PhoeNya

ep 22 (uni&zg)

uni

ဖိုးသားနောက် လိုက်သွားတယ့် ဧကရာဇ်ကြောင့်  လူကြီးတွေပြုံးစိစိဖြစ်သွား၏။

ဧကရာဇ်ကလည်း တောင့်တောင့်ဖြောင့်ဖြောင့်  ဖိုးသားကလည်း အပျို​​တွေအကုန်လုံး ​ခေါင်းငြိမ့်​အောင်လုပ်နိုင်တယ့် ​ကောင်​လေး။ လိင်တူဖြစ်တာကလွဲရင် သူတို့နှစ်​ယောက်က တစ်ကယ်လိုက်၏။

ဖိုးသားဆိုရင်လည်း အခုမှလူရုပ်သူရုပ်​ ​ပေါက်​တော့တယ်။

မီးဖိုချောင်ထဲရောက်တော့ ဖိုးသားကရပ်လိုက်၏။

"စစ် ဗိုက်ဆာပြီလား"

"ခင်ဗျား တော်တော်မြူစွယ်ချင်​နေတာလား ညဧကရာဇ်"

သူမေးလိုက်တာကို ဖိုးသားက မေးခွန်းပြန်မေးလာတယ့်အတွက် ကြောင်သွား၏။

"ကိုယ်ဘာမှမလုပ်မိပါဘူး "

"ကျစ် "

ဖိုးသားက စုတ်သပ်ကာ အလှူအတွက် ချက်ထားတယ့် ဟင်းရည်အိုးကို လက်ညိုးထိုးပြလိုက်ပြီး

"ငါက ဒီဟာနဲ့စားရမှာလား ညဧကရာဇ်"

"မဟုတ်ဘူး ကိုယ်မင်းအတွက် သက်သက်ချက်ပေးထားတယ် အ​ပေါ်တက်သွားလိုက် ကိုယ်ယူလာလိုက်မယ်"

"အင်း"

ဖိုးသားက ရှေ့ကတက်သွားကာ ဧကရာဇ်ကတော့ ဖိုးသားဖို့ မုန့်ဖက်ပန်းကန်ရယ် ဟင်းရည်ပန်းကန်ရယ်ကို ဗန်းထဲထည့်ကာ ဘေးကကျိုထားတယ့် နို့ခွက်ကိုတင်လိုက်ပြီး အပေါ်တက်သွားလိုက်သည်။

အ​ပေါ်​ဆုံးအထပ်​ရောက်​တော့ ဖိုးသားက viewကြည့်နေ၏။

ဧကရာဇ် ရောက်လာတာမြင်တော့ ခုံမှာဝင်ထိုင်လိုက်၏။

ဧကရာဇ်က ပန်းထဲကပန်းကန်တွေချကာ မုန်ဖက်ပန်းကန်ထဲကို ဟင်းရည်အတော်အသင့် ထည့်လိုက်ပြီး ဇွန်းနဲ့ န့ှံသွား​အောင် ​မွှေ​ပေးလိုက်သည်။

ဖိုးသားက ပန်းကန်ကိုသူ့ဘက် ဆွဲယူကာ viewကြည့်ရင်း စားနေ၏။

အားနေတယ့် ဧကရာဇ်ကတော့ ဖိုးသားမျက်နှာကိုသာ ထိုင်​ငေးကြည့်​နေ၏။

ဗိုက်​ဆာ​နေလို့လားမသိ ခဏ​လေးနဲ့ သူထည့်​ပေးထားတယ့် မုန်ဖက်​တွေ​ရော အိုးဘဲဥ၊ ငါး​ဖယ်​တွေသာမက ဟင်းရည်​တွေပါ အကုန်​ပြောင်သွား၏။