صديتك ومن بعد صدي وصالك

البارت الخامس

بالطريق عند عبد العزيز ومجيد سيارتين
وصلو لديره عبد الرحمن كان مندمج وهو يناظر الديره ومن زمان عنها
عبد العزيز : يبه وين اروح
عبد الرحمن : رح رح بيت ابو ياسر
عبد العزيز ابشر بدق على مجيد يجي ورانا
وصلو بيت ابو ياسر استقبلهم ابو ياسر بترحيب قوييي
ابو سعود : ي هلا ومرحبا ارحبوو تو زانت الديره 
عبد الرحمن ضحك وقاال: ي هلا ي بو ياسر وش علومكم عساكم بخير
ابو ياسر   : والله بشوفتكم صرنا بخير واحسن
عبد الرحمن : يالله لك الحمد
ابو ياسر  :قلطو القهوه ي ياسر خلهم يجهزونها
خليني اعرفكم على ابو ياسر وعائلته
ال سَلمّان
طلال ابو ياسر /  50  انسان قاسي الا على بناته وصلب يحب الرجال الحركي مايحب الي يقعدون يحب يخلي عياله يذبحون الذبايح عنده محل بديره محل ذهب معروف هيبته بالديره عنده مزرعه يروح لها بشهر مره  هو عبد الرحمن الروح بالروح من يومهم اخويا واكثر بس الظروف فرقتهم وراح عبد الرحمن وابراهيم للمدينه بعد ما عرفو بشركه ابوهم

رهف ام ياسر / 46 معروفه بالكرم والطيب والجمال غير اخلاقه الجميله زيها انسانه جنونه لابعد حد عكس زوجها القاسي

ياسر / ٢٦ الاخ الاكبر عنده كل الحنان انسان فلاوي دايم يقولون الاخ الاكبر عاقل الا هذا العقل يمين هو يسار مايحب ضيقه الخلق ولا يعرف يتعامل مع المشاكل ولا له بالمشاكل بس الله يعينهم اذا عصب يقلب وحش

مطلق / ٢٤ لواءاغلب الي بالديره يعرفون رجولته وهيبته وناشب له شايب بالديره غصب ياخذ بنت بذات انو شايب زوجته ميته وماعنده الا بنته الوحيده بتعرفون من. هم وانسان قاسي وماله بالحب ابد ولا عمره فكر بزواج  وسيم الوجهه وحاد الملامح الجذابه

نادين /٢٣  الاخت الكبرى جميله الملامح وحاده الطبع مغرمه بالرسم والتفاصيل المليانه ورد وزهور مخطوبه من زيد عمره ٢٦ سنه

ملاذ/ ٢١ البنت الصغرى لــ ابو مطلق دلوعه العائله بالاخص دلعوه ابوها طلال مستحيل يقسى على بناتها وعليها بالاخص صدق مجننته لاكن عنده مكانه بقلبه لها ملسونه ومجنونه بنفس الوقت دايم احارش نادين والي يدقها بالكلام تدق راسه

