صديتك ومن بعد صدي وصالك

البارت الثامن

الجود : ايه هاذي انتي مغير تعبانه وانتي مافيتس الا العافيه طلعت الجود وسكرت الباب
عند ليما قامت من الفراش وراحت تتروش  طلعت ومشطت شعرها الاسود الحرير يوصل لين ظهرها خلصت ونزلت تساعد امها والجود
عند بيت ابراهيم
قامت سديم بدري وقررت هي تسوي الفطور راحت شغلت سوره البقره وتوجهت للمطبخ شافت لين
سديم : لين وش تسوين
لين فزت : بسم الله الرحمن الرحيم ماتعرفين تتكلمين بهدوء
سديم : دلخه انتي حسستيني جايه اصارخ سألتس
لين: قمت اسوي اكل ميته جوع
سديم: تعالي سعاديني بالفطور
لين: زين
سوو الفطور وخلصو وسوو القهوه والشاهي
سديم : روحي قومي الليث
راحت لين تقوم الليث يصلي وينزل يفطر
قامو وقعدو يفطورن
بيت طلال
طلال : مطلق قلت لهم
مطلق : ايه
طلال : زين ويلا خلصو عشان نتجهز نروح المزرعه
ملاذ : يبه كم بنقعد بالمزرعه
طلال : نقعد لين عرس اختس
ملاذ : العرس بيكون بالمزرعه
طلال : ان شاءالله
نادين استحت وقامت
طلال : وين مااكلتي
نادين: الحمدالله شبعت
مطلق بضحكه : شبعتي ولا استحيتي ههههههههههههههه
ضحك طلال : ههههههه الله يوفقتس ي بنيتي
نادين انحاشت وقامو يضحكون عليها ويطقطقون
ملاذ بهمس لمطلق : وش سويت لابوي قاعد يضحك معك
مطلق : اسكتي بس يوم ضحكت خفت يجلدني
ملاذ : ههههههههههههههههه
خلصو فطور وملاذ نادت نادين تساعدها وقامو يتجهزون
ام ياسر تجهز ملابس زوجها
وملاذ تجهز ملابس مطلق وياسر وتتحلطم
ونادين تجهز اغراضها
جاء مطلق اي ملاذ : ها خلصتي
ملاذ: لا واسكت واحمد ربك اني اجهز ملابسكم نعنبو حيكم ماتعرفون تجهزون ملابسكم
مطلق : اقول جهزي الملابس وانتي ساكته بعدين من متى الرجال يجهرون ملابسهم
ملاذ : متى تتزوج وافتك منك اخخ متى بس
مطلق: هانت هانت لقيت حب حياتي
ملاذ بصرخه: هاههههه ايش قلت من حب حياتك مين هاذي الي امها داعيه عليها
مطلق : واللعنه ي ملاذ اسكتي وبعدين قصدتس من هاذي البنت الي امها داعيه لها
ملاذ : ماعلينا مين هي
مطلق غمز: تعرفين بعدين وتراتس تكرهينها والله لا اخليها عله على قلبتس
طبعا مطلق يبي ينرفز ملاذ
ملاذ بشهقه: ياويل حالي ليكون صالحه
مطلق : طحت على وجهيي
ملاذ بعصبيه : اقسم بالله ي مطلقوه لو تتزوج ذيك السلقه اني لا اختك ولا اعرفك فاهم
مطلق يناظرها ببرود : خلصتي بعدين وش دخلتس اتزوجها ولا ليكون انتي الي بتتزوجينها 
ملاذ : لا انت مانت بصاحي غاسله مخك ذي
مطلق : اخلصي اخلصي علينا هاتي شماغي وثوبي
ملاذ عطته بعصبيه : اخذ اغراض ياسر معك
مطلق : هاتيه
عطته ملاذ وراحت تقول لنادين السالفه
نادين: شافتس مخفه قال العب عليها
ملاذ : الولد طايح بالحب وتقولين مخفه
نادين : غريب صدقيني لو تزوجها ثاني يوم يوديها بيت اهلها
ملاذ : عاد صالحه ماتصدق احد يحبها تنشب له
نادين ضحكت : روحي روحي جهزي اغراضتس
ملاذ راحت تجهز اغراضها وتلبس لبست فستان كحلي ماسك على الجسم ومن تحت وسيع وخلت  شعرها الاسود على طبيعته لعند كتفها اكتفت انها تلبس حلق ذهبي وعقد يجملها زياده
