دموع الفرحه بقلم / لولو محمد ( كامله )

الحلقه ٢٤

#lolo #لولو_محمد
((((((((دموع الفرحه )))))))))))))
الحلقه الرابعه و العشرون
بلال/ ماما كلمتنى
فرح/ خير
بلال/ اللى عملتيه كان غلط
فرح / المره الجايه هقولها انى هدورلك على عروسه و المره اللى بعدها هقنعها بجيهان
بلال/ بس انا مش موافق
فرح / واخرتها يا بلال
..........................
بلال/ معرفش بس انتى كدا بتظلمى نفسك بابا و ماما نفسيتهم زفت
فرح/ بكره تتعدل لما يفرحوا بعيالك هينسوا كل حاجه
بلال/ و انتى
فرح/ مالى مانا كمان هفرح بعيالك
بلال/ انتى ليه واخده الامور كدا
فرح/ انا تعبانه يا بلال مش قادره اناهد
بلال/ اخدك لدكتور
فرح/ لا سبنى انام
بصوت واطى / يمكن مصحاش واخلص
.........،،،
فى البيت عند شيرين
جلال/ انا كدا خلصت الشقه سيراميك و نقاشه عاوزين نحدد يوم نجيب العفش
شيرين/ انت هتقدر تتجوز فى الظروف دى
جلال/ الظروف مش هتخلص كل يوم الحكايه بتكلكع
شيرين/ فرح بتعمل كدا ليه
جلال/ فرح بتحب بلال مبسوط و كل اللى هى عوزاه انها تجمعه بجيهان
شيرين / بس انت قولتلى ان بلال حب فرح
جلال/ انا حاسس بده بس هو عمره مهيقولها
شيرين/ ليه
جلال/ عشان جبان
شيرين/ مش فاهمه
جلال/ بلال بيحب جيهان من خمس سنين تفتكرى هو بيحبها فعلا و لا كان مراهق لقى بت حلوه تقوله بحبك قال وماله و اندمج و حاليا بعد خمس سنين بقى حاسس باللتزام ناحيتها و ظروف مامتها
شيرين/ مفتكرش بيتهيالى بيحبها بجد
جلال/ و فرح هو قالى انه مش عاوز يطلقها عاوزها جنبه
شيرين/ ايوه بس دا مش معناه انه بيحبها حب راجل و مراته يمكن خايف تبعد عنه بجد او خايف لما تطلق يعنى ترجع البلد و الناس تدايقها او تبقى لوحدها ممكن حاجات كتير
جلال/ من و احنا صغيرين بلال كان بيقول فرح دى بتاعتى و كان بيزعل اوى لما اى حد بيزعلها و مكنش بيخليها تلعب مع اى حد و حتى لما كبرت هو مدايق جدا من زمايلها فى الكليه
شيرين/ و دا معناه ايه
جلال/ هو عمره مهيعترف بحبه ليها عشان خايف تكون مبتحبوش خايف يخسرها كاخته هو بيتحجج باخر شعره تربطهم
شيرين / كل كلامك مجرد تخمين
جلال/ تعرفى انا جوايا احساس قوى اوى ان بلال و فرح هيفاجئونا كلنا و هتقلب بجد و الموضوع هيتحل فثانيه
شيرين/ انت بتتمنى ده لان ده الحاله الوحيده اللى فرح مش هتطلع فيها خسرانه
جلال/ المهم هتنزلى تجيبى العفش امتى
............
فى الكليه
فريده/ يووووه دا كان يوم متعب و طويل
فرح / و ياريته خلص لسه فى كورس بالليل كمان اصلها ناقصه
فريده/الساعه٦دا بالليل ههههههههههه
فرح/ طبعا انا بروح الساعه ٨ عالقليل اكيد الدنيا هتكون ضلمه
فريده/ هنعمل ايه يعنى مهو مكنش فى معاد غيره فاضى و بعدين مهو انتى بتشيلى همه كل مره و بلال بيجى ياخدك
فرح/ بس انا بجد مدايقه مالمعاد
فريده/ بقولك ايه انا هموت مالجوع انجزى عشان نلحق نروح ناكل حاجه مالكافيتريا قبل منطلع عالكورس
.......
