دموع الفرحه بقلم / لولو محمد ( كامله )

الحلقه ٢٠

#lolo #لولو_محمد
(((((((((((((دموع الفرحه ))))))))))
الحلقه العشرون
حازم / فى ايه ياعم السخن مالك
حسام / مشوفتش يعنى
حازم / لا الحقيقه مشوفتش جوزها و فرحانه بيه حرقك ليه بقى
حسام/ حارقنى
حازم / البت كتر خيرها صورتلك تعب الراجل امبارح بدل متشكرها تقولها نعمله عادى يعنى
حسام/ ايه يعنى مكناش هنعرف نعمله
...............
حازم / خلاص ياعم الحج كنت هتعرف
حسام / انا مش عارف الترجمه هتفيدنا بايه و احنا تجاره
حازم / ياعم اربط الحمار مطرح ميعوز صاحبه مدام هتاخد الدرجه
حسام / ظبطت حوار الكورسات
حازم / الواد خالد ظبطه هتقول لفرح و فريده
حسام /قولهم انت
حازم / لا ياعم روح انت اعتزر لفرح و قولهم
حسام/ و انت رايح فين
حازم / جاى معاك
حازم و حسام يرجعوا
فريده/ ها هديت
حسام/ حقك عليا يا فرح مكنتش اقصد
فرح/ حصل خير
حسام / واحد معانا ظبطلنا كورسات عند المعيدين عشان نظبط اعمال السنه
فرح/ من اولها كدا
حازم/ خير البر عاجله
فريده/ ههههههه انا معاكوا رشق
فرح/ اقول لبلال
حسام/ هى مش غاليه على فكره
فرح/ مش مساله فلوس بس لازم اخد رايه
حسام /ماشى مهو اللى بيفهم برده
فرح / اه هو اللى بيفهم و دماغه توزن بلد
حسام / معترضناش
فرح/ ماشى يلا يا فريده نروح بقى
فريده/ يلا يا بنتى تعالى يا حازم وقفلنا تاكس و خد نمرته كالعاده
حازم/ حاضر
.......
فى البيت
بلال يدخل / فرح انتى فين
فرح / هنا فى المطبخ
بلال/ اتفضلى
فرح / ايه ده
بلال / ده وصل بمقدم الارض و بكره هنكتبها فى الشهر العقارى و اديله باقى الفلوس نشف ريقى لحد موافق عالسعر
فرح/ الف مبروك يا بلال مش قولتلك الفلوس هتكفى
بلال/ يا بنتى كفت ايه دانتى طيبه اوى
فرح/ امال اشتريتها ازاى
بلال/ الفرق مكنش كبير فقولتله ان باقى المبلغ ياخد بيه شقه وهو وافق بعد محايله و حلفتله ان ده كل اللى معايا
فرح/ طب كويس والله
بلال/ كتبنا عقد انى لو مسلمتوش الشقه خلصانه خلال سنتين هياخد باقى المبلغ بفوايده زى البنك
فرح/ و انهى احسن الشقه و لا الفلوس
بلال/ لا طبعا بالنسبالى الشقه لانى معيش فلوس دا غير ان الشقه بيشتريها و باخد مكسبى لكن طبعا لو معرفتش اتصرف و ابنى فى خلال السنتين دول هنبقى فى مشكله
فرح / يا سيدى تتدبر
بلال/ جيهان بتقترح اشوف حد يشاركنى بالمبانى و انا بالارض و كدا يعنى
فرح / طب متشوف بابا
بلال / و هو بابا لسه معاه سيوله لكل ده
فرح/ انا هكلمه شوف بس هتتكلف كام و نجرب او ناخد قرض بضمان الارض
بلال / ربنا يسهل بكره تيجى معايا نسجل الارض و بعدين يحلها حلال
فرح / و انا اجى معاكم ليه
بلال/هى مش ارضك لازم تتكتب باسمك
فرح/ ايه الكلام ده
بلال/ لو معملتيش كدا هرجعلك فلوسك و مش هشترى فلوسك تبقى ارضك
فرح/ و انت تبقى استفدت ايه
بلال/ لا متقلقيش هيطلعلى مصلحه حلوه برده
فرح / ربنا يسهل..... كنت عوزاك فى موضوع
بلال/ خير
فرح/ العيال كانوا عاوزين ياخدوا كورسات
بلال/ عيال مين
فرح/ فريده و حازم و حسام
بلال/ طب ووقتك هيسمح
فرح /مش عارفه على فكره مش غاليه
بلال/ لا يا قلبى مش عالفلوس بصى يا فرح لو هتفيدك خدى
فرح/ معرفش هجرب
بلال/ ماشى
.......
