Only for Love (Translation)

Chapter 27: Just Ignore Him!

(Unicode)

နှစ်သစ်ကူးအကြိုနေ့မှာ ယာဉ်ကြောပိတ်ဆို့မှုက တခြားနေ့တွေထက် ပိုဆိုးပါတယ်။ လမ်းမများပေါ်ရှိ
ကားတွေကလည်း လိပ်လို တရွေ့ရွေ့။

ကျန့်ရှူးယိ ထွက်သွားပြီးနောက် ရှီယန့် ထိုင်ခုံတွင်
ပြန်ထိုင်၊ မျက်မှန်ကို ချွတ်ကာ မျက်လုံးမှိတ်လိုက်သည်။ first-class တန်းမှာစီးပြီးပြန်လာတာတောင်မှ
ဆယ်နာရီကျော် လေယာဉ်စီးခဲ့ရတဲ့အတွက်
အဆင်မပြေဘူး။ ရှီယန့် က သူနေထိုင်တဲ့ နေရာနဲ့
ပတ်သက်ပြီး အလွန် ဇီဇာကြောင်တာကြောင့်
လေယာဉ်ပေါ်တွင် လုံးဝမအိပ်ခဲ့ရပေ။

နှစ်သစ်ကူးအကြိုမှာ လူတိုင်းက မိသားစု စုံညီစွာနဲ့
မအိပ်ကြသေးဘဲ မြို့တော်ကို လွန်စွာသက်ဝင်
လှုပ်ရှားစေသည် ။

သို့သော် ယနေ့ညတွင် ရှီမိသားစု၏ အိမ်တော်တွင် မည်သူမျှမရှိ။

ထို့ကြောင့် ရှီယန့်က Bay of Clouds ရှိ သူ့အိမ်သို့ ပြန်ရန် ရွေးချယ်ခဲ့သည်။ မီးများဖွင့်ပြီးနောက် အခန်းက
တောက်ပနေသော်လည်း အရာအားလုံး အသက်ဝင်မှုမရှိ။ သူရေချိုးပြီး သက်တောင့်သက်သာအ၀တ်အစား
ပြောင်းကာ စာကြည့်ခန်းထဲမှာ ခဏထိုင်တယ်။ အစက ကွန်ပြူတာဖွင့်ပြီး အလုပ်တစ်ခုခုလုပ်လိုသော်လည်း
စီးပွားရေးလုပ်ဖော်ကိုင်ဖက်များထံမှ နှစ်သစ်ကောင်းချီးများဖြင့် သူ့အီးမေးလ်က အပြည့်။

ရှီယန့် ... ရုတ်တရက် စိတ်ဝင်စားမှုတွေ ပျောက်ဆုံး
သွားသည်။ ဝိုင်တစ်ခွက်လောင်းထည့်ပြီး
လသာဆောင်ဆီသို့ လျှောက်သွားသည်။

တစ်ဖက်ခြမ်းရှိ အဆောက်အဦများကို မီးထွန်းထားပြီး၊ LED ဖန်သားပြင်များကလည်း နှစ်သစ်ကူးကို
ကြိုဆိုသည့် စာသားများဖြင့် ပြည့်နေပါသည်။

နီယွန်မီးများ လင်းထိန်နေကာ လူသွားလူလာ
စည်ကားနေပြီး မြို့က အလွန်အသက်ဝင်သည်။

ဒါပေမဲ့ သူနည်းနည်းပျင်းသွားတယ်။

တကယ်တော့ သူတရုတ်ပြည်ကို ပြန်လာတာဖို့
ဆုံးဖြတ်လိုက်တာ လွန်ခဲ့တဲ့ ၂၄ နာရီကပါ။
စီးပွားရေးလုပ်ငန်းအားလုံး အဆင်ပြေဆောင်ရွက်ပြီး
သွားတော့ မိတ်ဖက်ကုမ္ပဏီက ပွဲတစ်ခုကျင်းပခဲ့သည်။ ဖျော်ဖြေရေးအတွက် သရုပ်ဆောင်အဖွဲ့ကိုတောင်
ငှားရမ်းခဲ့ပါတယ်။