PhoeNya

ep 10(uni&zg)

uni

​ဒေါ်​ရွေပိုးအိမ် တနည်းအားဖြင့် သူ့မာမီ။ သူ့​အ​ဖေနဲ့ သူ့အ​မေက မိဘချင်းပေးစားလို့ လက်ထပ်လိုက်ရပေမယ့် ငယ်ချစ်ဦးတွေကိုတော့မမေ့နိုင်ကြပေ။ အဲ့ကိစ္စကြောင့် သူတို့မိဘတွေက တစ်နှစ်လုံးမှာ 11လနဲ့ ရက်20လောက်စကားများကြသည်။  မာမီ့အချစ်ဦးက မာမီလက်ထပ်ကတည်းက ခြေရာဖျောက်သွား၏။ ဒါပေမယ့်သူ့အဖေကတော့ မာမီရှိတာတောင်မှ သူ့အချစ်ဦးနဲ့ခိုးတွေ့တတ်သည်။ သူ့အသက်နှစ်နှစ်ခွဲမှာ မာမီက သူ့အ​ဖေနဲ့ အ​ဖေ့အချစ်ဦး ​ဒေါ်ခတ္တာ​ဖောက်ပြန်​နေတာကို သိသွားပြီး အ​ဖေ့ကိုကွာရှင်းကာ မြို့တက်သွား၏။

သူ့​အ​ဖေကလည်း အဲ့အခွင့်အ​ရေးကို ​စောင့်​နေတာမလို့ မာမီနဲ့ကွာရှင်းပြီးတာနဲ့ ​ချက်ချင်း ​ဒေါ်ခတ္တာကို အိမ်​ပေါ်​ခေါ်တင်လာခဲ့သည်။ ​​မာမီရှိတုန်းက မာမီကပဲ သူတို့​ဝေယျာဝိစ္စ​တွေကို လုပ်​ပေးပြီး သူတို့အ​ဖေက​တော့ သူတို့ကိုဂရုမစိုက်ဘဲ ပိုက်ဆံ​ဘဲ​ပေးတာ​ကြောင့် သူတို့ညီကိုက အ​ဖေထက် မာမီ့ကိုပိုခင်တွယ်ကြသည်။ ရုတ်တရက်မာမီ မရှိ​တော့တယ့်အချိန်မှာ​တော့ သူ့ထက်စက္ကန့်သုံးဆယ်ငယ်တယ့် သူ့ညီ​နေမင်းဧကရာဇ်က တ​နေကုန်ငို​နေကာ ဘာလုပ်​ပေး​ပေးမတိတ်​တော့​ပေ။

နှစ်နှစ်ခွဲဆိုတယ့်အရွယ်က ဘာမှနားမလည်​သေးတာမလို့လည်းပါလိမ့်မည်။ ​ဒေါ်ခတ္တာအိမ်​ပေါ်တက်လာ​တော့ ​ဒေါ်ခတ္တာမှာလည်း သူတို့နဲ့ရွယ်တူ အသားမဲမဲနဲ့က​လေးတစ်​ယောက်ပါ​လာ၏။ သူ့ညီ​နေမင်းဧကရာဇ်က​​တော့ အ​ဖော်ရတာနဲ့​ပျော်ပြီး အဲ့က​လေးအနားပဲကပ်​နေတတ်၏။ ​ဒေါ်ခတ္တာက​တော့ သူ့သားလရိပ်နားကို ​နေမင်းဧကရာဇ်ကပ်တာလုံးဝမကြိုက်။ ​ဒါ​ပေမယ့်လရိပ်က​တော့ ​ဒေါ်ခတ္တာအလစ်ကို ​စောင့်ကာ​ သူတို့နဲ့လာလာ​ဆော့တတ်၏။ ​

အဲ့​နေ့က သူတို့ညီအကို​မွေး​နေ့ တစ်နည်းအားဖြင့် သူအမုန်းဆုံး​နေ့။ 9လပိုင်း 25ရက်နေ့။ လရိပ်မွေးနေ့လည်းဖြစ်တာမလို့ ဒေါ်ခတ္တာက ​လရိပ်အတွက်​မွေး​နေ့ပဲလုပ်​ပေးတာ​ကြောင့် ​နေမင်းဧကရာဇ်က အရမ်း​ပျော်​နေ၏။ သူတို့မာမီရှိတုန်းကလဲ အခုလို ပွဲ​တွေလုပ်​ပေးတာပဲမလား။ ထူးထူးဆန်းဆန်းသူ့ကိုဆို အမြင်မကြည်တယ့် ​ဒေါ်ခတ္တာက အဲ့​နေ့မှာ​တော့ သားဟု​ခေါ်ကာ ပစ္စည်းတစ်ခုသွားဝယ်ခိုင်း၏။ သူပြန်​ရောက်​တော့ လူ​တွေဝိုင်းအုံ​နေတယ့် အလယ်မှာ ​သွေး​တွေနဲ့လဲကျ​နေတယ့်သူ့ညီကို မြင်လိုက်ရတယ့်မြင်ကွင်းသည် ယ​နေ့ချိန်ထိ သူ့ဦး​နှောက်ရဲ့​တစ်​နေရာမှာ ​နေရာယူ​နေတုန်းပင်။