صديتك ومن بعد صدي وصالك

البارت الثالث

عبد العزيز بطريق يسوق دق جواله : هلا جودي يلا اطلعو
الجود : واخيرا جاء لو طول زياد ببكي
سديم : يلا اخلصي خلصت
الجود : روحي طيب بجي الحين
سديم : ولا والله ياقلبي اروح لحالي سلامات
الجود بضحكه استغراب : وشفيها طيب ؟
سديم : اف ي الجود خلاص ماحب اخلصي
الجود وهي تسكر عبايتها : يلا يلا امشي معقده هل بنت
دخلو السياره وودو سديم البيت ثم رجعو البيت
عبد العزيز : يمههه
ام عبد العزيز : هلا
عبد العزيز : يمهه وين الاكل تراني ميت جوع
ام عبد العزيز : يلا بيخلص جبت الجود
الجود : هلا يمه
ام عبد العزيز : يلا يا بنيتي تعالي ساعديني
الجود : ابشري وين ليما
ام عبد العزيز : راح يجيبها مجيد
الجود : ليه ما جت عندنا
ام عبد العزيز : بتروح السوق وعبد العزيز رفض يوديها وانتي ماتحبين السوق
الجود : ليه غريبه تروح السوق
ام عبد العزيز : بعد اسبوع زواج بنت  اخوي
الجود : احه طيب انا بجي
ام عبد العزيز : ايه اكدت علي اجي انا وانتي وليما وجميله
الجود  بحماس : امااا عمتي جميله بتجي طيب بتجي سديم معاها
ام عبد العزيز : مدري الجود بسرعه تعالي ساعديني ابوك بيجي
على كلام كوثر سمعو صوت الباب
ابو عبد العزيز : السلام عليكم
ام عبد العزيز وعليكم السلام
الجود : هلا بالي له خافق يهلي هلا بعبد الرحمن
ابو عبد العزيز ضحك وقال : هلا ببنيتي بس وين كلمه ابوي هاه
الجود : يايبه وش عرفك ذا اسلوب من اساليب الحب عندي ماش ماتعرفون بالحب انتم
ابو عبد العزيز : مانعرف الحب اجل هاه طسي طسي
الجود : افا ي عبد الرحمن  تطردني يعني ماتحبني صح خلاص بروح ادور لي عايله جديده يحبوني
ابو عبد العزيز بطقطقه : وانا بدور لي بنت تقولي يبه مو تناديني بإسمي
الجود : بناديك دحومي اجل
ابو عبد العزيز : عطيناك وجه وخلاص يلا روحي ساعدي امك بالغداء
الجود وهي تمشي : اساسا عادي بروح اساعدها برضاي
ابو عبد العزيز ضحك وقال : يارب انك تحفظ لي عايلتي ولا تحزنهم
جاء الغدا: ورجعو مجيد وليما وقامو ياكلون وقعدو بالصاله يضحكون ويسولفون واوقات يطقطقون على الجود
الجود : يبه انا عندي حساس كذا
ابو عبد العزيز : اذا الاحساس هذا خير قوليه وذا شر انطمي
مجيد شرق وهو يشرب الشاهي وطاح على عبد العزيز يضحك
مجيد : اخخخخخ بطنيي القائد عطاك وحده اتحدى تنسيناها
الجود بنص عين : ورا ماتنطم
مجيد سكت وقاعد يشرب الشاهي
عبد العزيز : يلا قولي
الجود برفعه حاجب : تصدقون لي اسبوع احس اني بصير غنيه ومليارديره
ليما كانت قاعده على ايباده وتستمع لهم رفعت عيونها عن الايباد وقالت بتعجب ذا الوجه بيصير مليارديره اتحدى
مجيد وعبد العزيز قامو يضحكون
ناظرت الجود بنص عين قالت : اول شي كلمت ابوي ماكلمتكم
ابو عبد العزيز : احلام يقظى
الجود : ليه اسبوع احس وش احلام يقظى على الاقل شجعوني
ابو عبد العزيز: ايهه هي احلام يقظى روحي نامي بس
قامو يضحكون
قالت ام عبد العزيز : يلا عاد عطيتكم وجه الا جودي محد يطقطق عليها
نطت الجود تبوس راس امها : عاشت حصحوص عاشت اميمتي
ابو عبد العزيز : اقول ي حصه
ام عبد العزيز : هلا
ابو عبد العزيز : وين عرس بنت اخوك
ام عبد العزيز : بديره وترا موصيتني اجي العرس قبلها بثلاث ايام
الجود نطت بحماس وقالت : الله وناسه من زمان مارحنا الديره
مجيد : الا يمه وين نقعد
ام عبد العزيز : ببيت اخوي
مجيد : لا والله وين فشله
ابو عبد العزيز : بتقعدون ببيتكم
كلهم ناظروه بستغراب
ليما لتعقيده حواجب : اي بيت يبه ماقد قلت لنا ان عندنا بيت بالديره
ابو عبد العزيز : ايه نعم وبيتين بعد
