صديتك ومن بعد صدي وصالك

البارت الثامن عشر

ركب السياره ودق على مطلق المره الاولى والمره الثانيه مارد مشى للمستشفى
:::::::::::::::::::::::|
نبعد بعيد
يلا شوي ونبدا المداهمه دق التحيه ابتسم مهار: استرحح الحين انت ي مطلق بتتولى عشر الاف مقاتل وانا متاكد انك قدها
ابتسم مطلق وقال : ان شاءلله اني بكون قدها
مهار : ان شاءالله
مشى لغرفه وهو منهلك لبس درع الحمايه ومشى متوجهه بالمداهمه قابل رفيق دربه ويده اليمنى نمر ابتسم من شافه ضمو بعض : ارحبب ي الله انك تحييه ي نمر وينك مختفي من زمان ماشفتك
نمر : البقى ي مرحب انت الي وينك مختفي كل ماسالت عنك قالو ماجاء
حك مطلق راسه : تعرف اشغال وصرت مرتبط خلاص
نمر : اخس اخس تزوجت
ضحك مطلق : ابشرك
نمر: ماشاءلله مبروك مبروك
مطلق : الله يبارك فيك عقبالك
نمر: وينها وينها لو جت والله معد تشوفون وجهي
مطلق ضحك : ورع وش بلاك
ضحك نمر : حضكم تحب وعندك زوجه تدلعك وانا لا
لف مطلق من سمع اسمه اللواء مطلق ؟ : ايه
معك العقيد بتال
مطلق : والنعم
بتال : والنعم بحالك بس سمعت انك حوش السلك العسكري والكل يهابك هنا استغربت عاد هذا شكلك ويهابون منك
ضحك نمر وقال : شكلك تبيه يدق وجهك عشان تشوف الحوش الي بداخله
مطلق : عدل اسلوبك للمراجل ثم تعال كلمني
بتال وهو حالف يرفع ضغط مطلق: شلون الجود بنت مطلق ان شاءلله قامت من الغيبوبه
شد مطلق على يده الي حمرت وبانت عروقه : اقسم بالله لو ماانقلعت لا ادفنك هنا فاهم
نمر: مطلق هد ذا باين يبي يرفع ضغطك اسحب عليه ذا البزر
بتال : يقولون انها انطعنت
ما امداه يكمل كلامه الا حس بيد تخنقه شد مطلق على رقبة بتال بقوه ونمر يحاول يفكه ماقدر : مطلققق اتركه ي مطلق لا تدهور نفسك بنفسك ي مطلق اتركهه شد زياده على رقبه بتال ورفعه على الجدار وقال بعصبيه وصوته المخيف : لا تحاول تطلعني من طوري ي بتال لا تحاولل فكه وطاح بتال وهو يكح ويحاول يتنفس راح مطلق متوجهه لمكتبه لحقه نمر : ي مطلقق بغيتت تذبحه ليهه
مطلق : الي يجيب سيره زوجتي على لسانه يموت فاهم ي نمر يموت
لف على جواله اخذه شاف اتصالات كثيره من مجيد استغرب دق عليه

::::::::::::::::::::::::::::::::::|
عند مجيد وصل المستشفى راح للاستقبال يسال عن غرفه الجود بعد ما نقلوها لغرفه عاديه من صحت وصل عندها شافها صاحيه ضخك: ارحبي واخيرا ي الجود صحيتي
ضحكت الجود : مجيددددد اشتقت لك
مجيد وهو يمسح دموعه : اكثر ي روحي والله اني اشتقت لتس
الجود : لا تبكي ي حبيبي انت هذاني بغير الا بسالك انا كم لي دخلت بغيبوبه
مجيد قعد : لتس ي طويله العمر خمس شهور وست ايام
الجود : هاههه خمس شهوررر
مجيد : ايه نعم
الجود : يمه مااتذكر شي
