دموع الفرحه بقلم / لولو محمد ( كامله )

الحلقه ١٧

#lolo #لولو_محمد
((((((((((((((دموع الفرحه ))))))))))))))
الحلقه السابعه عشر
شيرين / و لا يهمك بصى يا فرح انا عاوزه اديكى نصيحه
فرح / ايه
شيرين / مينفعش تكونى حساسه كدا الناس مش هترحمك و لا الدنيا
فرح / مش فاهمه
شيرين / بصى انا هكون صريحه معاكى انا حاسه بجيهان و متعاطفه معاها جدا
فرح / و انا كمان على فكره
..........
شيرين / لما جلال كلمنى فى التليفون و حكالى اللى حصل و ان والده عاوزه يتجوزك للحظه كرهتك و حسيت بمشاعر عمرى ما فكرت انى احسها نحيتك مع ان جلال اصلا مكنش قايلى انه بيحبنى مبالك بجيهان اللى بقالها سنين مع بلال
فرح / انت عارفه كل ده بس صدقينى انا مبحاولش اوقع بينهم انا بحاول بس اعيش
شيرين / و بجد بلال كان صعبان عليا اوى امبارح
فرح / و انا كمان بس انا زعلت منه اوى ليه يقولها ليه يخليها تعايرنى
شيرين / انتى قولتى انك مش بتستعرى من اهلك و بعدين هو اش عرفه ان كل ده هيحصل
فرح / خلاص على كل هى جت اعتزرت امبارح و الموضوع انتهى
شيرين / بتتكلمى جد طب لو كنتى قولتى فى التليفون كنتى وفرتى عليا المشوار و الرغى
فرح / انتى قولتى انك عاوزه تشوفينى مقولتيش انك هتكلمينى فى الموضوع ده
شيرين / خلاص حصل خير تشربى ايه بقى
..................
فى المكتب
احمد / جيهان قالتلى عاللى حصل امبارح
بلال/ طب كويس خلاص منتكلمش فيه تانى
احمد/ مش عاوز تسمع رايى فى اللى حصل
بلال/ مش عاوز افتكر انه حصل اصلا
احمد / هو انت هتخلى فرح على زمتك لحد امتى
بلال/ على الاقل كمان كام شهر
احمد / و بعدين
بلال/ من هنا لساعتها معرفش
احمد / انت بتتكلم جد لو كنت متصالحتش انت و جيهان امبارح كان ايه اللى هيحصل
بلال بعصبيه / انا تعبت يا احمد عارف المكان الوحيد اللى بجد بنسى الدنيا و القرف ده فيه
جيهان تدخل
جيهان / سلاموا عليكوا سورى اتاخرت الدنيا زحمه موووووت
بلال/ حمدالله عالسلامه
احمد / كمل كنت بتقول ان فى مكان واحد بترتاح فيه
بلال/ ايه انهى مكان
احمد / المكان الوحيد اللى بترتاح فيه من كل القرف ده
بلال/ فى سريرى و انا نايم و بشخر
جيهان / ايه ده انت بتشخر
بلال/ انا قايم رايح عند البشمهندس مصطفى اوريله اللوح عن اذنكوا
جيهان / مجاوبتنيش
بلال/ خلصى شغلك عشان نخرج بدرى و نرجع بدرى
بلال يمشى
احمد / انتوا رايحين فين
جيهان / معرفش لسه بس هو وعدنى ان النهرده كله بتاعى
احمد / ربنا يهدى
............
