صديتك ومن بعد صدي وصالك

بارت الخامس عشر

اول شي صلو على النبي اللهم صلي وسلم على نبينا محمد 🤍
استقرامي : yoopqyw

الساعه ٧الصباح
بالمستشفى
الدكتوره : لازم ندق على اي احد يقرب لها المريضه دخلت بغيبوبه ويمكن ماتقوم منها
السستر: فيه واحد
فيه واحد كان قاعد هنا ينتظرها ثم راح ادق عليه
الدكتوره : هذا زوجها ايه دقي عليه
السستر : تمام راحت السستر تكلم

|::::::::::::::::::::::::
بالمزرعه عند العيال
طلال : مطلق نايم للحين
ياسر : ايه يبه وارجعنا الا الفجر بعد طلعت روح منه
ابراهيم : خلوه نايم قاطعهم صوت مطلق
مطلق : يياسرررر شغل السياره بسرعه
اف عبدالرحمن يخوف : وشفيك ي مطلق الجود فيها شي
مطلق يحاول مايخوف عمه : لا لا يعمي مافيها الا العافيه بس بروح عندي شغله  يلا ي ياسر
قام ياسر بيشغل السياره جاء مجيد لعند ياسر : خلاص اقعد بروح مع مطلق بس عطني المفتاح
عطها ياسر المفتاح ورجع لجلستهم
مطلق: ليه قاعد
ياسر : ماتلاحظ صاير اوامرك كثيره ولا كاني اخوك الكبير
مطلق تنهدت :طيب خلاص عطني المفتاح
ياسر : مع مجيد بيروح معك
مطلق راح وركب السياره
لف مجيد عليه وقال: وين بتروح
مطلق : المستشفى
مجيد : يعني الجود فيها شي
مطلق : مدري دقو قالو تعال يلا حرك
حرك مجيد بعد ربع ساعه وصلو المستشفى
نزلو وراحو للعنايه جتهم السستر وقالت : وقالت تفضلو اجلسو بتجي