عند ام ياسر قامت ترحب فيهم ودخلتهم
ام ياسر : هلا ومرحبا وشلونتس ي حصه عساتس بخير
حصه : بخير ي رهف انتم شعلومكم والله لكم وحشه واخيرا جينا الديره
رهف: اي والله اخيرا تو مانورت الديره
حصه : بنورك الا وين البنات
رهف الحين بيجون ي ملاذ نادين تعالو سلمو على عمتكم
نادين وهي بالمطبخ ابشري يمه جت وهي معاها قهوه سلمت عليهم ثم صبت لهم وقامو يسولفون عن الديره
حصه : الا ي ملاذ ونادين بسم الله عليكم كبرتم وحلويتم
ملاذ : ي حياتي ي عمه والله انتي الحلوه
حصه :هههههههه ياحلوك
الجود بدقه كتف لليما وبهمس : اسمعي احس يع ماحبيت نادين وملاذ
ليما: حرام عليككك وربي. انهم كيوت
الجود : انتي الوحيده الي تحسين كيوت سري بس بروح اكلم سديم اشوف وين وصلو
ليما: ايه بالله روحي فكينا منتس
قامت الجود وراحت مكان مافيه احد
بنفس الوقت مطلق كان بيروح غرفته والمكان الي واقفه فيه الجود جنبها غرفته كانت الجود مشغوله ومطلق يركض فجاءه صقع فيها
مطلق : وجععععععع
الجود : بسم الله وركضت
مطلق ماقدر يغض البصر من جمالها كانت فعلاً جميله كانت لابسه مخليه شعرها البني الحرير تحت اكتافها وحاطه مكياج خفيف ولابسه بلوزه احمر حرير عند الرقبه فتحه واسعه شوي وتنوره احمر حرير كانت بقمه الجمال
جاء ياسر وطق مطلق مع كتفه يالاخو ابوي معصب ترا متوعد فيك لو ماجيت بيرنك رن
مطلق وباين وجهه مختبص : خلاص ي الورع جاي
ياسر كمل طريقه ثم وقف ينادي
ياسر : ي ملاذ ملاذ
ملاذ: هلا يلا جايه
ياسر :  دوتس ( امسكي)  صلحي قهوه ثانيه اخلصي علينا
ملاذ : مافيه لو سمحتي على الاقل
ياسر : اذا صلحتيها افكر اعطيتس وجهه
ملاذ : بالله سري امها
ياسر راح وهو يضحك ودخل عند الرجال لقى مطلق قاعد يهوجس ومهند وعبد العزيز يسولفون
ابو ياسر وهو يسولف على ابو عبد العزيز عن سالفه صارت بديره
ابو ياسر :  الا يابو عبد العزيز ماسمعت بسالفة ابو سعود
ابو عبد العزيز : اي سالفه
ابو مطلق : واحد بديره كان وقتها زواج بنته وكان بالمدينه عشان اغراض الزواج وبطريق سوو حداث ومات هو عايلته مابقى احد
ابو عبد العزيز : اعوذبالله الله يرحمه ويغفر له
ابو ياسر : ام قاطعه دخول ابو الليث والليث
ابو الليث السلام عليكم
كلهم فزو
ابو ياسر : ي هلا وي مرحبا اقلطو قامو يسلمون سلام حار على بعض
ابو الليث : شلونكم عساكم بخير
ابو ياسر : الحمدالله بخير
عند الحريم على دخول ام الليث
قامو يسلمون على بعض وعند سديم والجود يضمضمون بعض لين ماجت ليما وضربتهم ثم فكو بعض وهم يضحكون وقعدو يسولفون وجت لين تضحك وتضم الجود بعذ ماسلمت عليهم كلاهم وجلست عند امها وعلى جوالها
ام ياسر : شلونتس ي جميله
ام الليث : الحمدالله بخير ي زين الديره بس راحه
ام ياسر : اي والله انها تفتح النفس غير المزرعه الي عندنا لازم لازم بكره ولا بعد بكره نروح لها تفتح النفس
ام عبد العزيز : خلاص خلوها بعد بكره
ام الليث : صح ي رهف عرس نادين متى
ام ياسر : بعدد اسبوع
ام الليث : ماشاءلله مبروك
نادين من بعيد : الله يبارتس فيك ي عمه
عند البنات
يسولفون وبدو يمونون على بعض
الجود : نادين وش شعورك وانتي خلاص بتتزوجين
نادين : والله حلو بس يخوف وبذات مسؤليه وحوسه
ملاذ : بنات بنات تخيلو وش صار بشوفه وش سوت نادين
