صديتك ومن بعد صدي وصالك

البارت السادس عشر

مطلق طاح مسكه مجيد علطول : استهدي بالله
مطلق لف لمجيد : و و وش تقول هاذي غيبوبه طويله يعني الجود يمكن تموت
الدكتوره : اخ مطلق مافيه شي مستحيل ممكن تقوم وفيه كثير ناس دخلو غيبوبه دائمه وكان احتمال انهم يصحون قليل ومع ذالك صحو والحين صحتهم احسن مني ومنك
مطلق : يعني فيه امل تصحى
الدكتوره : اكيد فيه امل
مجيد : طيب نقدر ندخل عليها
الدكتوره : ادخلو بس ماتدخلون مع بعض واحد واحد
مجيد : تمام ادخل ي مطلق
دخل مطلق وشافها كيف نايمه وكيف الاجهزه عليها مقدر يناظر اكثر وهو يطلع وكميه الغضب الي فيه
مجيد : وشفيك
مطلق وهو ينكر الشعور الي بداخله: مافيني شي بروح لشغلي
مجيد : طيب يلا
مشى وطلعو من المستشفى بالسياره دق جوال مجيد
الشخص : السلام عليكم
مجيد :  وعليكم السلام من
الشخص : طال عمرك يبغونك عشان التحقيق
مجيد : عشر دقايق وجاي 
كمل طريقه الى المزرعه

::::::::::::::::::::::::::::|
في المزرعه وصلو نادين وزيد
نزلت نادين من السياره ومشت لقسم الحريم وزيد توجهه لقسم الرجال
نادين : بنات
جو البنات يركضون يضمونها ضحكت
سديم : وحشتينا
قالو يارا و ملاذ وليما : صدق
جت لين وضمت نادين ابتسمت وقالت : لعد ترجعين مع زيد خليتس هنا
سديم كانت تناظر بصدمه : وش صاير بالدنيا لين ماما انتي بخير
لين : لو اني ماني بخير بتشوفيني هنا
نادين ضحكت: ي حلوتس لو اقدر اقعد طول عمري ناشبه لكم
ملاذ : انتي ناشبه للحين
نادين : قليله ادب
ليما : نادين هاتي عبايتك
نزلت عباياتها قالت ملاذ : يراسي ليه مو لابسه فستان
نادين : براسي فاضيه البس فستان اذا رحت عند اهله البس
الجده غزيل : خلونا نسلم على عروستنا ولا خطفتوها منا
ضحكو البنات ونادين توجهت تسلم على الجده غزيل وعلى امها والباقين
الجده غزيل : وين زيد
نادين: الحين بيجي
الجده ادخلو ي بنات دخلو البنات ودخلت معاهم حصه وجميله
نادين بنفسها : الحين البزر ذا شلون بناديه
لبست نادين طرح وراحت عند الباب الي يفصل بينه وبين الرجال شافت زيد يكلم بالجوال ويبتسم ناظرته بقرف شافها زيد وقفل جاء وهو معصب وقال : ماتشوفين هنا فيه عيال وين عيونتس
نادين بقرف : ياليل ي الرجل الغيور اهدا بس وتعال سلم
زيد: ادخلي شوي واجيتس
نادين : اخلص ماني فاضيه يقولون اسمك الي يحوم كبدي
زيد ابتسم بخبث وقال: نتحاسب فيها بعدين ي بنت طلال
نادين توترت وراحت وهي تسمع ضحكاته وقالت : يععع كريهه
رهف ضحكت وقالت : مين الكريهه
نادين ابتسمت بغباء : لا ياسر قام يطقطق
رهف : طيب اجلسي
جلست شوي جاء زيد وقام يسلم على الجده غزيل ورهف وجلس
رهف : قومي صبي لزوجتس
قامت نادين نصب القهوه مدت له الفنجال اخذه ثم غمز لها وهو ناوي يلعب في موازينها
نادين بنفسها : حسبي الله عليك
شوي وقام زيد : عن اذنكم يلا نادين مشينا
رهف : وش بلاكم ماقعدتو
زيد: المرات الجايه ان شاءالله ورانا طريق
رهف : زين توصولون بسلامه
راحت نادين تسلم على البنات ولبست عبايتها وسلمت على امها والجده غزيل وطلعت صادفت نزول مطلق من السياره شافها مطلق وفتح يده وهو يبتسم ابتسمت له وجت ضمته وضحكت ضحك مطلق من ضحكتها وقال : شلونتس وشلون زوجتس معتس
نادين : الحمدلله
مطلق شك من صوتها : طيب وين زوجتس
نادين اشرت على السياره
مشى مطلق بسياره ودق الدريشه فتح الباب زيد وسلم عليه ضغط مطلق على يد زيد بقوه وقال : انتبه ي زيد على اختي واي شي يضايقها برجعها فيك اضعاف اضعافها
خاف زيد وقال : ابشر ولا يهمك وبعدها ركب السياره كل هذا تحت انظار نادين المتوترة ان مطلق حس او عرف بشي نزلت نادين من السياره
زيد : وين رايحه
نادين دقايق واجي مشت لعند مطلق : مطلق
لف مطلق : سمي
نادين : سم الله عدوك بس شلون الجود
صد مطلق بضيق وهو الي كان ناسيها وذكرته نادين : بخير بخير اكتفى مطلق بالكلمه هاذي ومشى رجعت نادين لسياره
زيد : خلصتي ي الملكه نادين
نادين : ايه خلصت وامش
مشى زيد وهو ناوي يكسر قوتها
نادين بروح الفندق
زيد : مقدر
نادين : بروح الفندق اغير
زيد : قلت مقدر يعني مقدر خلاص لبستس زين وشوله تغرينه
نادين : ياخي رح الفندق خمس دقايق ونمشي
زيد : خمس دقايق بس
نادين : ايه خمس دقايق

