دموع الفرحه بقلم / لولو محمد ( كامله )

الحلقه ٨

#lolo #لولو_محمد
((((((((((دموع الفرحه ))))))))))))
الحلقه الثامنه
بلال/ تحبى ترقصى يا فرح
احمد / قومى يا فرح متتكسفيش
بلال بيبص لاحمد / حلو العصير ده مش تجيبلى و لا ايه
جيهان / و انا كمان بليز يا احمد
احمد / و الانسه فرح مش عاوزه اى حاجه
فرح تبصله باستغراب / لا شكرا
احمد / متستغربيش انا اصلى مشوفتش اى دبله فايدك فافترضت انك مش مرتبطه
....................
جيهان / مهى مش مرتبطه
بلال/ متنجز يا خفيف ريقى ناشف
احمد يغادر
سلمى / ايمان و ابراهيم جاين اهم
ابراهيم / نورتونى يا احلى هندسه
ايمان / مين القمر دى
بلال/ ازيك يا برنس الف مبروك عقبالك
ايمان / امين يارب هههههه معرفتوناش
ابراهيم / صحيح مين القمر
جيهان / هو انا للدرجادى شفافه
بلال / دى اختى فرحه
ايمان / معقول انتى اخته دا خمس سنين كليه خاوتنا بيكى
فرح / يارب يكون خير
ابراهيم / مش هتتخيلى فرح عملت فرح بتحب ده فرح بتكره ده فرح فرح فرح
بلال/ هو انا ليا بركه غيرها
جيهان بتبصله باستغراب / و ايه كمان
فرح / انا كمان مبسوطه انى شفتكوا
ايمان / حلو اوى فستانك
جيهان / تفصيل
فرح / شكرا
احمد يرجع
بلال/ اخيرا هات يابنى
احمد / ايه يا عريس امتى فرحك انت كمان
ايمان / شهر ٣
سلمى / اوعى تقولى يوم عيد ميلادك
ابراهيم / دانا دخت على قاعه فاضيه اليوم ده
بلال/ يا سلام و على ايه الدوخه
جيهان / ازاى يا بلال انا كمان مش هتجوز غير يوم عيد ميلادى
احمد / و ملكتنا المبجله ايه رايها فى الموضوع ده
بلال يضغط جامد على كتف احمد / متاخديش يا فرح على احمد هو كدا متخلف
احمد / اوعى ياعم بتوجع
جيهان / انا هروح التويلت اظبط مكياجى
سلمى / انا جايه معاكى
ايمان / و انا كمان
ابراهيم / اتفضلوا يا بنات بحس ان البنات بيحضروا الفرح مخصوص عشان يروحوا الحمام
احمد / مش هتروحى معاهم يا فرح
فرح / لا شكرا
احمد / كدا هتفوتك نميمه الفرح من اولها
بلال/ خف يا ظريف
احمد / يا سيدى انا شايفها مقفله فبفكها
بلال/ خلى عنك
فرح / حلو اوى الفرح يا ابراهيم عقبالك
ابراهيم / شكرا اكيد هتحضرى فرحى انا كمان و الا هزعل
بلال/ ازاى اكيد هتحضر
احمد / عقبالى يارب عقبالى اصل انا لحسن الحظ سنجل يا فرح
فرح / الظاهر النميمه كانت صغيره يا ابراهيم البنات رجعوا
جيهان / كنتوا بتتكلموا فايه
اغنيه تشتغل و الدى جى ينادى اصحاب العريس و العروسه
ابراهيم / عن اذنكوا انا بقى
جيهان / انا بحب الاغنيه دى اوى يالا يا بلال
بلال/ خليها مره تانيه
ابراهيم / اخص عليك يا جدع دا فرح اختى قوم يلا يا جماعه عاوز الترابيزه فاضيه
ايمان / يلا يا ابراهيم
كلهم يقوموا و فرح تفضل لوحدها شويه و احمد يرجع لوحده
احمد / معقوله قاعده لوحدك
فرح / معلش
احمد / اوعى تكونى زعلتى منى
فرح / لا ابدا
احمد / انا اصلى بحب بلال اوى
فرح / واضح