اول يوم فى الدراسه
فرح / اصحى يا بلال النهرده اهم يوم فى حياتى قوم بقى
بلال/ ايه هو المنبه ضرب امتى معقوله الساعه ٦ يا فرح حرام عليكى يا شيخه
فرح / انت بتظبط منبه عالساعه ١٠ فاول يوم دراسه ليا
بلال/ امال انتى عاوزه تروحى اول يوم من الساعه كام مثلا
فرح / ٧ مثلا
بلال / ليه هتبيعى لبن دا لسه اول يوم يعنى يادوب هتتعرفى عالكليه و تاخدى الجدول و خلصت
فرح / ازاى بس دا اول يوم جامعه دا اهم يوم فى تاريخى
بلال/ يا شيخه اتلهى
فرح / قولى انهى طقم احلى الاحمر و لا الازرق
بلال/ مش فاهم ههههههههه
فرح / ساعدنى
بلال/ انتى جيبالى شماعتين عليهم هدوم واحده احمر و التانيه ازرق طب يعنى افهم ايه اختار لون يعنى انا بحب الاحمر اتفضلى
فرح / انت بتستظرف صح طب هلبس الازرق
بلال / حلو الازرق برده اللبسيه
فرح / عن اذنك
بلال ينام تانى
فرح / قوم عشان تلحق تلبس
بلال/ ليه رايحين فين
فرح / نام انا الغلطانه نام
فرح ترجع بعد شويه لابسه بنطلون جينز اسود و بلوزه قصيره كحلى و طرحه كحلى و حاطه مكياج و روج احمر
فرح/ ايه رايك
بلال/ حلو معلش انتى رايحه فين تانى
فرح / الكليه بتسال ليه
بلال/ اصل المكياج ده محطيتيهوش على فستان سواريه ففرح هتحطيه فى الجامعه
فرح / دا زى مكياج غاده عادل فى الباشا تلميذ
بلال/ المدمنه
فرح / يا سلام مهو كريم عبد العزيز حبها
بلال/ طب خلى كريم ينفعك انا هنام
فرح / خلاص هغير
بلال/ فرح انتى رايحه الجامعه للعلم مش تصطادى عريس
فرح / و جيهان اصطادتك هناك
بلال/ اعملى اللى يعجبك انا داخل الحمام
فرح / انت كدا فوقت هروح اللبس انا بقى
بلال / مش فاهم
فرح / كنت بحاول اصحيك بقالى ساعه قولت مش هتفوق غير كدا
بلال/ هنتكلم فى الموضوع ده بعدين
فرح لبست
فرح / لبست و لا لسه
بلال/ جاهز الساعه ٩ يا جباره هنروح نعمل ايه
فرح / انت عمال تضيع وقت مالصبح
جرس الباب يضرب
فرح / انا هفتح ..... ايمان ازيك اتفضلى
ايمان / انا جبتلك فريده عشان تتعرفوا على بعض
فرح / اهلا يا فريده
فريده / ازيك كويس انك لابسه يلا عشان منتاخرش
فرح / ثوانى هجيب شنطتى .... يلا يا بلال
.......
فى الشارع
فريده بتشاور على عربيه الناحيه التانيه مالشارع
فريده تعالى هنركب مع حسام و حازم ولاد عمى
فرح / معلش انا هركب مع جوزى بلال متيجى انتى معانا و هقابلهم هناك
فريده / طيب مفيش مشكله هكلمهم فى التليفون يسبقونا
..........
فى العربيه
فريده / حضرتك بلال صح
بلال/ بيقولوا كدا
فريده / انا فريده لقطت اسمك من فرح ياريت مكونش متقله عليكوا يعنى و انت بتوصلنى
بلال/ هههههههههه متقله ايه بس دانتى كتر خيرك انك هتبقى مع فرح اول يوم
فرح / انت هتيجى تاخدنا صح
بلال/ على تليفون
فريده / منروح احسن مع حسام و حازم يعنى بدل متمشوريه
بلال/ و لا مشوره و لا حاجه
فرح / مش مشكله لو مش هيناسبك تيجى ممكن اخد تاكس
بلال/ احنا لسه موصلناش عشان تشغلى دماغك بالمرواح
فريده / معاك حق و بعدين دا اول يوم جامعه
فرح / مهو ده اللى موترنى
بلال/ وصلنا جمدى قلبك ادها و قدود
فرح / مع السلامه
فرح و فريده يفتحوا الباب و لسه هينزلوا
بلال/ فرح استنى نسيتى دبلتك معايا اوعى تقلعيها او تضيع منك
فرح تبصله باستغراب
بلال/ يلا اللبسيها بقى خلينى امشى
فرح تلبسها و هى مدايقه و تنزل مالعربيه و بلال يمشى و فريده تمسك ايدها و تشدها
فريده / دبله ايه دى
فرح / دبلتى فى ايه يا بنتى ملختى دراعى
فريده / انتى متجوزه