عند بيت عبد الرحمن
عبد الرحمن خلصتو
جميله : ايه خلصنا
الجود : يبه بروح بيت عمي ولا
عبد الرحمن : لا لا بنتغداء بالمزرعه
الجود : زين
طلعوكلهم متوجهين للمزرعه
خلونا نروح لبعيدد عند يارا
اليوم الي بتروح لديره متحمسه مره كلمت ابوها وقال لها يلا تجهزي جهزت نفسها وخلصت
ركبو السياره وارجعو لديره وصلو الديره وكانت يارا تتحلطم : يبه قايل لي نمشي من يومين
سلمان: ي بابا كنت مشغول والله وهذاني وديتك
يارا: اهم شي وصلنا الديره
سلمان : يلا دقي على عمتك
يارا دقت على عمتها وقامت تسولف وقالت انهم بالمزرعه حقتهم
راحو المزرعه وصلت يارا بدت تتوتر لان مو مره مع الجمعات ودايم تحب قعدت البيت
وصلت المزرعه ونزلت لقسم الحريم وراح سلمان يسلم على اخوك والجماعه
دخلت المزرعه ونزلت عبايتها كانت لابسه جمسوت احمر وفاكه شعرها البني الحرير
دخلت وقامت ترحب ام ياسر فيها وتضمها وتبكي
ام ياسر: هلا بالغاليه هلا ومرحبا وش اخبارك يبنيتي
ابتسمت يارا : الحمدالله ي عمه انتي كيفك كيف الديره معكم من زمان عنها
ام ياسر : تو صارت الديره بخير بشوفتك
سديم : بنات هاذي مين
ملاذ : هاذي. يارا
الجود : ي خلوها باين انها تهبل
نادين : ايه ماشاءلله
جت يارا تسلم على البنات وحبوها بشكل مو عادي
يارا : اهلاً بنات كيفكم
ردو كلهم : الحمدالله تمام انتي كيفك
يارا ابتسمت : بخير
ملاذ : ارحبي ارحبي تعالي اجلسي
جلست يارا وقامو يسولفون
ملاذ : بناتتت تخيلو
البنات: وشو
تخيلو : مطلقوه يقول بيتزوج صالحه ذي وطايح بحبها
الجود تغير وجهها وانصدمت قامت : عن اذنكم بنات بروح شوي وبرجع
ملاذ : وشفيتس بقولكم السالفه
الجود : بروح اتمشى شوي
راحت الجود وهي ماتعرف وين تروح حست في الف شعور وهي منصدمه شلون ضحك عليها ولعب بمشاعرها وخلاها تحبه شلون لفت بسرعه من سمعت صوت يارا
يارا : تحبينه
الجود: هاه
يارا وهي تمشي لعند الخيول : تحبينه
الجود : من
يارا : مطلق
الجود : يع لا
يارا : لا تكذبين لو ماتحبينه كان ماقمتي
الجود : بس كنت بتمشى شوي مو سالفه حب
يارا : اذا تحبينه صدق عادي ترا وكلنا بشر وكلنا نحب بدون ما نقدر نسيطر على انفسنا
الجود : مدري اللهم لعب بمشاعري
الجود ماكانت تدري ان مطلق عند الخيل الثاني بس ماتقدر اشوفه بسبب ارتفاع الحواجز الي بين الخيول
مطلق بعصبيه : الله يعلنك ي ملاذ هذا وانا امزح معك رحتي تكلمتي عند الباب
الجود : ربي كشفه لي انه واحد لعاب وكذاب ونصاب بعد ومايستاهل الحب
مطلق بصوت عالي : من الي مايستاهل الحب
الجود شهقت : بسم الله من وين جاء صوته
راحت يارا وهي تضحك : روحي تفاهمي معه يلا
الجود : امشي ي حمار لا تخليني
راحت يارا ركض والجود كانت بتركض وراها بس سحبها مطلق
مطلق : جاوبي
الجود : تراك ماتحل لي فا انقلع
مطلق : جاوبي
الجود : اقول آنك واحد نصاب ونذل وماتستاهل الحب هذا وانك خسيس وكريه رح خذ صالحه يع
مطلق ضحك: ول ول لهدرجه تحبيني
الجود : وع انا احبك غلطان ي الحبيب
مطلق : عيدي
الجود : وش اعيد !
