااااه دا مشوار علقه
بلال/ يا بابا دا مسافه ساعتين بالعربيه
سعيد / امال جلال مطلعش ليه
بلال/ هيروح يركن العربيه فى الجراج اصل مفيش ركنه تحت البيت
سعيد / عالبركه شوفيلى الحمام اغسل وشى و اتشطف
بلال / من هنا يا بابا اتفضل
فرح / الغدى جاهز يا بابا
سعيد/يلا بسم الله
سماح / اما يا ولاد لمتنا دى بترد فيا الروح
جلال / ربنا ميفرقنا ابدا
تليفون بلال يرن
بلال/ ايوه .... معلش اصل بابا و ماما جم مالبلد ..... نص ساعه و انزل ...... حاضر ..... لا مش هنسى .....حاضر ..... سلام
فرح / خير
بلال/ مفيش عاوزينى فى الشغل
سماح / شغل ايه ده اللى واخد كل وقتك كدا و حتى الغدى مش مهنينك عليه
بلال/ معلش الفتره دى بس زحمه شغل
جلال/ صحيح هى مامه جيهان لسه فى المستشفى
سماح / جيهان مين دى كمان
فرح / دى بنت طيبه اوى يا ماما و زميله بلال فى الشغل و معاه من وهما فى الكليه مامتها تعبت اللهم احفظنا فبلال شايل شغلها
سماح / لا اله الا الله طول عمرك صاحب واجب يا بلال يابنى
فرح / ايه رايك يا ماما نروح نزورها و اهو نعمل الواجب
بلال/ تزوروا مين لا لا لا مفيش لزوم هى هتطلع مالمستشفى النهرده عالعموم
فرح / خلاص بكره نروحلهم البيت
جلال/ انتى بتقولى ايه يا فرح
فرح / انا عارفه انا بقول ايه مفيهاش حاجه ماما تتعرف عليهم و تعمل الواجب و هى نقطه فى حق بلال
بلال/ انتى بتستهبلى و لا ايه
سماح / ولا بتستهبل و لا حاجه انت بس بلغهم انى عاوزه ازورهم و زياره المريض واجب يابنى
بلال/بس انتى
سعيد / مخلاص بقى يا بلال انت مستعر من امك و لا ايه
بلال/ ابدا يا بابا
سعيد / خلاص اسمع الكلام ... هيه انا هقوم اغسل ايدى و اريح حبه لحد منيجى نازلين بالليل .... سفره دايمه يام بلال
جلال/ انت لسه زعلان منى يا بابا
سعيد / متنسوش ننزل بدرى عشان نجيب حاجه للناس و احنا رايحين عن اذنكم
سعيد يغادر
سماح / متزعلش يا جلال بكره يروق
جلال/ ماشى انا كمان شبعت تسلم ايدك يا ماما انا هنزل اشترى شويه حاجات و هعدى عليكم عالمغرب كدا تلبسوا
سماح / ان شاء الله
بلال / خدنى معاك يا جلال انا كمان لازم امشى
بلال و جلال يغادروا
فرح/ و انتى يا ماما خشى ارتاحى جنب بابا و انا هشطب المواعين
سماح / لا دانا مصدقت اننا سوا عاوزه ارغى معاكى للصبح
فرح / هنرغى بس ارتاحى انتى عشان تبقى فايقه عند الناس
سماح / يا بت انتى مش تطمنينى عليكى
فرح / يا ماما مانا كويسه اهو
سماح / بقالكوا فوق الشهر متجوزين نفسى افرح بعيالكوا بقى يا بنتى
فرح / ايه اللى بتقوليه ده بس يا ماما
سماح / يا بنتى انا زى اى ام بحلم باليوم اللى اكون فيه جده
فرح / يا ماما انتى مش فاهمه انا و بلال...
سماح / اوعى تقولى انه مش عاوز خلفه زى بتوع مصر و بتاخدى موانع
فرح / يا ماما يا حبيبتى الموضوع
سماح / يبقى صحيح كل عقلك بكلام بتوع تنظيم الاسره و الهبل ده
فرح / يا ماما اسمعينى بس
سماح / لا لا يا فرح بصى انا و انتى لما نخلص المشوارين اللى ورانا هنروح لدكتوره نسا
فرح / انتى بتقولى ايه يا ماما
سماح / انتى مش بتقولى بتاخدى موانع لازم تعكسها
فرح / انا مقولتش حاجه خالص هو انتى مديانى فرصه
سماح / الله امال فى ايه
فرح / يا ماما يا حبيبتى انا و بلال مش
سعيد من جوه / يام بلال
فرح / اللحقى بابا بينادى عليكى
............
فى المستشفى
جيهان / اتاخرت كدا ليه
بلال/ و الله مسافه السكه
جيهان / انا مش عارفه افهمك يبقى احمد هنا طول الوقت و حضرتك بتتسنكح
بلال / بتسنكح حضرتك مش واخده بالك ان البشمهندس مصطفى مدينا مشروع و فى ديد لاين لتسليمه و انا مفحوت فيه لوحدى عشان احمد هنا معاكى
جيهان / يا سلام خلاص تعب ماما فحتك اوى معلش
بلال/ انا مقولتش كدا انا بحاول اوفق بينك و بين الشغل و البيت و مجى بابا و ماما كمان كل حاجه ملخبطه و الله بروح عالنوم بس
جيهان / خير جاين ليه
بلال/ عشان يخطبوا لجلال
جيهان / والله كويس جلال بيه دبسك فى العروسه و هيتجوز اللى على مزاجه و انا مرزوعالك هنا
بلال / جيهان ارجوكى مش وقته
احمد يجى
احمد / انا خلصت ورق الخروج
جيهان / شكرا يا احمد بجد منغيرك كان زمانى محتاسه لوحدى اصل بلال مفحوت
بلال/ اللهم طولك يا روح
جيهان / ليك حق والله يلا يا احمد لحسن يتنرفز ولا حاجه
.........