مجيد : لانك داخله غيبوبه وش تتوقعين !! رن جوال مجيد ابتسم وغمز للجود : الحب يدق
حست بحراره وارتجفت من زمان عنه ومن زمان ماسمعت صوته ولا شافته نست ملامحه الي تحبها : عطني الجوال برد مد لها الجوال مسكته بتوتر ردت وقالت : الوو

عند مطلق توقع غلطان قفل بسرعه ثم رجع يناظر رقم مجيد! رجع يدق عليه ردت عليه وقالت : الو مطلق تسمعني
سكت شوي من عرف الصوت حب حياته الي ضعيت قلبه وهزت كيانه الي انهار يوم شافها الي حبها حب ماقد حبه وهو ماكان يعرف وش الحب ولا كان يحب الحب كان بنسبه له الحب يدمر الانسان ويضعف الانسان وهذا هو دمر نفسه وضعف : ال .. الجود
الجود : ايه
مطلق : متى صحيتي
الجود : قبل شوي وينك انت
اشر لها مجيد انه بيطلع شوي وبيرجع هزت راسها بتمام
مطلق : عندي مهمه اذا خلصت برجع الحين مشغول
انصدمت الجود من قفل الخط بس كذا حتى الحمدالله على السلامه ماقال كلمه اشتقت لك ماقال ولا عبرها ولا قال لها شي ليه
شوي ورجع مجيد وشافها ترجف من العصبيه : الجود وشفيتس
الجود : ابي اطلع
مجيد طير عيونه : توك طالعه من الغيبوبه وتبين تطلعين كذا علطول
الجود : مجيددد ابي اطلععع مابي مابي اقعد بالمستشفى طفشت خلاص بطلع
مجيد : مااقدر اساسا ممنوع
الجود : هربني
مجيد : نعممم
الجود : ايه هربني اذا صدق تحب اختك هربني مابي والله ضاق خلقي هنا
مجيد : صاحيه انتي ماكملتي خمس ساعات صاحيه من الغيبوبه اقول اجلسي هنا بمكانتس وخلتس
الجود : وربي ي مجيد اسوي لك الي تبيه بس طلعني
مجيد : خمس دقايق افكر
الجود : تكفى يلا
مجيد : قومي اساعدتس لاكن لو ابوي هاوشني وربي لا اجلدتس
الجود : تم تم ماعليككك قامت ولبست عبايتها ونقابها وطلعت
وصلو لسياره دق جوال مجيد لف على الجود بتوهق وضرب راسه : الله ينكبك الحين وش اقولهم ارجعو هربتها
الجود : ماعليك ماعليك رد رد
رد مجيد : هلا يبه
عبد الرحمن : ترانا بالطريق عند الجود انت
مجيد حك راسه : لا يبه قريبين من البيت احنا
عبد الرحمن : وشوو شلون جايين طلعو الجود وشلون يطلعونها الحين وهي توها طالعه من الغيبوبه
مجيد : هربتها
عبد الرحمن بعصبيه : ي سربوت حمار انت تهرب اختك رجعه اقول رجعها المستشفى
الجود بصوت عالي : لا يبه مابي هذاني بخير
عبد الرحمن زفر بعصبيه : اذا جيتو يصير خير ي مجيد
قفل الجوال قال مجيد للجود : وربي ي الجود انك لا تنجلدين
الجود : وجع  تراني تعبانه
مجيد : اركبي اركبي بس وانتي ساكته
ركبو بالسياره توجهو للبيت
::::::::::::::::::::::::::::|
عند ليما دقت على يارا تكلمها
ليما: الو
يارا : هلا والله
ليما : اهلينن كيفتس
يارا: بخير الحمدالله انتي شلونتس
ليما : بخير اسمعي بنسوي حفلة عشان سلامه الجود
يارا : صدققق الحمدالله على سلامتها