مطلق : اخر كلمه
توترت الجود وحاولت تبعد بس لحكم الفرق بين مطلق وبين الجود وكان مثبتها وهي عنده نتفه عند بنيته الضخمه
الجود : وخر بروح بعد عني
مطلق : ماني موخر من عندتس وتراتس بتصيرين زوجتي
الجود : تحلم واجد انت
مطلق : اعتبري من اليوم انتس زوجتي
راح مطلق لعند الرجال وجلس عند ابوه
مطلق : يبه
طلال : هلا
مطلق : قررت اتزوج
طلال بصوت عالي : ماشاءلله عند من بنته
لفو الرجال
ابراهيم : وش السالفه
طلال : مطلق. قرر يتزوج
عبد الرحمن : ماشاءلله من بنته
مطلق : بنتك ي عمي
عبد الرحمن : اي وحده
مطلق : الجود
عبد الرحمن: والله انك انسان اجودي واستاهل الجود بكلم امها واعتبرها زوجتك
مطلق كان طاير من الفرحه اكتفى انه يبتسم
جاء ياسر دقه : ي الخسيس اجل تحبها ولا قلت لي
مطلق ابتسم : هذاك عرفت
عبد الرحمن راح وقف. عند قسم الحريم ودق على ليما
عند الحريم دق جوال ليما
الجود : ليما ردي على ابوي
ليما : الجود تكفين ردي قاعده اصب قهوه
اخذت الجود الجوال وردت : هلا يبه
عبد الرحمن ضحك : هلا بعروستنا تعالي عند الباب انتي وامتس
الجود بصدمه : عروستنا مضيع انت
عبد الرحمن : بمشيها لتس احد يقول لابوه مضيع
الجود : آسفه قصدي انو ملخبط وش عروسته
عبد الرحمن : تعالي انتي وامتس وتعرفين
راحت الجود تنادي امها وراحو لعبد الرحمن
عبد الرحمن: اسمعي ي بنتيني انا مدري متى ربي ياخذني ولا اني داري وجاء ولد الحلال الي خطبك وانا وافقت لي باقي رايك
حصه : ماشاءلله من هو
عبد الرحمن ابتسم : مطلق ولد طلال
حصه : ماشاءلله مطلق والله انه كفو ورجال وستين الف بنت تتمناه
جت ليما ولقت الجود ساكته ومصدوم وامها وابوه مبتسمين
ليما : وش السالفه وش بلاها ذي مصدومه
ضحك عبد الرحمن : جاها عريس
ليما : اما عاد من هو
عبد الرحمن : مطلق ولد طلال
ليما: الا الجود موافقه
مشت الجود وهي تدعي على مطلق وماتوقعت يسويها
عبد الرحمن : وش. بلاها راحت ذي
حصه : ماعليك دام انها ما عصبت ولا تكلمت معناها موافقه
عبد الرحمن : زين اجل بروح اقولهم ويمكن يجي الشيخ
ليما : لا عاد مو بهاذي السرعه
عبد الرحمن : خير البري عاجله يلا
راح عبد الرحمن للرجال
عبد الرحمن: كلمت البنت
مطلق توتر : وهو يتذكر كلامها
طلال غمز لعبد الرحمن يبون يمقلبون مطلق : ها وافقت
عبد الرحمن : للاسف والله وولدك الف بنت تتمناها 
مطلق : هاه وليه رفضت مافيه سبب
كل العيال والشيبان قامو يضحكون
عبد الرحمن : البنت موافقه
مطلق ارتاح
مجيد : هد ي اخوي وراك ترتجف هههههه
ياسر : الولد صار خفيف
عبد العزيز : افا ي مطلق وين الثقل