فى البيت
فرح / خير عملت ايه
بلال/ انا كفران مالقرف
فرح / ليه بس كفالله الشر
بلال / تعالى ندخل جوه هو بابا و ماما فين
فرح / ناموا
يدخلو الاوضه و يقفلوا الباب
بلال/ انا مش عارف الاقيها منين و لا منين تعبت خلاص
فرح / فى ايه بس قلقتنى
بلال/ ايه اللى انتى عملتيه ده صحيح
فرح / انا
بلال / امال امى انتى متخيله ايه اللى هيحصل لما ماما تروح عند طنط انجى ايه اللى هيحصل
فرح / طنط انجى مين
بلال/ يووووه مامه جيهان
فرح / متزعقش بابا يصحى
بلال/ انا اتخنقت
فرح / انا اسفه متزعلش بص انا عندى فكره
بلال/ فكره ا!!!! انتى تعدى ساكته و كتر خيرك بقى اوى لحد كدا
فرح / طب اسمعنى بس
بلال/ اتفضلى اتحفينى
فرح / احنا هناخد ماما هناك ال يعنى بتزورها و فى نفس الوقت نخطبلك جيهان
بلال/ انتى عبيطه و لا شكلك كدا
فرح / ليه بس دى فرصه متتعوضش
بلال/ هو انا ناقص غبائك
فرحة/ ربنا يسامحك ... انت بتتنرفز كدا ليه بناقص انا الغلطانه و مدام متنرفز كدا خد بقى ماما افتكرتنا بناخد موانع حمل و عاوزه تاخدنى لدكتوره نسا
بلال/ تصدقى هو ده بالظبط اللى كان ناقص
الباب يتفتح
سماح / بتزعق ليه يا بلال
فرح / مفيش ياماما هو بس مرهق و عاوز ينام و انا كنت عاوزه انزل اشترى شويه حاجات
سماح / لا يا فرح يا بنتى ملكيش حق منتش شيفاه تعبان ازاى حرام عليكى
فرح / عندك حق ياماما خلاص هناجل النزول لوقت تانى
سماح / و انا هسيبكوا تناموا يلا سلام
سماح تخرج
بلال/ هى ماما قالتلك ايه بالظبط
فرح / متشغلش بالك بكلام واحده غبيه زيى ارتاح انت ارتاح
بلال/ فرح ارجوكى مش هتبقى من كلو
فرح / ايه انت مش حاسس انى زعلانه
بلال/ خلاص انا اسف حقك عليا
فرح / ارتاح شويه على مروح اكوى الهدوم عن اذنك
..........
عند حما جلال
حما جلال/ اهلا و سهلا نورتونا و شرفتونا انا محمود رفعت والد العروسه
جلال/ اهلا بيك يا استاذ محمود دا والدى الحاج سعيد الاسيوطى و دى ولدتى الحاجه سماح و دا اخويا الباشمندس بلال و مراته فرح
محمود / اهلا وسهلا نورتونا
سعيد / بص يا استاذ محمود احنا جاين نطلب ايد بنتك نيفين لابنى حضره الظابط جلال
فرح / شيرين يا بابا
سعيد / متفرقش
سماح / ههههههه بلاش هزار بقى يا حج خلينا فى الجد
محمود / والله يا حج دا شئ يشرفنى
سعيد / دا اكيد طبعا
سماح / هههههههه الله عليك بقى يا حج امال فين العروسه
محمود / ثوانى اناديلها
شيرين تدخل تسلم عالكل
سماح / بسم الله تبارك الله قمر اربعتاشر
شيرين / شكرا يا طنط
سماح / ايه طنط دى انتى لو عوزانى احبك تقوليلى يا ماما
شيرين / حاضر يا ماما
فرح / انا فرح مرات بلال
شيرين / اخيرا اتعرفت عليكى بقالى كتير جلال بيحكى عنك
فرح / خلاص من النهرده انا و انتى هنبقى اخوات
شيرين / باذن الله
محمود / نتكلم فى الجد شيرين بنتى الوحيده و طبعا اخلاق جلال باشا هى اللى شجعتنى انى اوافق
سعيد / جلال ابنى الكبير يحتكم بالميت على جنينه موالح و نص مزرعه مواشى غير الارض و البهايم
محمود / والله يا حج سعيد انا اللى اعرفه انه ظابط و بيشترى شقه قسط و الحقيقه اللى عاجبنى فيه انه لما كلمنى حسسنى انه عصامى و عاوز يقف على رجليه
سعيد / وماله دا ميمنعش انه عنده اللى يتسند عليه و بخصوص الشقه فاعتبرها بقت ملكهم و تشطيبها هديه منى للعرسان
سماح / بص يا استاذ محمود احنا سلونا ان الكهربا عالعروسه و المطبخ و النجف و السجاد و الستاير و الخشب عالعريس
محمود / والله انا شايف ان الكلام ده ممكن لو سمحتوا يتغير
سعيد / ليه يا استاذ
محمود / انا موظف و شيرين بنتى مبتشتغلش و امها متوفيه فحكايه النجف و الستاير و السجاد للاسف انا مفهمش فيهم
.................