فى الكافيتريا
حسام/ السلام عليكم
فرح/ و عليكم
حسام/ اشمعنى سامحتى فريده و انا لا
فرح/ على فكره انا مش زعلانه منك اصلا انا بس مش عاوزه اتعامل مع حد غيرها
حسام يعد / اشمعنى بقى
فرح/ انا حره اعتبرها راحه نفسيه
حسام/ روحتى للدكتور
فرح تقف / انت مالك انت اصلا ازاى تكلمنى فحاجه زى دى انت نسيت نفسك و لا ايه
فريده/ اهدى يا فرح مكنش يقصد بيطمن عليكى بس
فرح/ عشان كدا مبتعاملش مع حد مش من حق حد يتدخل فى حياتى دى تخصنى لوحدى
حسام/ خلاص انا اسف
فرح/ دى مشكلتك كل مره تعتزر فكرت مره واحده ان كلمه اسف دى مبتعملش حاجه فكرت ان اللى انكسر عمره مبيتصلح
حسام/ و ايه كمان
فرح/ ايه كمان
حسام / اه طلعى كل اللى جواكى
فرح/ انا ماشيه
فريده/ استنى يا بنتى مش كدا
.......
فى الحمام
فريده/ ممكن تبطلى عياط
فرح/ سيبينى يا فريده ابوس ايدك
فريده/ هو كان عمل ايه لكل ده تعرفى انا بدات اقتنع ان حسام معاه حق
فرح/ صح فايه بقى ان شاء الله
فريده/ انتى بتطلعى همك فيه بمجرد مبيفتح بقه بتنفجرى فيه حتى لو مقالش حاجه حتى لو قال كلمه كلنا بنقولها عادى منه هو مبتقبليهاش
فرح/ يا سلام و اشمعنى هو بقى
فريده/ معرفش يمكن عشان مستحملك لحد النهرده و بالرغم من كل اللى عملتيه لسه بيرجع يتعامل معاكى
فرح/ انا مش جبراه
فريده/ تفتكرى ليه بيعمل كدا
فرح/ معرفش و مش عاوزه اعرف
............
فى الكورس
فرح/ بلال قال انه على ناصيه الشارع يلا بينا
فريده/ طب و الورق مش هنصوره
حازم./ خلاص روحوا انتوا و انا هصورهولكم و اجيبه البيت
فريده / ماشى سلام
............
فى الشارع
فريده/ فين بلال بقى
فرح / هرنله اهو ..... بيكنسل
عيل صايع / اخص عليه بقى فى حد اهبل يسيب الجمال ده كلو واقف لوحده كدا
عيل تانى / طب دا حتى الدنيا غابه و قلابه
عيل تالت / تؤمريش باى خدمه يا قمر منك ليها
فريده/ متحترم نفسك منك له
فرح/ هشششش بس مترديش عليهم
العيل الثانى / ليه يا جميل داحنا برده رجاله و نعجبك
فريده/ وربنا لجيبلك اللى يربيك
فريده تطلع الموبايل و الواد يشد الشنطه و يرميها عالارض
فريده/ ايه اللى عملته ده يا حيوان
العيل الاول / وطى هاتيها
عربيه تيجى بسرعه تخبط واحد مالعيال و ينزل منها بلال يجيب الكوريك من تحت الكورسى و يخبط عيل تانى
فريده تجيب الشنطه و تشد فرح يركبوا العربيه
العيل الاول يجيب خشبه من عالارض و يخبط بلال على ضهره
بلال يقع عالارض
فرح / بلال
تنزل مالعربيه و تضرب الواد بالشنطه فراسه
........
فى السنتر
حازم/ دى فريده بتتصل
حسام/ طب رد بسرعه
.........
فى العربيه
فريده/ اللحقنا يا حازم فى عيال زباله بيعاكسونا
فجاه الازاز بتاع العربيه يتكسر و ينزل فوق دماغ فريده و هى تصرخ
الولد الاول يمسك شنطه فرح و يزقها تقع عالارض بعيد
بلال يروح يضربه الولد التالت يضربه بالمطوه يعوره فضهره
الواد الاول يفتح مطوه و يعوره من بطنه
فرح تلاقى طوبه تحدفها عالعيال الصيع فواد منهم يشدها من طرحتها يطلعها فايده وفرح تقع فى الارض
الولد يقلع الحزام و يلفه على ايده
بلال يقع عالارض من كتر الجروح
العيل لسه هيضرب فرح بالحزام حسام يمسكه و يلفه على ايده و يشد الولد عليه
فرح تقوم تجرى على بلال / بلال قوم يا حبيبى قوم
حازم و صحابهم يمسكوا العيال يطحنوهم ضرب
حسام يجيب طرحه فرح مالارض و يغطى شعرها
فرح/ اللحقنى يا حسام بلال هيروح منى
حسام / طب بسرعه ننقله المستشفى
حازم و حسام يشيلوه و فرح تنفض لزجاج من على الكنبه بايدها تتعور تليفون بلال يقع فى الشارع
حسام يسوق العربيه بسرعه و فريده قدام و فرح جنب بلال فاقد الوعى ورا
فرح/ بسرعه يا حسام ابوس ايدك روحى هتروح منى
حسام يبص على فرح فى المرايه و هى منهاره مالعياط
فرح/ قوم يا بلال قوم وحياتى
.........