الليث : ماعرفناك وانت خفيف بنت تجيب اطيح ثقلك
مطلق فز: ورع انت وياه ارفعو علومكم
طاحو العيال يضحكون على مطلق والشيبان يضحكون عليه
سلمان : انا استإذنكم والله بروح عندي كم شغله
طلال : وين ي اخوي اقعد بنجيب الشيخ الي يملك عليهم وبعدين ماقعدت ولا شفت يارا
عبد العزيز لف وقال بنفسه : معقوله يارا نفسها الي معي بالمستشفى لا ي عبد العزيز تفكر بوحده مادرت عنك اعقل بس
بعد ما تكلم طلال والشيبان لسلمان قعد
عند الحريم عرفو ان مطلق بيملك على الجود
قامت رهف  وحصه يسلمون على بعض ويضحكون ويزغرطون
وراحت رهف تسلم عن الجود وتبارك لها
الجود : بسم الله والله ماوافقت
طاحو البنات يضحكون عليها وكيف وجه الجود احمر
ملاذ : طلع طايح بحبتس ي الخسيسه
سديم: الجود ومطلق واو لايقين لبعض
يارا : تدرون يوم راحت الجود كانت زعلانه وقعدت تسفل فيها ثم هو جاه لعندها وانا رحت
ملاذ : هاههه طلعتي تحبينه انتي بعد حسبي الله عليتس والله اني شكيت
الجود : انطمو خلاص
عند الرجال جاء الشيخ وقامو يسلمون وجلسو
ليما كانت تشوفهم من فتحه صغيره راحت ركض
ليما جت وهي تتنفس بسرعه : الجود الجود الشيخ جاء
الجود : هاه وش جاب الشيخ
نادين : جاء يسلم عليك ويروح وش جابهه يعني عشان تخطبون وتملكون
قامو البنات يضحكون
الجود : كذا بسرعه وش ذا
حصه نادت الجود 
ملاذ : يلا روحي عشان توقعين
راحت الجود وراها ليما
جت عند الباب شافت مجيد وعبد العزيز وابوها ماسك الدفتر
مد لها ابوها القلم : يلا وقعي
مسكت القلم وهي ترجف  ومتوتره شافت توقيع مطلق وتوترت زياده وقعت وتركت القلم  جاء ابوها باس راسها: الف مبروك ي بنيتي الله يسعدك ويخليكم لبعض وراح للرجال
حصه قامت تزغرط وتبكي وعبد العزيز ومجيد يطقطقون عليها
عبد العزيز : شف شف مستحيه توقعت كل الناس يتزوجون الا الجود
مجيد : هههههههههههههه يلا عشان تشوفين زوجتس
الجود : ماتضحكون انت وياه انقلعو ومشت الجود داخل وقامو يباركون لها
دخلت غزيل وقامو يسلمون عليها وغزيل ما احترام ينادونها جدتهم
غزيل : وش السالفه  وش بلاكم تباركون
رهف : هلا بعمتي مطلق ملك على الجود
غزيل : ماشاءلله ي بنيتي الف مبروك
راحت الجود تبوس يدها : العب يبارك فيك ي جده
وراحت عند البنات يسولفون
ملاذ : ماشفتيه
الجود : لا ماشفته ليه
ملاذ بغمزه : مايصلح لازم يشوفتس
الجود : انقلعي انقلعي
عند الرجال قاعده يضحكون على مطلق وبعد ماخلصو راح الشيخ وقامو يسولفون
طلال : راح ي ياسر خذ الدله يسوون قهوه اعجل علينا
ياسر : ابشر  اخذ الدله وراح ركض ما انتبه للموياء الي على الارض وطاح