بالليل
جرس الباب يضرب و ميبطلش ضرب
فرح / مين جيلنا السعادى يا ساتر يارب
بلال/ خليكى انتى هنا انا هشوف مين
بلال يطلع مالاوضه
بلال/ حاضر حاضر اصبر ياللى بتخبط
يفتح الباب
ايمان / اللحقنى يا باشمهندس اسماعيل هيروح منى خلوا العيال عندكوا وانا هنزل اشوف تاكس اوديه مستشفى
بلال/ تنزلى فين السعادى دخلى العيال لفرح و انا خمس دقايق هكون لابس و جايب العربيه عن اذنك
ايمان تروح تجيب العيال و بلال يدخل الاوضه يغير هدومه
فرح / فى ايه يا بلال خير
بلال/ جارنا تعبان و هنوديه المستشفى خلى العيال معاكى لحد منرجع
فرح / ماشى حاضر استر يارب
ينزلوا و فرح تفضل جنب العيال
فرح / ايه ده ايمان نسيت تدينى بمبرز للبت طب لو حصل حاجه هعمل ايه .... كويس دى سايبه المفتاح انا هروح اجيب بامبرز و العيال نايمين اهو
فرح تاخد المفتاح و تفتح الشقه تلاقيها مقلوبه و مبهدله و لعب فى كل حته
فرح/ انا اصلا مش جايلى نوم هروق الشقه لحد مالعيال يصحوا وهو اكيد هيجيلهم ضيوف يزوروهم
فرح تبدا فى التنضيف و كل شويه تطلع تبص عالعيال
بلال يرجع لوحده ميلاقيش فرح فى الشقه
بلال/ فرح .... فرح
يطلع عالسلم يلاقيها طالعه من شقه اسماعيل
بلال/ بتعملى ايه هنا
فرح / كنت بوضب الشقه ....بلال خير طمنى
بلال/ هيدخل العمليات..... انتى كنتى بتوضبى ليه جوه
فرح/ دخلت اجيب بامبرز لقيت الشقه مكركبه قولت اروقها يمكن ترجعوا النهرده و يجيلهم ضيوف
بلال/ و انتى مالك كنتى خدامتهم
فرح / يعنى هو انت كنت السواق بتاعهم خش نام
بلال/ انا جاى اخد فلوس و نازل تانى الموضوع شكله هيطول و يكلف
فرح/ شوفت بقى مقولتش يعنى هو كنت خلفتهم و نسيتهم
بلال/ خلاص خلاص فهمت وصلت
فرح/ طب استنى هعملك لقمه تاخدها معاك و انت رايح
بلال/ مش هلحق
فرح / نص ساعه بس
بلال/ طب بسرعه على مكوى طقم تانى بدل المكسر اللى لبسته مستعجل ده
فرح / هوا
البنت الصغيره تصحا تعيط
بلال/ فرح .... فرح.... يووووه و المفروض اعمل ايه بقى
بلال يشيلها و يطبطب عليها و يهزها بالراحه تنام تانى
بلال/ مالموضوع سهل اهو
فرح تدخل تلاقيه شايلها و بيهزها على كتفه
بلال/ هشششش
فرح / شكلك حلو اوى
بلال/ انا اصلى تخصص بنات ههههههههه
فرح / طب انا عبيت الاكل فى الحافظه يلا خده و هات البت بقى
بلال/ سمى
فرح/ بسم الله
بلال يمشى
.......
فى المستشفى
ايمان بتعيط
بلال/ خير يا مدام ايمان فى حاجه
ايمان /بيقولوا فى غرفه الافاقه و هينقلوه اوضه كمان شويه
بلال/ طب الحمد لله قلقانه ليه فرح بعتالكوا لقمه
ايمان / العيال عاملين ايه
بلال/ ملايكه
ايمان / كتر خيركوا معرفش منغيركوا كنت عملت ايه
بلال/ يا ستى كان فى غيرنا هيقفلك
ممرضه تخرج المريض اتنقل اوضه ٤١٢ الدور الرابع و ياريت حد يعدى عالحسابات
بلال/ اطلعى انتى و انا هعدى عالحسابات
ايمان / تقلنا عليك اوى
بلال/ متقوليش كدا احنا اهل
.......