ليما : الله يسلمك المهم اليوم باليل بنتجهز وبنشوي ونسوي لها مفاجاءه
يارا : تممم
ليما : لا تنسين تقولين لنادين وملاذ وسديم ولين
يارا : ويننن نادين مو بالديره
ليما : خلي ملاذ تحاول فيها
يارا : تم تم
ليما : يلا اشوفكم باليل
يارا : ان شاءلله
:::::::::::::::::::|
وصلو مكان المشكوك فيه
نمر : هذا المكان فيه مسلحات غير قانونيه ومتفجرات ولازم ناخذ حذرنا لان ممكن فيه فخ لنا
مطلق : تعرف اذا فيه اشخاص ولا لا
نمر: الي اعرفه عند البوبه ثنين
مطلق : احد يقدر يروح لمكان يبين كم شخص داخل ويرجع يقول لنا
بتال : انا بروح
مطلق ناظره بشك : وانت تقدر انك ماتجيب لنا مصيبه
بتال : ليه مستهين فيني
مطلق : تجيب كلام من راسك
نمر: خلاص روح ي بتال وانتبه
مشى بتال لمكان مرتفع وشاف اكثر من ٢٠ شخص شغل الجهاز لاسكلي قبل لا يقولهم خطر عليه فكره شيطانيه ضحك وقال نشوف من الي بيستهين بثاني شغل الجهاز وقال : تسمعوني
مطلق : ايه
بتال : فيه عشر اشخاص بس
نمر : حدد لنا مكانهم
بتال: اربع عند البوابه الداخليه وثنين عند البوابه الخارجيه واربعه وعند البوابه الي ورا
مطلق : زين يلا تعال
بتال توهق وقال: انت نشبت رجلي بحاول اخرج واجبكم
مطلق اشر للي وراها يتوزعون طلع المسدس وتاكد من عدد الرصاص
اشر لنمر : اسمع انا وياك من البوابه الي قدام ماراح نستخدم مسدس عشان ما يهربون لاكن اذا شفت انك بخطر استخدمه علطول بدون ماتفكر حتى
نمر هز راسه بتمام
مشو شوي شوي صفر نمر عشان يلفت انتباه الشخص اول ما لف الشخص ضربه مع راسه واغمى عليه ركض الشخص الثاني عند نمر وحط مسدس على راسه ضحك نمر وقال : جيت للموت برجلك ضربه مطلق على طول طاح ضحك نمر وقال: لو متاخر ثانيه يمكن اموت
مطلق : اعجل الوقت عشانك ي الحب
نمر ضحك : يلا الي داخل
مطلق : اشهد ان لا اله الا الله واشهد ان محمد عبده ورسوله
نمر : يخرش مخك وش فيك تتشهد ان شاءلله ماحنا ميتين
مطلق : ماتدري يمكن تموت ويمكن لا
دخلو الباقين من ورا ومطلق ونمر من البوابه الرئيسيه
صار اشتباك وهم يطلقون عصب مطلق وقال : الله ياخذ عقله هل بتال لعب علينا وقال فيه عشره
نمر سحب مطلق : مطلققق انتبهههه ..... مطلق مطلق فيك شي
مطلق بألم : دخلت بذراعي
نمر : ننسحب
مطلق : لاا مافيني الا العافيه شغل الجهاز لاسكلي لا تستسلمون ابد طرحنا خمسه يالله
سمع الردود من  ابشر طال عمرك ... ان شاءلله ..... ماراح نطلع الا وحنا قاضين عليهم
مطلق : الله يقوينا
:::::::::::::::::::::|
وصلو البيت شاف عبد الرحمن واقف عند الباب ومعصب
مجيد : حسبي الله ونعم الوكيل
الجود ضحكت : هههههههههه الله يعينك
اول مانزل من السياره ضربت راسه جزمه : اههه براسي ليه ي يبه وش سويت