::::::::::::::::::::::::::::::::::|
عند الحريم
الجده غزيل : ي ليما وش صار على اختس الجود
ليما: ي جده كل الي نعرفه انها بخير مانعرف شي عنها
الجده غزيل : اجل زين يلا عشان نتسقبل نادين
راحو البنات جهزو نفسهم ثم راحو يجهزون القهوه والشاهي
:::::::::::::::::::::::::::::::::|
بالفندق عند نادين وزيد
قامت نادين من النوم فتحت جوالها لقت رساله من ملاذ : هلا نادين كيفك لا تنسين ماتجين
ابتسمت وكتبت : ان شاءالله بجي وبنشب لكم بعد  قفلت الجوال بعد ما ارسلت الرساله لفت تدور زيد مالقته راحت دوره المياه تتروش بعد ماخلصت حطت كريماتها وحطت مكياج خفيف وخلت شعرها على نفس طبيعته ناعم رفعت نصه بشباصه راحت تطلع لها ملابس استوقفها صوت ضحكه زيد وهو يكلم بالجوال : شفتي كيف خليتك تضحكين وانتي زعلانه مني اضحكي جعل محد يضحك غيرك انصدمت نادين وهو اول يوم اهم من بعض ويكلم بنت مشت نادين من عند زيد لف لها زيد وغير طريقه كلامه : الله يبارك فيك عقبالك ي وحش نشوفك على خير مع السلامه قفل الجوال وقال: صباح الخير متى قمت
نادين ابتسمت له بتسليك : صباح النور تو قمت مين كنت تكلم
زيد : كنت اكلم خوي كان يبارك لي
نادين رفعت حاجب وقالت : خويك طيب قم تجهز بروح عند اهلي
زيد قام وقال : ابشري
قالت نادين بصوت خفيف : بشروك بنار جهنم ان شاءالله
لف زيد وقال : قلتي شي حبيبتي
نادين : هاا لا حبي ماقلت شي
هز راسه بتمام وراح راحت نادين تدق على ملاذ ردت ملاذ وقالت : ارحبيي
ضحكت نادين وقالت : البقىى اقولتس ماعرفتو شي عن الجود
ملاذ : لا ان شاءالله انها بخير المهم انتي كيفتس وكيف زوجتس معتس
نادين : بتعرفين المهم مع السلامه زيد جاء قفلت جاء زيد وقال: من كنتي تكلمين
نادين : وش دخلك
زيد رص على سنونه بقوه وقال: هاتي الجوال
نادين : سلامات تحسبني زيك اكلم بنات الناس وانت توك ماكملت حتى يوم متزوج
زيد : دامتس مو زيي تكلمين عطيني اشوف ليه ماتبين
نادين : تبي تاخذه
زيد : ايه
نادين مدت له ثم طيحته بقوه: اوهه اسفه انكسر للاسف ماتقدر ترضي فضولك الحين
زيد: انتييي تختبرين صبري ولا ايش شكل اهلتس ماعلموتس الادب لاكن انا بادبتس واربيتس
نادين بقرف : انت اخر واحد تتكلم عن التربيه والادب انا ما اكلم ولد في اول يوم زواجي واضحك معه واذا ماتحترم نفسك وتحترمني طلقني
زيد: تبين تتطلقين عشان الناس يقولون بعدين هاذي فيها بلاوي ورجالها من اول يوم طلقها اما انا محد بيقول عني شي لاني رجال
نادين ضحكت وقالت : رجال يكرمون الرجال وكلام الناس مايهمني
زيد: بتشوفين اذا ماكسرت قوتس ذي وتزوجت الثانيه عليتس
راحت نادين تلبس خلصت ولبست عبايتها وطلعت تستناه انتظرت خمس دقيقه عشر ماجاء وقالت بنفسها : وينه ذا ماجاء شوي سمعت صوت وراها
واحد وقال : اوففف وش ذا الزينن انصدمت نادين من قله ادبه مشت استوقفها يد الشخص وقال : وين الحلو رايح عندك رقم صرخ الشخص لفت وهي خايفه من الصرخه لقت زيد خانق الشخص وعروق يده باينه ووجهه احمرر: وششششش كننننتتت تسوي ي حيوان
الشخص بألم: وش دخلك انت فكننيي
زيد : تغازل حرمتي وتبيني افكك والله لا اخلي اهلك يبكون عليك
مشت نادين وهي ترجف مسكت يد زيد وقالت خلاص فك الرجال بيموت
زيد لف غليها وكان شكله مرعب : انقلعي السياره
نادين : سلامات فككه ماني فاضيه اكون متزوجه واحد مسجون بجريمه قتل
هذا زيد وفكه وقال: انقلع واقسم بالله لو شفتك جاي هنا اكسر رجلك فاهم
راح الشخص يركض من الخوف سبقته نادين لسياره ركبت وشوي ركب هو قال : كان انتظرتيني اجي لو ماجيت وش كان راح يسوي
نادين : ماكان راح يسوي شي
رفع زيد حاجبه وضحك وقال : بنسوي نفسنا ماشفنا الخوف الي قبل شوي
نادين : تسذوب امعط على كيفك خفت
ضحك زيد بقوه كان منهار وقال : اهه الله يصبرني عليتس
نادين : غلطان الله يصبرني عليك انت
حرك سيارته ومتجهه للمزرعه
:::::::::::::::::::::::::::::::|
بالمستشفى
مطلق : وينها ذي قالو بتجي ولا جت
مجيد : هذا هي جت
وقفو من جت الدكتوره
الدكتوره : انا الدكتوره مياسه مسؤله عن حاله المريضه الجود الجود دخلت بغيبوبه ويمكن انها طويله ويمكن ماتصحى من الغيبوبه للابد
مطلق : شلوننننن طيب واذا غيبوبه طويله وش بيصير
الدكتوره : احنا بننتظر شهرين واكثر اذا قعدت اكثر من خمس سنين ماصحت بنفصل الاجهزه عنها
مطلق طاح مسكه مجيد علطول : استهدي بالله
مطلق لف لمجيد : و و وش تقول هاذي غيبوبه طويله يعني الجود يمكن تموت
________________
ارحبوووو  كيفكم شخباركم حاولت اكتب لكم بارت طويل بس ذا الي طلع معي الصراحه تعباننههه ويالله كتبت شوي المهم بقولكم شي اول شي الواتباد  مو راضي عني مايخليني ارد عليكم ثاني شي كا روايتي الاولى اكيد بتكون فيها اخطاء كثيره لانها روايه الاولى واتعلم اشياء كثيره فا انتو ركزو على الاشياء الحلوه لا تركزون على الاخطاء بليز لا تنسون تدعموني بنجمه ترا والله ماتاخذ شي استودعتكم الله 🤍🤍