فى الغرفه ٤١٢
بلال/ ها عامل ايه
ايمان / نايم لسه مفاقش
بلال/ انا خلصت الحسابات و بيقولوا هيعد يومين هنا شوفى هتحتاجوا ايه و انا اجيبهولكوا
ايمان / معرفش انا بقول اروح انا اجيب الحاجات
بلال/ و تسيبيه لوحده يا ستى قولى و انا اخلى فرح تلمهم و اجيبهم
ايمان / طب استنى اكتب فورقه
.......
فى البيت فرح قاعده بتلعب مع الاولاد
بلال / انا جيت
فرح / حمدالله عالسلامه
بلال/ عاوزك تلمى الحاجات اللى فالورقه دى عشان اوديها المستشفى
فرح / و انا كتبتلك ورقه الطلبات دى عشان تجيبهالنا
بلال/ حاضر هاتى
فرح تروح الشقه التانيه
الولد الصغير محمد / عمو هو بابا و ماما فين
بلال/ راحوا يجيبولك حاجه حلوه و زمانهم جايين
محمد / هيجيبولى المسدس و القطى
بلال/ اه هيجيبولك المسدس و القطر
محمد / طب قولهم يجو بسيعه بقى
بلال/ لو سمعت الكلام و متشاقيتش هجبلك حلويات كتير اوى
محمد / انا بسمع الكلام اهو
بلال/ شاطر حبيبى
فرح تدخل معاها شنطه /اتفضل
بلال/ فيها كل حاجه
فرح / عيب عليك متنساش انت بس الطلبات اللى معاك
بلال/ حاضر .... انتى مش رايحه الكليه بقى صح
فرح / هعمل ايه مانت شايف الظروف
بلال/ ماشى انا نازل هودى الحاجات دى المستشفى و اطلع اخلص المشاوير اللى ورايا و اجيبلك الحاجات دى و انا جاى
فرح / تيجى بالسلامه
.......
فى الشهر العقارى
بلال/اتفضل ادى باقى المبلغ مش ناقص مليم
صاحب الارض / عيب يا باشمهندس داحنا معرفه سنين والله مكنت ابيعها بالسعر ده لحد غيركوا
بلال/ الف شكر
الراجل يمشى
جيهان / ممكن تفهمنى بقى ايه اللى حصل جوه ده
بلال/ ايه اشترينا الارض
جيهان / اشترينا باماره ايه باماره ان الارض باسم فرح
بلال/ مش فلوسها و دهبها
جيهان / يا سلام يعنى مكملتش عليهم تحويشه عمرك
بلال/ والله انا شايف انه حقها
جيهان / انت كدا بتسلمها رقابينا
بلال/ ورقبتك دخلها ايه
جيهان / براحتك و انا يعنى مالى حارقه دمى ليه
بلال/ فعلا انا مش فاهم انتى مدايقه ليه
جيهان / هو انت مش قولت انك لما تبيع الشقق هتديها دهب بدل اللى بعته
بلال/ و انا ايه اللى يخلينى استنى مدام ممكن اديها حقها النهرده
جيهان / اعمل اللى يريحك
بلال/ انا عاوز اروح للبشمهندس مصطفى فى الشركه عشان يرسملى الارض عشان اصممها
جيهان / و مستعجل ليه هو انت معاك تبنى اصلا
بلال/ يا ستى امال هعد حاطط ايدى على خدى هصممها و امشى فى التراخيص و الاجراءات على مربنا يفرجها و مش بعيد ابيع شقه و لا اتنين فى السكه يسندونى
جيهان / طيب يلا نروح المكتب
بلال/ طب بصى هنخطف ساندوتشين من اى حته لانى واقع مالجوع
جيهان / ليه ست فرح مفطرتكش زى كل يوم
بلال/ يا ستى هو انا مش حكيتلك اللى حصل امبارح
جيهان / معلش نسيت يلا بينا
.........