عبد الرحمن : عشان مره ثانيه ي حمار ماتهرب اختك من المستشفى
مشى يبوس راسه : ابشر بس وشفيك صاير قاسي
عبد الرحمن : يلا يلا داخل وانتي حسابك عندي
الجود : بدال ما تستقبلني بالاحضان تهاوشني انا اقول احسن ترجعوني المستشفى
مجيد : تراك ازعجتينا انقلعي للمستشفى
الجود : يبهههه شف ولدك ذا
عبد الرحمن : ياولد اترك اختك
جاء عبد العزيز ضم الجود وقال : ارحبي ي دهر قلبي
لف مجيد للجود بصدمه : ذا عبد العزيز
لف عبد العزيز : لا مهند ههههههههه
عبد الرحمن : تنكد انت ووجهك
سكت عبد العزيز وقامو يضحكون
عبد الرحمن : يلا يلا ادخلو
دخلو داخل  شافت الجود امها تبكي جت ضمتها : هذاني موجوده ليه تبكين
حصه وهي تمسح دموعها : خفت افقدتس
عبد العزيز ضم مجيد : اهه ي اخوي اني احبك كثير
مجيد : وش بلاك انت مرجوج تراني مو حبيبتك انقلع مناك
مسك راسه مجيد من الجزمه الي جته من امه : يا يمه انا من وين القاها منك ولا من ابوي بس تستقبلوني بالجزم تراني انسان اضربو ذا المرجوج
جت ليما تركض بالدرج
عبد العزيز : واو البارده صارت تركض لازم نحتفل
مجيد : اسكت لا اصنك
عبد العزيز : انطم انطم اكبر منك وتجي تسكتني
ليما : انطمو كلكم جودييي اشتقت لك
ضحكت الجود اكثرر والله
الجود : خلاص انتهاء وقتي بروح انام
ضربتها حصه مع يدها : ماتقولين انتهاء وقتك بسم الله عليك
الجود : ابشري بروح انام شرايتس كذا
ضحكت حصه : ايه كذا زين
سحبت ليما الجود وراحت فوق وصلت الغرفه حقتهم ودخلو اسمعي اليوم باليل فيه حفله بس للبنات
الجود : مناسبه ايش
ليما : انك صحيتي بالسلامه
الجود : طيب ماعندي شي البسه
ليما : الا طلعت لك فستان ابيض يجنن
الجود : حلو خلاص بنام وقوميني المغرب
ليما : تمام
::::::::::::::::::::::::|
شخص : طال عمرك طرحناهم كلهم
مطلق : تمام لا يبقى ولا سلاح موجود بالمخازن ولا شي حتى المتفجرات
شخص : ابشر
نمر : مطلق يلا
مطلق : لا بنروح بعد مايخلصون
نمر : مطلق انت مصاب صحصح وقاعد ينزف
مطلق : خلاص ي نمر
نمر : ماراح اتركك الا لما تجي معي يلا
مطلق : امش امش
نمر : وبتال هذا بنروح نلعن شكله
وصلو للمعسكر ونزلو
نمر : امش نروح نشوف جرحك
مطلق بألم : مافيني شي
نمر : مطلققققق شوف وجهك شفه انت يالله تتكلم
طاح مطلق من بعد ماحس بدوخه قويه
مسكه نمر وصرخ : تعالووو ساعدوني يلا
ودوه مستشفى المعسكر
قام مطلق وراسه مصدع ونظره مغبش قال بتعب : انا وين
الدكتور : بالمستشفى ... لو سمحت تقرب للمريض
نمر : ايه اخوه
الدكتوره : الحمدالله على سلامته وتراه قام بي يخلص المغذي وتطلعون
نمر : تمام يعطيك العافيه
الدكتوره: الله يعافيك
دخل نمر وشاف مطلق: الحمدالله على سلامتك ي حمار
