صديتك ومن بعد صدي وصالك

البارت السابع عشر

نادين اشرت على الكنبه ناظر لها ورمى نفسه على المخده وقال : ياخي بنام لو شوي اذا تبين انتي روحي
نادين : خل عندك احترام شوي ورح نام على الكنبه بعدين انا مقدر استحمل انام على الكنبه
زيد بخمول : اجل تعالي نامي على السرير
نادين اخذت مخده وراحت على الكنب وانسدحت
ضحك زيد : بنشوف شلون بتستحملين الكنب
نادين : نام وانت ساكت ماتعرف !!
زيد : ابشري طال عمرتس
نادين : خلاص نم
شوي صار هدوء بالغرفه عرفت نادين انه نايم قالت : حسبي الله هو مرتاح بسرير وانا متكسره من الكنب قامت بهدوء وراحت لسرير تنام

:::::::::::::::::::::::::::::::|
بالقسم عند مجيد
مجيد ابتسم ابتسامه انتصار : اوصفي لنا شكله
بعد خمس دقايق انتهت نوره من وصفه : خلاص اقدر اطلع
مجيد : لا انتظري
نوره : ياليل وش تبي ياخي عطيناك الاسم ووصفت الشكل
مجيد رفع حواجبه وضحك : فوق انك مصاوبه اختي وماسويت لك شي
نوره بعصبيه : وانتتت متوقع الي مسويته هذا برضاي انا انت ماتعرف وش تعرضت له عشان تحكم
مجيد حط يده على على دقنه وقال : وش تعرضتي له
نوره : مالككك دخللل وكمل شغلك وانت ساكت
قام مجيد وهو خلاص معصب مسكها من رقبتها ولصقها بالجدار وشد عليها : لاتتوقعيين اني بسكت على الي سويتيه فاهمههه
نوره ماسكه دموعه وهي تتألم:فككك فكك ي واطي
ضربها مجيد كف طاحت من قوه الضربه حاولت تكتم دموعه لاكن مقدرت وبكت بإقوى ماعطها ربي قالت بحسره: الله ياخذك الله ياخذك ي حقير جعلك تذوق المر الي ذقته
رحمها مجيد بنفس الوقت ماسمح لنفسه يتعاطف معاها : شكل امك وابوك ماربوك لاكن انا الي راح اربيك
لفت نوره بقوه وقامت تطالعه ضحكت وقالت : امي وابوي عظم الله اجري فيهم
انقلب وجه مطلق بعد ماقالت كلامها مدري كان مصدوم ومن الصدمه حضنها بكل قوته وقال : انا اسف ي بنت العز والله اسف بكت بحضنه بقوه لين ما ارتخى جسمها غمض بحسرهه تحرق جوفه وعرف ان اغمى عليها رفعها وانفكت اللثمه وبان وجهها الباكي كان ناظر وجهها وقال بنفسه : شلون هذا الوجه البريئ اضربها شلوننن اخخخ ي مجيد  ليتك مت ولا رفعت يدك عليها رجع اللثمه على وجهها وطلع ينادي العسكري : جب موياء وناد الدكتور
العسكري : امرك تامر على شي ثاني
مجيد مسح وجهه وقال : لا يعطيك العافيه دخل غرفه التحقيق وشافها الى الان مغمي عليها قال: اخخخ ي مجيد الحين وين احطها لف على الغرفه لقى كنبه ما انتبه لها قال بنفسه : هاذي البلشه صدق الحين شلون احطها راح شالها وهو يدري انه ماهو محرم لها بس اضطر شالها وحاطها على الكنب شوي دق العسكري الباب : سم طال عمرك هاذي الموياء والطبيب شوي ويجي
مجيد : زين يعطيك العافيه
العسكري : الله يعافيك واذا تبغى شي تراني واقف عند الباب