جاء مطلق يركض شاف ياسر طايح  طاح عليه وقام يضحك
ياسر : اههه ي ظهريي
مطلق  وهو يمسح دموعه من الضحك : ههههه دبشه انت
ياسر : ظهري ماني قادر خذ الدله كلهم يسوون قهوه بروح اغير
اخذ مطلق الدله وهو يضحك  وقف عند قسم الحريم : ي ولد ملاذ
رهف : ملاذ شوفي مطلق
فز قلب الجود علطول : وش بلاني انا
قامت ملاذ  استوقفها صوت
الجده غزيل : قومي ي الجود شوفي زوجتس وش يبي اقعدي ي ملاذ
حصه : يلا ي الجود قومي
الجود بهمس : ليه انا ليهه
قربت ملاذ واخذت عطر الجود من الشنطه وقامت تعطرها وغمزت لها : يلا ي حلوه روحي زوجتس لا يصعب
راحت لمطلق : سم ي مطلق
مطلق كان متكي على الجدار قام يتنحتح : سم الله عدوينك وين ملاذ
الجود : جدتي غزيل قالت لي روحي بدال ملاذ
مطلق : يلا اجل جهزي القهوه واذا خلصتني ناديني
الجود : كيف اناديك اقعد بالمطبخ لين اخلصها واخذها ورح
عطها مطلق القهوه ودخل وراها
قعد يناظرها  وتوترت الجود من نظراته لها
دق جواله وقال فرصه : هلا والله ارحبي ي قلبي كيفتس
سيف : وش سالفتك تكلمني كاني بنت مضيع
مطلق : حتى انا والله اشتقت لتس ابشري جايتس باليل
سيف : مرجوج انت
مطلق : مع السلامه
سكر لقى الجود معقده حواجبها
مطلق : وشفيتس
الجود : لا والله من ذي الي تكلمها ولا تقولها اشتقت لتس  بعد
مطلق : اقول للي ابيه
الجود : لانك رخيص
مطلق فز بسرعه ومسكها وحطها على الجدار ومسك فكها بعصبيه: اقسم بالله لو ماغيرتي اسلوبك معي لا اربيك فاهمه
الجود دمعت : مطلق تكفى اتركني اوجعتني
ملاذ جت وشهقت وخرت مطلق : صاحي انت احد يتعامل مع زوجته كذا
مطلق وهو يرص على انسانه : انتي مالك دخل انقلعي
ملاذ : اسمع لا تخليني اقول لابوي عاد
لفت ملاذ على الجود : مسحي دموعتس وروحي خلي القهوه انا اجهزها
راحت الجود واستوقفها صوت مطلق
مطلق بعصبيه : تعالي خلصي القهوه وانقلعي
ملاذ : مطلق خلاص عاد انا بسويها
مطلق رص الى اسنانه : انا قلت الجود تسويها يعني الجود
جت الجود : خلاص ملاذ روحي انا اسويها
ملاذ : سويها بس ماني رايحه من عندتس لا يسوي فيتس شي
مطلق : اضر زوجتي
ملاذ : ما استبعد عنك
قعد مطلق ينتظر القهوه تخلص
ملاذ بهمس للجود : اسمعي ترا مطلق يحبكك والله بس هو مشكلته عصبي
الجود سمعتها ولا وردت خلصت القهوه وعطته لمطلق بقرف
مطلق : مشكوره
الجود راحت ولا ردت

______________________________________
ارحبو كيفكم وش مسوين هل مره غير طولت لكم البارت استمتعو  لا تنسون تدعموني وان شاءلله الروايه بتعجبكم وادري مطلق ينرفز بس لازم نصبر عليه شوي يمكن يتغير ويمكن لا 🤣 المهم اشوفكم على خير ببارت ثاني