الجود وسديم بحماس : وش سوت
ملاذ : تخيلو يوم خلاص بتتدخل وابوي قدامها مسكته وقالت خلاص امزح مابي اتزوج والرجال يسمعها وماسك ضحكته بالاخير جاء مطلق دخلها وسحبها غصب ولو تشوفونها يوم طلعت ماسكه دموعها وقامت تهاوش مطلق
البنات ضحكو
سديم : والله مالومها الصراحه يخوف الوضع لو اني مكانها بكنسله صدق
الجود : تسوينها والله
قامو يضحكون ثم قالت ليما لجود بهمس
ليما: هاذي الي تقولين عنهم كريهين ي الظالمه
الجود : لحظه جهل لحظه جهل
بعدين كلمو سوالف وقامو يسولفون عن وحده
بنات تدرون اننا عندنا عم ويصير خال الجود وليما سديم من الرضاعه
ليما : اما عاد ذا من وين طلع
نادين : تدرون وشو الصدمه
الجود وليما وسديم بصوت واحد قالو : وشش
نادين : زوجته ماتت يوم ولدت بنتها وقعد فتره بالديره وماقدر يقعد فيها لان توظف بشركه و بنته كبيره ودكتوره بعد
لميا: ي عمري عليها الله يرحمها
كلهم قالو بصوت واحد : امين
الجود : طيب وش تخصصها
نادين : قبل ذا كله البنت نص الديره تتكلم عنها وعن جمالها البنت جميله يوم انها صغيره يقولون تقوم القمر وتقعد مكانه
سديم : اوف لهدرجه
ملاذ : اي والله الكلام عليها كثير بس الحين كبرت وتراها بتجي عرس نادين
الجود : واو تحمست اشوفها الصراحه
نادين : حتى انا بس فيه علتين بيجون العرس
ملاذ : لا تقولين ريا وسكينه
نادين : للاسف ايه
ملاذ: شفتي لو تكلمن كلمه وحده كل وحده عطيتن كف يطير راسهم الي. كانه برميل زباله
قامو البنات يضحكون
الجود : شسالفه ريا وسكينه
ملاذ وهي تعدل جلستها
نادين : دام ملاذ عدلت جلستها اعرفو فيها حش وكلام قوييي
ملاذ : اسمعو ي طويلات العمر ثنتين من بنات الديره كريهنننننن لابعد حد محد يطيقهن ومسوين نفسهم هم الكشخه وهم اخيس ناس في الديره  ولو غارن من وحده يعطونا بذيك النظارات لدرجه مره خربو زواج وحده
ليما: ول ول خربو زواج وحده
ملاذ : ايه طلعو عند خطيبها انها تكلم عيال وتطلع معاهم والبنت هاذي مافيه احسن منها واخلاقها عايله بس خطيبها علطول سمع كلام البنتين وفصخ الخطيبه وتكنسل الزواج عشان كذا
سديم : الحين هم اسمائهم ريا وسكينه
ملاذ: لا لا بس انا سميتهم كذا ولا هم اسمائهم صالحه وسعيده
ليما : هذولي  لا يجون للجود بتهبل فيهم الجود مابتخلي فيهم عقل
ملاذ : تكفين ي الجود بالعرس العني خيرهم ترا بيسوون مصيبه
الجود شاش راسها وقامت : احترمي بي وانا بنت عبد الرحمٰن
البنات بصوت واحد : والنعممممم ي بنت عبد الرحمٰن
الجود قعدت : احم ماعليكن زود شاش راسي فجاه
البنات قامو يضحكون
سديم : المهم بنات سمعتو امهاتنا وش قالو
البنات : وش قالو
سديم : تقول عمتي رهف اننا بنطلع للمزرعه بعد بكره
نادين : امانههه ماسمعت وناسه بيصير اكشننن
الجود : وان تحمست
ملاذ : يوه من زمان مارحنا لها
نادين : ايه تدرون في دبابات
الجود : واوووووووو بذمتك
ملاذ : اي والله نسرقهم ونروح نفحط فيهم
نادين : اعقلي بس عشان مطلق يلعن خيرتس
ملاذ : لا مطلقوه حبيبي مايرفض لي طلب

______________________________
ارحبو  ي حبايبي قطعت عليكم فتره بس راجعه وبقوه بس بليز اهم شي الدعم ترا هو الي يخليني اتحمس اكتب وبتكون فيه احداث. قويه ترقبو

كاتبكم✍️/ حـــور
استقرام / yoopqyw