صديتك ومن بعد صدي وصالك

البارت العاشر

حسابي استقرام / yoopqyw
قبل العرس بيوم

قل واحد صحى بحماس ونشاط ومتحمسين للعرس بشكل مو عادي عندد
الجود ومطلق على نفس الحال يوم حلو يوم خايس يوم عادي يوم احبه يوم تكرههه دايم افكر واقول قد ايش انا متناقضه على كثر مازعلني مره احبه ومره تكرهه عند مطلق كان يحس انه يقسى على الجود بس يقسى لان اوقات يتمادى وهو مستحيل احد يقدر عليه وعلى قساوته

الصباح ٩:٠٠
عند الحريم يسوون فطور لهم ووللرجال كلهم متحمسين لعرس نادين بس فيه شي واحد مخرب على فرحتهم حماسهم حظور صالحه وسعيده 
عند الجود قاعده بالدكه ( مكان للجلوس برا) وتفكر عن حياتها وكيف بتعيش مع مطلق وهي انسانه رقيقه وهو قاسي ومايعرف يحن على احد ولا يعرف يتعاطف على ممكن يتغير ولا بتعيش بسوء وكل يوم مشاكل قطع تفكيرها صوت ملاذ : بنت تعالي. افطري
الجود ابتسمت : بالعافيه ي قلبي مابي
جت جلست ملاذ من عرفت انها تهوجس بحياتها وعن مطلق
ملاذ : اسمعي ترا مطلقوه وربي حنون بس مشكلته مايعرف يتعامل مع البنات مايعرف يعبر عن شعوره بس صدق اذا حب فا يحظ الي يحبه لان حب مطلق غير غير عن كل الحب الي بالعالم مطلق اذا حب معد يطالع اي احد بالكون يقعد يطالع فيك انتي لا تخافين صدق هذيك المره ضربك بس لآنك عصبيته وكان بيتأسف منك بس انتي طحتي ونسى الموضوع اهم شي لا تتضايقين
الجود تناظر ملاذ واكتفت بالصمت
ملاذ : ادري انك ماتعرفين وش تقولين بس صدق حاولي تغيرين اسلوبك مع مطلق وشوفي كيف يتغير
الجود : اغير من اسلوبي عشان شخص ليه مو هو مايخفف قسوته ترا هذيك المره يوم قلت الكلام كان يكلم بنت ويقولها كلام غزل وش ذا
ملاذ  ضحكت من فهمت قصد مطلق من الحركه : هههههههههههههه ياغبيه تراها يلعب عليك يبيك تغارين  وانتي فجرتيها
الجود بصدمه : مالقى يخليني اغار الا انا يكلم بنت مع نفسه
ملاذ : طيب وينه الحين
الجود : اخوك ولا اخوي شدخلني فيه
ملاذ : زوجك
الجود : يصير خير
عند مطلق طلع الفجر لشغله صار ضغط عليه بشكل مو عادي اندمج بشغله من ناحيه كاسر ونوره وعن جريمه القتل لقو طرف من الادله بس مو بشكل كامل مسكو واحد مشبوهه ان ساعد كاسر ونوره 
عند الرجال
قاعدين يخططون ويين يحطون الخيام وكم خيمه
طلال: ياسر خذ مجيد وعبد العزيز والليث ورحو لديرها اعزموهم للعرس بكره لا تنسون  قام ياسر والعيال طالعو برا وقفو زي الدائره
ياسر : اسمعو يعيال واحد يروح البيوت الي قريبه من الاسواق والثاني يروح للبيوت البعيده شوي ثنين ثنين يروحون زين كلهم قالو زين  طيب يلا توزعو

