Only for Love (Translation)

Chapter 31: My Looks and My Money.

(Unicode)

ရှင်းရှင်းပြောရရင် ကျန့်ရှူးယိ မေမေက သူမမှာ ချစ်သူရှိတာကို လုံးဝမယုံကြည်သလို သူမကလည်း ခိုင်လုံတဲ့ သက်သေအထောက်အထား တစ်ခုလေးတောင်
မပြနိုင်ခဲ့ပါဘူး။

တကယ်တော့ သူမမေမေ့ကို လှည့်စားဖို့ ယောကျ်ားလေးသူငယ်ချင်းကလည်း ရှာမရနိုင်ခဲ့တဲ့အပြင် သူမမိဘတွေအကြောင်း သူမသာအသိဆုံးမို့ ဇာတ်လမ်းဆင်ရင်လည်း အဆုံးထိ ကရမှာ သိနှင့်ပြီးသားပါ။

ကျန့်ရှူးယိ မေမေကတော့ လျင်လျင်မြန်မြန်ပဲ နှစ်ရက်
အတွင်း အားလုံးစီစဉ်ပြီး ဗုဒ္ဓဟူးနေ့မွန်းလွဲပိုင်းမှာတော့ သူမ၏မိခင်ထံမှ မက်ဆေ့ခ်ျများစွာကို လက်ခံရရှိခဲ့သည်။

မွေးမြူရေး လုပ်ငန်းရှင် - မေမေ အကုန်စီစဉ် ပြီးသွားပြီ။ ဒီ စနေနေ့ ညနေ ၆ နာရီမှာ သူနဲ့တွေ့ရမယ်။

မွေးမြူရေး လုပ်ငန်းရှင် - မင်းတို့ နှစ်ယောက်လုံးရဲ့
အလုပ်နဲ့နီးတဲ့နေရာကို မေမေ ရှာလိုက်တယ်။ Jiang City ၊ စီးပွားရေးရပ်ကွက်ထဲက Bridge Cafe မှာနော်။

မွေးမြူရေး လုပ်ငန်းရှင် - ဒီစားသောက်ဆိုင်က အရမ်းစျေးကြီးတယ်၊ ကိုယ်က ငွေရှင်းဖို့ မမေ့နဲ့။
ပိုက်ဆံမလောက်ရင် မေမေ့ကိုပြော။

မွေးမြူရေး လုပ်ငန်းရှင် - ကိုလူချောလေးရဲ့ WeChat ကို အခုပေးမယ်။

ကျန့်ရှူးယိ:...

ကျန့်ရှူးယိ: သမီး သွားမအပ်ဘူးနော် ။

မွေးမြူရေး လုပ်ငန်းရှင် - သူ့ WeChat မအပ်ထားရင် သူ့ကို ဘယ်လိုရှာမလဲ။

ကျန့်ရှူးယိ: အဆင်မပြေဘူးနော်။မအပ်ချင်ဘူး။

မွေးမြူရေး လုပ်ငန်းရှင် - ကောင်းပြီလေ။ သမီး ..အဲဒီကိုရောက်ရင် အချောဆုံးသူကို ရှာကြည့်လိုက်ပါ။

ကျန့်ရှူးယိ: နှာခေါင်းရှုံတဲ့.jpg

ကျန့်ရှူးယိ - သမီး သိပါတယ်။ သာမန်လူလောက်တော့ မေမေက စကားထဲ ထည့်ပြောနေမှာ မဟုတ်ဘူး။ ဒါပေမဲ့ ဒီကလေးက တကယ်တော်တယ်၊ သူက သမီးထက်
နည်းနည်းလေး အသက်ပိုကြီးပြီးတော့ တို့ကျောင်းမှာ
တုန်းက တကယ် နာမည်ကြီးတဲ့သူတစ်ယောက်နော်။