تليفون بلال يضرب و حازم يلاقيه
حازم/ الو ... لا انا مش بلال ،... حصلت حادثه و نقلو بلال عالمستشفى ..... لا مش عارف انهى مستشفى بس اول ميوصلو هعرف و هبلغ حضرتك ...... انا حازم زميل فرح ....... لا فرح كويسه بلال هو اللى اتعور ...... اهدى بس يا جلال باشا هحكيلك اللى حصل ......
........
فى المستشفى
موظف الاستقبال / ياريت تملى بيانات الحاله هنا
فرح/ حاضر
الورقه تتغرق دم من ايد فرح
حسام/ فرح ايدك متعوره
فرح تبص على ايدها
فرح/ معرفش محستش بيها
موظف الاستقبال ينادى على ممرضه تاخد فرح لدكتور يبص على ايدها
تليفون حسام يضرب
حسام/ ايوه يا حازم .... دخلوه الطوارئ ... لا اوعى العيال تفلت منكم دول لازم يتربوا .... احنا فى انهى مستشفى ؟؟؟....
.........
فى كافيه
جلال/ احنا لازم نمشى عيال عاكسوا فرح و ضربوا بلال وهو فى المستشفى
شيرين/ يا ساتر يارب
.........
فى المستشفى
فرح منهاره مالعياط
حسام / اهدى يا فرح هيبقى كويس
فرح/ ياريتنى كنت مت ياريته مكان جه
فريده / اهدى يا بنتى ان شاء الله خير
فرح/ انتى مش فاهمه بلال لو جراله حاجه انا هموت بجد
حسام / بعد الشر عليكى
فرح/ دا اول واخر فرحتى عمركوا مهتحسوا بالنار اللى جوايا
ممرضه تطلع / محتاجين نقل دم ضرورى الفصيله بى ماينص
فرح/ انا معرفش فصيلتى بس خدى دمى كلو لو ينفع
حسام/ شوفى لو حد فينا ينفع
الممرضه تسحب عينه من فرح و حسام و تحللها
الممرضه / حضرتك ممكن فصيلتكوا زى بعض لكن انتى لا
حسام/ ماشى اتفضلى
فرح/ انا مديونالك بعمرى يا حسام
.....
جلال يوصل المستشفى
فرح/ جلال اللحقنى بلال هيروح منى
جلال/ ان شاء الله خير انا بعت ظابط صاحبى لمكان السنتر عشان العيال الزباله دى يتظبطوا
فريده/ معلش بس حضرتك عرفت منين بالى حصل
جلال/ معرفش واحد اسمه حازم رد عليا على تليفون بلال و قالى اللى حصل
جيهان و احمد يوصلوا
جيهان/ اقسم بالله لو بلال حصله حاجه لوديكى ورا الشمس
فريده/ انتى ازاى تكلميها كدا
جيهان/ وانتى مالك انتى
جيهان تبص لفرح / يا شيخه من يوم مدخلتى حياتنا و كل يوم مصيبه
جلال/ جيهان احترمى نفسك
احمد/ تعالى يا جيهان بعيد لو سمحتى
ممرضه تخرج مالاوضه / مين فيكوا فرح ... اكيد انتى
فرح/ ايوه انا
الممرضه/ من ساعه الحاله مجت و مفيش على لسانه غيرك ربنا يخليكوا لبعض
جيهان/ يعنى هو بقى كويس
الدكتور يخرج وحسام يخرج وراه
جيهان تسيب الممرضه و تجرى عالدكتور / ها عامل ايه
الدكتور / بقى كويس بس لسه مفقش اول ميفوق هنسمح بالزياره و ياريت حد يعدى عالحسابات
جلال/ حاضر يا دكتور
فرح تترمى عالكرسى / الحمد لله الحمد لله
فريده/ انتى ازاى تسيبيها تكلمك كدا
فرح/ ابوس ايدك يا فريده انا مش نقصه حاجه خالص
حسام / هيبقى كويس
جلال/ شكرا يا حسام
حسام/ على ايه حضرتك
جلال/ على كل حاجه انا هروح الحسابات يا فرح اجيبلك حاجه و انا جاى