مجيد : زين
انتظر مجيد على مايجي الدكتور وطول راح مجيد فتح الباب بقوه وهو معصب شاف الدكتور : السلام عليكم
مجيد : وعليكم السلام كل هذا وقت بس عشان تجيي
الدكتور : اسف بس كان الطريق زحمه
مجيد : طيب المريضه  داخل ادخل
دخل الدكتور قال : ممكن اعرف ليه مغمي عليها ؟
مجيد : مدري بكت ثم اغمى عليها
الدكتور : طيب الافضل ناخذها المستشفى نعطيها مهدئات لان الواضح معاها انهيار نفسي
مجيد : طيب كان قلت لي اوديها ولا تجي وش فايدتك
ابتسم الدكتور : طيب انا اسف بس لازم توديها
راح الدكتور وتوهق مجيد شلون يوديها المستشفى اف علطول من سمع صوتها تقول : انا وين
مجيد : بالقسم
قامت وهي تتالم من الكنبه قالت : اقدر امشي
مجيد : ايه
عدلت لثمتها وطلعت برا مشت لين خرجت من قسم الشرطه كامل حاولت توقف تكسي لاكن محد وقف لها قالت بعصبيه : اف منكك اف اوقف
عند مجيد بعد ماارسل التحقيق للمسؤل عن الجريمه طلع شافها واقفه ومعصبه : وشفيك
نوره : مالقيت تكسي
مجيد : طيب تعالي اوصلك
نوره : لا شكراً
مجيد : ي بنت تعالي مارح اكلك ترا الساعه عشر باليل تجلسين لحالك
ناظرته نوره من فوق لتحت : ادري !
مجيد : طيب امشي الله يصلحك
نوره : ياكثر كلامك خلاص امش
ضحك مجيد ومشى لسيارته شغلها واستناها لين ركبت ورا قال : وين بيتكم
نوره : وصف له المكان
شوي ووصل مجيد عند قصر كان فخم فخامه مو عاديه
مجيد : هذا هو
نوره : ايه يعطيك العافيه
مجيد : ولو ماسويت شي
::::::::::::::::::::::::::::::|
الصباح عند زيد ونادين
قام الصباح لقى نادين نايمه جنبه ضحك وقال : مصيرها تجي لعندي
قام وتروش وتوضأ وفرش سجادته وصلى سلم ولف يشوف نادين للحين نايمه راح لعندها : نادين قومي يلا
نادين بتعب : همم
زيد : وشفيك تعبانه
نادين : ايه
زيد لمس جبهتها شافها حارههه وخر يده وسحب الفراش وقال : اعوذبالله قومي قومي ي بنت انتي مولعه
نادين : اففف زيد خلك بحالك مافيني الا العافيه اعتقني بسس
زيد : بتقومين ولا اشيلكك
نادين بدا تخف نبره صوتها ووجهها احمر قالت: ز زيد خلاص اتركني روح انشغل مع حبيبه القلب حقتك
زيد : انتي اهم من حبيبه القلب يلا قومي بروح اشغل الدش اذا ماشفتك قايمه والله ي نادين اشيلك ها
نادين : رح رح وبقوم خلاص
راح زيد ركض يشغل الدش وجاء لقاها على الحاله قال : تبين اشيلك بسرعه ي بنت بتموتين
قامت نادين ودموعها اخذت مجاريها من قوه الحراره اشرت على منشفتها وهي مو قادره تتكلم كثير دخلت الحمام وقعدت تحت الدش وهي ترجف شوي مد لها زيد ملابسها و والمتشبع اخذتها ولبستها وطلعت وهي تمشي بشويش وانسدحت على السرير
زيد : خوذي البندول والموياء
قامت شوي شوي اخذت البندول وشربت موياء ورجعت انسدحت
:::::::::::::::::::::::::::::|
بالمزرعه