فى البيت
فريده / انا صورتلك المحاضره و السيكشن بتوع النهرده
فرح / كتر خيرك
فريده / و انتى هتفضلى قاعده بالعيال دول لحد مالراجل يطلع مالمستشفى
فرح / يا ستى دا حتى قاعدتهم حلوه و ميتشبعش منها
فريده / انا مليش خلق للعيال
فرح / اش فهمك دا العيال دول احلى حاجه فى الدنيا
فريده / اتجدعنى بقى يا ستى و املى البيت عيال
فرح / هاه ..... اه ان شاء الله ان شاء الله
فريده / مالك وشك جاب اللوان ليه
فرح /ليه يعنى
فريده / سيبك انتى مش هتحكيلى عملتوا ايه امبارح
فرح/ عملنا ايه فايه
فريده / فى البدله الحمره بتاعه الرقص دانا كنت هفطس مالدحك بتستخبى من جوزك يا هبله
فرح/ مخلاص بقى
فريده / امال لو مكنتوش بقالكوا حبه حلوين متجوزين يعنى مش عماله تبدلى فقمصان النوم زى اشاره المرور
فرح/ انتى هتتلمى و لا اسلط عليكى العيال
فريده / وانا اللى قولت صحبتى هتحكيلى كل حاجه احكى عشان ابقى احكيلك
فرح / مش عاوزه اعرف
فريده / براحتك ياختى انتى الخسرانه دانا هدغدغ الدنيا
فرح /هههههههههههههه يارب
فريده / اه ادعى من قلبك لحسن انا هموت
فرح / هو كلم اهلك صحيح
فريده / امال يعنى من زمان بس بابا قالو ان معندوش مانع المهم الشهاده الاول
فرح / كويس
فريده / اه بس حكايه قرايه فاتحه بس دى مديقانى عاوزه دبله كدا اغيظ بيها العيال
فرح / ههههههههههههه تغيظى بيها العيال هو ده اقصى طموحك فى الحياه
فريده / هو قالى انه هيجيبهالى فى الفلانتين و عمال يحوش فى تمنها اهو
فرح / فلانتين
فريده/ اه فى شهر حداشر
فرح / هو مش كان فى اتنين
فريده/ يلهوى عليكى مهو فى اتنين
فرح/ دا فراغ بقى
فريده / دا موسم يا بنتى انتوا ايه عمركوا محتفلتوا بالفلانتين و لا ايه
فرح / ايه .... لا ازاى بس .... طب دا حتى من زمان كان دايما يجيبلى ورد و كدا يعنى
فريده / بجد طب احكيلى اخر فلانتين عملتوا فيه ايه
فرح / ايه .....انا هقوم ابص عالاكل
فريده / وراكى ياختى عالمطبخ .... احكى يابت هو انا هحسدك
فرح / الفلانتين اللى فات مكناش متجوزين و هو كان فى مصر و انا فى البلد
فريده / و بعدين
فرح / لقيته جاى فجاه و جابلى دبدوب و شيكولاته وورد و عملى مفاجاه
فريده / ايوه بقى و انتى جبتيله ايه
فرح/ بصراحه عمرى مجبتله هديه هو كان دايما يقولى انتى هديتى من ربنا
فريده / الله عالحب
فرح/ ههه.... اه حب
فريده / مالك يا بت اتكسفتى و لا ايه
فرح / لا ابدا انا بس
فريده / الفلانتين السنادى اول مناسبه بعد جوازكم لازم بقى هيعملك حاجه جامده
فرح/ مفتكرش الحاجات دى بتتعمل بعد الجواز
فريده / ازاى بس بكره تشوفى
فرح / اه طبعا .... الاكل خلص اغرفلك تاكلى
فريده / لا اكلت فى الكليه مع حازم مش عارفه مبيبطلش اكل
فرح / هههههههه بالهنا و الشفا
فريده / بيقولى مش هنتجوز الا لما اتعلم الطبيخ
فرح /ههههههههه طب اتجدعنى بقى
فريده / اتجدعن ايه مش هتعلم حاجه انا مالها المكرونه و البانيه مالى انا بالمحشى و البشاميل لا و الاكبر من كدا بيقولى اتعلمى تحشى الحمام تخيلى
فرح /هههههههه هبقى اعلمك
فريده/ تعلمينى يا خبتى فصحابى انتى لو جدعه تقوليلى هعملهولك مش هعلمك
فرح / انتى داخله على طمع
فريده / اغرفى اغرفى ريحه الاكل جوعتنى
فرحة/ هههههههههه ماشى يا ستى
.............
بلال يدخل يلاقى العيال نايمين و فرح قاعده بتتفرج عالتليفزيون
بلال/ اخيرا انا اتنفخت النهرده
فرح/ حمدالله عالسلامه كويس انك جيت
بلال/ انا جبتلك كل اللى طلبتيه
فرح / و ايه ده
بلال/ دا مسدس كور مبيعورش البياع اكدلى و قطر عشان محمد قوليله ان باباه بعتهومله
فرح / الله انت بجد جبتهومله دا من ساعه منزلت و هو بيقولى عليهم
بلال/ طب انا هموت مالجوع عندكوا غدى و لا ايه
فرح / غير هدومك على مغرف
بلال/ هوا