احمد / تعرفى انك سرقتى الجو من جيهان النهرده
فرح / معلش
احمد / مش هتعديهالك على خير
فرح / ليه يعنى
احمد / جيهان بتشترى اغلى الفساتين و تروح اشهر كوافير و بتصرف اللوف عشان الكل ينبهر بيها
فرح / متفرقش
احمد / بالنسبالك لكن جيهان تفرق اوى
فرح / هى حلوه منغير حاجه
احمد / بس غيوره
فرح باستهزاء / شكلك بتحبها اوى
احمد / انا حبيتك انتى
فرح / افندم
بلال و جيهان يرجعوا
جيهان / بتحكوا فايه
فرح / احمد كان بيحكيلى اد ايه هو جدع و صاحب صاحبه
بلال/ دى حقيقه رغم انه رخم احيانا بس انا احط حياتى بين ايديه و انا مطمن
فرح / زين مخترت
احمد / امال انتى فاكره ايه بلال دا حبيبى
فرح / بلال انا تعبت هو احنا هنروح امتى
جيهان / ايه زهقتى بالسرعه دى
فرح / لا ابدا بس انا مش واخده عالسهر
احمد / يا بختك
بلال/ ايه رايك يا جيهان
جيهان / اللى تشوفه يا حبيبى
.........
فى البيت
فرح / يااااه انا تعبانه موت هخش انام
بلال يمسكها من ايدها / رايحه فين بفستانك الحلو ده
فرح / بجد عجبك
بلال/ انا دايما متعود ارقص مع اجمل بنت فى القاعه
فرح / قصدك ايه
بلال/ تعالى ارقصى معايا
فرح / بطل بكش بقى انا مبعرفش ارقص
بلال/ اقلعى الجزمه و حطى رجليكى فوق رجلى و انا هعلمك
فرح / انت هيست و لا ايه انا هدخل انام
بلال/ ادى الاغنيه .... مش ناقص غير العروسه يرضيكى ارقص لوحدى
فرح تقلع الجزمه و تحط ايدها على كتف بلال
بلال يحضنها و يقربها منها
فرح / انت بتعمل ايه
بلال/ عيشى الاغنيه
فرح / تعرف دى اول مره ارقص سلو
بلال/ و ايه رايك
فرح / انت بترقص كدا مع جيهان
بلال/ جيهان مقدرش اضمها كدا
فرح / انت ايه رايك فاحمد
بلال يوقف الاغنيه
فرح / فى ايه
بلال/ اقعدى يا فرح
فرح / هو انا قلت حاجه غلط
بلال/ حسك متوتره احكى اللى جواكى
فرح / لا مش متوتره انا مرهقه بس
بلال/ احمد دايقك فى حاجه انا عارفه هزاره بيكون رزل احيانا
فرح / بس انت بتثق فيه اوى
بلال/ واحد مره فى الجامعه عاكس جيهان اتخانقت معاه فجاه لاقيت معاه صحابه الوحيد اللى ادخل من صحابى كان احمد و لما اتخرجت هو اللى جابلى الشغل و هو اللى بيغطى عليا فى الاجازات
فرح / كويس انا هقوم انام بقى
بلال/ هو انتى تحلوى كدا و تقولى نوم برده
فرح / انت عاوز ايه يابنى
بلال/ نختم الفرح برقصه بمزاج
فرح / ماشى شغل الاغانى
بلال و فرح فضلو يرقصوا سوا لحد الصبح
.........
تانى يوم
فرح / اصحى يابنى هتتاخر عالشغل
بلال/ انتى ايه صحاكى بدرى كدا
فرح / مجاليش نوم جلال قافل موبايله و قلقانه عليه
بلال/ طب هاتى الموبايل اكلمه
فرح / لسه طلباه حالا قافل موبايله
بلال/ خلاص هروحله الشغل النهرده و اسال عليا ارتاحتى
فرح / مش هرتاح الا لما اكلمه
بلال/ هو عمل ايه مع اهل شيرين صحيح
فرح / مانا مكلمتوش من ساعتها موبايله مقفول
بلال/ يبقى اترفض و مكتاب
فرح / انت ازاى بارد كدا قوم يلا
بلال/ حاضر قومت اهو
........