قررو يرجعون لبيوتهم بعد عرس نادين جهزو اغراضكم
ملاذ بحزن : بناتت اشتقت للجود ونادين
ليما: اي والله امي كل ليل تبكي عليها
سديم : اففف خلاص لا تخلوني ابكي
انصدمو من لين علطول بكت وقالت : ابغى الجودد اشتقت لها
ضمتها ليما: ي روحي الجود بخير بترجع لنا ان شاءالله
فجاءه بكت سديم ووراها ليما وهي كانت كاتمه بكيتها ضربتها ملاذ وقالت: بناتتتت خلاصصص الجود تحتاج الدعاء ادعوو لها البكاء ماراح يفيد
جت يارا وهي ماسكه الصينيه الشاهي انصدمت  من شافت البنات يبكون : بنات وشفيكم
ملاذ : تذكرو الجود وقامو يبكون
يارا : ترا ماراح يفيدها الا الدعاء ادعو لها
ملاذ : هذاني قبل شوي قلت لهم بس هم حمير مايفهون
مسكت سديم اذن يارا وقالت: مين الحمير هاه
ملاذ : انا بس فكيي وجع توجعتس
سديم شدت زياده وصرخت ملاذ ضحكت سديم وقالت: ايه احترمي نفستس
ملاذ : يجعلتس للوا  استغفرالله بسم الله عليتس
ضحكو البنات عليها وملاذ تتالم من قبصه سديم
وقعدو يسولفون شوي صرخت ملاذ وفزو من صرختها :وشش بلاتسس
ملاذ : يمممممههه عقرب عقربب
صرخو البنات عند العيال سمعو صوت الصراخ قال ياسر : هذا مو اصوات البنات
عبد العزيز : الا
فزو يركضون وهم توقعو فيهم شي وقفو عند الباب وقال ياسر : ملاذذذذ
ماردت وزاد توترت اكثر لف لشباب وقال : اسمعو بدخل واشوف وش فيهم
عبد العزيز : سلاماتتت محارمنا موجوده ادخل مع اختك
ياسر : ي رجال مارح اناظر
عبد العزيز: ندخل مع بعض ولا مافيه
ياسر سحبه مع رقبته : امش امش  اخلص علينا دخلو وهم منزلين راسهم سمعو صوت صراخهم مره ثانيه 
ياسر : عند الاسطبل اركض
ركضو لين وصولو للسطبل نزلو روسهم وقال ياسر بصوته الخشن : ي حريممم
:::::::::::::::::::|
عند البنات
يارا : بسم الله وش ذا الصوت الي يخرع
ملاذ : ذا صوت ياسر شكله سمع صراخنا بنات تغطو
كل وحده لبست الطرح وحطتها على وجهها
ملاذ : هنا احنا
جو لعندهم وقال : وش السالفه
ملاذ اشرت على الجهه الي موجوده فيها العقرب : شوفف العقرب
ياسر : عبد العزيز جب حصى
راح عبد العزيز جاب حصى وياسر يناظر للعقرب علشان مايروح مكان ويضيعونه
جاء عبد العزيز ومد الحصى لياسر اخذه وقعد وذبح العقرب بس ماشاف العقرب الصغير صرخ ياسر بألم من قرصته العقرب برجله البنات خافو زياده
عبد العزيز : ولددد وشفيكككك
ياسر بألم : يلعن امها قرصتنييي
عبد العزيز : مو ذبحتها
ياسر : فيه وحده ثانيه
عبد العزيز : امش امش اوديك المستشفى
ارتكى على عبد العزيز  مشو شوي ولف على البنات وقال بصوت عالي : ادخلنن داخل وش مطلعكم هناك محد فاضي يوديكم مستشفيات
يارا : وشفيه ذا كريهه
ضحكت ليما : ماقالت زي كذا الا انه متوتر
سديم : بنات امشو ندخل
ملاذ : يلا تعالو
::::::::::::::::::::::::::
تسريع الاحداث
بعد خمس شهور

