صديتك ومن بعد صدي وصالك

البارت الثالث عشر

اول شي صلو على نبينا محمد 🤍

حسابي استقرام تعالو عشان ورايكم تشبهيات البنات والعيال /yoopqyw🫡

سديم صفقت وقالت : بناتتتتتتت صايرين حلوين
ملاذ غمزت وقالت : يالجود ارفقي بقالب اخوي تكفين
ضحكت الجود : مين الي يرفق بقلب الثاني انا ولا اخوك
ليما: لا لا لا كلام كبير ذا
نادين : تقول ان مطلق جاب راسك وانتي جبتي راسه
ملاذ : ترا جدتي غزيل هاوشتني وقالت انتم وش بلاكم بس تتكلمون بالكاف الوحيد الي متمسك كلامه بالسين مطلق
سديم : ترا احنا زودناها خلاص لازم نتكلم بالسين زين
كلهم هزوو بتمم
جت رهف  وهي ماسكه المبخره ووراها حصه مبتسمه
قالت حصه : ماشاءلله يبنات وش هالزين
سديم : عيونك الحلوه يخالتي
عند رهف كانت تبخر نادين وماسكه دموعه : ها يبنيتي انتبهي على عمرتس وانتبهي على زوجتس لا تضايقينه واذا فيه مشاكل لازم مشاكل اصبري عليه ي بنيتي زين
ابتسمت نادين وقامت باست راسها : ابشري
طلعت حصه ورهف والبنات عشان نادين تلبس
عند الرجال
مطلق بعصبيه : يعياللللل استعجلو علينا وينهم البزران ذولي
طلعو العيال بعد مااخذو تهزيئه من ابراهيم لان تأخرو
مجيد : الحين باقي ساعه ونص على العرس وشفيكم طايرين
ياسر : بالديره يجون قبل الساعه ونص حقتك
طلعو ركبو سيارتهم وهم مستعدين استعداد تام انهم يرطبون العرس ويكون افضل عرس
طقت الجود الباب : ادخل
نادين وهي ترجف : ايه
دخلت الجود وابتسمت من شكل نادين الفاتن بالفستان الابيض وجمالها الحاد : بسم الله عليك تجننين قريتي اذكارك؟
هزت راسها بإيه وابتسمت ضحكت الجود ومسكت يد نادين الي ترجف : هدي بعدين ترجفين ليه
نادين وملامحها مالت للاحمرار وكانت كابته الصيحه : متوتره مدري ليه وبعدين شلون بترك ياسر ومطلق وملاذ ماشفتي ملاذ كانت شوي وتبكي مدري شلون للحين ماسكه نفسي ماانهرت
ابتسمت الجود ومسحت على ظهرها وقالت: هدي الحين وانسي التوتر ترا اذا قعدتي كذا بيترفع ضغطك يعني الله لا يقوله المهم بنادي البنات يجون
نادين : طيب احد جاء
الجود : شوي ويجون
نادين : زين
طلعت الجود من الغرفه ونادت البنات يروحون لي نادين
راحو البنات ملاذ : ي اميره ندخل
ضحكت نادين وقالت : ايه ادخلو
دخلو البنات وانبهرو من جمال نادين كانت احلى عروسه مرت عليهم رفعت ملاذ وجهها وقامت تلفح يدها على وجهها : مابي مابي ابكي
نادين دمعت : تكفين انقلعي مابي مكياجي يخرب
ضحكو البنات وجت ملاذ ضمت نادين وقالت : خلاص ي نادين بتروحين بتتزوجين وتخليني تذكرين يوم كنا اصغار يوم كنا نتهاوش مع بعض عشان لعبه ويجي ابوي يهاوشنا ونسوي نفسنا نحب بعض عشان مايعصب زياده تذكرين يوم كنا نغني مع بعض. ونشرب شاهي مع امي
لفت سديم وقالت : انا شدخلنيييي ابكي خلاص تكفون خفووو
جت جميله : بسم الله عليك ي نادين وش هالجمال
اكتفت نادين بأنها تبتسم ضحكت جميله من عرفت بخجل نادين وقالت : يلا ي بنات امشو بدو يجون الحريم
طلعو البنات ووقفو يسلمون على ام زيد تعريف عن ام زيد
مياسه ام زيد ولدها الوحيد زيد
دخلت ام زيد بفرحه وقامت تسلم تقدمت رهف تسلم عليها ثم سلمت على علم باقي الحريم وصلت للجود قالت مياسه ماشاءلله متزوجه ي بنيتي ؟
تقدمت رهف وقالت :هاذي زوجه مطلق ولدي
مياسه : ماشاءالله مبروك عاد كان عزموتنا على عرسهم
رهف: توهم ملكو العرس بعد اسبوع
مياسه: ايه زين الا وين العروس بسلم عليها
ملاذ ابتسمت ابتسامه تسليكيه : الغرفه الي قدامتس
مشت مياسه ودخلت بدون ماتطق الباب ناظرت ملاذ للجود وقالت : اقوم اكفخها  سلامات وين الخصوصيه
الجود : اهجدي واعقلي محنا فاضين طنشيها واضح تبي المشاكل
ملاذ :  ما اقول الا الله يعينتس يانادين
ضحكت الجود وقالت بهمس : شكلتس مسكتي السين زين
ملاذ بهمس : الا متجبصه فيه من بعد جدتي غزيل وهذاتس انتي تتكلمين فيه
الجود : ان ما امسكتني جدتي غزيل بيمسكني اخوتس مطلق
ملاذ : حلو استمري
يارا مشت لعند الجود وملاذ : ملاذ بنت من هاذي الي جت نفسيتها بخشمها حتى جت تسلم ناظرتنا  من فوق لتحت وراحت للحمام
الجود : وينها ماشفتها
ملاذ ضحكت وقالت : هاذي وحده من الثلاثه يا صالحه او سعيده او صيته اختاري لتس وحده منهم لين اشوف خشتها
لفت الجود بسرعه : وين صيته !!!