فى الشغل
بلال / نموسيتكوا كحلى اتاخرتوا ليه كدا
جيهان / انت اللى جاى بدرى
بلال/ هموت و انام
احمد / و منمتش امبارح ليه يا خلبوص
جيهان / فى ايه يا بلال
بلال/ اهدو عليا هو فى ايه انتوا انا سهرت بعلم فرح ترقص
جيهان / والله عال
احمد / حلوه السهره دى
جيهان / احمد ممكن تجيبلنا فطار
احمد / انا فطرت فالبيت
جيهان / طب اطلع بره
بلال/ جيهان ملوش لزوم توزعيه
احمد / و بصراحه انا عندى فضول اعرف كل حاجه
بلال/ مفيش اى حاجه اكتر ماللى قولتها معملتش جريمه يعنى
احمد / لا مش جريمه ابدا اى حد مطرحك كان هيعمل اكتر من كدا دا الفرح كلو سال مشيتوا ليه
جيهان / انا مش فاهمه ايه فيها يعنى جننتكوا كدا
بلال/ اهدى يا جيهان و اعقلى بتقولى ايه
احمد / اوعى تكونى غيرتى انها خطفت منك الاضواء امبارح
بلال/ اهدى يا بوتجاز
جيهان / اغير من مين يابنى
بلال/ انا رايح مشوار و راجع تكونوا ولعتوا فى المكتب و فبعض
جيهان / رايح فين
بلال/ رايح القسم عند جلال
احمد / خير
بلال/ لما اجى هبقى احكيلكوا يلا سلام
بلال يغادر
جيهان / ممكن اعرف ايه العته اللى قلته ده
احمد / البت حلوه يا جيهان انا كبهير انبهرت
جيهان / و انت اول مره تشوف واحده حلوه
احمد / لا شفت كتير بس فرح مختلفه
جيهان / بسيطه نخلى بلال يطلقها و نجوزهالك
احمد / انا اسف يا جيجى بس انا متعودتش اكل من طبق حد غيرى
جيهان / لكن مالواضح انك عادى تبص فيه
احمد / عمرك مفهمتينى انا عينى مش على فرح بس اجلا او عاجلا بلال هيجوع
جيهان / انا غلطانه انى حكيتلك
احمد / تخيلى واحد جعان و قدمتيله اكله حلوه هيفضل ماسك نفسه لحد امتى
جيهان / انا ماشيه
احمد / متزعليش منى يا جيهان انتى تهمينى زى مبلال يهمنى
جيهان / انا هقول لبلال الكلام ده
احمد/ عنك انتى بلال اول مهيجى هقولهوله انا
جيهان / على فكره فرح مبتحبش بلال
احمد / طب و هو
جيهان / دى اخته
احمد / شطارتك بقى تبعديهم عن بعض قبل مالوضع ده يتغير
جيهان / ازاى
احمد / معرفش بس لو عاوزه بلال فعلا لازم تحاربى عشانه
جيهان / انا جعانه
احمد / هقوم اجيبلك فطار حاضر عن اذنك
.........