:::::::::::::::::::::::::::::::::|
بالقسم عند مجيد
توجهه مباشره لمكان التحقيق دخل لقاها واقفه معطيه ظهرها له كانت حاطه الطرحه على كتفها شاف شعرها الي يوصل تحت ناعم اسود
مجيد : اجلسي
لفت ثم علطول ثم عطته ظهرها لبست الطرحه وتلثمت ضحك مجيد وقال : شفنا وجهك مايستاهل تغطينه
نوره : انشغل بشغلك وانت ساكت
ضحك مجيد وقال: هذاني اشتغل
بدا في التحقيق
مجيد : اخر سوال لما مسكتك كان فيه واحد معك مين هذا
نوره : مالك دخل
مجيد : ماراح ينفعك ذا الكلام مو قلتي انه هو الي اجبرك تسوين هل جريمه وقلت لك عقاب طلق النار على شخص
نوره : سوو الي تسونه ماراح اقولك اي. شي عنه
مجيد : هددك
ناظرته وودها تقوله ايهه: لا ماهددني
مجيد وهو متاكد انه كذب : عيونك تقول غير عن الكلام الي تقولينه
نوره ضحكت وقالت : بلا تفلسف قاعده اكلمك واقول لا خلاص
مجيد : هددك بشخص تحبينه
ناظرته وهي عيونها تلمع وكانت على وشك البكي لفت راسها للجدار وقامت تناظره وقالت : لا
مجيد : ليه تدمعين اجل
قامت نوره بكت وقالت : خلاصصصصصص اييهه هددني هددني باخوي عرفت اخوي الوحيد وقال انه بيقتله لو ماسويت الي يبغاه فهمتتت الحين
مجيد : طيب لو قلتي لي مين هو مارح يقدر يسوي شي لاكن اذا قعدتي كذا وماتبين تقول بتدخلين في اشياء انتي ماتعرفين عنها شي وهو قاتل اكثر من اشخاص انتي كذا تسترين على مجرم تعرفين وش معنى مجرم
نوره: كاسر لقبه جسار آل مسعود
مجيد ابتسم ابتسامه انتصار : اوصفي لنا شكله

::::::::::::::::::::::::::::|
عند بوابه الفندق
زيد : خوذي كرت الفندق واذا خلصتي انزلي
اخذت نادين الكرت ودخلت الفندق شافت نفس الشخص الي تضارب مع زيد جعلطول ضغطت زر الاصنصير وهي تدعي انه مايجيها
زيد كان قاعد على جواله فجاءه تذكر الولد ونزل من السياره  لقاها واقفه /عند الاصنصير جاء لمها
نادين : بسم الله الرحمن الرحيم وش جابك
زيد : وشفيك شايفه جني
نادين : ليه جيت
زيد وهو حالف يوترها : اشوف لبستس بعدين ناسيه اني بحاسبتس
فتح الاصنصير دخلت وهي متوتره وضغطت على الدور الثاني
شوي وفتح الاصنصير طلعو منه وتوجهو لشقتهم فتح الباب
زيد : شرايك نأجلها ونروح بكره مافيني حيل اسوق اربع ميه كيلو
نادين : انت الي بتسوق واهلك بكيفك
زيد : اجل ننام وبكره نروح لهم
نادين توجهت للحمام وتروشت ولبست بجامتها الحرير باللون الاسود وحطت كريماتها وتوجهت لسرير وهي دايخه شافت زيد نايم على السرير
نادين : سلاماااتتت قم قم نام على الكنب
فز زيد مخروش : وش فيه
نادين اشرت على الكنبه ناظر لها ورمى نفسه على المخده وقال : ياخي بنام لو شوي اذا تبين انتي روحي
________________________________
ارحبوووو احس من زمان ماكتبت لي يومين 😭😭 صايره هل فتره ما اكتب كثير  ابغى احلل ام الاجازه بالنوم لان اعرف بيجي كرففف بالدراسه المهم رجعت لكم ببارت حلو وخفيف كذا لا تنسون بس ضغطه زر على النجمه وانتيهنا استودعتكم الله 🤍🤍