عند الحريم
الجدع غزيل : ي الجود رجلتس وينه
ملاذ دقت كتف الجود وهمست : هاه بتقولين وش دخلني فيه
الجود : براسي وش اقول لها مدري
ملاذ : قولي قولي تعطيك هواش محترم وخلاص
الجود :  والله يجده معرف وينه
جده غزيل : ماتعرفين وين رجلتس دقي عليه
الجود : ماعندي رقمه ي جده
جده غزيل : ملاذ عطي الجود رقم اخوتس
طلعت ملاذ جوالها وقالت : ابشري ي جده سجلي عندك ي الجود
الجود : وجع والله ما ادق عليه اذا يبغاني هو يدق ماني بميته عليه
نادين : افهمي لو مادقيتي بيدور غيرك وترا فيه واحد غاصب مطلق يتزوج بنته ومطلق رفض عشانتس
الجود : نعمممم من ذا الي ماعنده كرامه يزوج بنته واحد مايبيها
ليما ضربت يد الجود : عشان كذا اعقلي ودقي علي واهتمي فيه
اخذت  الجود رقم مطلق ودقت وفتحت السبيكر
مطلق : الوو
ضربت ملاذ الجود عشان تتكلمم : الولد يقول الو بسرعه كلميه ي دلخه
الجود : هلا مطلق
مطلق : هلا الجود وش بغيتي
الجود: جدتي تقول وينك
مطلق : اذا كان من جدتي ماني بقايل واذا كان منتس بقول
ملاذ قامت تصفق : هههههه طلع مو هين
سمعاها مطلق : الي عندتس ملاذ
الجود وهي تحس الخجل بياكلها كلها : ايه المهم وينك
مطلق هذاني شوي وادخل الديره تبين شي
الجود : لا سلامتك  قفلت وقامت تركض تلحق ملاذ صرخت ملاذ : النحشهههه يلعن شكلها سريعه وملاذ تركض ووراها الجود : تعالي ي الحماره الي حاطه سبيكر وتحين تتكلمين ي حمار فشلتيني  وقف ملاذ : يبوي عادي الدنيا سهالات قولي له ملاذ اخذت جوالي وقامت تسمع كلامك
الجود : حسبي الله عليك ي ملاذوه
ملاذ : امشي امشي نرجع
رجعو قالت الجده غزيل : وراتس ي الجود تلاحقين ملاذ وش بلاكم مهبل انتم ماعندكم عقول
الجود : لا يجده بس ملاذ اخذت شي. وركضت وراها عشان اخذه
رهف : الله يصلحكم
عند العيال
جاو عند المكان الي محددين يجونه اذا خلصو
طحت على بعض ياسر: انا خلاص انتهيتت ظهري يوجعني بشكل مو عادي
مجيد : مسكني شايب يقلع شكله مايسكت
ضحكو العيال ياسر : شسمه
مجيد : ابو عبدالله
ياسر : للحين عايش من بعد كلامه ذا اذا تكلم مايسكت لا اله الا الله
الليث : يعيال باقي بيتين انا انتهيت والله
عبد العزيز : شرايكم نسحب عليهم
ياسر :  عشان ابوي يسحب راسك وراسي معك  يعيال ذي. مو سياره مطلقوه
مجيد : اخوك ولا اخونا وشدرانا
وقف مطلق وفتح الدريشه: وش تسوون
ياسر : نعزم الديره على عرسك وانت ياقليل الادب. مرتاح
الليث : يعيال خلو مطلق يروح للبيتين
ياسر : جبتها هيا مطلق رح
مطلق : اي بيتين
ياسر : بيت ابو سالم وابو سعد
مطلق :بيت ابو سالم لو تقصون رقبتي ما اروح له
ياسر : عشان ذيك النشبه
مطلق : الله يقطعها من نشبه صدق
مجيد : وش السالفه
ياسر : اركبو السياره واقولكم ركبو السياره
عبد العزيز : يلا قل
ياسر : اسمعو ذا شايب اسمه ضعيان عنده بنت وولد بس ولده مات المهم وضعيان يبي يزوج بنته راح نشب لمطلق وقام يتكلم عليه بس عشان يتزوج بنته ويستر عليها ومطلق. رفض وبس
الليث : ياكبدي
مطلق وقف سيارته : يعيال واجد منكم ينزل معي عشان لا ينشب بي
ياسر : افا ي الرخمه تبي احد يروح معك وانت رجال
مطلق : كل تبن واقعدو بنزل دقايق وجاي
طق مطلق الباب فتح ضعيان : السلام عليكم ي عمي كيف حالك
ضعيان:وعليكم السلام ي مطلق شخبارك
فزت صيته من سمعت اسم مطلق  ووقفت ورا الباب
مطلق : الحمدالله بخير المهم ي عم انا جايك اعزمك على عرس اختي وعرسي بعد اسبوع
ضعيان : وشوو عرسكك من مين ان شاءالله
مطلق : الحين انت تركت نص الكلام وركزت على عرسي
ضعيان : وش عرسكك مو انت ببتزوج بنتي صيته
مطلق : من قال ذا الكلام
طلعت صيته وهي بس عليها طرحتها وماغطت وجهها : بتتزوج ي مطلق وتتركني 
صد مطلق : يلعن شكلكتس انتي ماتستحين قبل لا تتكلم ي ضعيان رب بنتك ذي
سحب ضعيان بنته من شعرها: انتي ماتنتخين يوم تطلعين وانتي كاشفه
صيته بصياح: يبه يبه مطلق بيتزوج بيتزوج وانا ابيه
ضعيان بصراخ : انقلعي ي كلبه انقلعي داخل
ركضت صيته داخل وهي تبكي : والله ماخليه يتزوج والله هو بيصد مني بس بيوصل لي بعدين ما اكون صيته اذا ماخليتني الزوجه الثانيه على ذيك
رجع مطلق لسياره تحت صدمه العيال
مجيد : يساتر ذي شلون طلعت كذا عادي
مطلق بصراخ : ايهه لانها ماهي متربيه قليله الخاتمه

_________________________
ارحبو حبايبي كيفكم رجعت لكم ببارت لطيف شرايكم بصيته🤣
توكم ماشفتو شي منها بجيبكم بارتات بتنقهرون من صيته المهم استودعتكم الله 🫶🏻