مطلق ابتسم : الله يسلمك بس لو قلت حمار مره ثانيه بدوس على وجهك
ضحك نمر : ابشر
مطلق : ابي اطلع
نمر : وين اطلع اقعد لين يخلص المغذي وتطلع وترا قلت لهم كل شي صار ومسكو بتال وطردوه وانت اخذت اجازه
مطلق : ناد الدكتوره
نمر: ليه
مطلق : ناد الدكتوره بسرعه
نمر راح ينادي الدكتوره جت : تفضل
مطلق : شيلي هذا عني
الدكتوره : لازم يخلص المغذي كامل
مطلق بعصبيه : قلتتت لكك شيليه
الدكتوره خافت : طيب بشيله اهدا
شالته قام وطلع لحقه نمر وقال : انت وش فيك بتتعب نفسك كذا اهدا ياخي
مشى متوجهه للمكتب اخذ جواله ومفتاح سيارته وطلع توجهه للبيت
:::::::::::::::::::|
المغرب
ليما : الجودد يلا قومي
الجود : طيب روحي
ليما : ترا الحفله ببيت عمي طلال
الجود : طيب
قامت الجود اخذ ملابسه وراحت تتروش بعد ماخلصت طلعت وخلصت دق جوالها وتنشف شعرها : ليما بالله شوفي من يدق
شافت ليما الجوال ضحكت وقالت: من تتوقعين
الجود : من
ليما : حبيب القلب
الجود : خلاص اتركيه
ليما : ماراح تردين
الجود : برد بس شوي
راحت ليما تضبط مكياجها والجود تزين شعرها سوته فير وراحت تضبط مكياجها الجود : وان يهبل شكلك
ليما : والله
الجود : ايه والله يجنن
ليما : حبيبي انتي يلا بروح البس
راحت ملاذ وقعدت الجود اسوي ميكب خفيف خلصت وهي مقتنعه بشكلها كانت ملفته بمعنى الكلمه راحت تلبس فستانها الابيض كان مفتوح من عند الصدر وكمه طويل وفيه نفخه خفيفه من عند الاكتاف وماسك على الجسم وقصير جملته اكثر بعقد الماس بسيط وخاتم زواجها
طلعت ليما بعد مالبست ناظرت الجود بإعجاب وقال : واو امداك تلبسين
الجود : شرايك
ليما : يهبللل
ضحكت الجود بخجل قالت : يلا الساعه ٧
ليما : بنجلد قلت لهم بنجي سته
الجود : بلبس عبايتي واستناك بسياره
ليما : طيب
نزلت تحت وشافت عبد العزيز ومجيد قالت : مين بيودينا
مجيد : انا استبعدوني مافيني حيل
عبد العزيز : انت دايم مافيك حيل يلا انتظركم برا
::::::::::::::::::|
عند مطلق وصل للبيت سلم على امه وابوه وشاف ملاذ تجهز وقال: وش تجهزين
ملاذ : اوو الحمدالله على سلامتك وشفيك
مطلق : تصاوبت المهم بيجي احد
ملاذ : ايه الجود ونادين وسديم ولين ويارا
مطلق : طيب انا بغرفتي
ملاذ : زين
شوي ودق الباب فتحت دخلو سديم ولين ابتسمت ملاذ : هلا والله
سديم : اهلين كيفتس
ملاذ : بخير ارحبي لين
لين : البقى ي مرحب
يارا من وراهم : انا جيت
ملاذ : ارحبي كيفتس
يارا : الحمدالله بس بتطولون رجلي توجعني
لفت يارا من سمعت صوت سياره : هذولي الجود وليما جو
عند عبد العزيز : هاذي مين الي واقفه
ليما : يارا
عبد العزيز : طيب انزلو
نزلو البنات ولفت يارا تسلم عليهم جت عيونها بعيون عبد العزيز ابتسم عبد العزيز وغمز لها توترت وقالت خير