فرح تهز راسها
شيرين تعد جنبها / مالك يا بنتى بطلى عياط بقى خلاص قالولك انه كويس
فرح/ كل مفتكر انه كان ممكن يجراله حاجه بسببى بموت
جيهان/ اياكش تموتى و نخلص
حسام/ ان شالله انتى يا شيخه انا عارف الاشكال دى بتتحدف علينا من انهى داهيه
احمد / متحترم نفسك ياد انت هى هتعيل و لا ايه
شيرين/ ايه انتوا فمستشفى ميصحش كدا
جيهان/ يا شيخه بقى
فريده/ لازم تحكى لبلال على اللى حصل ده
جيهان/ سخنيها ياختى خليها تولع
فريده/ هنستنى ايه من خطافه رجاله زيك
فرح/ بس بقى يا فريده حرام عليكى
جيهان/ مين دى اللى خطافه رجاله انا و لا الهانم اللى انتى محموقه عشانها
حسام/ اللهم طولك يا روح
احمد/ تعالى يا جيهان من هنا لحد متهدى شويه
جيهان / مش همشى من هنا غير لما اطمن على بلال
شيرين/ معلش يا جيهان اول ميفوق انا هناديكى
جيهان/ و مين حضرتك اصلا عشان تكلمينى
شيرين/ انا خطيبه جلال
جيهان/ تشرفنا بس انا مش منقوله من هنا هى تمشى
فريده/ اما بجاحه مشوفتهاش على حد انتى عاوزه تعدى ومراته تمشى
فرح/ حسام ابوس رجلك خد فريده و روحوا
جيهان/. مراته لا تصدقى جديده لنج على ودانى الكلمه دى
جلال يرجع / انتوا بتزعقوا ليه هو مفيش احترام للراجل اللى راقد جوه و لا ايه
حازم يوصل للمستشفى مع ظابط وعساكرى
جلال/ اهلا سراج باشا
سراج/ احنا خدنا العيال عالقسم و ظبطناهم دا كل واحد منهم ضاربله شريط عالاقل
جلال/ و دينى مهسيبهم
سراج / فاضل اقوال المجنى عليهم
جلال/ بلال لسه مفقش بس فرح و فريده و حسام موجودين ممكن تاخد اقولهم على ميفوق
سراج/ ماشى
.......
بعد شويه
حسام/ هو البت الزباله دى عرفت ازاى ان بلال هنا
حازم/ لقيت تليفون بلال عالارض بيرن رديت طلع جلال شويه و رن طلع واحد اسمه احمد و تقريبا هو الواد اللى معاها ده
حسام/ اما انا نفسى اضرب الواد ده لما اعدمه العافيه
حازم / ابوس رجلك كفايه خناقات ليوم واحد
حسام/ المفروض نكلم امك نعرفها مكانا
حازم/ حصل يابنى من زمان و كل نص ساعه تكلمنى تطمن عالاحداث و عموا خالد فى الطريق مع بابا زمانهم جايين
سراج / لو سمحت يا حسام تيجى تقول اقوالك
حسام/ حاضر حضرتك
.........
ممرضه فى اوضه بلال
بلال/ لو سمحتى
الممرضه / حمدالله عالسلامه
بلال/ فرح فين
الممرضه / بره مستنياك تفوق بجد يابختك بيها دى هتموت عليك
بلال/ ممكن تناديها
.......
الممرضه تطلع
الممرضه / الحاله فاقت و بيسال على فرح
فرح تجرى عالاوضه و جيهان تشدها و ترجعها لورا و تدخل الاول و فرح تدخل وراها
فريده / شايف يا استاذ جلال البت دى بتعمل ايه
شيرين/ ملناش دعوه يا فريده هما عيله و يصطفوا مع بعض
الباقى يدخلو
.........
فى الاوضه
جيهان تجرى تعد جنبه عالسرير
جيهان / سلامتك يا حبيبى كنت هموت مالقلق عليك
بلال/ الله يسلمك ... فرح انتى كويسه حد مالعيال دول عملك حاجه
فرح تروح تمسك ايده
فرح/ انا كويسه مدام انت بخير