يارا بخوف : بسم الله وش بلاتس انتي لفيتي بسرعه خرشتيني
ملاذ : الاخت سمعت اسم صيته ماتبينها تلف بسرعه الا شوفيها شوي وتفور تذكرت الي سوته صيته قدام مطلقوه
يارا :  ياليل الجود اهدي لا شكل ولا اسم ولا اسلوب تجيب الهم وتحوم التسبد لو انا مستخيره ماتجي العرس ابركها من ساعه
ملاذ : وانا انتس صادقه
قعدو شوي جت صيته بدلع وكانت الجود متقرفه منها مو بس الجود نص البنات متقرفين منها ومن مشيتها وتصنعها سلمت عليهم بدلع وملاذ شوي وتقوم تجلدها
وقفت عند الجود وسلمت عليها قالت : انتي الجود زوجت مطلق
ابتسمت الجود ورفعت حاجب وقالت : الله الله
صيته قامت تناظر بقرف: مدري على وش اخذتس
ملاذ سمعتها وقالت بصوت يسمعه كل المجلس : خفي علينا تراتس لا شكل ولا اسم وتراتس بعيده على الجود وخليتس بنفستس احسن لا تصيرين سارقه الرجاجيل اهجدي لا يصير هنا مذابح
تغير وجه صيته من لفو الحريم وصار انظارهم كله على صيته وملاذ راحت وجلست وهي تحس بحراره من كثر العصبيه والقهر من بعد كلام ملاذ وابتسامه الجود وهي حالفه ان تخرب علاقه الجود ومطلق
لفت الجود لملاذ ابتسمت وقالت : حي عينتس ي بنت الخال
ردت لها الابتسامه : حي نباتس ي بنت العمه
بدا العرس يمتلي بالحريم والمبزره
____________
عند الرجال
جاء ياسر وهو معه ثمن سيوف اربعه بيده اليمين واربعه بيده اليسار
راح لابوه وعبد الرحمن  وابراهيم وعطاهم
وراح عطى العيال ووقف عند مطلق وقال: ورعنا ابداعك ي العضيد
غمز له مطلق : ابشر بعزك يبعد كبدي
بدت الاصوات الطق والسامري الاصيل ودخل مطلق يلعب بالسيف وكان معروف برفضه السيف المبهر وكان مندمج بحماس دخلو الشيبان  ودخلو العيال وهم متجمعين حوله ويرقصون معه بالسيف والكل قام يناظر بهيبتهم العاليه وجبروتهم كلهم قامو بدا التعزيز وكلما يصير حماس
عند الحريم
طاحت ملاذ وهي مستسلمه بتعبت : انا خلاص انهد حيلي
سديم اشرت نادين : شوفي شوفي هاذي المسكينه انهد حليها من التوتر
ضحكت ملاذ قطعت ضحكتها على دخول الجود : بنات ابي احد يرقص معي
ملاذ : ماتعبتي من الرقص انتي
الجود : على تبن اساسا مارقصت الا على ثنتين
ملاذ : قومي والله ما اقولتس لا
الجود : كفوووووو ي بنت طلال
ملاذ : كفوتس الطيب ي بنت عبد الرحمن
راحو وركضت الجود من سمعت اغنيتها الي تحبها
وقامت ترقص عليها بدلع والكل قام يناظرها في اعجاب صيته وهي تناظر الجود منقهره:  مدري ليه مطلق خذاها وانا عنده
ضحكت صالحه وقالت: بالله انتي عندها ماتسوين شي عند جمالها وانوثتها
ضربتها صيته وقالت : صدق انها حلوه بس انا بعد حلوه
______________
نبعد شوي عند كاسر
قاعد على الكرسي وعنده اضاء خفيفه تنور شي بسيط من المكان الكبير المظلم وكان يفكر على شر يضر فيه مطلق او يدمره عرف ان فيه عرس اليوم لاخت مطلق
كاسر ضحك وشرار تطلع من عيونه : ها ي مطلق ادمرك ولا اخلي عرس اختك يصير عده ضحك بصوت عالي وهو يسمع تكرار ضحكته وقدامه نوره الي كرهته وتتمنى الموت ولا تقدر تقول لي اخوها شي
نوره بقرف من كاسر : الله ياخذك
فز كاسر بقوه ومسك نوره من رقبتها  وكان خانقها بيدينه وصرخ وقال : انا تدعيييينننن علي ي كلبه
خافت نوره من شكله المرعب وكان كاتمها حاولت تصرخ وتفلت منه بس مقدرت رفعها ثم وخر يده وطاحت وهي تشاهق