الجود لفت : بسم الله وشفيك
يارا : هاه ولاشي
الجود بشك: اها طيب ادخلي
دخلو البنات وقعدو يسولفون ويضحكون راحت ملاذ تجيب موياء
دخلت المطبخ صرخت بسم الله
مطلق : وش فيك انتي
ملاذ : خرعتني
مطلق : اسمعي نادي الجود فوق عساس بتعطينها شي
ملاذ : ليه ماتدق عليها
مطلق حك راسه بتوهق : ناديها وبس
ملاذ : قول انها ماترد عليك بعدين احد ما يسلم على زوجته ويعطيها هديه بعد ماصحت من غيبوبه وش ذا انت جدار
مطلق : ملاذ ناديها وانتي ساكته
ملاذ : ميتين واناديها
مطلق : طلع من جيبه بوكه وفتحه
ملاذ استغلت: واو انا اشوف زرقاء
مطلق : اقول حدك ميتين
ملاذ : اجل دورك لك احد يناديها
مطلق : امسكي حسبي الله
ملاذ ضحكت : ايه يلا الحين اقدر اناديها
مشت ملاذ وجت عند الجود وقالت بهمس اسمعي باخذ رايك بشي
الجود : وشو
ملاذ : شريت عطورات تعالي شوفيها حلوه ولا
الجود : طيب امشي
راحت فوق ودخلتها غرفه مطلق
الجود : هاذي مو غرفه وحده من اخوانك
ملاذ : اءءء
الجود : حمار انتي اخلصي
راحت ملاذ من شافت مطلق ورا الجود وهي مو منتبهه له : باي
الجود كانت بتلحقها بس استوقفها يده لفت من شافت مطلق توترت كثير
وماعرفت وش تقول قرب منها زياده حاوط خصرها بهدوء وقال : ما اشتقتي لي
الجود بخوف : م .. مطلق بعد
شد عليها مطلق زياده استنشق عطرها وقال : اشتقت لك ي الجود
الجود بدموع : الي يشتاق مايدق مايسال
مطلق : انا اسف
الجود : مطلققق بعد خلاص اذا ماتبيني اكرهك بعد تكفى
شد عليها زياده تالمت الجود حاولت تبعد ثبتها زياده وقال : تبين توجعيني
الجود : ايه ابي اوجعك عشان تبعد
مطلق بعد عنها بهدوء وقام يناظرها توترت من نظراته المهيبه بنسبه لها ماتعرف اذا هو زعلان ولا فرحان ولا معصب ولا تفهم عليه قام يناظرها من فوق لتحت رفع حواجبه: طالعه لهم كذا
الجود : ليه
مطلق : ذا بس تلبسينه عندي انا
الجود : واثق ماشاءلله
قرب منها مطلق وقبلها بهدوء ورجع يناظرها
توترت وحست بحراره مو طبيعيه ضحك من شاف وجهها احمر ومتوتره
ابتسمت وعلطول طلعت من الغرفه شلون لعب في موازينها كامله ضبطت ونفسها ودخلت ناظرتها ملاذ بشك : وشفيك
الجود : انتي او تكلمتي زياده بسطرك
ملاذ : هههههههه وشفيك متوتره ووجهك محمر
الجود: انقلعي عني
ملاذ : اها طيب خلاص بعدين عطيه وجه المسكين
الجود : اسكتي اسكتي بس
عند مطلق نام وهو مروق وسعيد جداً ويتمنى ذا اليوم ما يروح للابد

:::::::::::::::::::::::::::::::::::::::::::|
ارحبو حبايبي كيفكم رجعت لكم ببارت يجنن ويهبل ولذيذ ومره جميل😭 المهم لا تنسون النجمه عشان ما ازعل عليكم  المهم تراني انزل كل ثلاث ايام او اربعه مقدر انزل يوم ايه ويوم لا فاء موعدنا كل ثلاثاء او خميس ان شاءالله استودعكم الله 🤍🤍