فرح / امال يعنى بلال ده ايه
فريده / ينهار احوس يا جدعان بقى الواد المز ده جوزك اه يا بت المحظوظه
فرح / نعم يعنى
فريده / متزعليش انا بهزر معاكى انا اصلى اتفاجات كنت فكراه اخوكى و لا حاجه و انتى بتهزرى و تشتغلينى طلعتى بتتكلمى جد
فرح / و اديكى عرفتى انه جوزى بجد
فريده / انتى ادايقتى و لا ايه انا بهزر يا بت و لعلمك انا كمان مرتبطه
فرح / و الله دى حاجه تخصك
فريده / يااااه بتحبيه اوى كدا و بتغيرى عليه مكنتش كلمه دى فكى بقى
فرح /حب ايه و غيره ايه الموضوع مش كدا انا بس متوتره يعنى
فريده / هو حسام اتاخر ليه استنى هكلمه عالتليفون
حسام / انا هنا اهو كنا بنركن بس ..... ايه مش هتعرفينا و لا هو انتى مبتكلميش شباب
فرح / ليه يعنى هتاكلنى
حسام / نعم
فريده / بص هى اصلها تنشن اوى النهرده
فرح / انا اسفه
حسام / انا حسام ابن عم فريده و تشاء الاقدار ان ده يكون اخويا التوام و اننا نكون ادكوا و فدفعتكوا
حازم / اهلا انا حازم على فكره انا الكبير
فرح / انا فرحة
فريده / طب يلا ندخل بقى نكتشف المكان
حسام / استنى لحظه كدا انتى متجوزه
فرح / ايه فى ايه مالكوا عمركوا مشوفتوا واحده متجوزه
حسام / عن اذنكوا
فريده / استنى بس يا حسام هى متقصدش
فرح / عن اذنكوا انا
فريده / مالك يا بنتى فى ايه
فرح تعيط / معرفش معرفش اهو الدبله اللى تعباكوا اهو
تقلع الدبله و تحطها فى الشنطه
حسام / ايه انتى هتعيطى و لا ايه انا مقصدتش حاجه على فكره انا بس مستغرب عشان انتى صغيره اوى بس والله مش اكتر
فريده / لا هى زعلت عشان انا عاكست جوزها
حازم / عملتى ايه ياختى
فريده / هههههههههههه يا عم انا قصدى يعنى انى اديتها كومبليمون بسيط كدا يعنى
حازم / يلا لينا بيت
فريده / مخلاص بقى يلا بينا
حسام / احنا هندور على الكافيتريا نقعدكوا فيها و انا و حازم هنجيب الجدول و نشوف القاعات و المدرجات اللى هنروح فيها و نعرفكوا عليها
فرح / طب منيجى معاكوا
حازم / و ماله هو بس كان عاوز يبعدكوا عن الزحمه
فريده / يبعدنا عن الزحمه و لا جعان
حسام / مهو لازم نعرف مكان الاكل هنا عشان نبقى فى الامان
فرح تدحك و حسام يبصلها و يبتسم
حسام / انا عاوز اسال سؤال بس خايف
فرح/ انا تعبت مالوقفه ممكن نعد الاول
حازم / و ماله
.........
يتمشوا فى الجامعه قدام احد المبانى زحمه يعدوا و يروحوا الكافيتريا
فريده / هو الزحمه اللى عدينا عليها دى اكيد الجداول
حسام / طب تمام هنروح احنا نبص
فرح / تمام
حازم / طب منفطر الاول
فريده / روح انت بس و انا هجيبلك الفطار
حسام و حازم يمشو
فرح / انا فطرت فى البيت
فريده / انتى اصلا ايه حكايتك
فرح / حكايه ايه
فريده / هى حكايه واحده بس دانتى حوار
فرح / انا مش فالمود خالص فبلاش بقى
فريده / اهو ده لوحده حوار ايه اللى منرفزك كدا
فرح / اكلمك بصراحة
فريده / طبعا
فرح / انا كنت متحمسه اوى للكليه و النهرده صحيت مالنجمه و نمت مقلقه خالص معرفش متوتره ليه اوى كدا
فريده / طب خلاص النهرده خلص و جينا و هنجيب فطار و نفطر و نروح و اليوم خلص طب جوازك بقى
فرح / هو جوازى تاعبكوا اوى ليه
فريده / يا بنتى انتى مش حاسه انك الوحيده هنا المتجوزه
فرح / انا مالارياف و هناك بيتجوزا بدرى
فريده / طب و جوزك اتعرفتى عليه ازاى
فرح / عادى
فريده / احكى عشان احكيلك عليا انا و حازم
فرح / حازم ده
فريده / هههههههه هو فى غيره
فرح / يا بنتى انا و بلال متربيين سوا
فريده / ها هتاكلى ايه