عبد العزيز : بسم الله من وين طلع
مجيد : اصبرو اصبرو وراح عند ابوه ولمس راسه
الجود : وش تسوي انت
مجيد : اشوف اذا عليه حراره يمكن مهلوس
ابو عبد العزيز ضرب مجيد مع كتفه : ي قليل الادب تقول ان ابوك مهلوس
مجيد وهو ماسك يده : اههه ابتسم وقال امزح معك يالغالي
الجود : وذا الي حسبته عقال طلع اهبل مني
عبد العزيز : كلكم مرجوجين
ليما : اوهه خلو ابوي يكمل ايه كمل يبه
ابو عبد العزيز : ابوي وعمي الله يرحمه كانو ساكنين بالديره وخلو لنا بيتين عند بعض من اكبر البيوت الي بالديره
الجود : اما عاد بيتين وكبير وساكنين هنا
ليما بحماس : وناسيه طيب عمي ابراهيم يدري عن البيت
ابو عبد العزيز : ايه وبنروح له الاجازه هاذي نقعد شهر
الجود راحت تركض فوق
ام عبد العزيز : شوي شوي يالمرجوجه لا تطيحين
ليما بضحكه : وين راحت هاذي
عبد العزيز : اكيد راحت تدق على سديم تقولها السالفه
عن الجود دقت على سديم وهي بنص نومها
سديم : هاه بالجود حتى بحلمي طالعه لي
الجود :قاعده اكلمك يالمرجوجه مو حلم
سديم صحصحت: هاه اسمعك وشو
الجود : تدرين ان عندنا بيت بالديره
سديم : هاه وش بيته بعدين وش عرفك
الجود : وبيتين بعد ابوي قالي وقال اننا بنروح بالاجازه وانتم بعد بتجون
سديم بستغراب : غريبه ابوي ماتكلم بالموضوع ذا
الجود : روحي كلميه باي
سديم : باي وقامت تغسل وراحت تحت قلتهم قاعدين بصاله يشربون شاهي ويسولفون
سديم : مساء الخير
ردو كلهم وقالو مساء النور
ام الليث : ليش ماقمتي تتغدين معنا
سديم : والله ي يمه رجعت تعبانه
الليث : هاذي هي بس تنام ماسوت شي بحياتها مفيد
لين وهي تضحك : اي والله كاني اول مره اتفق معك بشي
سديم : اسكتو بس المهم يبه
ابو الليث : هـلا
سديم : وش سالفه البيت الي بديره
ام الليث : هي على سالفه الديره ترا فيه عرس بنت اخوي لزمت علينا نجي قبلها ثلاث ايام
ابو الليث: ان شاءالله متى بس
ام الليث : بعد اسبوع بس قالت تعالو قبلها بثالث ايام
ابو الليث : زين
سديم : ايه يبه
ابو الليث : ابوي وعمي الله يرحمهم كان عندهم بيتين بالديره ومن اكبر البيوت بالديره واتفقنا نروح له بالاجازه
سديم : الاجازه متى
ابو الليث : بعد يومين
لين : اما عاد طيب ليه ماقلتو لنا
ابو الليث : هذاني قلت لكم
اهم شي. لا تنسون تجهزون اغراضكم وخذو ملابس. كثيرره بنطول هناك
الليث : يبه بسالك عمك الي مات ماعنده عيال
ابو الليث : لا ماعنده مات وهو صغير
كلهم قالو كم عمره ويوم مات
قال : 25 سنه
لين : يوهه صغير
الليث : الله يرحمه يومه عاد
سديم : يوهه خلاص سكرو على هذا الموضوع لين يلا روحي طلعي شنطه علشان نحط الملابس
لين زين
كلهم راحو بقى ابراهيم و جميله ( ابو الليث وام الليث )
ابو الليث بتنهيده : الله يرحمه يلا انا بروح انام
ام الليث وهي عرفت بحزنه وتعرف قد ايش هو يحب عمه عمر بشكل
تمام  ومات بطريقه مافيها رحمه وابوه مات زي عمه
راح ابو الليث وسكر الغرفه وانهار يبكي
شوي دخلت ام الليث وقالت ابراهيم استهدي بالله يومه
ابراهيم وهو يبكي : مقدر مقدر ي جميله مدري انقهر عن عمي الي طعونه بطريقه قذره ولا ابوي الي مات نفس طريقه موت عمي ولا امي الي ماتت قهر عشان ابوي اهدا شلون اهدا
جميله : هذا يومهم استهدي. بالله وترحم عليهم واذا الحكومه ماخذت حقكم ربي العالمين بياخذ حقهم
ابراهيم وهو ناوي يعرف من هم حتى لو ودي نفسه للموت: مصيري اعرفهم عيال الكلب

——————————————————
هلا والله طبعاً ماتوقعت اني بخلي البارت الرابع  يكون شوي فيه حزن وان شاءالله بالبارتات الجايه بيكون فيه حماي ترقبوو اتمنى انكم استمتعو بالقراءه 🤍