نوره ببكاء : ياربي وش سويت بالدنيا عشان يطلع لي واحد خسيسسس زيكك
كاسر  معطي ظهره لنوره وقال : يلا قومي وغصب عليك تسمعين كلامي ولا بيصير شي مايعجبك
نوره بعصبيه : ماني رايحه واعلى مافيه خليك اركبه
لف مطلق وعطاها كف طاحت نوره من قوه الكف وزاد بكاها وقالت : ليه انت كذا ليه تغيرت لا انت مو عمي كاسر ابد
كاسر: خلصتي يلا قومي انا بسياره خمس دقايق ماجيتي بتكونين انتي الي بتجنين على نفسك بالموت
طلع كاسر وركب السياره وهو حالف ينكد على مطلق واهله دخلت نوره السياره وحرك سيارته متجهه لعرس الحريم
_______________
عند الرجال
بعد مالعبو السيوف قعدو كلهم يسولفون والقهوجي يصب وضحك سوالف عند مطلق الي متكي بعيد شي وقلبه ناغزه ويحس بضيقه مو عاديه قام يقرا قران ويقول بنفسه ان شاءالله شوي وتروح
عند كاسر معلن وصوله عند المزرعه وهو معلم نوره كل الاشياء الي تسويها عطتها مسدس : ان احد وقف في وجهك اطلقي عليه بدون اي تفكير  فاهمه
نوره هزت راسها بفاهمه ونزلت من السياره طقت الباب الخلفي حق المزرعه
فتحت ملاذ نص الباب : مين
تكلمت نوره بتوتر : ممكن ي قمر تنادين لي الجود
ملاذ : طيب مين انتي
نوره : ناديها وتعرفين
ملاذ : ابشري بس دقيقه
وقفت نوره على الباب وهي متوتره بالحيل
طلعت الجود : من
وجهت نوره السلاح على الجود وقالت : اطلعي الحين بدون لفت انتباه وان حاولتي تلفتين انتباه رصاصه وحده تفجر راسك
توترت الجود وكان ورا الباب ملاذ سوت الجود حركه بيدها تلفت انتباه ملاذ بدون ماتحس نوره خافت ملاذ
نوره : امشي بسرعه
طلعت الجود وقالت : انتي وش تبغين مني ماسويت لك شي
نوره وهي تلتفت يمين ويسار تتاكد محد موجود : امشي بسرعه لا افجره فيه راسك خلصيني
عند ملاذ ركضت دقت على مطلق
عند مطلق كان بعيد شوي عن جواله وماهو حوله
ملاذ : وينك ي مطلق تكفى رد
شوي رد مطلق : هلا
ملاذ : مطلق تكفى الحقني
مطلق فز : وشفيههه
ملاذ : اللحق الجود
مطلق اول ماسمع الجود سمع طلق نار ركض وركضو وراه راح لسيارته وطلع سلاحه وصرخ مجيد تعال انت وعبد العزيز الباقي يقعد بالفعل سمعو كلامه
عند نوره والجود
حاولت الجود تشتت نوره من لفت نوره صقعته الجود ثم مسكت السلاح كانت تحاول تنزله حاولت تثبت الجود من حست بشي حار دخل بطنها طاحت مغميه الى الارض
جاء مطلق ركض حاول يطلق النار ماقدر يصوب عليها جاء مجيد عند الجود مرتميه على الارض والدم ينزل لف على مطلق وعبد العزيز وهو وجهه محمر ويده ترجف وقف وقال : عبد العزيز دق على الاسعاف واخذ السلاح من مطلق وركض يحلق نوره حاول يصوبه وصوبها مع كتفها ماقدرت تركض اكثر مسكها مجيد علطول وفك اللثمه منها بعصبيه : من انتييي
رفعت نوره السلاح وحطته على راسه : بتفك ولا افرغه براسك
ضحك بعصبيه وضغط على مكان الرصاصه صرخت نوره من الالم: وخرررررر
مجيد : اذا ماتبين تتهورين من انتي ووش مصلحتك تطلقين على اختي
ضحكت نوره بألم : انا عزرائيلكم
_________________________
نقول ارحبو ولا مانقولها دلعتكم بزياده لازم اكشن شوي وحركات وتسذا المهم لا تنسون النجمه ادعموني عاد لا افصل عليكم واحذف الروايه تراني اتعب واجدددد😭 نرحب فيكم ارحبو تراحيب المطر عاجبتني نوره شرايكم اخليها تهبل فيهم ولا تو الاكشن يبدا الله يعينكم عاد استمعو ببارت مدري اذا هو لطيف ولا استودعتكم الله 🫡