عند نادين وزيد ماتغير شي الا انهم سكنو بيت لهم و بدو يتعودون على بعض وبدا زيد يحب نادين بس مو ستعد يصارحها

عند مطلق كان ينكر شعور الاشتياق للجود ومايبي طاريها ابد فا صار مشغول بشغله وضغط نفسه عشان ينسى الجود ومعد يفكر فيها

عند مجيد كان وده يقابل نوره يشوفها لو من بعيد يمكن ولدنا وقع بالحب. ومحد سمى عليه

::::::::::::::::::::::::::::::::::|
بالمستشفى
ركضت السستر من سمعت صوت الاجهزه صرخت بقوه : المريضه صحت المريضه صحت
جت الدكتوره تركض راحت ابتسمت من شافت الجود صاحيه : الحمدالله على سلامتك واخيراً بالجود صحيتي
الجود بتعب : انا وين
الدكتوره : انتي بالمستشفى ارتاحي بندق على اهلك الحين
الجود : تمام
راحت الدكتور للاستقبال : دقي على زوج الجود ال مِطّلق
السستر هزت راسها بطيب وتوجهت تدق عطها مشغوله : دكتوره مايرد
الدكتوره : طيب كلمي اخوها اظن اسمه مجيد مسجل رقمه هنا
السستر : اوكيه .. الو
دق جوال مجيد شافه رقم غريب توقعه احد من الشغل رد : مين
الدكتوره : رد ؟
السستر : ايوا
الدكتوره : عطيني السلام عليكم
مجيد خاف وبدا يتوتر : هلا وعليكم السلام
الدكتوره : انا الدكتوره المسؤله عن حاله الجود الحمدالله الجود صحت من الغيبوبه
مجيد فز : هاااااا صحت
الدكتوره ضحكت : ايه ايه صحت بس باقي نسوي لها فحوصات
مجيد : تماممم الله يسعدك
قفل وركض لي امه ضحك من شاف امه تدعي وتبكي عرف انها تدعي للجود : يماههه الجود صحتتت صحتتت الجود
حصه ببكاء: وش تقول بنيتي صحت الجود صحت
مجيد ضحك وهو يمسح دموعه الي نزلت غصب عنه: ايهه يميمتي الجود صحت
طاحت حصه تبكي ومنهاره مسكه مجيد ابتسم وقال : افا ي ميمتي اضحكي الجود صحت
جت ليما تركض ووقفت بنص الدرج : بسم الله وشفيه
وجاء بعدها علطول عبد العزيز مخروش : سلامات وش فيه
مجيد : الجوددد صحتتتت
ليما: هاههههههه صحتتتت متاكد انت
مجيد : اييييهه متاكددد ونص
ضحكت ليما وضمت عبد العزيز شوي بعدها عبد العزيز : كسرتي عظامي
ليما ضربته مع رقبته : لو انها زوجتك عادي
عبد العزيز : ايه عادي
ليما: حييواانننن
انفتح الباب انصدم عبد الرحمن حصه تبكي ومجيد يهديها اول ماجاء بباله الجود صار لها شي تغير فكره من ابتسامه مجيد وضحك ليما
ركضت ليما لابوها وضمته وقالت وهي تضحك : يبههه الجود صحتتت
ضحك عبد الرحمن وهو من زمان ماسمع شي يفرحه قال : الحمدالله الحمدالله ياربي
مجيد : يلا يلا بمشي اشوفها
حصه : خذني معك ياوليدي
مجيد باس راسها : والله لو اقدر اني اخذك بس بروح لها ثم بروح لشغلي طالبيني
عبد العزيز : خلاص انا اوديكم بس سوو لي فطور
ليما: ماهمك الا بطنك ي الدب
عبد العزيز : انتي بذات مانتي رايحه انثبري بالبيت مع الجنون
مجيد : اعقلو انتي وياه ولا كانكم كبار كل واحد اكبر من الجحش وبس يتهاوشون
ركب السياره ودق على مطلق المره الاولى والمره الثانيه مارد مشى للمستشفى
:::::::::::::::::::::::::::::|
ارحبو حبايبي كيفكم وش مسوين اسمعوووو كلام مهم الحين ماشاءلله فوق الخمسين شخص يقرون ولا يدعمون الا خمسه ياخي بس اضغطوو على النجمه وانتهينا استودعتكم الله