فرح / مليش نفس
فريده / مهو لو حازم جه و ملقاش اكل هنا ممكن ياكلنا احنا شخصيا
فرح / خلاص هاتيله هو
فريده / شكلك بخيله و خايفه اعزمك تدبسى تردهالى
فرح / ابدا والله طب انا ممكن اعزمك انا
فريده / انتى غلبانه عالاخر هو مفيش هزار معاكى خالص
فرح / بكره لما ناخد على بعض هتغيرى رايك
فريده / ايوه بقى ..... انا هقوم اجيب اكل
فريده تجيب الاكل و حسام و حازم يرجعوا
فرح / ها ايه الاخبار
حازم / طبعا انتوا سبحان الله فى نفس السيكشن و احنا الاتنين برده سبحان الله فى نفس السكشن بس برده سبحان الله سكشن تانى خالص
فرح / يعنى ايه سيكشن
حسام / يعنى حصه مهو الدفعه كلها بتتبقى مع بعض فى المحاضره لكن فى السيكشن بيتقسموا
حازم / الجدول بقى هنيجى اربع ايام و فى يومين اجازه غير الجمعه و فى اوقات احنا مشغولين اوقات تانيه انتوا اللى مشغولين و سبحان الله فى اوقات بقى فالنص احنا الاتنين فاضين
حسام / رغى رغى رغى متديهم الجدول و تكبر مخك
حازم / تصدق من كتر الكلام جعت ......هو فين الاكل
فريده / سلامه الشوف مهو قدامك
حازم / دا اللى ربنا قدرك عليه
فريده / ههههههههههه كل انت بس و لو مشبعتش نبقى نجيب تانى
حسام / و على ايه نعد نستنى نجيب تانى انا هطلب تانى على مناكل دول
فرح تدحك و حسام يبصلها
حسام / طب ايه بقى اسال يعنى و لا ايه
فرح / هات الاكل يلا عشان نلحق نروح
حسام يبتسم و يمشى
حازم / نروح مين انتى البيت لحق يوحشك
فرح / طب هنعد نعمل ايه
حازم / فى محاضره الساعه ١٢،٥ للتعريف بالكليه مش هنحضرها طبعا
فرح / ليه
حازم / ههههههههههههههه انا بحب اعتمد على نفسى و بعدين مش عاوزهم يحرقولى المفاجاه
فرح / مش فاهمه وجهه نظرك
حازم / يا ستى اخرهم هيكدبوا علينا الكليه سهله و الامتحانات مالمقرر ايه مشوفتيش افلام
فرح / اهو نبقى عملنا اللى علينا
حسام يرجع
حسام / طلبت و هما هيجيبوه هنا
فرح/ اسال بقى بسرعه قبل مغير رايى
حسام يبتسم / مين هو سعيد الحظ
فريده / اسمه بلال
حسام / بلال .... بلال الاسيوطى الباشمهندس
فرح / اه تعرفه
حازم / اشهر من نار على علم
حسام / كنا فجمعيه خيريه و قررنا نجدد المسجد اللى فى الشارع فقولنا فى صلاه الجمعه اننا هنلم تبرعات
حازم / بلال اتبرع انه يشرف على الموضوع كلو و فعلا تقريبا هو اللى ظبط الموضوع كلو
حسام / و كمان كان له تقريبا اخ ظابط
فرح / جلال
حازم / اه اتبرع بتكييفات المسجد كلها
فرح بابستامه عريضه/ انتوا بتتكلموا جد
حسام/ ايوه والله شخصيه محترمه جدا مش عارف هيفتكرنا و لا لا
فرح بفخر/ هبقى اساله لما اروح
..........
فى البيت بلال يدخل
فرح / ازيك الغدى عالنار على متغير هدومك هيكون خلص
بلال/ انتى روحتى امتى
فرح / من شويه كدا
بلال/ طب متصلتيش بيا ليه اخدك او حتى تطمنينى انك روحتى
فرح / فاتتنى دى معلش بجد من ساعه مروحت و انا فى المطبخ عشان اللحق اعمل الغدى
بلال/ طب و روحتى ازاى
فرح / مع فريده
بلال/ ماشى مختلفناش روحتى انتوا و فريده ازاى بقى
فرح / ولاد عمها وصلونا بصراحه انكسفت يعنى فريده قالت اننا ساكنين فى نفس الشارع و كمان انا مش هبقى راكبه لوحدى يعنى فريده معانا فقولت مش مشكله
بلال / يعنى نزلتى من عربيه راكب فيها اتنين شباب قدام البيت عادى و الناس فى الشارع شافوكى
فرح / مش شايفه فيها مشكله مانت ياما وصلت جيهان و الناس شافوها
بلال/ الوضع مختلف انتى متجوزه
فرح / انت شايف كدا
بلال/ انا خايف عليكى مش اكتر