فى البيت جرز الباب يضرب فرح تفتح
فرح / اهلا مدام ايمان اتفضلى
ايمان / انا لقيت الباشمهندس نزل قولت اجيب لقمتين و اجى افطر معاكى و اشرب الشاى
فرح / تنورى اتفضلى
ايمان / معلش هجيب العيال معايا اعرفك ده محمد ابنى الكبير ٤ سنين و دى بقى حياه سنه
فرح / ربنا يخلى اتفضلو
ايمان / انما انتى شاكلك صغيره اوى انتى معاكى ايه
فرح /انا معايا ثانويه عامه و يارب تنسيقى يجيبلى حاجه كويسه
ايمان / يا لهوى انتى صغيره اوى كدا
فرح / ايه منفعش
ايمان / ازاى دانتى ست العرايس انا بس صعبان عليا تشيلى الهم بدرى اوى كدا
فرح / هو الحب هم
ايمان / يقطع الحب و سنينه المسؤليه هم و الجواز و الخلفه مسؤليه كبيره
فرح / مفتكرش فى احلى مالعيال
ايمان / بصيلى ياختى و قولى لاعرف اروح مشوار و لا اقعد مع صاحبه
فرح / مانتى قاعده اهو و بكره يكبروا و يروحوا المدرسه
ايمان / اهى المدرسه دى كوم تانى بقولك ايه سيبك مالهم ده و خلينا نفرفش
فرح / و ماله نفرفش
ايمان / احكيلى بقى اتعرفتى على الباشمهندس ازاى
فرح /بلال كان تانى ايد تشلنى يوم متولدت
ايمان / يا حلاوه اهو ده الحب
فرح / اه حب من اول رضعه
ايمان / ههههههههههه انا بقى جوازه صالونات
فرح / وحش اوى كدا
ايمان / كلو قسمه و نصيب
فرح / و شكل قسمتك زى الفل عيلين زى القمر
ايمان / انا اللى مسميه حياه اسماعيل جوزى قالى انا سميت الولد البت تسميها امها
فرح / ربنا يخليهم
ايمان / عقبالك بس انا عاتبه على الباشمهندس سنين جيره و ميعزمناش فى فرحه شكلنا مش قد المقام
فرح / لا والله كل حاجه جت فجاه و حتى الفرح كان عالديق لا صور و لا فيديو
ايمان / و لا يهمك بكره تزهقوا صور
فرح / على رايك
الباب يتفتح و جلال و بلال يدخلو
جلال./ السلام عليكم
فرح و ايمان يحطوا الطرح على راسهم
بلال/ معلش مكناش نعرف ان فى عندنا ضيوف
ايمان / لا كدا ازعل دانا صاحبه بيت
بلال/ طبعا طبعا
ايمان / افوتكوا بعافيه انا بقى
بلال/ ليه متخليكى شويه
ايمان / فرصه تانيه
فرح / نورتينا
ايمان تمشى
فرح / انت مش هتباطل عمايلك السوده دى قافل موبايلك ليه قلقتنى
بلال/ سيبيه فحاله الله يعينه
فرح / خير طمنى
جلال / قالى مدخلش البيت عنده تانى منغير حد من اهلى
فرح / رفضك ... طب بسيطه اجى معاك
بلال/ كويس والله راح يتقدم خد مرات اخوه معاه
فرح / و اخوه
جلال / يا فرح هو يقصد بابا
فرح / طب و بابا قال ايه
جلال / تفتكرى هقول لبابا ايه لو سمحت تعال اخطبلى البت اللى انت رفضتها اصل باباها قالى روح حل مشاكلك مع ابوك الاول انا مش عاوز اورط بنتى فمشاكل هى فغنى عنها
فرح / و فيها ايه متقوله كدا
بلال/ اكبرى بقى يا فرح
فرح / اكبروا انتوا كل حاجه تكبروها و تعملوا مشكله لو خايف تكلم بابا انا اكلمهولك
جلال/ يا فرح انتى محسسانى انه هيوافق
فرح / هحاول
بلال/ ربنا يوفقك
جلال/ انتى متاكده انك عاوزه تعملى كدا
فرح / اعمل ايه
جلال/ تطلبى من بابا انه يوافق على جوازى
فرح / انا غلطت مره و المفروض انى اصلح غلطتى
جلال/ بس مفيش اى حاجه ماللى حصلت كانت غلطتك
فرح / لما ماما جت تقولى جلال بيحبك كان المفروض اقولها انك اخويا و بس بس انا كنت نفسى احب زى كل البنات و الافلام مفرقش بقى حتى لو كان اخويا
جلال/ انا جعان مش فاكر اصلا اخر مره كلت امتى
فرح / بس كدا هعملك صينيه كوسه بالفراخ تاكل صوابعك وراها
بلال/ تحبى اساعدك
فرح / لا خليك مستريح جلال هيساعدنى
...........
فى المطبخ
جلال/ احكى وزعتى بلال ليه